السبت، مارس 01، 2008

معاً أمام الله

لاقتناعنا بضرورة اجراء حوارات وطنية او غير رسمية حول مختلف قضايا الهم الوطني و السعي المشترك لايجاد حل للمشاكل الوطنيه و تكوين عقلية حوارية في المجتمع المصري و بالاخص بين اجيالنا الشابة
و لأقتناعنا الكامل بضرورة بناء مجتمعنا علي اساس التعددية و حتمية وضع ايدينا مع بعضها بدلا من ان نستخدمها في العراك و الصراع
و لأيماننا بضرورة اعلاء الحوار كقيمة و أمل و ارضية مشتركة لانقاذ هذا الوطن من مشاكله ... و وجود ناس تقبل بعضها البعض و تستطيع ان تتفاهم مع بعضها البعض .. و ليس ان يكفر كل واحد الاخر و يقول له انا ضامن ادخل الجنة و انت مكانك في النار
و لأنه لا وجود حقيقي في الدوائر الغير رسمية لهذا الحوار ... الا نادرا او بالصدفة البحتة ... و لا رابط بين الحوارات المتناثرة ... فقد قررنا ان نقيم هذا الحوار الدائم و بدأ بالفعل منذ ما يقارب العام بمبادرة "مصارحة و مصالحة"
و جاء هذا الاسم ... لأننا وجدنا ضرورة ان يبدأ حوارنا الوطني بالتصارح حول كل ما يؤرقنا ... ثم يتبعه التصالح الحقيقي المبني علي ارضية الصراحة
لم يكن لنا سقفا في حواراتنا سوي اللغة الرصينة و احترام الاخر و قد كنا كما يهييء لي نمثل اطياف كثيرة من المجتمع المصري ما بين القانوني و الاعلامي و الطبيب و المهندس و استاذ الجامعة و الطالب
اخيرا
انا كاتب فوق كلام باللغة العربية و كلام كبير
و انا مش متعود اكتب بالطريقة دي نهائي
مش عارف كتبت باللغة العربية الفصحي دي ليه ؟ يمكن لأن مبادرة مصارحة و مصالحة حاجة مهمه بالنسبه لي
يمكن لأني شايف اننا عملنا شغل كبير ... و كتير ... و اتصاحبنا علي بعض اوي و اصبحنا اسرة حقيقية ... يمكن لأني فعلا مهتم بأنه مصر مايبقاش فيها مشاكل طائفية ... مش متأكد ليه كتبت باللغة دي
لكن متأكد انه اهداف مبادرتنا شيء مهم و فعلا حلو ... و متأكد كمان انه استطلاع الرأي المطلوب منك الاجابة عليه مهم جدا
اضغط هنا لو كنت


اعضاء المبادرة المؤسسين
شريف عبد العزيز العداله للجميع
رامي كرم لنتعدي الطبيعي
توتا توتا
ماريان ناجي القهوة العاليه
نيهال عمران زيتونة شرقية
رامز الشرقاوي عباس العبد
محمد الشموتي حارس الهاويه
سامية اليماني
رامي سيدهم اخناتون
جهاد عبد العزيز
مينا جرجس افريكانو
عبد المجيد الشهابي

20 comments:

Blogger Lasto-adri *Blue* said...

ح عملت الإستقصاء يا هانى بس هو طويييييييييييل قوى

عموما يا رب يكون بفايدة

12:53 م  
Blogger HafSSa said...

للاسف انا عملت الاستبيان على كتاب الوشوش و بصراحة طويل اوي اني اعمله مرة تانية
يا ترى هل فيه طريقة انكوا تستفيدوا من اجابتي الجبارة هنا ؟
ولا اضلا الاستبيان ايا كان مكانه انتوا حيوصلكوا النتيجة و متفوتش عليكوا حاجة؟؟

تحياتي يا باشمهندز

1:39 م  
Blogger سيكولوبيا *حكايات من العيادة النفسية said...

انا لسه معملتوش يا هانى
بالتأكيد لما ارجع من الشغل ان شاء الله همر عليه

اتمنى فعلا نوصل لحالة رصينة من التفاعل والحوار

وان نتخطى الاختلاف المزعوم

تحياتى
وصباح الخير

4:12 ص  
Blogger بنت القمر said...

انا عملت الاستبيان يا عم بس ده استبيان عنصري
حطين للمسلمين 73 سؤال والمسيحيين53 ليه بقا
ممكن كده تكونوا جايبين اسئله سهله ليكوا عشان تعدوا من الامتحان تاخدوا انتوا طب وصيدله وترمونا احنا في حقوق وتجارة!!!
زعلانه عشان كان مفروض تشركوني معاكو من الاول انا ليا اهتمام بالموضوع ده
المهم انا ها اشترك كده كده ببوست
بس لازم نفهم نتيجه الاستبيان دي مين ها يحللها ويقيمها
تحياتي

11:59 ص  
Blogger fatima said...

هانى
هتقولنا ع النتيجة إمتى ؟؟
تحياتى
و أرجو لهذا الجهد أن يؤتى ثماره

5:49 م  
Blogger sarah la tulipe rose said...

خطوة حلوة بس الاسئلة طويلة اوي..هي اهم حاجة التربية في البيت لو كل عائلة عودت ابنائها علي تقبل الاختلاف و عدم التشدد كان الحالة بقيت احسن
بانتظار النتيجة

4:37 م  
Blogger someone in life said...

hi i replied the survey i wish it is good and you can get a clear view over it .. you asked me in the last post if I have a blog or not sorry to say that I havent but can you accept my commments - regards

9:29 م  
Blogger يَحيى المِصري said...

أنا عملت الإستقصاء
هو طويل أوي و فيه بعض الأسئلة المش واضحة
بس يدفع للتفكير

10:24 م  
Blogger karakib said...

Lasto-adri *Blue*
جزيل الشكر يا بلو علي تعاونك معانا و اكيد هيكون بفايدة :)


HafSSa

الاستبيان من اي مكان بيوصل لنفس السايت بتاعنا يا حفصة
يبقي انت من اوائل الناس اللي عملوه ما دام جبتيه من الفيس بووك

1:14 م  
Blogger karakib said...

سيكولوبيا *حكايات من العيادة النفسية
نيرفانا الجميلة :) مبسوط انك هتعمليه
عايز اسمع رأيك فيه بقي


بنت القمر
بالنسبة لموضوع الاسئلة 73 و 52 كان لازم تعدي الكلمات هتلاقي الكلمات متساوية :) هههه
انت معانا طبعا مفيهاش كلام

1:17 م  
Blogger karakib said...

fatima
النتيجة .. هي النتيجة تتشاف بشكل فعلي و ملموس ما بينا اما عن نتيجة الاستفتاء فده يسأل عنه القائمين علي الاتفتاء في المبادرة :)

sarah la tulipe rose

انت فين من زمان !؟؟ ايه الغيبة الطويلة دي ؟
لعل الماتع خير يا سارة

1:20 م  
Blogger karakib said...

someone in life

طبعا تعليقاتك مرحب بيها جدا جدا و عدم وجود مدونة لديك شيء يستدعي التفكير
لأنه كل واحد ممكن يكون عنده مدونة و يكتب فيها اللي بيحب يقوله

يَحيى المِصري

بحب فيك انك دائما تري ما لا يراه الاخرين
هو فعلا يدعو الي التفكير زي ما بتقول

1:22 م  
Blogger Moon-baby said...

اولا انا مبسوطة اوي علشان الخطوة دي :)) تكملوا على خير
Go on, Guys!

ثانيا الناس بتشتكي ان ايديها وجعتها ..انا بقى عينية احولت و مخي وجعني..بس اسئلة كويسة..و ان كان بعض منها عام زي مثلا ايه رأيك في المسلمين؟ .. و كأن المسلمين كينونة واحدة.

ثالثا احب اقولك رد فعل بعض الاصدقاء الي قولتلهم على الموضوع و اللينك : واحد قاللي اننا ناس فاضية و بنحلم و بما اننا ناس "ولا حاجة" فبنحاول نكون "حاجة" باننا نظهر باننا بنعمل حاجة و احنا غير مفيدين و بنهرب من الواقع (مش عارفة انا اتاخدت في الرجلين ليه) ..و ده بيفكرني بالراجل اللي قال علينا عندنا"فلس" :))

وواحدة قالتلي انها بتجاوب الاسئلةمع انها عارفة انه مفيش فايدة(زي هاني رمزي في وجهة نظر) :)

وواحدة عجبتها الفكرة و مستنية ميعاد الندوة.

و اخيرا، انا حاسة بفرح ان في ناس مسلمين و مسيحيين وصلوا للدرجة دي من التفاهم و التفتح و التناغم و قبول الاخر..بكرة احلى بالناس دي.

10:31 م  
Blogger Epitaph said...

مممكن تعرف لنا النتيجة من الكنترول!!

done :D
long, but nice one!

thanks for such a gesture and step!!

12:17 ص  
Blogger حنة said...

انا جاوبت الاستفتاء .. بس عاوزة اقول بصراحة انا اجاباتي كانت مثالية قوي .. لأني كنت باعبر عما اعتقد .. في الحقيقة فيه مشكلة طائفية كبيرة في مصر باشوفها كل يوم .. وهي صعبة وعند الطرفين .. يعني لما تيجي تسألني انا عن كل حقوق المسيحيين هاقول لك من حقهم فعلا .. نظريا انا مقتنعة بده .. لكن انا ما استريحتش لما ابني راح حضانة مدرستها مسيحية وخفت عليه وكان بيسألني اسئلة صعبة مش عارفة اجاوب عليها .. على طريقة هو احنا ليه مش مسيحيين ؟؟ هو المسيحي هيدخل النار
فعلا سألت نفسي هو انا بانافق لما بادعي اني مؤمنة بالمواطنة .. مواقف كتير عدت بتخاصم قناعاتي النظرية حاسة ان الاستفتاء كان محتاج مرونة اكبر

2:54 ص  
Blogger karakib said...

Moon-baby
كل الناس المحبطة اللي بتثبط من همم الناس نفضي لهم :)
--
انا كمان فرحان اوي بالمجموعة دي و الناس دي و ردود الفعل سواء كانت سلبية او ايجابية :)

2:22 م  
Blogger karakib said...

Epitaph
مش انا اللي باطلع النتيجة يا ايبي خالص :) دول القائمين علي التحليل اللي هما هما حطوا استطلاع الرأي و الاسئلة اللي فيه





حنة

عارفه كان جزء من الاستفتاء مقصود بيه انه الناس تفكر مع نفسها في الاسئلة
من الواضح انه نجح في ما خطط له واضعوه

نورتي

2:24 م  
Blogger محمد said...

الاستبيان - على طوله - جيد جداً و انا رديت عليه يوم حلقة العاشرة و عجبنى ما عدا اسئلة معينة لم يكن هذا مكانها و ليس لها ضرورة
بس عايز اعرف هل الاستبيان حيكون له نتيجة تنشر و لا ايه النظام؟
محمد ناصر

4:40 م  
Blogger karakib said...

محمد
هو فعلا طويل ... بس الفكرة منه هي تفتيح الاسئلة في دماغ الناس
و بالنسبة لنشر نتيجته فده هياخد شوية وقت من القائمين علي تفريغه

11:46 ص  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

11:53 ص  

إرسال تعليق

Links to this post:

إنشاء رابط

<< Home