بتفكر و لا لأ ؟
منذ عدة ايام جلست امام صفحات الفيسبووك لأجد مجموعة جديدة تكونت لمنع الاختلاط في الجامعات ... و اقترحوا ان يكون هناك يوما للفتيات و اخر للفتيان ... لم اتفهم ما هو الهدف من منع الاختلاط في الجامعة
و هل الجامعة مكان من المفترض به ان يكون مرتعا للشهوات و للنظرات الخبيثة ... اليست الجامعة محراب علم و بحث لا فارق داخل اسوارها بين ذكر و انثي .. الجميع طلاب علم !! لا اعرف و لكنني عندما تركت تعليقي هذا داخل الجروب تم مسحه و في اليوم التالي تم مسح الجروب تماما ... اختفي ... تلاشي
بالامس كنت جالسا علي المقهي منتظرا مجيء احد اصدقائي ... و اذ بي استمع لأصوات غريبة من تليفون محمول يحمله مراهقان ... اصوات قبيحة ... نظر احدهم للأخر و سأله سؤال و هو في غاية الدهشة ... هما ليه لابسين جزم و هما قالعين كل حاجة ... فاجابه صديقه ... علشان مؤدبين
و هل الجامعة مكان من المفترض به ان يكون مرتعا للشهوات و للنظرات الخبيثة ... اليست الجامعة محراب علم و بحث لا فارق داخل اسوارها بين ذكر و انثي .. الجميع طلاب علم !! لا اعرف و لكنني عندما تركت تعليقي هذا داخل الجروب تم مسحه و في اليوم التالي تم مسح الجروب تماما ... اختفي ... تلاشي
بالامس كنت جالسا علي المقهي منتظرا مجيء احد اصدقائي ... و اذ بي استمع لأصوات غريبة من تليفون محمول يحمله مراهقان ... اصوات قبيحة ... نظر احدهم للأخر و سأله سؤال و هو في غاية الدهشة ... هما ليه لابسين جزم و هما قالعين كل حاجة ... فاجابه صديقه ... علشان مؤدبين
و ضحك الاثنين
اليوم و اثناء تصفحي للانترنت ... وجدت اعلانا قد يكون مدفوع الاجر او لا عن شاطيء شرعي للنساء في مارينا ... اسمه لا فام اي السيدة باللغة الفرنسية و بمبالغ زهيدة يمكنك دخوله ما بين 75 جنية و 85 جنيه في اليوم
يا بلاش
و يضمن هذا الشاطيء الشرعي للنساء الاستمتاع بالتدخين و الرقص بعيدا عن اعين الرجال
و لكن في التعليقات علي الخبر ... وجدت احدهم يتبادل خبراته التكنولوجية مع الأخر ... علق احدهم قائلا ... انا ممكن اشوفهم من الجووجل ايرث ... فأجابه الأخر ... انا فعلا عندي لقطات قريبة جدا للنساء بالبكيني علي الشواطيء من الجووجل ايرث .. ده اختراع ممتاز
ما الرابط ما بين كل هذا ... اقول لك انا ما الرابط
في ناس بتفكر من فوق ... و ناس بتفكر من ... اكمل انت
اليوم و اثناء تصفحي للانترنت ... وجدت اعلانا قد يكون مدفوع الاجر او لا عن شاطيء شرعي للنساء في مارينا ... اسمه لا فام اي السيدة باللغة الفرنسية و بمبالغ زهيدة يمكنك دخوله ما بين 75 جنية و 85 جنيه في اليوم
يا بلاش
و يضمن هذا الشاطيء الشرعي للنساء الاستمتاع بالتدخين و الرقص بعيدا عن اعين الرجال
و لكن في التعليقات علي الخبر ... وجدت احدهم يتبادل خبراته التكنولوجية مع الأخر ... علق احدهم قائلا ... انا ممكن اشوفهم من الجووجل ايرث ... فأجابه الأخر ... انا فعلا عندي لقطات قريبة جدا للنساء بالبكيني علي الشواطيء من الجووجل ايرث .. ده اختراع ممتاز
ما الرابط ما بين كل هذا ... اقول لك انا ما الرابط
في ناس بتفكر من فوق ... و ناس بتفكر من ... اكمل انت
posted by karakib at 3:56 ص
38 comments:
الفيس بوك ده مرايا بتعكس المجتمع المصري بحلوه و بزفته
و الجروب اللي انت قولت عليه ده مش اول جروب بيعكس الهوس الجنسي اللي اصاب الشعب بمختلف اعماره و ثقافاته
عارف المراهقين اللي انت قولت عليهم..لسه شايفة زيهم النهاردة واقفين فدام الصيدليه مبحلقين..قومت روحت ابحلق معاهم..لقيتهم مبحلقين في بعض المنتجات اللي خاصة بالسيدات و المنتجات دي عليها صور سيدات بالملابس الداخلية وكدة
طب دول مراهقين و ممكن نلتمس ليهم العذر..امال الكبار العاقلين حلهم ايه؟ يا ريت لو تدخل الجروب بتاع جملة "احترم نفسك" بتاعة مجلة كلمتنا...هناك بقى هتشوف ناس مهووسة بالجنس بشكل مريع...ادخل و اتفرج...واحد بيثار من توكة الحزام اللي بتلبسه البنات :)..و واحد يقولك الجعان لو لفى لحمة لازم ياكلها و الا ميكونش طبيعي!
و بعد كدة التدخين و الرقص حرام!! يبقي ازاي يسموه شاطىء شرعي؟
انا مش عارفة الناس دول عايزين يخالفوا الطبيعة ليه؟ ربنا خلق ادم و حواء..ذكر و انثى و الاختلاط لازم علشان نتعرف على بعضنا و نقرب المسافات.
معلش طولت عليك..اصلي مابؤوة و لما قريت التدوينه زودت الطينة بلة.
المهم..انت عامل ابه؟ اخبارك ايه؟ :)
بقولك ايه سيبك انت بس من الكلام ده انا هعمل جروب على الفيس بوؤ ده اسمه هريدى للهلس جاى هههههههههههههههه
بجد انا بقيت كل يوم اسمع حاجات غريبه بس عاوزة اقولك الاتنين المثلين عكس بعض تماما ولا ايه رايك
السلام عليكم ورحمة الله وبركاته :
بالنسبة لموضوع الاختلاط في الجامعة فأنا أتفق أننا يمكن أن نوجد له حلول جزئية مثل ( مدرج أو جزء من مدرج ) للأولاد وآخر للبنات .
لكن بالتأكيد أنا أرفض فكرة يوم ويوم .
باقي الشواهد ليس لي تعليق مباشر عليها ولكن تعليقي على فكرة المقال كله أن هذا الوضع الذي نحن فيه الآن سببه الأول هو ابتعادنا عن الدين .
توجيه نبوي :
يا علي لا تتبع النظرة النظرة فإنما لك الأولى وليست لك الآخرة .
جزاكم الله خيرا
والسلام عليكم ورحمة الله وبركاته
حاجة بقت مملة يا هاني
الناس بقت فاهمة التدين بصورة غريبة
يعني كفاية إزدواجية شاطئ شرعي للإستمتاع بالرقص و التدخين بعيد عن أعين الرجال !!!!!
hhhhhhhhhhhhh
معنديش شك ان في ناس بتروح الجامعة علشان تحب و تتصاحب و تبلطج على حس مشوار الجامعة و كنت بشوف بعيني في عين شمس بزار للحبيبة اسمه شهير تقريبا العيال هناك ميعرفوش شكل المدرجات
لكن ده مش معناه اننا نفصل بينهم لانهم حيتقابلوا حيتقابلوا
--
الاخطر ان الست اللي بتدخل شاطئ خاص بالسيدات بتتخلى عن اي حرص و تبرطع على اساس اننا ستات زي بعتشينا
و لكن المذهل ان الستات بتصور بعض و تعرض الصور دي لاصحابها من الرجال على سبيل التندر و الفشخرة
حاجة تحمل اخر مقطع من الكلمة السابقة
تحياتي
اكتر شعب هنده هوس بالجنسو هو برضه اكتر شعب يعتبره ضمن التابوهات!..كعادة التناقض المصري
تحس ان فيه عقول يرتع فيها المرض النفسي لدرجة نقلتها من تصنيف الانسان لحاجة تانية
Moon-baby
الموضوع بيزنس لو كنا بنتكلم عن الشاطيء الشرعي ... بس المشكلة انه كدة في حاجة غلط
انه يكون وسيلة الدعاية لهذا المكان بالشكل ده .. يبقي اكيد في حاجة غلط
لأ
حاجات كتير غلط
الازمة مش في المراهقين .. الازمة في الرجاله الكبيرة اللي بشنبات و بيعملوا نفس اللي بيعملوا المراهقين
الكبت الجنسي مش بسبب قلة ممارسة الجنس او عدمه
في ناس لا تمارس الجنس و ليس لديها كبت و اخرين يمارسونه و بكثرة و لديهم كبت
المشكلة انه في ناس لديها شعور دائم بأنه الجنس شيء سييء و نجس و قذؤ مع ان مش هي دي الحقيقة ... الحقيقة انه الشعور ده هو اللي بيسبب الكبت الجنسي
appy
انهو مثلين ؟؟ مش فاهم قصدك علي اي امثلة
انا مشترك في الجروب طبعا بس اهم حاجة يكون تامر حسني فيه
ههههههههه
أبو أسامة - مدونة كباية شاي
كلمة له حلول جزئية توحي لي بأن هناك مشكلة في الاساس و نحن نبحث لها عن حلول
الحقيقة انه فكرة تقسيم المدرجات او يوم و يوم بتعمق فكرة انه في مشكلة في الاختلاط ... الاختلاط دي مش مشكلة دي ضرورة يا استاذي العزيز ... لازم الذكور تشوف اناث و ده شي لا توجد فيه اي نوع من انواع الخطورة خصوصا لو كنا بنتكلم عن جامعة ... مكان للعلم مش أي حاجة تانيه ... التمييز الوحيد فيه بيكون في العقول ... في واحد بيشرح لأنه لديه علم و في ناس بتسمع لأنها محتاجة العلم ده
يقعدوا جنب بعض او بعيد عن بعض يبقي ده بيخلينا نزوغ عن الهدف الاساسي لهذا المكان و نعتبره مكان هلس و الشباب اللي فيه عايزين يقعدوا جنب البنات علشان ... و العكس صحيح
و ده طبعا غير صحيح
اما عن ابتعادنا عن الدين فأنا ليا رأي اخر في هذا الموضوع يا سيدي
الناظر الي هذا المجتمع من الخارج سيراه مجتمع ملتزم جدا ... اما الناظر المتعمق لهذا المجتمع سيجد لديه اهتمام بالمظهريه بشكل يقترب من الهيستريا سيجد لديه اكتئاب جماعي و ليس تدين
سيجد لديه تعصب و رفض للأخر في كل شيء
سيجد شماعات كثيرة نعلق عليها تأخرنا مثل المؤامرات الاجنبية ... و الغرب .. و الابتعاد عن الدين ... و الاختلاط ... الخ الخ الخ
في حقيقة الأمر ... هو موروث ثقافي مرعب يكرس ان الانثي جسد فقط ليس لها عقل و دي مصيبة
لأن في الجامعه و في اي مكان الانثي مش جسد ... هي عقل و جسد في نفس الوقت
تماما كالذكور
و ده رأيي قد يحتمل الخطأ ... و لكني اراه صوابا
يَحيى المِصري
سؤال بقي يا صديقي ... هو ايه المشكلة ... ما اللي عايز يرقص يرقص و اللي عايز يدخن يدخن و اللي عايز ما يشفش رجالة و لا ستات ما يشفهمش
و اللي عايز يبقي متدين يتدين و اللي عايز يعمل اي حاجة ما يعملها
بس يعملها
قدام كل الناس
مش هي دي الحرية ... انه اللي عايز يعمل حاجة يعملها في العلن
و ما يستخباش من عيون الناس
ايا كان الناس دي ذكور او اناث
الحاجة اللي في العلن عادة ما بتكون كويسة و الحاجة اللي في الخفاء غالبا ما بتكون ... مش كويسة
ايا كان الحاجة دي ايه
و لا ايه رأيك ؟؟؟
كلبوزة لكن سمباتيك
يا فندم لما نفصل ما بينهم اكيد هيتقابلوا هيتقابلوا زي ما بتقولي
بس هيتقابلوا في الخفاء و هما عندهم احساس انهم بيعملوا حاجة غلط ... و غلط بغلط بقي
----
كلامك في المقطع التاني معناه انه الاناث بتعمق تلك الثقافة الذكورية و لها دور هام في ذلك
تعميق فكرة انه الانثي جسد و فقط جسد
شيء مؤسف فعلا
و السؤال المهم ... هو الرجل كمان مش جسد .. اشمعني بقي الستات بس !
مين قال انه الرجاله اجسادهم مش مثيرة !! المشكلة الناس اتربت و اتعلمت ايه !
sarah la tulipe rose
مصيبة يا سارة انه الناس تشوف الانثي جسد و فقط جسد و انها تشوف انه في الجامعات ... حتي في الجامعات ... اللي بنستخدم فيها عقولنا و امخاخنا مش اي حاجة تانيه برضه نعتبر الاناث اثارة متحركة
أزال المؤلف هذا التعليق.
هاني انا هأعلق لسببين
الأول غريب جدا موضوع الجروب ده هو يعني الاختلاط والقباحه مش بتطلع غير من الجامعه ... طيب ما أنا كنت في الجامعه وكليه عمليه يعني طول النهار مع بعض 5 أيام في الاسبوع والدفعه كانت 82 شخص ومع ذلك خيالنا ما صورلناش أن واحد فينا يرتبط بواحده أو يعمل معاها غراميات ... طول ال5 سنين
ثانيا ... موضوع الشاطئ الخاص ده بعيدا عن العقول المريضه ده شئ في منتهي الروعه
تخيل وأنت قاعد علي البحر كده لقيت واحده محجبه جات جنبك وقلعت هدومها ونزلت البحر بمايوه ... الموضوع مؤذي بصريا ... وفيه تناقض نفسي وديني واخلاقي وكل حاجه
واحده زيي بتلبس حجاب ... واسكندريه بأموت في البحر ... أتمني مكان فاضي ألبس براحتي وأنزل الميه واستمتع ببحر ربنا.. من غير الكام جمله بتوع حرام ورجاله أغراب ومش عارف أيه ... وموضوع شاطئ نسائي ده فعلا كويس
ولعلمك أنا روحت مع صديقاتي وكنا مبسوطين ... الفكره مش رقص وسجاير خالص ... الفكره أنك تعرف تستمتع بطبيعه ربنا من غير مضايقه أو حرج
يعني أحنا هانعمل بالرجاله أيه
:)))
بأقولك ايه ... أنت لسه واخد بالك أننا مجتمع مريض وبيفكر من أماكن غريبه؟
تحياتي
شئ يكسف بجد
معنديش كلام تانى أقدر أقوله ياهانى!
على فكرة زي مافي نشر غلط لالافكار في الحياة اكيد في برضه استخدام غلط للتقنية فماتشغلش بالك و سيبها على الله
تحياتي
اقصد الوقت اللى فيه الناس بطالب
بمنع الاختلاط
واولاد تانيه عاوزه تتجسس على البنات
انا بصراحه مع شاطئ خاص والله بجد للبنات
يعنى التناقض فى الافكار يا هانى فهمت لو مفهمتش صفر انا هاجي
وطبعا تامر موجود هو احنا لينا الا هو هههههههه
طبعا ضد منع الاختلاط في التعليم الجامعي
لكن بالنسبه للشواطئ ولان المجتمع طبيعته اتغيرت
ممكن اعزمك انت وخطيبتك او زميلتك او جارتك وهاتها بمايوه في اي شاطئ عام تختاره
بس المسئوليه القانونيه ها اكون عليك
ان مكنش يتعمل عليها شوربة:)))
من العجمي الي ابوقير
الكلام ده انتهي وخلي بالك ان الكلام ده ملوش علاقه نهائيا لا بالاسلمه ولا بالوهابيه ولا بالبطيخ
ها تلاقي قائمه المتحرشين صنايعيه وطليه وعيال ثانوي.. وزوار من الاقاليم
ولانه مش عملي النزول بكامل الملابس تبقي الفكرة مش وحشه ولا غلط
ولا تموتونا وتروحوا انتوا البحر:((
وبعدين اول مرة اعرف ان جسد الراجل بيتبص له بأمارة ايه:))
واديك شفت نزلوا في شاطئ خاص ولا المحميه الطبيعيه وبرضوا بيتجسسوا عليهم !!يبقا لما المرض يخلص ترجع الناس تنزل شواطئ مختلطه
تحياتي
حلو اوي بجد احساسك عالي مووووت
وفعلا نهاية المقال تحفة اوي
بس فعلا برضة في ناس في المجتمع بتاعنا عاملين زي عادل امام ما قال:سابو الجيش والانجليز والمماليك وقعدو يمضو على اطباق!
ربنا يوفقك
انت عارف ، المفروض فعلا ميبقاش في اختلاط في الجامعات .. بس مش بين الذكور و الاناث .. لا ده يكون بين الناس اللي جاية تتعلم فعلا و الناس التانية اللي بتستغل المكان اللي المفروض انه هو للعلم لحاجات تانية ملهاش ادنى صلة بالعلم .. و الناس التانية دي هم اللي خلو فكرة المجتمع عن الجامعة تكون بالشكل ده ، يعني المفروض يكون فيه بروتوكولات صح لدحول الجامعات ، مش اي حد جايب مجموغ او معاه فلوس يقدر يدخل الجامعة ، لازم يكون في اختبارات و مقابلات من كافة الانواع لدخول اي جامعة و اي تخصص و لاي معهد علمي بشكل عام عشان اللي داخل يبقى عارف قيمة اللي فايده و ميضيعوش في حاجات فارغة.
في أمريكا زمان كان كل طلاب الجامعات بخوضوا البروتوكولات دي ، و كمان بيدفعو المصاريف لنفسهم بحاجة اسمها القروض الفيدرالية، الايام دي بقى فيه أولياء امور كتير بيساعدوا ولادهم في المصاريف او يدفعوهالهم كاملة ، و النتيجة ان في ابحاث حاليا في أمريكا بتتم عشان فصل البنات عن الاولاد!! و هم بدؤا تنفيذ ده فعلا في بعض المدارس الثانوية و المعاهد .. تصور ؟!
في الكفة المقابلة ، أنا الكلية اللي انتمي لها كلية خاصة و مصاريفها غالية جدا و بتتمتع بمستوى تعليمي عالي جدا .. فعشان ادخلها قدمت على منحة و خضت تقريبا 5 اختبارات علمية و سيكولوجية و 3 مقابلات .. و لان الناس معهاش كل الفلوس دي فمعظم الطلبة التانيين اللي فيها داخلين بمنح برضه .. نتيجة دا انك تحس انك في مكان فيه عباقرة .. مثلا اللي نشر ديوان شعر كامل و اخد عليه جوايز و هو لسة في سنه اولى او بنت سنه اولى برضه راحت summer graduate school في اكسفورد جابت B+
و دي مش عبقرية و لا حاجة كل ما في الموضوع انهم واخدينها جد :)
.. و طبعا في رجالة أجسادهم مثيرة جدا .. أمال توم كروز مثلا يبقى ايه ؟! 8)
على فكرة أنا عملت مدونة ^^ يو أر إنفيتت .. كليك أن ماي نيم :))))
عقولهم في أعضائهم التناسلية
انما الامم الاخلاق ما بقيت
فإذا هم ذهبت اخلاقهم ذهبوا
Damak khafif ya asmak eih
ما اللي عايز يرقص يرقص و اللي عايز يدخن يدخن و اللي عايز ما يشفش رجالة و لا ستات ما يشفهمش
و اللي عايز يبقي متدين يتدين و اللي عايز يعمل اي حاجة ما يعملها
بس يعملها
قدام كل الناس
مش هي دي الحرية ... انه اللي عايز يعمل حاجة يعملها في العلن
و ما يستخباش من عيون الناس
ايا كان الناس دي ذكور او اناث
**********
لو ده تعريف الحريه يا هانى
ايه هو تعريف الفوضى بقى؟
عن الشواطئ الصراحه ماليش فيها وهما كم مره يتامى اللى رحت فيهم المصيف
الجامعه بقى انا قعدت فيها اكتر ما خلق الله بيقعدوا وده بسبب طول فترة الدراسه مش عشان كنت بدبلر ولا حاجه:)
المهم حكاية محراب العلم دى مش دايما والله
هى فيها العلم كأحد المكونات من ضمن يعنى حاجات تانيه كتير ملهاش علاقه بالعلم اللهم الا العلم بالشئ
عندنا فى الكليه كنا بنحاول البنات تاخد مدرج والولاد ياخدوا مدرج والمدرج او الصف اللى ف النص كان بيبقى مشترك لو العدد زاد واعتقد ده شئ مقبول
لانه لو فيه نص مدرج فاضى ايه يضطرنى اقعد جنب بنت؟وده كان من نفسنا من غير ما حد يعلن ان ده قرار
عاوز بس ابدى اعتراضى على موجة التعميم اللى بلاحظها فى كل مكان دلوقتى عن صفات الشعب المصرى الى مابقاش عاجب حد,ده مش ف كلامك بس فى بعض التعليقات
مقولتك الختامية لخصت كل شىء يا عزيزى
فعلا ناس بتفكر من فوق و ناس بتفكر من ت ح ت
و احب اضيف
نا س ماشية ورا .... كمل انت بقى
احلى حاجه فى موضوع الجامعه ده
انى كنت هاخد2او3 ايام اجازه فى الأسبوع اللى هما بتوع الولاد
غير يومين رسمى
يبقى 4 او 5 ايام
الله يرحم قاسم امين
Basma
مش فكرة لسه واخد بالي يا بسمة
الفكرة انه الخبر من جوا مالوش معني
و الغريب انه عاجب ناس
و الاغرب انه في ناس بقيت عايزة تخلي كل حاجة متفصلة علي مزاجهم
مش عادي ابدا
Lasto-adri *Blue*
و يضحك :) يعني حاجة تضحك اننا نلاقي ناس مصدقة نفسها بالطريقة دي
بنت القمر
ما هو في نقطة مهمه يا بنت القمر
ان شاء الله هاكتب عنها قريب
وجود شاطيء خاص بالنساء و عربية ليهم لوحدهم في المترو مش علاج و لا حل
ده علاج اثر جانبي للمشكله
ايه هي المشكلة ؟؟ ان الدنيا زحمة
اكيد انا كمان كرجل مش عايز اقف مزنوق في المترو ... مزنوق في ستات او رجاله
يبقي نعالج الازدحام
نكتر عربيات المترو و الشواطيء
مش نعالج الاثر الجانبي و نقول هو ده الصح
لأ
لازم نعالج المشكلة الحقيقية
سلوك الناس في الزحام بيبقي عنيف بشكل عام
و ده شيء معروف لكل الناس و التحرش الجنسي احد اشكال العدوان
التحرش االجنسي مش لأشباع رغبة غريزية ما
ده بيكون نوع من العنف الموجه للأضعف
يوميات نائمة في الأرياف
شكرا
Alien Purlo
مبروك المدونه
كل مرة اتكلم معاكي او اقرا تعليقاتك بابقي مبسوط انه في حد قادر انه يحلل بهذا العمق و يصل لهذة النتائج المبهرة
انا معاكي
لازم نعمل منع اختلاط في الجامعات بالاسلوب اللي بتقولي عليه :)))
على باب الله
اكيد
ده لو كان عندهم عقل اساسا
Baher
صح
ذهبوا
ذهبوا الي مارينا شاطيء لافام
tarek aylouch
الله يكرمك يا باشا
محمد على الهنداوى
طبعا التعميم بشكل مطلق
خطأ مطلق
اما عن مفهوم الحرية فانا شايف ان هي دي الحرية المطلوبة
دي وجهة نظري
كل واحد يعمل و يلبس اللي هو عايزه ما دام ما فرضش علي اللي حواليه لبسه
اللي عايز يلبس عريان يلبس اللي عايز يتغطي كله يتغطي كله
كل واحد يعمل اللي هو عايزه من غير خوف
اما عن تعريفات اخري للحرية
فالحرية حرية ليست لها اي تعريفات غير انك حر ما لم تضر
و الضرر مش اني اقول لك المنظر مؤذي لعيني ... لأ الضرر اني افرض عليك انك تكون زيي
بس كده
hesham
ورا بعضها بس مزنوقين في بعض :))) هههه
mariam
دي كدة ما بقتش جامعة القاهرة او عين شمس
دي كدة جامعة الدول العربية
ههههههههههههههههههههه
المشكله يا هاني ان الموضوع بيتطور
منع اختلاط
وعدين جروب يقولك
حمله لمنع المواقع الاباحية
وبعديها الجروب بتاع
حملة لا للملابس الضيقه يابنات مصر
بعدها هنبقي زي ايران
دايما الافكار بتاخد المنحني دا في فترات الضعف والتخلف
:)
إرسال تعليق
<< Home