مشادة كلامية و صوت عالي في حفل توقيع مدونات مصرية للجيب
اليوم ذهبت الي حفل توقيع مدونات مصرية للجيب عن دار اكتب للنشر و التوزيع
بدأ السيد "يحيي هاشم" مدير عام دار النشر في التقديم للمطبوعة و في وسط كلامه طلب احد الضيوف الذي عرفت اسمه فيما بعد "د.ماجد فرج" الكلمة و سأله عن مدي كفاءة التدوينات بالمطبوعه و عن "احمد مهني" المسئول عن الاعداد و التحرير و تطرق الي الحديث عن تدوينته التي اثارت الجدل في عدة مدونات و اسمها عفوا سيدتي و التي قال "احمد مهني" انه اسيء فهمها و انه قدم عدة اعتذارات عنها في مدونته و اتبعها بعدة تدوينات ليوضح ما كان يريد أن يقوله ... و لكن للأسف لم اجد هذة التدوينات علي مدونته لأنه مسحها ... هي و التدوينة مثار الجدل ايضا
يحيي هاشم
طلب الاستاذ "يحيي هاشم" من "د.ماجد فرج" و بعض الضيوف تأجيل المناقشة الي ما بعد حفل التوقيع و بالفعل تمت المناقشة بعدها بصوت هاديء لمدة لا تزيد عن خمسة دقائق ثم اتبعها بعد ذلك نقاش حاد علت به الاصوات ... انسحب " احمد مهني" من النقاش و ظل الموجودين يتناقشون بنفس الانفعال وغاب هو تماما عن النقاش ... و في هذا الوقت كنت اتحدث معه ... كان منزعجا من الصوت العالي و اخبره بعض الضيوف ان انسحابه ليس بالشيء الجيد و لكنه كان معترض علي طريقة النقاش
ماجد فرج
بصراحة اول مرة احضر حفل توقيع زي ده
posted by karakib at 11:21 م
26 comments:
يعني انت بتحنسنا ايه ده ياعم هاني ما تفسر شويه انت قولته له ايه وهو قالك ايه؟؟
وانتهي النقاش علي ايه؟؟
ولسه هو مسئول عن التحرير ولا لا
وشفت مين هناك
ايه ده؟؟!!
انت بتكتب البوست وانت بتقص ضوافرك ولا اية؟؟
من فضلك اعمل تحديث مفصل اكتر ولو فيه صور نزلها يا بخيل
انا اقدر احنسك يا قمر :) لأ مش الفكرة بس لأن هو ده كل اللي حصل فعلا
و في الصوت العالي ما بيبقاش في تركيز اوي
======
هو لسه مسئول تحرير او لأ فدي ما اعرفهاش فعلا بس اعتقد ان ده مالوش دعوة بده
========
اكتشفت لما روحت انه انا ما صورتش كتير
=======
افتكر هو المفروض يكتب عن اللي حصل زي ما قال لي انه هيعمل و انا مروح
حاولت أقترب منك واتكلم معاك بس حسيت أن فيه تحفز كدة من لمجموعة اللي كانت في المنطقة اللي انت واقف فيها
على كل كان فيه حاجات إيجابية كثير وخاصة إن وقت الزعيق ده كان لحظي في الأول وفي الآخر
لكن الإيجابيات كانت أكثر وبعدين نفسي أعرف وجهة نظرك في تصرف الناس اللي أثاروا المناقشة بالطريقة دي
عصفور المدينة
علي فكرة انا عارف شكلك .. و انا واقف هناك كنت عمال اشبه جامد بس في نفس الوقت ما كنتش مجمع لأني كان بقي لي كتير مش نايم و الدنيا كانت فعلا حر
طبعا رأيي انه النقاش مهما بلغت حدته و اختلاف الاراء فيه لازم يكون باسلوب هاديء
بس لازم ما انساش انهم حتي لو اسلوبهم كان شديد اللهجة الا انهم كان لهم رأي و كان لازم يتجاوب عليه
انا مش باحكم علي حد انا باتكلم عن اللي انا احب اعمله و لما اتكلمت مع احمد مهني في الاخر كان الكلام في منتهي الهدوء و قلت له كل اللي عايز اقوله و اني مختلف معاه تماما و كليا و جزئيا
المجموعة اللي كانت واقفة في المنطقة اللي كنت فيها هما اللي كانوا بيتكلموا فعلا عن التدوينه بتاعة احمد مهني
بالنسبة لوقت الزعيق القليل فأنا شايف انه كان مخلي الجو متوتر معظم الوقت
لكن لا شيء يخلو من ايجابيات طبعا
شكرا ليك يا هاني كنت حابب أوي أسمع منك الكلام ده لأني كنت ملاحظك جدا
وحاسس إنك ليك رؤية مختلفة على الأقل في طريقة النقاش وانا اضطريت إني أسأل ناس عن موضوع النقاش لأني كنت مش ملم بيه وقابلت أحمد في البورصة وهو كان بيقول إنه رجع في الرأي ده يعني تقريبا يفترض مفيش موضوع لأن ربنا بيغفر للي بيغلط يبقى احنا مش آلهة بطريقة المحاكمة اللي انا شفتها وانزعجت منها جدا وانت ربما مش عارفني أوي بس مش باحب الصراعات أكيد حتيجي فرصة تانية إن شاء الله نتقابل في مناسةب اخرى أنا فوت ورشة العمل بتاعة الإيدز لظروف العمل كانت حتبقى فرصة
وبجد انا باحترم آراءك كثيرا
عصفور المدينة
يا فندم انا اللي شاكر جدا لأهتمامك :) انت نورت المدونة
كانت هتبقي حاجة حلوة اوي اني اشوفك في ورشة الايدز .. بس مش لازم نتقابل في ورش عمل .. ممكن نقعد عالبورصة برضه او في اي مكان :)) ابقي اسأل ابن عبد العزيز انا كنت لسه باقول له عنك ايه
انا كمان باحترم اراءك كثيرا
تصدق بنت القمر عندها حق
يا بخيييييييييييييييل
لما قريت الجزء ده فى الريدر قلت اروح بقي بيكيا اقرا الموضوع كامل مكنتش متخيله ان ده البوست كله
"وش متغاظ"
لو كنت فى مصر كنت حاجي عشان اشوفك اكيد وكمان كان نفسي اشوف احمد القاضي
وانا مع الناس اللى اثارو المناقشه بصراحه لان مهنى من وجهه نظري مش مناسب لانه يبقي مسؤول عن موضوع زى ده هو ليه افكار ومعتقدات متزمته الى حد كبير وهو حر لكن مينفعش يبقي مسؤول تحرير عن كتاب للمدونين وهو متشدد بالشكل ده لان المدونين خليط متنوع جدا وعشان يتقدمو لاوم يتقدم الخليط ده اللى بيتكلم فى كل حاجه بأي اسلوب ولما يكون المسؤول شخص زى مهنى اكيد حيحشر الاختيارات فى نوعيه معينه من الكتابات وكان نفسي فعلا اشتري الكتاب عشان اعرف ايه اللى اتنشر ونوعيته
الهي يسترك يا اخويا حن علينا واكتب شويه تفصيل عن الكتاب نفسه يعني انا واحده متغربه ومش حاعرف اشتريه
:))
يا بخيل
;)
انا حضرت معاكم و نتيجة الحر مشيت قبل ما يخلص الكلام عن المدوناتو كنت عايزة اعرف هل فعلا تم النقاش فى الموضوع ده بعدها ولا لا
و لما سالت ناس كانوا هناك قالوا محدش اتناقش ولا حاجة
و انت كمان اهو كنت موجود و بتقول ان النقاش كان لمدة خمس دقائق و مش موضح اى حاجة
يمكن كلام عصفور المدينة وضح ان احمد مهنى اقر بغلطه
بس كنت اتمنى ان الاقرار ده يكون علنى وسط المدونين نتيجة النقاش المؤجل
مفيهاش حاجة اننا نغلط و نصلح الغلط
لكن اننا نغلط و منقولش اننا غلطنا بنفس الصوت العالى اللى غلطنا به .. ده بقى اللى غلط
على فكرة انت فرمت ليا رجلى فى التوقيع :)
أزال المؤلف هذا التعليق.
ازيك يا هانى
انا استخدمت صور من عندك بعد إذنك
والى عايز يعرف الموضوع بتفصيل اكثر
ممكن يقراة عندى
انت كنت عامل لينك وكنت انا غلطت فى الاسم وانت نقلتة منى زى ما هو
تصحيحية احمد مهنى مش بسيونى
عندك حق
انا اول مرة اشوف حفلة بالمنظر ده
وكنت موجودة و استفزنى الحفل بهذا الشكل
أزال المؤلف هذا التعليق.
Nsreen Bsunee
بصراحة يا نسرين انا مش قادر احكي اللي حصل لأنه صعب جدا و يضايق
قوس قزح
لأ مش ممكن ! انا مافرمتش رجل حد :)) لو حصل فعلا يبقي حقك عليا
hartaka
يا فندم ما دام ذكرت المصدر يبقي خد اللي انت عايزة
شيمـــــاء
يعني حاجة فريدة من نوعها
كويس انه مش رأيي انا وحدي لأني شايف معظم الناس متجاهلة الحدث اللي خد اكتر من تلات اربع وقت الحفل !!
شكرًا يا هاني قوووي ، إنتا مش شايف الجزء الفارغ من الكوب فقط،< إنتا جتقريبًا مش شايف الكوباية نفسها، أنا كنت معاكو على فكرة، وسمعت الدوشة واتضايقت جدجًا إنه الموضوع اتفتح أصلاً ، وكان نفسي أبقى ع المنصة عشان أقفل الكلام فيه ، بس مش معنى كده إن ده حفل التوقيع !!!
........
على كل حـال يا سيدي اللي يعيش يا ما يشوووف
كان يوم حلو قووي على فكـرة ... رغم كل شيء
تحياتي
(على فكرة والله دي مش دبلوماسية بالمرة، لكن ده إحساسي وإحساس أصدقاء كثيرين بعدما تجمعنا ع البورصة)
يا ابراهيم انا رديت عليك عندك
مش ممكن كل الكلام و الزعيق اللي حصل ده نتجاهله تماما و محدش يكتب عنه اي حاجه !! ده فعلا اغرب حفل توقيع حضرته
ممكن يكون يوم حلو فعلا لأني قابلت فيه مدونين باشوفهم من السنة للسنة زيك كده ... لكن ده ما يمنعش انه الحدث ده فريد من كذا جهة
جهة منهم لم يتحدث اي احد عنها و هي المشادات الكلامية التي حدثت
انا كاتب خبر حتي مش قايل رأيي في اللي حدث جوا التدوينه
يا ريت توضح لي ما هو معني الدبلوماسيه لأني مش فاهم تقصد بيها ايه
يا سيدي حصل خير
اهم حاجة يكون الكتاب نفسه كويس
ويكون هناك فكر مقدم
الصوت العالي في كل حتة موجود
معدش ملفت للنظر يعني بدرجة كبيرة قوي
يجوز بس المكان كان مقفول شوية
خالص تحياتي
أولا .. أنا بجد كنت سعيد جدا إني قابلتك .. أنا فعلا كان نفسي أشوفك من زمان .. بس أنا إتفاجئت إن طلعلك شعر .. ههههه
ثانيا .. أكتر شيء فرحني إننا عرفنا بعض على طول
ثالثا .. عارف موضوع الصوت العالي ده أوحى ليا بإيه ساعتها؟ بإننا دايما بنتفنن في ترك صلب الموضوع والإتجاه للفرعيات .. بجد كل حياتنا بقت كده
بجد نورتنا هناك
محمد إبراهيم محروس
هو اكيد حصل خير
بس مين قال انه الصوت العالي مش بيجذب الانظار
و بغض النظر عن الصوت .. كانت اول مرة احضر حفل توقيع فيه خناقه
يا مراكبي
انا كمان كنت سعيد جدا بقائك شكلك ما اختلفش كثيرا عن الصور
اما عن شعري فانا فعلا مكسل اروح للحلاق :)) بس اكيد هاروح هههههه
بالنسبة للخناقة اللي حصلت الرجل كان بيقول في الاول هل التدوينات اللي جوا الكتاب من نوعية عفوا سيدتي ؟ هو كان بيتسائل ... الغريب انه احمد مهني اعتذر كذا مرة عن التدوينة و قال انه ما كانش يقصد اللي الناس فهمته و بعد كده شالها كمان
بس بيني و بينك يا بشمهندس احمد اول مرة احضر حفل توقيع فيه خناقة
كانت غريبة جدا
المهم اني اتشرفت بأني شفتك كانت حاجة حلوة اوي و اتمني اني اشوفك بعد كده لوقت اطول
يا هاني الاستاذ مهنى معتذرش عن التدوينة هو بس شالها
و اذا تقصد البوست اللي نزله بعد كده فده ميعتبرش اعتذار بتاتا
انا بجد مستغربة ان فيه ناس متضايقة ان المشادة الكلامية دي حصلت
هو المفروض ان لما يكون واحد بينا تفكيره بالمنظر ده يبقى عادي؟؟؟
ونرجع نتسائل ايه لالي حصل في اخلاق الناس؟ ما هو علشان واحد زي مهنى ده شايف انه ده عادي و غيره متبعينة بالمثل
دي تبقى مصيبة و حطت علينا و على مجتمعنا
HafSSa
هو قال لي انه كتب تدوينتين اعتذار و شفهيا ما دام قال انا تراجعت عن الكلام ده ... يبقي عالاقل هو حاسس انه كلامه غلط و غير مقبول
اما عن اسلوب النقاش ... فده شيء بالنسبة لي ثانوي كان اهم اللي اتقال في النقاش ... لكن ده لو كان بيكلمني انا انما مهني كان معترض علي اسلوب النقاش مش محتوي النقاش
يا حفصة يا صديقتي الجميلة
المصيبة حطت من زمان .. بس اتحط فوقها الف الف مصيبة كمان
متهيألى موضوع الخناقة موضوع جانبى اوى
لا يعبر اطلاقا عن الفرحة والنجاح اللى اتحقق
فمفيش داعى ندى له الحجم ده
ولا ايه ؟؟
Ahmed Al-Sabbagh
فعلا بيتهيألك ان الموضوع صغير لكن هو مش صغير لأنه كان يخص احد المعدين و المحررين في الكتاب و يخص تدوينة هو شخصيا اعتذر عنها كما يقول في مدونته و هذه الاعتذارات لم اجدها
ثم انه سعادتك غطيت حفل التوقيع كاملا و جبت سيرة الخناقة اللي حصلت في جملة واحدة و قلت بنهدي نفوس و كأنها مشادة كلامية لطيفة يمكن ان نجعل منها مثار سخرية
كل واحد يحكي اللي شافه
و بعدين مين قال اننا بندي الموضوع اكبر من حجمه
اولا احنا مين اللي بندي الموضوع اكبر من حجمه ؟ و ثانيا هو حجمه ده مين حدده ؟؟ عموما
نهارك زي الفل و نورت المدونه
إرسال تعليق
<< Home