الخميس، يونيو 19، 2008

اكتب .. اكتب .. اكتب

اكتب عن بلياتشو حزين ... تنال تعاطف الذي يقرأ ... أو اكتب عن كفيف ... بصيرته اقوي من المبصرين ... تحصد دهشة المشاهدين ... اكتب عن موسيقار شهير اصم .. ستستمع الي تنهدات اذا كنت رهيف السمع
كل صاحب عاهة جبار
الناس لا تحب اصحاب العاهات ... الا اذا كانوا جبابرة
تذكر دائما ... الناس تحب الجبابرة و ليس اصحاب العاهات
***
اكتب كثيرا ... او حتي قليلا ... فالكتابة فعل انساني بحت ... و لكنها مثل صيد الاسماك ... لا تصلح كمهنه و انما كهوايه ... اصل السمك لا بيشبع اللي بياكله ... و لا بيغني اللي بيصطاده
***
اكتب كلما شعرت بالحزن ... فالقاريء سيقتسم معك حزنك ... سيتضائل حجم حزنك كثيرا بمفعول تلاشي الوحدة

***
اكتب كلما شعرت بالفرح ... فالقاريء سيستثمر فرحك بفرحه ... سيتضاعف حجم فرحك كثيرا ... لأن الفرح له الف صاحب
***
اكتب في كل الحالات ... في الفرح او في الحزن ... فالكتابة مشاركة ... و هي الدواء السحري للقضاء علي الوحدة ... تضع اطراف خيوط روحك في حروف الكلمات لكي يستطيع الناس مشاركتك فرحك ليتضاعف او حزنك ليتضائل
***
اكتب اسمك بجانب اسمي ... لأن اسمك هو اسمي ... انت هو أنا ... ما دمت تكتب بصدق ... حتي و لو كان اسمك فاكتبه بصدق ... لأن وحده الصدق يجعلني اتفهم و اعيش تجربتك و احساسك
***
اكتب فالقراءة وحدها لم تعد كافية ابدا

72 comments:

Blogger عصفور المدينة said...

أرى هذه التدوينة قطعة فنية رائعة

12:59 م  
Blogger سمر الشافعى said...

عندك حق

2:40 م  
Anonymous Basma said...

إكتب كلما شعرت بالحزن حتي وإن لم يقرأه أحد فالحروف سوف تمتص جزءاَ من حزنك وتحمله عنك
فكثير من كتب ولم تحمل حروفه أكثر من شكلها ... وكثير من قرأ ولم يري ما بين الحروف
جميل غزلك للكتابة
تحياتى

2:57 م  
Blogger HafSSa said...

اذن تعالى نلضم اسامينا
الفلة جنب الياسمينا
صح؟
بالنسبة لي انت لما بتكتب بحس اني خلاص مش محتاجة اعبر لانك قلت اللي جوايا
و بالمللي
تحياتي

3:19 م  
Blogger الله...الوطن...أما نشوف!!! said...

حلوة التدوينة دي...حلو ادراكك للكتابة كنشاط انساني ومحاولة فك شفرة العلاقة بين الكاتب والقارئ..الكاتب عايز ايه من تسجيل خواطره والقارئ بيدور على ايه في النص..
بس أفكه حاجة بقى حكاية المدون القفا دي:)) بجد ضحكتني...صح...يمكن يكون مهم اننا نعيد صياغة علاقتنا بمدوناتنا بعد ما نقف ونسأل نفسنا: بندون لييييييييييه؟

3:50 م  
Blogger محمد الكومي said...

بس مش قبل ما يكتب يكسر الحاجز والا هيفضل طول عمره متلقي ولا ايه و لا انا فهمت غلط

5:08 م  
Blogger الحمقاء المضلله innominate x said...

الكتابه متنفس يجعلك تشعر بالحريه .....لا أشعر بالرضا و الحريه و السمو و الراحه إلا عندما أكتب فلتستمر و لأستمر و لنستمر جميعنا

2:22 ص  
Blogger .:.-=- ELGaZaLy-=-.:. said...

كل صاحب عاهة جبار
الناس لا تحب اصحاب العاهات ... الا اذا كانوا جبابرة
تذكر دائما ... الناس تحب الجبابرة و ليس اصحاب العاهات
------------------------
اكتب كثيرا ... او حتي قليلا ... فالكتابة فعل انساني بحت ... و لكنها مثل صيد الاسماك ... لا تصلح كمهنه و انما كهوايه ... اصل السمك لا بيشبع اللي بياكله ... و لا بيغني اللي بيصطاده
------------------------
اكتب في كل الحالات ... في الفرح او في الحزن ... فالكتابة مشاركة ...
--------------------------
اكتب اسمك بجانب اسمي ... لأن اسمك هو اسمي ... انت هو أنا ...
-----------------------اكتب فالقراءة وحدها لم تعد كافية ابدا
-------------------------

انت فين دة اولا يعنى!!

بص يا هانى المرة دى انت عديت..مش هعلق بجد كفاية القطع الى اختارتها.

11:22 ص  
Blogger ست المرتفعات said...

عجبنى تشبيهك للكتابة بصيد الأسماك..محتاجة صبر وشطارة..وكمان محتاجة حب ..وانك تبقى عارف هدفك
جميلة ياهانى
أنا مقصرة عارفة بس امتحانات الدراسات العليا بتخلى الواحد ينشغل وقت مالكل يرجع يمارس حياتة :(
كل التحيات

1:13 م  
Blogger خمسة فضفضة said...

حلوه اووووووووي التدوينه دي
ومن كتر حلاوتها مش عارفه اعلق عليها اقول ايه

1:26 م  
Blogger واحد مصرى said...

جميل ان تستطيع الكتابة لكن العبء الكبير ان تكتب و تحرص على ان يفهمك الاخرون ...هنا تكمن الصعوبة....شعور يمتحن عقلي كلما شرعت في كتابة تدوينة أو تعليق عل تدوينة....تدوينتك دي تشبه الى حد كبير اغنية منير في فيلم المصير....علي صوتك بالغنى لسة الاغاني ممكنة...اه عندك حق لسة الكتابة ممكنة

دمت بخير

2:18 م  
Blogger نعكشة said...

أنا بحب الكتابة و فاشلة جدا في القرءة خاصتا لو كان موضوع طويل
عامتاً

الموضوع جيد ولكني اعترض
لازم اعترض
خالف تعرف بقة
لأ اعترض بجد

اصل السمك لا بيشبع اللي بياكله ... و لا بيغني اللي بيصطاده


مين قال؟؟؟
اول مرة اسمع إن السمك مبيشبعش و الكتابة مبتعيشش
ويما كتير كتاب اغياء و صيادون عندهم اساطيل واغنياء؟؟؟

........



ما دمت تكتب بصدق ... حتي و لو كان اسمك فاكتبه بصدق ... لأن وحده الصدق يجعلني اتفهم و اعيش تجربتك و احساسك

هل تقصدد صدق الاحساس ام التجربة فقط
ماحنا ممكن نكتب قصص غير واقعية
ومحصلتلناش البتة
من نسج خيالنا
بس حاسينها

متنفعش دية
لأ تنفع

و إلا كان انحصرت الكتابة في مواضيع معينة مخصوصة لكل كاتب

اكيد الاحساس بيكون أعلي لما يكون مصحوب بتجربة
بس ممكن الواحد يعيش نفسو في تجربة من خلال احساسو برضو

دمت سالم

سلامون عليك

4:34 م  
Blogger صباح الخير يا مصر said...

أزال المؤلف هذا التعليق.

11:42 م  
Blogger صباح الخير يا مصر said...

بيكيا ... روبابيكيا
**********************
اتفق معك تماما وخصوصا و انك اصغت الموضوع برشاقه
وتسمح لى ان اضيف شئ...قد انسى من شاركنى افراحى و لكن ابدا لم و لن انسى من شاركنى احزانى

اشكرك وتقبل تحياتى

11:44 م  
Blogger ساعه الغروب said...

allah 3lik

wa7shtni ktabatk di awiiiiiiii

ana asfa 3la el 3'yab tol el fatra eli fatt di
wlw ini el mafrod a3tzr l nfsi l2ni ana eli kont baftakd klmatk

ya rab tkon b5ir

12:44 ص  
Blogger blackcairorose said...

أكمل بوستك يا هانى؟؟

هأقول

حتى الكتابة كمان مبقتش كافية

10:22 ص  
Blogger The Alien said...

الكتابة هي التطور الطبيعي للقراءة
بعد شوية الواحد بيحس إنه لازم يطلع اللي جواه
وبالنسبالي الموضوع مش أكتر من كدا

بحب اسلوبك
تحياتي

11:24 ص  
Blogger شيمـــــاء said...

اكتب فهى الوحيدة التى تحفظ سرك و تكون رفيقة بك
:)
ممتازة كتابتك
:)

12:45 م  
Blogger شيمـــــاء said...

أزال المؤلف هذا التعليق.

12:45 م  
Blogger ابو احمد said...

اكتب واقرأ علم وتعلم
بهذا فقط صنعت الحضارات
جميله ياباشمهندس

6:21 م  
Blogger sarah la tulipe rose said...

حلو الكلام
الناس لا تحب اصحاب العاهات ... الا اذا كانوا جبابرة
تذكر دائما
مع ان المثل بيقول كل ذي عاهة جبار
بس ساعات الواحد بيجنح اكتر للقراية عشان هي نشاط سلبي و الكتابة محتاجة لمسئولية و ايجابية

6:46 م  
Blogger بنت القمر said...

فكرتني بالحكمه اللي علي الشريط المتحرك بتاعي
الناس تحب المستضعفين لكنهم يتبعون المستكبرين!!
اكتب اكتب اكتب
ادينا مستنين نشوف اخرتها ايه مش فاضل لنا غير حبه الكتابه
مش ها اشهرك اكتر من كده واخد اللينك بتاع البوست ده
كده يبقا كوسه جامده
:))
المودنه لاتعرف المجاملات ولا تعترف بالمحسوبيه والكوسه

6:52 م  
Blogger على باب الله said...

حاضر ها نكتب

8:49 م  
Blogger محمد العدوي said...

عارف .. الكتابة تصنع الحياة بقدر ما تزينها القراءة ..

تبقي لنا فرحنا وتجعل لحزننا قيمة ..


شكرا لك

9:06 م  
Anonymous مصرتاني said...

برافو يا هاني برافو بجد :)

11:35 م  
Blogger nirfana said...

سأكتب كلمة واحدة

اشتقتك

9:58 ص  
Blogger alzaher said...

ارجو أن تستمر دائما في الكتابة والإبداع
:)

7:39 م  
Blogger Ahmed Al-Sabbagh said...

رائع

"حتي و لو كان اسمك فاكتبه بصدق"
فى الحقيقة يتجلى فى هذة التدوينة بشكل بديع ادراكك لقيمة الكتابة واختلافها عن باقى واجبات الانسان التى تفرضها عليه طبيعته وطبيعة الحياة ، ومساحات الحرية الشاسعة التى تمنحها الكتابة للانسان
الكتابة متعة . والكلمة كائن عجيب ينفث عن الحزن الشديد ، ويعبر عن الفرحة فى ذات الوقت
اشارك عصفور المدينة فى ان هذة التدوينة عمل ادبى بديع

تحياتى

1:44 ص  
Blogger mina said...

انا تقريبا@ مش بكتب الا و انا مضايق

11:44 م  
Blogger david santos said...

I loved this post. Very good.
Happy weekend.

1:32 م  
Blogger soulef abbes said...

أكتب
اكتب لان الكتابة ليست تعويذة
أكتب حتى لا تنشق الارض فتبلعني
اكتب بينما تتجذر الشجرة
اكتب تخريفا و استباقا
اكتب لان لا احد يستطيع منعي من الكتابة
اكتب قبل ان اصاب بالعمى
اكتب لاني اشفق على الكتبة
اكتب لاقترب , لابتعد
اكتب حتى لا ايأس
اكتب معهم
اكتب لاني احب الاوراق
اكتب لاني اكره الكلمات
اكتب لمَا ينتهي الليل
اكتب لاني اريد التخلص من جحيم الكتابة
اكتب لاني ارفض الخرافة و السحر
اكتب حتى استحوذ على الكلمات كلها
اكتب لاني لا قدرة لي امام الموت
اكتب حتى يقرأني الاخرون
اكتب حتى اخفي كلمات و اخلق كلمات اخرى
اكتب ، لو أ قفز في الفراغ
اكتب لاني اريد ان اجد حلا للموت
اكتب الى الاحياء
اكتب لاني خائفة
اكتب لاني لا استطيع التوقف عن الكتابة
اكتب حتى احب نفسي و احب الاخرين
اكتب و اطل على الهوة
اكتب و افكر
اكتب في كل الاوقات الموسيقية
اكتب في الوحدة
اكتب الليل
اكتب من اجل الكتابة
اكتب لان الكتابة حلم
اكتب لان الكتابة فعل لا جدوى منه
اكتب لاني ارفض القدر
اكتب لان الكلمات تقهرني
اكتب لاني اصبحت اخاف الوحدة
اكتب لاني ضد العقلنة
اكتب حتى احيا
اكتب لاني كثيرة الصمت
اكتب ثم اضحك كثيرا
اكتب لاني احيا
اكتب لان الكتابة هي الفعل الوحيد الذي ادرك بفضله اني حرة
اكتب لاتخلص من ذاتي
اكتب حتى لا اصاب بالجنون
اكتب لاني احب الكلمات
اكتب لاني مستعجلة , فلا وقت لي
اكتب لاني احب الكتب
اكتب ضدهم
اكتب وانا في التاريخ
اكتب و انا اقفز في الفراغ
اكتب رغما عنكم
اكتب بعد رفع القلوس
اكتب لابحث عما لا يوجد
اكتب و انا مهددة
اكتب ما دامت الحرب قائمة
اكتب لاضيع
اكتب و الكلمات تهرب مني
اكتب لاني لست سلعة و لست عورة
اكتب لاني في المتاهة
اكتب بحبر اسود
اكتب اكتب لاشعل النار
اكتب صباحا
اكتب حتى الخسارة
اكتب عندما تشرق الشمس
اكتب لان الكتابة فعل لا تحكمه الضرورة
اكتب لاني ضد كل السلط
اكتب لان الكتابة ليست مقدسة
اكتب و الموت
اكتب الرغبة و ليس موضوعها
اكتب بعد القراءة
اكتب اختلافي
اكتب حتى ألعب
اكتب لاني منحرفة
اكتب و لا اريد ان ادافع عن الانسان فهو ليس ضعيفا
اكتب حتى لا اشبهها
اكتب حتى لا انتحر
اكتب و امامي كل هذا الفضاء

8:55 م  
Blogger soulef abbes said...

أزال المؤلف هذا التعليق.

8:59 م  
Blogger hesham said...

أزال المؤلف هذا التعليق.

10:37 م  
Blogger hesham said...

عزيزى هانى

تاتى كلماتك فى منتهى الصدق و لذلك تنفذ الى اقلب قبل العقل احيانا

الكتابة من الاشياء التى تلعب دورا كبيرا فى تواصل البشر

هل تعرف انى اشعر احيانا ان الكتابة تكون ابلغ من الكلام بالنسبة لى

اشعر و انا اكتب ان افكارى تاتى اكثر ترتيبا و احيانا اكثر عمقا مما لو قلت ما اريده شفاهة للناس الذين يقرأون ما اكتب

و كم تمنيت احيانا ان اوصل فكرة كتابة اجبرتنى الظروف ان اوصلها شفاهة

تحياتى و محبتى

هش

10:39 م  
Blogger karakib said...

عصفور المدينة

جزيل الشكر يا فندم يشرفني اني اسمع رأيك دائما في ما كتب
بس قطعة فنية رائعة مرة واحدة :) ده كلام كبير اوي عليا

11:37 ص  
Blogger karakib said...

سمر الشافعى

شكرا يا فندم :) ربنا يخلينا دائما في جانب الحق

11:38 ص  
Blogger karakib said...

Basma

اللي انت كاتباه مش تعليق
ده بوست يا بسمة :)

11:39 ص  
Blogger karakib said...

HafSSa

يا رب يكون دايما اللي جواكي سعادة و فرح و تفاؤل يا صديقتي الجميلة

11:39 ص  
Blogger karakib said...

HafSSa

يا رب يكون دايما اللي جواكي سعادة و فرح و تفاؤل يا صديقتي الجميلة

11:39 ص  
Blogger karakib said...

لله...الوطن...أما نشوف!!!

فعلا السؤال ده مهم جدا
بندون ليه !؟ و البوست ده حاولت اقول بالنسبة لي التدوين ممكن يكون ايه

11:41 ص  
Blogger karakib said...

محمد الكومي

مش فاهم ايه موضوع الحاجز ده .. هو الصدق كما اري .. يا ريت تشرح اكتر ما معني الحاجز ؟

11:42 ص  
Blogger karakib said...

الحمقاء المضلله innominate x

لا احد يضمن تلك الاستمرارية فموت الاحساس يصبح قريب جدا من كل من يعانون من تلك الأفة
أفة الاحساس

11:54 ص  
Blogger karakib said...

لا يمكن

11:57 ص  
Blogger karakib said...

.:.-=- ELGaZaLy-=-.:.

عديت رحت فين :)) هههههه مبسوط انها عجبتك

11:57 ص  
Blogger karakib said...

ست المرتفعات

لا لا محدش بيمارس حياته و لا حاجة
بيتهيألك صدقيني

11:59 ص  
Blogger karakib said...

خمسة فضفضة

كفاية اللي قلتيه
اسعدني كثيرا

12:00 م  
Blogger karakib said...

واحد مصرى
تشبيهي بحاجة من حاجات منير ده كلام كبير اوي اوي اوي عليا :) و يبسطني جدا

12:00 م  
Blogger karakib said...

نعكشة

لا تصلح الكتابة بدون قراءة ... علي الاقل بالنسبة لي .. كل 100 صفحة باقراها .. باكتب صفحة واحدة قدامهم
الكتابة شيء هام
و لكن اكيد القراءة اهم

12:01 م  
Blogger karakib said...

صباح الخير يا مصر

منورني يا فندم و اول مرة تترك تعليقك هنا ... مبسوط انه الصياغة اعجبتك

12:03 م  
Blogger karakib said...

ساعه الغروب

ايه الكلام الحلو الكتير أوي ده :) انت نورتي مكانك تاني

12:03 م  
Blogger karakib said...

blackcairorose

أه الكتابة كمان مابقتش كافية
فعلا
ليكي حق
جيتي علي الوجع !

12:04 م  
Blogger karakib said...

The Alien

انا كمان باحس كده بس صعب اوي الواحد يقول كل الاسباب اللي بتخليه يكتب يا بيشوي

12:05 م  
Blogger karakib said...

شيمـــــاء

من هي تلك الوحيدة التي تقصدينها ؟؟ الكتابه ؟

12:06 م  
Blogger karakib said...

ابو احمد
الحضارات .. ما تفكرنيش الله يخليك لأنه قريبا قرأت عن صناع الحضارة الحاليين
و حسيت انه في ناس بتعيش علي حضارة اجدادها و هما في منتهي الجهل
و ناس بتصنع حضارة بالفعل
و الاغرب انه الجاهلين بيتمنظروا علي اللي مش جاهلين
تخيل !؟

12:07 م  
Blogger karakib said...

sarah la tulipe rose

ايجابية و مسئولية
فعلا ليكي حق يا سارة

12:08 م  
Blogger karakib said...

بنت القمر

طيب هاتي الخمسميت دولار اللي اديتهملك بقي ما دام المدونه لا تعرف المجاملات
ههههههههههههه

12:09 م  
Blogger karakib said...

على باب الله

:) ضحكني التعليق

12:09 م  
Blogger karakib said...

محمد العدوي

تعليقك ينفع جزء من بوست :)

12:10 م  
Blogger karakib said...

مصرتاني

متشكر يا فندم

12:11 م  
Blogger karakib said...

nirfana

انا كمان ... مالكيش مزاج تزوري اصدقائك القاهريين و لا ايه ؟

12:11 م  
Blogger karakib said...

alzaher
اتمني انا كمان استمر في الكتابة

12:12 م  
Blogger karakib said...

Ahmed Al-Sabbagh

عصفور المدينة بالفعل شخص ينال موافقة و احترام الكثيرين علي ما يقول
لكن بيتهيألي انه المرة دي قال كلام كبير اوي عليا
عجبني التعبير ده في تعليقك

والكلمة كائن عجيب ينفث عن الحزن الشديد ، ويعبر عن الفرحة فى ذات الوقت

تحياتي

12:14 م  
Blogger karakib said...

mina

بيتهيألي انه اجمل كتاباتك و انت حزين
لكن اكيد في يوم من الايام سيشرق عمرك
و تكتب و انت فرح
اكيد ... الامل شيء محتمل

12:15 م  
Blogger karakib said...

soulef abbes

انت موهوبة اوي ... ده رأيي فيكي من زمان من ايام المدونة القديمة
كنت باحب الخمس كلمات اللي بتقوليهم لأنهم فعلا فيهم صدق صعب ان لا يميزه القاريء

و مبروك :)

12:17 م  
Blogger karakib said...

hesham
الكتابة ابلغ من الكلام ... احيانا فعلا بتكون كده يا هشام
احيانا الصمت بيكون مفروض علينا
و الحزن كاتم الصوت و الكتابة هي السكة الوحيدة اللي بتخرج الكلام بتخرجه بدون اصوات مسموعه
بتكون اهتزازات من الحروف
تحياتي

12:18 م  
Blogger محض روح said...

أكتب لأتداوى
إيزابيل الليندي

الكتابه بتخفف كتير ويمكن بتقربنا من نفسنا
كتير بلاقيني وانا بكتب
:)
وكتير بحس نفسي تايه من غير قلمي

حلوالبوست ده اوي

5:10 م  
Blogger الشريف / جمال طة said...

ســــــــــرقونى الحراميه


http://gamal51.blogspot.com

10:39 ص  
Anonymous غير معرف said...

اكتب اكتب اكتب

3:44 م  
Blogger karakib said...

محض روح
انا كمان كتير بالاقيني و انا باكتب و بافرح لما الاقي الناس مبسوطة من مجرد كلمات كتبت

3:46 م  
Blogger karakib said...

الشريف / جمال طة

يا سيد جمال ابعت اللي حضرتك عمال تبعته منذ ما يقارب السنه ده للبرامج التليفزيونيه و الفضائيه و الجرائد المعارضه و حتي الحكوميه
جميل انك يكون عندك الحاح في انك توصل قصتك و الظلم اللي وقع عليك لكل الناس
لكن هنا في المدونات لن تجد من يعيد لك حقك

3:48 م  
Blogger نعكشة said...

اتفق مع حضرتك إن القراءة مطلوبة جداً
بس
فية ناس معوقة ( زيي) مبتحبش تقرا

والله الواحد بيحاول
بس
ماذا اقول

ممكن اقول إني بقرا كتب الكلية تنفع دية
هههههههههههههه

مجاوبتش علي سؤال

قصد حضرتك إية

لأن وحده الصدق يجعلني اتفهم و اعيش تجربتك و احساسك


ماهو الخيال مش صدق
بس الاحساس صادق لانه حاسس بخياله

...........

عامتاً اتمني لحضرتك دوام التقدم و الكتابة
دمت سالماً

11:24 م  
Blogger karakib said...

نعكشة
مهما كان خيال الكاتب خصب فهمو يستدعي احداث مرت امامه سواء له او لأحد الذين يعرفهم او يراهم لكي يربط ما بين جبال الحكايا و يصنع منها نصا مترابطا .. هنا بقي لازم يكون عنده صدق مش كل الكتابة خيال و مش كلها واقع
زي الاحلام تمام مش كلها خيال لأنه فيها اشخاص نعرفهم بالفعل يصنعون احداث لم تحدث او حتي حدثت
-----
بالنسبة لكتب الكلية فدي مش كتب لأنها بتبقي ملخصات مش كتب ملازم ورق
و الثقافة العامه مالهاش دعوة بالتعليم
في دكتور جامعي امي ثقافيا
و واحد اخر لم يحصل علي أي مؤهل و لكنه مثقف
لا شيء يغني عن القراءة الحرة

1:56 ص  

إرسال تعليق

Links to this post:

إنشاء رابط

<< Home