الاثنين، أبريل 14، 2008

اديني لسه عايش

عندما تتحول تلك الاشياء الصغيرة الباعثة علي الفرح الي مصدر قلق و الم دائم ... عندما تبتلع تلك البذور الجميلة التي تسمي بالامل دون أن تدري انها خدعة ... تبدأ في النمو بداخلك ... ينبت لها اشواكا تؤلم و تمزق القلب و الاحشاء دون أن تظهر للأخرين ... الامل ... الالم ... نفس الحروف ... الالم ... الامل ... هي هي نفس الحروف

الامل هو الفرح ... و الالم ... هو ثمرة شائكة شبه محتملة الحدوث للامل

مرغم عليك يا صبح . .مغصوب يا ليل
لا دخلتها برجليا ولا كان لي ميل
شايليني شيل دخلت أنا في الحياة
وبكرة هاخرج منها شايليني شيل

عندما اتبعت ذلك النور الذي ظهر الي من بين سطور القراءات ... اتبعته الي العمق ... لم اكن اعلم ان الامل له نفس حروف الالم ... و ترتيب الحروف في الكلمة هو نتاج عبثي للزمن ... لم اكن اعرف ان كاتب هذة الكلمات الفلسفية العميقة مات مكتئبا

قبلها كانت امواج النسيان تأتي بعد امواج الاحزان ... و يهدأ البحر بداخلي بعد أن تمطر العيون ... اما الأن فلم يعد الاجهاش في البكاء كافيا لكي تتوقف امواج الاحزان ... او حتي تأتي امواج النسيان

الاحساس ... أه منها تلك الأفة الملعونة التي يعاني حاملها

تذكر دائما ... انك تحصل علي الحروف غير مرتبة ... و لا تملك رفاهية ان ترتبها ... الامل ... يتحول الي الالم

لا تقل لي أنه لا يجب ان تأمل مرة أخري ... فقد توقفت عن الامل .. و لم يتوقف الالم ابدا

لذا لن اتوقف عن الامل ... مهما بلغ الالم من حدة ... و مهما اخترقت اشواكه الجسد النحيل

كتبت بتاريخ 2-4-2007

! و اديني لسه عايش



23 comments:

Blogger mina said...

"قبلها كانت امواج النسيان تأتي بعد امواج الاحزان ... و يهدأ البحر بداخلي بعد أن تمطر العيون ... " عليك ان تعلم انه لا بد لك من ان تجتاز الظلمة لكى تصل للنور و كل الم اخره نور بس لازم يكون عندك مع الام امل انه هينتهى عشان تفضل عايش ..... و ربنا يديك طولة العمر :)

12:49 ص  
Blogger بنت القمر said...

يلا يا عم ربنا يديلك طوله العمر والصحه يخليك لهم في البيت
محدش بيبموت ناقص عمر
هو الحقيقه مفيش تعليق مناسب لما كتبت
افضل من كلنا هذا الرجل
ومنتش لوحدك كلنا بنعافر
الظالم والمظلوم الغاصب والمغصوب
الكاره والراضي
اما حكمه اليوم فهي
لو جالك الغصب خده بالرضا فاهمني يا مان
خده يالرضا عشان تعيش
تحياتي

1:27 م  
Blogger Islam Attia said...

علي فكره , انت لو يئست , هترتاح
للاسف الامل هو نقطة ضعفنا.

المسجون علي زمة قضية بيتعذب علشان يعترف علي نفسه او علي زمايله , بيفضل يتعذب لحد ما ييئس و يعترف , بيحس في الاول بمتعه انه صامد و انه قادر يستحمل بس الالم بيبقي فوق الوصف و فوق الاحتمال , للاسف مش هيرتاح غير لما ييأس


صحيح , شوفت فيلم الشحات ؟ , محمود مرسي.

1:43 م  
Blogger Christa said...

لا تقل لي أنه لا يجب ان تأمل مرة أخري ... فقد توقفت عن الامل .. و لم يتوقف الالم ابدا


لذا لن اتوقف عن الامل ... مهما بلغ الالم من حدة ... و مهما اخترقت اشواكه الجسد النحيل



حلوة جدا يا هانى
حاسة بيك جدا لأن لسة قريب اتحول اجمل مصدر أمل لأشد مصدر ألم عندى

لكن فعلا عدم وجود الأمل عمره ما بيلغى الألم
و طالما كدة و لا كدة موجوعين
لازم نصر على الأمل

2:39 م  
Blogger HafSSa said...

"من اسفل تراب المرار تختفي بذور صغيرة للفرح فتنبت ثمارا بطعم السعادة و لو بعد حين"
كلام واحدة قالته :)

ممكن اعلق حاجة لاسلام عطية؟
جملتك الافتتاحية اكثر من رائعة و ابلغ من حكيمة
بالفعل انه الامل الذي يمثل نقطة ضعفنا نفسي اتخلص منه
لكن مش بعرف

عندك حل؟

هاني
مش عارفة اقولك ايه
بس اعتقد اني خضيتك بما فيه الكفاية
كل كلمة
كل معنى
كل مغزى اتكتب اثر فيا بشكل مش طبيعي
فعلا نشنت يا فالح
تسلم الايادي

تحياتي

9:13 م  
Blogger مُزمُز said...

أنا ف أول البوست مكذبش عليك قلت ف نفسي حركة تشابه الحروف بين كلمتين دي اتعملت كتير وفيها ميلودراما عاليه

بس انت استعملتها صح وبطريقة جديدة جدا وعميقة جدا ووصلت للذروة بالجملة دي

تذكر دائما ... انك تحصل علي الحروف غير مرتبة ... و لا تملك رفاهية ان ترتبها ... الامل ... يتحول الي الالم

المشكلة فعلا المعروفة أن الأمل هو السبيل الأقصر للألم
كن كما نصح ألبير كامير
شخصا بلا أمل
ولا يعني هذا اليأس
لكنه يعني أن تحيا دون انتظار شئ

أنا أنصحك برغم كوني لا أفعل هذا

تحياتي لكتابتك الجميلة ونصك الشفيف المؤلم

:)

5:22 ص  
Blogger sarah la tulipe rose said...

هو صحيح احنا بنحصل علي الحروف غير مرتبة..و احيانا كتيرة بنخدع و نستلم الامل بحسن نية وبعد ما تروح البيت و تفتحه تلاقيه الم ..مجرد خطأ مطبعي!..بس زي مااضحك علينا ممكن نضحك عليه برضه و نحول الالم الي امل ..
في اشياء كتيرة فيالدنيا لا يجدي معها النسيان و لا البحر نفسه عنده نية انه يأتي بامواج النسيان..عشان كدة حلها الوحيد..التعامي عنها..و زي ما انت قلت في الاخر..المهم انك لسه عايش..وعايش بتحول الالم لأمل..

8:53 ص  
Blogger غراب said...

السلام عليكم و رحمة الله و بركاته

لذا لن اتوقف عن الامل ... مهما بلغ الالم من حدة ... و مهما اخترقت اشواكه الجسد النحيل

ربنا معاك و يعينك و يعيني أنا كمان
بجد الأمل دة حاجة كويسة اوي اوي
بس لو الواحد زودها شوية ممكن يتحول لألم
ربنا يستر و يسهل ان شاء الله و يحصل كل خير
و ربنا يديك طولة العمر

1:50 ص  
Blogger Nsreen Bsunee said...

ربنا يديك طول العمر يا هانى و بذور السعاده تنبت عن قريب انشاءلله


ازيك

9:53 ص  
Blogger مفقوعة مرارتي من حماتــــــــــــي said...

رغم ان الأمل والألم لهم نفس الحروف لكن الأمل هو حياة للقلب اما الالم فهو وجع للقلب السليم
تحياتي

10:08 ص  
Blogger bluestone said...

مبدئيا متخلنيش اقرا اي حاجة قبل النشر .. ممكن؟؟
الكلام لما بيتنشر بيبقاله بهجته .. والتعليق كمان..

مش عارفة ليه فكرتني تدوينتك دي باغنية منير اللي كتبهاله منيب
الحب ليه صاحب
والكره ليه صاحب
الحزن ليه صاحب
والفرح ليه صاحب
وانا ع الوعد متصاحب

العشق ليه صاحب
والصدق ليه صاحب
الكدب مش صاحب
الضي ليه صاحب

فاكر من كام شهر سألتني عن الكتابة .. واتكلمنا كام ساعة عنها
.. أقدر بعد التدوينة دي اقولك
حمدلله على السلامة :)

(قبلها كانت امواج النسيان تأتي بعد امواج الاحزان ... و يهدأ البحر بداخلي بعد أن تمطر العيون ... اما الأن فلم يعد الاجهاش في البكاء كافيا لكي تتوقف امواج الاحزان ... او حتي تأتي امواج النسيان )

(تذكر دائما ... انك تحصل علي الحروف غير مرتبة ... و لا تملك رفاهية ان ترتبها )
عشان كده انا بكره الكلمات المتقاطعة

كلماتك صارت اقوى
افكارك اعمق
تركيبات الجمل بقت مركزة

chapeau قوي
ودي برضه حاجة تزعل .. لما بنكتب كويس ..

7:26 م  
Blogger Sharm said...

محدش بيموت ناقص عمر

2:23 م  
Anonymous Basma said...

وهتفضل عايش... وبالأمل حتي لما تلاقيها ضلمه هينورها الامل
أوعي تيأس .. بكره تفتكر التجارب وتضحك بجد ... أسمع كلام واحده كبيره
بكره تلاقي اللي كنت شايفه ألم ده كان خير ...
أغنيه منير اللي ذكرتها بلوستون فكرتني بايام الكليه... عارف انا عايشه لسه بنفس الحلم وبنفس الامل!!!
تحياتي علي تعبيرك الجميل
وبخصوص فارس بيه هو دلوقت متفاعل جدا مع شغله اللي شاغله عن التدوين شويه
والموضوع اللي كلمته فيه ده عاوز مخمخه علشان يتلم من الشرق والغرب
عموما هأبلغه وافكره
سلام

11:21 م  
Blogger Moon-baby said...

بقالي كتير مقرأتش لك حاجة زي كدة...و اشعر بالانانية لاستمتاعي بذلك النوع من الكتابات التي تكتبها..لانها دائما تأتي كنتاج لشدة الالم ووجع الجروح....

جميلة جدا ياهاني :)من حيث الفكرة و اسلوبك في التعبير عن الفكرة و تشبيهاتك..و حقيقية اوي...الالم دائما مرتبط بالامل..

"عندما تبتلع تلك البذور الجميلة التي تسمي بالامل دون أن تدري انها خدعة .. تبدأ في النمو بداخلك ... ينبت لها اشواكا تؤلم و تمزق القلب و الاحشاء دون أن تظهر للأخرين ..." << مش عارفة ليه حسيت ان الاشواك تؤلم قلبي و توغزه.

و اخيرا، احييك على قرارك "لذا لن اتوقف عن الامل ... مهما بلغ الالم من حدة " :)

11:44 ص  
Blogger karakib said...

mina
اول مرة تنورني هنا .. شرفت المكان
من غير الالم .. مفيش امل
الاتنين وجهين لعملة واحدة ... هو ده اللي اكتشفته



بنت القمر

الغصب ... اخده بالرضا :) مش عارف اكون راضي ... بالذات لو كان عن الغصب يا بنت القمر يا قمر

1:27 م  
Blogger karakib said...

Islam Attia

لأ ما شفتش فيلم الشحات .. عندك ؟؟ لو تقدر تديني اللينك بتاعه اديهوني
انا بصراحة اثق في ذوقك في الافلام

Christa

الامل مش اختيار ... لأنه من غير امل مفيش حياة يا كريستين ... حتي لو كان مقترن طول الوقت بالالم و حتي لو كانت اجمل الحاجات بتتحول لمصدر الم غير محتمل

1:30 م  
Blogger karakib said...

HafSSa

طبعا خضتيني بما فيه الكفايه
بس عارفه
اللي حصل ده معناه اني عرفت المس احساس
اشوفك علي خير قريب ان شاء الله :)



مُزمُز
شفيف مؤلم :) الله
احيانا كده التعليقات بتبقي مشجعة و بتدي حقن تفاؤل و تشجيع مش طبيعي
شكرا يا مزمز

1:32 م  
Blogger karakib said...

sarah la tulipe rose

احيانا يصبح التعامي مستحيل
فيتحول الالم من عامل محبط الي عامل محفز علي الامل ... و الالم يبقي امل و الامل يبقي الم ... و الحياة بتمشي



غراب

نورتني يا عم غراب
شرفت المكان بزيارتك
و اتمني دوام المرور

1:36 م  
Blogger karakib said...

Nsreen Bsunee

انا كويس جدا الحمدلله :) انت عامله ايه ؟
بذور السعادة كامنة تنتظر الارض الخصبة لتنمو
مش هس دي الصفة الاهم في البذور ؟
الكمون


مفقوعة مرارتي من حماتــــــــــــي

اسمك مضحك اوي علي فكرة اوي
مالها بس حماتك !؟ ههههه
اول مرة تزوريني هنا و اتمني ما تكونش الاخيرة

1:39 م  
Blogger karakib said...

bluestone

بس أنا بحب الكلمات المتقاطعة !! لعبة الحياة فعلا

بعدين لو ماكنتيش انت اللي تقري قبل الناس يعني ... مين يقول رأيه ؟؟ ها مين يقول :)

و بعدين حديثنا من كام شعر علي الكتابة معناه انك المفروض تقولي لي دلوقتي ... مالك .. حصل ايه :) ؟؟ مش حمدالله عالسلامه

علي فكرة انا مش زعلان ... بس في احساس بيعلا
تدوينتك اللي بتكتبيها و انت متضايقة بتطلع حلوة اوي
يعني لا زال هناك اسباب للسعادة
النظرة الايجابية ... لكل شيء مميزات حتي و لو كانت قليلة اوي يا بلوستون



Sharm

محدش طبعا بيموت ناقص عمر
مين قال كده ؟ :) انا قلت كده :) ؟؟ انت قلت كده :) ؟؟؟ محدش قال كده
:)))))))))

1:43 م  
Blogger karakib said...

Basma

لو شغله الجديد شاغله و مبسوط فيه
يبقي بلاش خلاص
ربنا يوفقه و يدي له كل نجاح في اللي بيعمله ... اغنية بلوستون حلوة فعلا
بس انا صاحب كل الحاجات دي
لأني من هواة لعب هذة اللعبة
الكلمات المتقاطعة
و الاحداث المتقاطعة
لدرجة اني باطلع ابطال الروايات و اقابلهم ببعض و اقعد اتفرج هيعملوا ايه في بعض ... لعبة ممتعة جدا علي فكرة
جربتيها قبل كده يا بسمه ؟؟

1:49 م  
Blogger karakib said...

Moon-baby

الاول ما عرفتش ارد عليكي علي طول لأني كنت لازم اقوم :) المهم
بذور الامل هي هي بذور الامل
البذور تظل كامنة بداخلنا في انتظار الجو الملائم للنمو
و الجو مش بايدينا ... دور يا زمن
اسمعيها يا ماري
دي بتاعة علي الحجار
هبقي ابعتهالك
:) نورتيني يا قمر

5:15 م  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

11:56 ص  

إرسال تعليق

Links to this post:

إنشاء رابط

<< Home