الجمعة، يونيو 13، 2008

ظاهرة المدون القفا


منذ فترة قريبة بدأت اكتشف تفشي هذة الظاهرة ... ظاهرة المدون القفا التي تنتشر بشدة هذه الايام .. يجب الاتفاق اولا علي أن التدوين ليس مهنة ... فلا يمكنني تعريف نفسي في وسط الناس علي أنني صاحب مدونة و اعمل كمدون
و الا اصبح الجلوس علي المقاهي مهنة ... و لنسميها .. قعيد قهاوي
---
الجميع يمكنهم الجلوس علي المقهي ... كما يمكنهم ايضا التدوين و الجميع يمكنهم أن يجلسوا ليتحدثوا في السياسه او الادب او الاقتصاد او اي موضوع يريدون الحديث فيه ... سواء علي المدونات او علي المقاهي
-----
طالما كان لدي فائض من الوقت ... و فائض من المال ... يمكنني ان افعل أي شيء و لكن أن اطلق علي هذا الشيء مهنة ... فهنا تقع المشكلة
و هنا يظهر دور المدون القفا ... الذي يصر أن يخبر كل من حوله في كل مكان أنه مدون و يستفيد من جهلهم بماهية هذا الشيء الذي يتناوله الاعلام المرئي و المسموع و كأنه اسطورة القرن الواحد و العشرين و يبدأ في المنظرة علي خلق الله
----
يبدأ المدون القفا تدويناته غالبا ... بكلمات من نوعية ... كنت مشغول خالص خالص الاسبوع ده .. فمش كتبت في المدونة
فلنتجاوز هذا الاسلوب الجديد في النفي ... بوضع كلمة مش قبل كلمة كتبت ... و لنتجاوز أنه يعتذر لأنه لم يكتب لمدة اسبوع و كأن الجميع يجلسون اما الشاشات لساعات طويلة طوال النهار و الليل ينتظرون أن يكتب هذا النابغة الفذ الجهبذ و قد انهكهم طول الانتظار ... عذرا فنحن نتحدث عن قفا ... و لكن ما لا يمكن تجاوزه هنا ان هذه احدي اهم تبعات أن يعتبر القفا أن التدوين مهنة و أن المدونة جريدة يومية أو حتي اسبوعية و لم تنشر في ميعادها
-----
تجد المدون القفا في كل تجمع مدونين يحمل معه باقة ورد ... لا اعرف من أين يأتون بها فهم يدخلون حاملين ورودهم معهم و يظل يطلب كل واحد منهم من جميع الحضور أخذ الصور معه ... ثم ينتهي به الحال الي وضع صورته في كل مكان و أي مكان في صفحات المدونات و الفيس بووك و من حوله معجبينه الوهميين و باقة ورده التي لم يعطها له أحد و علي الاغلب اشتراها هو لكي يتصور بها
----
يتخيل المدون القفا أن التدوين مجال للشهرة ... من الممكن أن يكون نجما اعلاميا عن طريق المدونات
لا يعرف المدون القفا أن اشهر المدونين مثل الاخوان غربية و علاء و منال و شريف عبد العزيز و عمرو عزت و وائل عباس و احمد شقير و كثير من هذه الاسماء لا يعرفهم احد الا المدونين و بعض الدوائر التي يتعاملون معها ... أي لا يوجد منهم من يخرج من منزله صباحا و يظل يرد تحيات المعجبين مثل نجوم السينما و التليفزيون
او حتي الراديو
-----
غالبا ما يعلق لدي المدون القفا مدونين اقفية مثله (ما هو جمع قفا ؟؟ فلنجعله اقفية) و تجد تعليقاتهم تتكرر بنفس الاسلوب مثلا
جميييييييله ... ررررائعة ... معجزززززة ... متفجرررررررة ... هييييييه انا لحقت اول تعليق ... ابقي تعالي عدي عليا
طبيعي أن يعلق عند القفا ... قفا مثله
-----
عزيزي المدون ... عزيزتي المدونة ... حاول أن لا تكون هذا القفا
حتي لا اترك لديك هذا التعليق
-----
طررررررراخ

تحديث : جمع قفا هو اقفاء كما اخبرتني بيلا
بعد بحثها في المعجم ... و لكن للاسف اكتشفت انه يوجد بين المدونين من هو قفا ... و من هو سوبر قفا و لنا في ذلك حديث أخر

89 comments:

Blogger M@RV3L said...

في ناس كتير هتتوجع من الموضوع ده

قفا جامد اوي

لكن على رأي المثل
يا بخت من بكاني ولا ضحك الناس عليا

7:38 ص  
Blogger خمسة فضفضة said...

هههههههههههه
حلوه حكاية القفا دي

بس اشمعني قفا ماينفعش حاجه تانيه ؟؟

7:49 ص  
Blogger نعكشة said...

ماشي التدوين مش مهنة بس

يا عزيزي لا يحق ليك انك تقول قفا

لية
مع اني مش عارفة لية قفا بس اني هاو

لية بقة يا حجة خلصي

ولنفرض ان التدوين قهوة زي ما بتقول
وبيروح الناس فيها يتكلموا عن مواضيع من اي نوع

لو انت غبت عن القهوة كتير مع انك متعود تكون فيها كل يوم

مش اللي في القهوة دول صحابك
بيوحشوك و بتوحشهم
بتقول اي حاجة اول ما تشوفهم
معلش كنت عيان
معلش كنت مشغول
معلش معلش

مينفعش فجأة تدخل علي صحابك إذ فجأتاً بعد غياب فترة ولا كأن فيه حاجة

مش شرط نتكلم عن التدوين بانو اسطورة وعمرو ما يكون مهنة
إلا إذا كنت مثلا صوحفي و بعمل مقالات وبتاع بأسلوب معين
عامتاً

بس لم انت بتحب حاجة بتحاول تجذب الناس ليها
زي مثلا
شوفت فيلم حلو
او عرفت كافية نظيف و هادي
هتقول لصحابك تعالو يا شباب نقعد هناك -اومال هتقعد لوحدك-

.................
معرفش بقة فكرة انو يجيب ورد و يتصور دية ويوزع صوروا دية و يتشهر و بتاع

.........................

عامتاً
متبصش للناس من منظار ضيق متشوفش بية إلا حتة واحدة بس من الحقيقة يمكن تكون الحتة دية وحشة فتقول الشخص دة وحش

..............
يجوز انت صح و يجوز انا خطأ بس أنا شايفة الموضوع من الجهة دية
............

عامتاً
كل واحد ليه رأيه اللي لازم نحترمو

....
اعذرني بقة مش كتبت بقالي خمس ايام و الناس مش قادرة مستنية المقال الجديد :D

لوووووول
......

سلامون عليك

9:28 ص  
Blogger Abdou Basha said...

والبوست ده ضربه على القفا
أو بالأحرى كرباج على القفا
lol

على فكرة.. حكاية مش ينفع، بدل مينفعش، ومش بكتب، بدل ميكتبش، اتضح انه فيه محافظات بتقول كده فعلا
وتحديدا واللي روحتها كانت الشرقية
أنا كنت فاكر اللي بيقول كده بيدلع

10:04 ص  
Blogger عصفور المدينة said...

هييه أنا أول تعليق
:)
أنا بجد كنت أول تعليق بس "مش رضيت" أعلق كنت حابب أشوف ردود أفعال تانية

معاك أن إعطاء أي نوع من الأنشطة الاجتماعية أو التطوعية سمة المهنة هو أمر مستفز ولكن ربما من يفعلون ذلك هم من يمثلون العلاقات العامة لهذا النشاط التطوعي :)

مش معاك في ذكر تفاصيل محددة ولعلك فاهمني

2:15 م  
Blogger Bella said...

خسارة
مش لحقت اول تعليق

بجد بقى هلكتني من الضحك وانا اصلا ماليش نفس اضحك

بالمناسبة وقبل ماانسى ياشباب

اختكم حسابها ع الفيس بوك محجوب وعملت حساب جديد
فياريت تعطفوا على اختكم الغلبانة وتضيفوني عندكم
لاني علشان ادور واضيفكم فيها شهر

ينوبكم ثواب

http://www.facebook.com/profile.php?id=1178285404

اختي العزيزة بثينة الله يكرمها كتبت في الحالة بتاعتها عني علشان اصحابي يضيفوني

ربنا يكرمها يارب

نرجع بقى للقفا

بجد ياهاني بقى مش عارفة اعمل فيك ايه
مش قادرة اكتب من كتر الضحك
خصوصا الاخطاء اللى بتتكتب زي مش اللى بتضاف قبل اي جملة

بتنرفزني قوي صراحة

بس البوست حلو قوي

ياللا اسيبكم بقى واروح الم الجروبات بتاعتي بعد حادثة الحجب دي

وماتنسوش تضيفوني والا ح ازعل قوي
ومش ح اكتب عندكم تاني

هههههههههههههه

ولو اني كان نفسي ابقى اول تعليق

بس معلش

3:00 م  
Blogger Mohamed Shedou محمد شدو said...

الحقيقة يا هاني فيه فعلا ناس بقى التدوين مهنتهم الحقيقية لكن في بلاد غربية لانهم فعلا قدروا يحققوا دخل يخليه مصدر دخل ومهنة!! والله انا لو اقدر كنت بقيت "مدون" ما عنديش اي مانع، حد يكره يقعد يكتب ويقرا وياخد فلوس كمان :) لو فيها دخل يعني زي الناس دي.

4:58 م  
Blogger يَحيى المِصري said...

القلب منك مليان جفا
و الصبر من قلبى اتنفا
و ضاع معاك كل الصفا
ضيعته بعندك يا قفا
أه يا قفا... أه يا قفا... أه يا قفا... أه يا قفا

ف

5:00 م  
Blogger karakib said...

M@RV3L

ما هو يتوجعوا شوية بدل ما يفضلوا واجعين قلبنا
الموضوع بقي شكله غريب اوي

7:06 م  
Blogger karakib said...

خمسة فضفضة
:)) لا حاجة تانيه ايه !؟ خليه قفا

7:06 م  
Blogger karakib said...

نعكشة

ما هو المصيبة انه الناس مش قادرة تفرق ما بين الانترنت و العالم الحقيقي
القهوة باشوف فيها الناس و طريقة كلامهم و ان كانوا فعلا ناس علي مستوي من الوعي و لا لأ
انما الانترنت ده كوكب الكدابين
كوكب الكدابين
كوكب الكدابين
ممكن اقول لك مثلا انه علاء الاسواني قاعد جنبي و انا باكتب التعليق ده و انه بيتحايل عليا اقول له رأيي في روايته الاخيره اللي محدش قراها
يعني التدوين مختلف عن العالم الحقيقي الا لو كان المدون بيقابل الناس
و لو كان بيقابل الناس فلا داعي انه يتصرف كنجم و يقعد يقول بحبكم بحبكم وحشتوني
هي مش ناقصة كيتش
كفاية بقي

7:10 م  
Blogger karakib said...

Abdou Basha
عمي :) منور يا باشا :) ما هو لازم ياخدوا كرباج علي قفاهم لأني قرفان اوي مش طبيعي اللي بيحصل ده
ما هو مش كل واحد كتب له مقالتين في جرنان و لا طلع في التليفزيون عشر دقائق بقي نجم و يقعد يقول بحبكم و باموت فيكم و وحشتوني !! و يدلق في صوره عالنت في كل مكان
---
مش دي بقي قضية كبري زيها زي اللي بيكتب عربي بحروف انجليزي طول ما هو بيعمل شاتينج او يعلق
------
واي وي دونت رايت انجليش ان ارابيك ليتيرز تووو ؟؟؟
-----
ده موضوع كبير عايز شوية مراقبة و تحليل انا خدت بالي لما رحت المنصورة انه في و في ناس و كمان في الجامعة في ناس بتتكلم بالاسلوب ده اكيد في سبب غير التوزيع الجغرافي

7:14 م  
Blogger karakib said...

عصفور المدينة
يا فندم حضرتك بتقول بلاش ذكر تفاصيل معينة علشان محدش يعرف هو مين .. قصدي هما مين ... و بتقول لي العلاقات العامة لهذا النشاط هههههههه
انا قاصد اذكر بعض التفاصيل عن كذا مدون بعينهم باشوفهم في تجمعات المدونين علشان يبقي النقد حقيقي و ملموس
ده مهم اوي
غير كده انا عارف انت بصيت لمين علي طول حتي من قبل ما اشاور (ولن اشير الي اسماء هنا مهما حدث) بسبب تفصيلة او اتنين ... لو سألت شريف ممكن يقول لك كمان لأني كنت لسه بارغي معاه في الموضوع ده
------
شرفتني و نورت المدونة بتعليقك :)

7:20 م  
Blogger karakib said...

Bella
:) اكاونت الفيس بووك اتنشل منك :) اعرف واحدة اتنشل منها 3 مرات لحد دلوقتي
مبسوط انه التدوينه عجبتك
بافكر ارشح الاسماء دي لجائزة بيزو بتاعة حكايات خيال الظل (ابليس)

7:23 م  
Blogger karakib said...

Mohamed Shedou

انا شفت محمد سعيد احجيوج و قعدت معاه و هو مش من الغرب و لا حاجة
هو مغربي الجنسية و هو من الناس اللي بتكسب فلوس من التدوين و مهنة لها
و في ناس فعلا بتكسب فلوس من ده في الغرب زي ما بتقول
لكن التطور هذا لم يحدث في مصر لسه
ما شفتش حد حتي الأن التدوين ممكن يكون مصدر دخل ثابت او شبه ثابت له

علي فكرة و لا انا كمان هاكون زعلان لو كان بيدخل فلوس بس في نفس الوقت ما دام مش كده يبقي مش مهنه

7:28 م  
Blogger karakib said...

يَحيى المِصري

يا حلو بانت لبتك بعد ما دابت قشرتك تحرم عليا محبتك و راح اتوب عن سكتك

--------
هههههههههه
مزاجنجي
انت كده عندك نظرة مبعدية لأنه البوست الجاي علي طول استخدمت فيه الاغنيه دي :) بس مش جزء القفا :)

7:30 م  
Blogger Nsreen Bsunee said...

الله يضحك سنك يا هانى
فطسطنى ضحك يا شيخ الله يجازيك

انا متفقه مع اللى قالو ان البوست ده كرباج فعلا
والله فيه ناس محتاجه تفوق لان التدوين بالنسبالهم بقي مرض نفسي مش مهنه كمان

ومقتنعين بموضوع انهم مشهورين والناس بتشاور عليهم وليهم معجبين وكده

ههههههههههههههههههههههههههههه
كله كوم وموضوع بوكيه الورد كوووووم تانى
مسخره
وبوكيه الورد بيشاور على صاحبه
:))))))

8:14 م  
Blogger .:.-=- ELGaZaLy-=-.:. said...

هههههههههههههههههههههههههههه

ياابن الاية

انا عارف كذا قفا...بس موتنى من الضحك

وانا مع مارفل كتير اوى هايوجعهم الكلام كتير جداا كمان

---------------------
كنت مشغول خالص خالص الاسبوع ده .. فمش كتبت في المدونة
-------------------------------
و لكن ما لا يمكن تجاوزه هنا ان هذه احدي اهم تبعات أن يعتبر القفا أن التدوين مهنة و أن المدونة جريدة يومية أو حتي اسبوعية و لم تنشر في ميعادها
-----------------
تجد المدون القفا في كل تجمع مدونين يحمل معه باقة ورد ... لا اعرف من أين يأتون بها فهم يدخلون حاملين ورودهم معهم و يظل يطلب كل واحد منهم من جميع الحضور أخذ الصور معه ... ثم ينتهي به الحال الي وضع صورته في كل مكان و أي مكان في صفحات المدونات و الفيس بووك و من حوله معجبينه الوهميين و باقة ورده التي لم يعطها له أحد و علي الاغلب اشتراها هو لكي يتصور بها
-----------------------
يتخيل المدون القفا أن التدوين مجال للشهرة ... من الممكن أن يكون نجما اعلاميا عن طريق المدونات
لا يعرف المدون القفا أن اشهر المدونين مثل الاخوان غربية و علاء و منال و شريف عبد العزيز و عمرو عزت و وائل عباس و احمد شقير و كثير من هذه الاسماء لا يعرفهم احد الا المدونين و بعض الدوائر التي يتعاملون معها ... أي لا يوجد منهم من يخرج من منزله صباحا و يظل يرد تحيات المعجبين مثل نجوم السينما و التليفزيون او حتي الراديو
-----
غالبا ما يعلق لدي المدون القفا مدونين اقفية مثله (ما هو جمع قفا ؟؟ فلنجعله اقفية) و تجد تعليقاتهم تتكرر بنفس الاسلوب مثلا
جميييييييله ... ررررائعة ... معجزززززة ... متفجرررررررة ... هييييييه انا لحقت اول تعليق ... ابقي تعالي عدي عليا
طبيعي أن يعلق عند القفا ... قفا مثله
-------------------------


طاخخخخخخخخخخخخخخخخخ

مش هاعلق انا كفاية تعليق عصور المدينة

استاذى عصفور 10 على 10

8:49 م  
Blogger appy said...

ههههههههههههههههه
ههههههههههههه هموت منك لخرفاني يا اذي انت مصيبه متحركه الا سؤال مين ده هههههههههههههه

بجد انت فظيع مش عارفه اعلق من الضوحك نسرين هى اللى قالت ليه على البوست وشوفته على الريدر يا كارثه
وبعدين يا عم يعني هى جت عليه ما فيه مدونين بيقولوا على نفسهم الكتير هههههههههههه

9:06 م  
Blogger karakib said...

Nsreen Bsunee

نسرين :) هو فعلا حاجة تضحك و كل الناس بتضحك في سرها علي مثل هذة الظواهر البشرية التدوينية العجيبة
لكن زي ما قلت للناس كلها في التدوينه السابقه
الاسقاط مسئولية المشاهدين انا مش باشاور علي واحد بعينه :) انا باتكلم عن ظاهرة عامة

12:40 ص  
Blogger karakib said...

.:.-=- ELGaZaLy-=-.:.
عم غزالي :) انت عارف اللي فيها :) بس توقعك للشخص زي ما عصفور المدينة قال يقع في بند الاسقاط مسئولية المشاهدين و زي ما قلت لك هو مش واحد
بالعكس ده عدد من المدونين يشكلوا ظاهرة مش شخص واحد ابدا مش عارف ليه حاسس انه كل الناس بتتكلم عن شخص واحد ... ده فعلا يؤكد ما اقوله
الاسقاط مسئولية القراء او المشاهدين و ده لأني لم اقصد شخص واحد من هذه التدوينه و لم استثن واحد من الاقفاء

12:43 ص  
Blogger karakib said...

appy
الجميلة أبي :) واللهي ما كان قصدي علي شخص واحد
مش عارف ليه كل الناس لقطت تفصيلة واحدة و بدأت تبني عليها شخص ... دي ظاهرة
و استحالة شخص يمثل ظاهرة عامة مش ممكن و الا يبقي
سوبر قفا
مش قفا عادي خالص
ده فعلا يبقي سوبر قفا :)

12:45 ص  
Blogger lastknight said...

واضح انك مليان و معبى من الأقفيه ( أقفيه تمشى على فكره .. ) ياراجل ده أنت هريتهم
عموما عن نفسى لسه ماصادفتش حد منهم .. ألا اشتباه فى بعض حالات يعنى .. لكن طبعا تنويهك مهم
تعالى بقى يا أستاذ .. أيه الهروب الكبير اللى انت عملته فى الموضوع اللى فات ده ؟ انت بتنسحب يا باشمهندس ؟

1:22 ص  
Blogger david santos said...

Very good posting.
Happy weekend.

6:53 م  
Blogger هوندا said...

برافو بجد ع البوست ده انا نفسى من مده اتكلم ع النقط دى

التدوين مفهموم غلط اوى عندنا كشعب
بحس ان المصريين بالذات بيشبطو فى اى حاجة جديدة وتتقلب هيصه
انا بتابع مدونات اجنبيه كتير مكسرة الدنيا سواء تقنيه او تطوير ذاتى او حتى شخصيه مش بيتعاملو زينا كده ولا قلبوها احزاب وتجمعات وكل واحد يتسابق فى تكوين شعبيه من المعجبين
رأيى اذا مكنش للمدونة هدف يفيد بصدق تبقا اى كلام
حتى لو تجربه شخصيه او وجهات نظر افضل بكتير من حاجات هبله اوى بشوفها ده انا مرة شفت حد كاتب بوست بيشكى من مدونة بتتجاهل تعليقاته ومتردش عليها ههههههههههههههههه

7:14 م  
OpenID 7anzala said...

الله عليك

كدة انت ترجمت وعملت اسم للمشكلة اللي كنت بعاني منها الحمد لله كنت فاكر نفسي لوحدي اللي كدة لقيت ناس كتير
انا عاقل يا جدعان مش مجنون زي ما اوهموني

ده الموضوع اللي كنت كتبته في نفس المشكلة
http://sada-sout.blogspot.com/2008/01/blog-post_17.html

بس بجد جامد الإسم المدون القفا
بس قفا بالإنجليزي يعني ايه ؟

7:20 م  
Blogger حـنــّا السكران said...

ههههههه

هههههه

ضحكت كتيرررر

ـ أكتر شي عجبني انه بيفوت و معه باقة ورد و بيطلب من الناس تتصوّر معه .
ـ بالمناسبة أنا ( مش عرفت ) ليش القفا مهضوم حقـّه عندكم و يُستخدم فيما لا يرضيه على ما أعتقد .
ـ على فكرة .. ( رائع ) بالفعل ..هههه على الأقل يا أخي أنا ضحكت من قلبي و أنا بقرأ ..و الضحكة بقت غالية جدا و نادرة .
إنت مدوّن واجهة ( عكس قفا ) فعلا ..أحييك .
ممكن صورة ؟و الورد من عندي

7:23 م  
Blogger بنت القمر said...

علي فكرة
انا مضايقه من البوست ده جدا طحن لان كل انسان من حقه يكون قفا
او رجل كنبه
من حقه يحصل علي السعاده بكونه اول تعليق
او يتمرقع ويقول مش كتبت مش لقيت
لان المرقعه حق لكل مواطن
اتفق مع عبدو باشا ان الشراقوة هما اللي بيقولا كده بس خارج فكرة المرقعه

اه
كمان من حق... اي حد يعتبر نفسه نجم
او علاء الاسواني ويعمل نفسه زعيم اتحاد كوكب الكدابين
:)) حلووووو اوي التشبيه ده وعشان كده ها اخد لينك البوست ده عندي
اخيرا وليس اخرا
من حقك تضايق كمان وتاكل في روحك
:))))
علي فكرة بجد انا بقيت مرتبطه نوعا ما باصدقاء مدونين وده بكرهه جدا في نفسي بقيت بحب ناس وبكرة ناس وبقلق علي ناس وبستفز من ناس وده شعور سلبي جدا
لانه دول مش ناس
دول.. حسابات اليكترونيه... يستتر خلفها ناس
والتعلق بيهم مش صحي ولا طبيعي ولا النفور منهم او من بعضهم قد يبدو مؤذيا للصحه النفسيه
تحياتي

7:34 م  
Blogger hesham said...

هههههههههههههههههههههههههههههههههههههههههههههههههههههههههههههههههههههههههههههه

يا بنى حرام عليك و قعتنى من على المكتب من الضحك

بص يا باشا

موضوع التدوين مهنة و لا مش مهنة ممكن يقودنا لفكرة تانية مشابهة و هى الكتابة فى حد ذاتها

فالكاتب يعتبر نفسه يمتهن الكتابة و بياكل من وراها عيش فايه المانع ان لو فى مدون ارتقت كتاباته الى مرتبة محترمة و كويسة و حاول ينشر الكلام اللى هو كاتبه فى مدونته فى كتاب..ليه فى الحالة دى نحجر على حقه و نقول ان الراجل ده محب شهرة و بيستغل التدوين استغلال سىء و نسميه قفا كمان

مش شايف ان دى تبقى قسوة شوية؟

و موضوع التشابه بين التدوين و الكتابة و الفرق بين المدون الاديب و الاديب المدون كان تناوله عمنا احمد شقير بشكل جميل جدا فى بوست كان بيتكلم فيه عن تجربة النشر الورقى للمدونات و هتلاقى البوست ده فى
اللينك ده


و على الجانب الاخر انا متفق معاك فى النفور من اى حد واقع فى حب نفسه و بيحب الشهرة و الاضواء زيادة عن اللزوم مع ان محتويات كتاباته او تدوينه دون المستوى و بيستغل الهالة المرسومة حول المدونين و التدوين فى اكتساب شهرة شخصية عن غير استحقاق

لكن افرض ان المدون ده كتاباته ترقى لمرتبة عالية ممكن نعتبره معاها كاتب قدير مش ساعتها من حقنا نحبه و تبقى الشهرة شىء طبيعى بالنسبة له زى اى كاتب مشهور

و لا ايه رايك يا زعيم؟

ملحوظة اخيرة
ياريت تبقى اقل قسوة على القفا فى المرات القادمة لان بصراحة القفا اشتكالى و استعان بكلمات خالدة من رائعة الكيف قائلا و هو يغالب دموعه

"هوا القفا دايما مظلوم....مع انه بيستحمل كتير قوى فى الزمن ده"

تحياتى و محبتى
هش

8:12 م  
Blogger karakib said...

lastknight
انا انسحب .. لا ممكن ابدا
انسحب !! :) لا طبعا بس الاسقاط فعلا مسئولية المشاهدين :) انا كاتب قصة رديئة و بالعامية كمان
اما عن المدونين الاقفية فسيبهم يعيشوا و اهه الواحد برضه يشوف و يتعلم
كمان في قفا و سوبر قفا

10:49 م  
Blogger karakib said...

david santos
thank you

10:50 م  
Blogger karakib said...

هوندا
المشكلة مش فيهم
المشكلة في اللي فهمهم انهم ممكن يبقوا مشهورين عن طريق المدونات
للاسف يعني

10:51 م  
Blogger karakib said...

7anzala
قفا بالانجليزي ... ايت مينز كافا
واي يو ار اسكينج زيس كويستشن ؟؟ فكرت مرة انك تكتب انجليزي بحروف عربي ؟ زي ما بنكتب عربي بحروف انجليزي ؟

10:52 م  
Blogger karakib said...

حـنــّا السكران
:) القفا مش مظلوم
دي ظاهرة اسمها قابلية الضرب علي القفا بتظهر عند بعض المدونين
تلاقي قفاه قدامك بيقول لك انا قفااااااااا
مبسوط انها عجبتك يا عم حنا

10:54 م  
Blogger karakib said...

بنت القمر
يا قمر انت تاخدي اللي انت عايزاه من هنا .. المكان مكانك :) و انت عارفه ده
علي فكرة التعلق ببعض المدونين مش ظاهرة سلبية لأنه احيانا بيتطور لأمور اخري
لأنه في عدد من المدونين قابلتهم و اصبحوا اصدقاء في العالم الحقيقي و خارج الانترنت او كوكب الكدابين كما يطلقون عليه
افتكر انت تعرفي ناس منهم .. يعني ده مش شيء سلبي ابدا
اما عن زعيم اتحاد كوكب الكدابين فده كتبت عنه تدوينه قريب هانشرها
لأنه فعلا الانترنت هو كوكب الكدابين

10:57 م  
Blogger karakib said...

hesham
يا باشا اضحك :) محدش واخد منها حاجه
تدوينة احمد شقير اتناقشت فيها معاه عدة مرات و يمكن هو يفتكر اني في مرة من المرات كنت باتكلم عنها و هو موجود في نفس المكان .. هي فعلا تدوينة قيمة جدا
اما عن تحول كتابات المدونات الي كتابات ورقية فده شيء كويس بس مش دائما زيه زي اي حاجة بتحمل ايجابيات و سلبيات
و يا سيدي انا باشوف كتاب مشهورين زي ابراهيم اصلان و مكاوي سعيد و ناس زيهم كتير بيقعدوا في اماكن عامة و لا هما نجوم و لا أي حاجة و ناس في غاية التواضع ... عمري ما شفت حد منهم ماشي نافش ريشه علي طريقة المدونين الاقفية
و طبعا الناس دي ناس مشهورة .. لكن مش نجوم سينما و لا تليفزيون
عموما اللي بيبقي عنده موهبة الكتابة و الناس بتحب كتابته غالبا ما بيكون هو كمان بيحب الناس و ده رد فعل عكسي من الناس لما استشعروه من صدق و حب في كلماته
ده رأيي .. قد يحتمل الصواب او الخطأ

11:06 م  
Blogger appy said...

هههههههه يا هاني بطل نقول كوكب علشان انا عندي كوكي بس بعيد عنك مليان خرفان وقلل مش كدابيه هههههههههههه وانا مالى انا مقولتش هو مين اقولك البت رينا اللى قالت ليه ماقولهاش انى فتنت هههههههههههه

11:34 م  
Blogger Sherif said...

العزيز هانى

يبدو أننا نحتاج لبعض البروتوكولات البسيطة فى هذا الشأن ..

أحب أن أعرف رأيك فى بعض الاقتراحات وضعتها فى البوست الأخير عندى .. فانت من القلائل الذين اعتز بآرائهم ..

شاكر اذا شرفتنى

10:15 ص  
Blogger Epitaph said...

looooooooool
عارف ايه اللي عجبني
تعليق ديفيد سنتوس
خييييير دليييييييييل

هههههههه

تدوينة جامدة

والاعلانااااااااات

اااااه ياني

ههههههههههه

بس ايه موضوع الورد ده
ههههههه

2:09 ص  
OpenID 7anzala said...

وحياتك بعملها وبكتب انجليزي بحروف عربي
اشمعنى يعني نكتب عربي بحروف انجليزي

المساواة المساواة المساواة

بس هو ينفع نكتب فرنساوي بحروف عربي ؟

3:09 ص  
Blogger Dr. Eyad Harfoush said...

عزيزي كراكيب
انت نسيت يا عزيزي طائفة هامة جدا، طائفة المدونين و المدونات اللي بيعلقوا بعض مش بيعلقوا على مقالات بعض ، شباب زي الورد تلاقيه بيعلق حصريا في مدونات الآنسات و السيدات، و طبعا كل تعليق بيبقى على طريقة واااااااااو احساسك فزيع، انوثتك تجنن، الهبل اللي عمالة تكتبيه ده خلاني طلعت فوق السحاب و وقعت على قفايا....الخ ، كذلك مدونات بنات لا يعلقن الا المدونين من الشباب، قصدي يعلقن عليهم، منبهرات منشكحات منبعجات على طووووول الخط
تحياتي و تقديري

11:47 ص  
Anonymous Basma said...

كويس أنك فهمتني أصلي كنت قررت أنشاء مدونه لكن ماكنتش فاضيه خالص اليومين اللي فاتو... ههههه
يا سيدي كبر دماغك الكلام سهل ... لكن الأفعال هيه المقياس
تحياتى

12:52 م  
Blogger karakib said...

appy
خليكي ماشية ورا نسرين قاعدة تشتغلك و تقول لك انه واحد بس
هو صحيح في كذا واحد ينطبق عليهم عدة اوصاف من اللي قلتهم
بس عمر ما واحد بس يشكل ظاهرة
ده فعلا يبقي سوبر قفا :)

8:41 ص  
Blogger karakib said...

Sherif
يا فندم انا مش لاقي البوست اللي بتقول لي عليه ده
انا يشرفني انك تكون واثق في رأيي بس فعلا مش لاقيه .. ممكن تديني اللينك بتاعه بعد اذنك ؟

8:43 ص  
Blogger karakib said...

Epitaph
:) ايبي الجميلة عندي هنا يا هلا يا هلا
ديفيد سانتوس ده مش فاهمه و لا فاهم هو بييجي في مدونات لغتها هو مش فاهمها يعلق نفس التعليق ليه!؟ اكيد في سبب علي فكرة بس مش مفهوم
اما بقي عن بوكيه الورد :) فهبقي افهمك بعدين :)

8:45 ص  
Blogger karakib said...

7anzala
وي ان بو بارليه لو فرنسيه افيك دي لاتر اراب
مي با توت لو تون
ههههههههههههههه
تصدق صعب اوي تكتب فرنسيه بالحروف العربيه !! الموضوع مش سهل زي الانجليزي و الالماني ... الفرنسي مش لغة دبش
شكرا لأنك خلتني الاحظ حاجة جديدة

8:47 ص  
Blogger karakib said...

Dr. Eyad Harfoush
طبعا ده يعود الي انه موسم التزاوج في الربيع غالبا ... و لازم دودة القز تبقي فراشة :) لعلمك يا دكتور بعد الربيع كل دول بيختفوا تماما لأن موسم التزاوج بيكون انتهي
ههههههههه
عادي ده دول موجودين في كل مكان نتيجة للكبت الجنسي
و خلي بالك الكبت الجنسي مش معناه انه لا يمارس الجنس .. لأ الكبت الجنسي معناه انه يبقي حاسس من جواه انه الجنس ده شيء محرم و سييء .. يعني في ناس بتمارس الجنس كتير جدا و عندها كبت و ناس لا تمارسه نهائيا و لا تشعر بهذا الكبت
بس هو موسم التزاوج ينتهي :)

8:50 ص  
Blogger karakib said...

Basma
اخيرا هتعملي مدونة :) ده خبر يبسطني
بس هي مبتاخدش وقت و لا حاجة المهم انه المحتوي اللي جواها يكون موجود و اسمها تكوني اخترتيه و كل حاجه بعد كده سهله
اما عن الاقفاء فأكيد أكيد هتشوفيهم من وقت للتاني
و ده شيء طبيعي .. بقي طبيعي جدا

8:53 ص  
Blogger sarah la tulipe rose said...

ضحكتني بشكل!
انا اعرف شخص كدة بقي عدي موضوع القفا و دة بقي حاجة تاني!..كتب في السي في بتاعه انه من ضمن خصائصه انه يمتلك مدونة!!
انا باتغاظ جدا من موضوع التعليقات دي.تحسسك انهم عملوا المدونات عشان كل واحد يعلق عند التاني و يشعر فيجمال كتابته عشان هو يعمل كدة بالمثل و اغلب الاوقات بيكون محدش فيهم قرا موضوع للتاني اصلا!
تخيل لما تكتب موضوع استفهامي و تطلب رد مثلا و جيليك كومنت "موضوع رائع ارجو الزيارة"!

9:04 ص  
Blogger blackcairorose said...

على عكسك يا هانى لا أجد فيما ذكرته حول المدون القفا ما يثيرنى

من يعرف نفسه على انه مدون، هو حر، لكنه بالتأكيد يترك عند الآخرين انطباع أنه لا يفعل شيئا أهم من التدوين، فإذا كان يقبلها على نفسه ـ او ربما كان فعلا لا يفعل شيئا غير التدوين ـ فهو صادق ولا يدعى ما ليس فيه سواء كنا نرى ذلك إيجابيا او سلبيا

من ألأشياء الجميلة أننا جميعا لا نكتب بنمط واحد، بين فصحى وعامية أو نصف فصحى أو نصف عامية، وحتى لو كتب كل فرد بمفرداته وتركيباته الخاصة جدا فهذا أيضا جميل ويزيد من ثراء وتنوع لغة المدونات، وأنا شخصيا أتمنى لو أجد مدونات تكتب بلغة الصعيد أو الأسكندرية أو بحرى الخ

من يعتذر لأنه كان مشغول كما لو كان الجميع ينتظر كتاباته، ربما كان هناك شخص أو شخصين فقط ينتظران كتاباته، من يعلم؟ كل مدونة مهما كانت قيمة ما يقال فيها لها قراءها فى رأيى سواء كثر أم قل عدد قرائها، ومن ثم اعتذار المدون عن تأخره فى الكتابة يمكن أن يكون موجها لمن يتابعونه
وفعلا يحدث كثيرا أن أتساءل عن مدونة او مدون غابوا لفترة وأسألهم أو اسأل نفسى عن سبب غيابهم

أما موضوع الورد فعندك حق هو غريب وغير مفهوم

بالنسبة للتدوين والشهرة
التدوين فعلا فتح باب الشهرة للبعض، وربما البعض الآخر ينتظر ايضا باب الشهرة لهم
وهنا لا أتحدث عن شهرة الممثلين والمغنيين ولكن اتكلم عن شهرة نسبية، وفى حالتى شخصيا مرة شاهدت علاء ومنال فى النادى وظللت أسأل نفسى هل هما فعلا أم أخطأت، وقام أخى بعد ذلك بارسال تعليق لهم فى موقعهم عما إذا كانوا فى نادى كذا يوم كذا أم لا، ورد علاء وقتها أنهم فعلا كانوا فى ذلك النادى

يعنى هناك فعلا لبعض المدونين شهرة نسبية، وبالنسبة لبعض مدونين آخرين ممن يحبون الشهرة قد يكون التدونين وسيلة لتحقيق هذا الحلم، وهو حلم مشروع لا يدفع الى الا المزيد من التميز فى التدوين فى رأيى، أما إذا كان المدون صاحب حلم الشهرة غير مميز بما فيه الكفاية ستظل الشهرة مجرد حلم

وإذا كان المدون غير مميز وغير مشهور ومع ذلك يظن بتميزه وشهرته، فالله يكون فى عونه

يعنى مجرد ملاحظات

وخالص التحية

10:52 ص  
Blogger Sherif said...

العزيز هانى

باعتذر انى حطيت البوست فى الدرافت من حيث لااقصد ..على اى حال الجايات اكتر من الرايحات ..

طبعا انا اثق فى رأيك وطريقة تفكيرك .. القصة انى لاحظت محاولات كثيرة من الاصدقاء لاغلاق مدوناتهم .. ربما للملل .. وربما من باب نضوب الفكر أحيانا أو لقلة المرتادين والمعلقين .. فحبيت آخد رأيك فى الحل .. والكل أجمع على عدم الاغلاق .. الى حين ميسرة

آدى الحكاية .. وأرجو قبول اعتذارى

10:59 ص  
Blogger karakib said...

sarah la tulipe rose
بتتكتب في السي في كمان :) يا حلاوة و يا تري فيها خبرة كام سنة المفروض ؟
بصي هو لازم التدوين يوسع و يوسع لحد ما يمثل كل انواع الناس
امر لا مفر منه

1:45 م  
Blogger karakib said...

blackcairorose
طيب ازاي ما بيعملش حاجة غير التدوين !؟ يعني مش بيدرس او بيشتغل مثلا ؟ يعني قاعد بيكتب و بس ؟ مش ده يبقي اسمه كاتب ؟ و لا الكاتب لازم تتوفر فيه بعض الشروط من جودة الكتابة و غيره ؟ المدون دي مش تعريف بالشخص ده نشاط يقوم به زيه زي أي لعب رياضه ... مش ممكن واحد ييجي يقول لي انا لاعب كاراتيه الا لو كان بيشتغل بده فعلا و بيكسب منه .. في المنتخب مثلا

---
طبعا في التنوع ثراء .. دي حاجة اكيده
لكن في تشويه اللغة لا يوجد اي ثراء
تعالي نقول انه لازم يكون في من المغنيين عمرو دياب و محمد منير و فيروز و حكيم
اذواق و كل واحد يسمع اللي يحبه
لكن مش ممكن نقول انه وجود حمدي باتشان او شعبان عبد الرحيم أي نوع من الثراء ... ده يعني انحدار و انهيار و اسفاف الخ الخ من الكلمات
حلو اني اكون باكتب بالعاميه و بالفصحي و بالمزيج ما بينهم في اوقات حسب ما تستدعي الظروف ... لكن مش منطقي ابدا اني استخدم اسلوب في النفي زي ده ! و لعلمك ده بيعتبروه نوع من انواع الدلع

--------


الاعتذار بسبب انه مشغول ده غريب
يعني لو في اتنين او تلاته مستنيينه المفروض هما اللي يسأله عليه لما يكتب تاني مش هو اللي يفرض نفسه و يخنق اللي بيقرا له و يقول بحبكم خالص بحبكم جدا وحشتوني اوي اوي امووواه
ده علي طريقة اسامه منير و علي اساس انه نجم و مشهور
الحقيقه انه التواضع شيء هام جدا
حتي و لو كانت الموهبة فذة
---------
كويس اننا اتفقنا في الورد :) علشان دي احدي الظواهر المدهشه برضه
--------
بالنسبة للشهرة كويس انك ذكرتي مثال علاء ... علاء مش مشهور الا للمدونين و بعض الصحفيين و الحقوقيين ... و شهرته مش بسبب المدونة و بس .. لأ ده لأنه بينزل مظاهرات و في فترة لما اعتقل جرايد و مدونات كتير نزلت صوره و اتكلمت عنه
يعني مش لأن عنده مدونه فهو معروف
لأ ده لأنه له نشاطات اخري غير التدوين طبعا ما ننكرش انه مدونته احدي مصادر شهرته لكن مش لوحدها ابدا
--------
اما حب الشهرة فهو شيء مشروع و لكنه يتحول لمرض زيه زي اي حاجة تانيه لو زاد عن حده
مش فاكر اسمه ايه الأخ الاغريقي اللي ولع حريقة كبيرة اوي علشان يبقي مشهور
افضل من نشر الصور في كل مكان انه يكتب حاجة لها قيمة .. حتي و لو كانت لها قيمة له هو لوحده
الشهرة في حد ذاتها مش هدف هي وسيلة
يعني الكاتب او الممثل او المغني لازم يكون مشهور ... بس مش مشهور و بس لازم كمان يكون بيعمل شغله كويس
و دي وسيلة للانتشار ... وسيلة مش هدف
اما اذا تحولت لهدف ... يبقي شيء مرضي
---------

اخيرا
استمتعت جدا بالتعليق بتاعك ... يحمل وجهة نظر مخالفة
شكرا لأهتمامك بنقد فكرة التدوينه :) خالص التحية

2:06 م  
Blogger karakib said...

Sherif
كده يا عم البعته دي !! و انا عمال ادور يا تري فين التدوينه اللي بيقول عليها .. :) حصل خير
فكرة قفل المدونة بتراود الكثيرين
طبيعي جدا انهم يصيبهم اليأس او يفضلوا الصمت قليلا
بيتهيألي اللي اتعود يكتب مابينساش العادة دي حتي لو اصابه بعض الفتور في وقت و توقف بيرجع تاني
الفكرة المهمه بقي
و ده اللي هاعمله علي المستوي الشخصي لو حسيت انيمش عايز اكتب
مش هاحذف الاكاونت بتاعي زي ما كتير بيعملوا و لا هاشيل كل التدوينات و اسيب المدونه فاضيه مجرد عنوان
كل اللي هيحصل اني هاتوقف قليلا .. من غير ما امسح اي حاجة من هنا و بعد كده لو حبيت ادون تاني هارجع اكمل علي القديم
لو لأ يبقي تفضل زي ما هي متسابه و اكيد هيكون لها معني كبير عندي بعد عشرة او 15 سنه لما ارجع و ابص عليها و اشوف كنت بافكر ازاي و ايه اللي كان بيلفت نظري :) هتبقي حاجة لطيفة يعني
و بعدين في مدونات لما بتتوقف باتضايق جدا زي مثلا اسكندرية بيروت اللي متوقفة عن الكتابه من فترة طويلة
كنت باستمتع بقراءة تدويناتها ..لكنها توقفت
و مع ذلك الحمدللة ما حذفتش مدونتها

2:13 م  
Anonymous Basma said...

كنت بأستظرف يا هاني ... علي غرار المدون القفا اللي ماكنش فاضي الاسبوع اللي فات ... ولا مدونه ولا بتاع ... مش بأحب التخيلات
عارف ؟؟ مش مهم مين بيكتب ولا مين بيعلق ... المهم بعد الكتابه والقراءة الناس استفادت ولا لأ... البوست ضاف اي حاجه ؟؟ غير في الناس...؟؟ ولو ضاف حتي لحظه انسانيه؟؟
الحقيقي هو اللي بيفضل ... والحقيقي هو اللي بيعلم في الناس .... ودول قليلين جدا
تحياتي

3:47 م  
Blogger عباس العبد said...

انت كتبتها برضه يا فقرى
----
هههههه
الناس فخدت من الضحك على الى انت كتبته
امال لو نشرت كلامك الى قولتهولى , حيحصلهم ايه ؟
هههههههههههههههههههههههههههههه
حيموتوا من الضحك و لا حيتشلوا
فى مدون حيبكى شللاً لو قرا التدوينة دى
---
كله فى السلانكتيه
يا فقرى
سمعت عن انتريه حناكة التدوينى و مدارس التدوين للجميع
و رب ضارة نافعة
و كله فى الكلتش كلشنكان
----
يا ابن اللذين
هههههههههههههههههههههههههههههههههههههههههههههههههه

5:27 م  
Blogger محمد الكومي said...

على فكرة انا اول ما بدأت في مدونتي القديمة قعدت كدة فترة تلات او اربع شهور لحد ما بدات ازبط نفسي و اول ما استقريت على شكل كتاباتي عملت بلوج جديد

موضوعك جميل و واقعي اوي

بس احب اقوللك ان ده ممك يكون ىنتيجة ان المدونات في مصر بتستخدم استخدام اللي ماشفش لحة شاف .......... اتهبل

عادي يعني الامور بتعدي

11:17 م  
Blogger محمد الكومي said...

بالمناسبة ان كنت قفا نص لبة يعني مثلا ماكنتش و مازلت لا احضر تجمعات مدونين
ولا ورد ولا معجبين ولا صور

بس تصدق البوست ده جامد عشان في ناس هتفكر نفسها حاجة و هما اخرهم كي بورد وماوس و زي دون كيشوت بيحارب طواحين الهوا و هما بيعارضوا من مدوناتهم و مع اول شخطة من عسكري امن مركزي تلاقيه طلع الموبايل و اتصل ببابي او مامي او اونكل

و منهم اللي بينادي بتطبيق القانون و بيكتب في البلوج ازاي انه عدى من مخالفة مرورية بالكوسة

على فكرة

انت جااااااااااااااااااااااامد

و البوست ده جااااااااااااااااااامد

و قلم حلو على وش كل واحد مفكر نفسه قائد حملة تنوير المجتمع

11:22 م  
Blogger Nouran said...

مش عارفه
محستهاش
انا بحس ان التدوين ده حاجة انا بكتبها كدا حاجة جوايا وبطلعها بصورة منظمة او حتى مفركشةو بضايق جدا من تصنيف المدونات ود سياسيه ود اجتماعيه بحس ان كدا بقى حجر ع صاحب المدونة انه يكتب تحت تصنيف اللي اتصنفوا
المدونه ده شئ ملكي انا بطلع فيه كل احاسيسي و مشاعري بقول كل اللي بحسوا فيها ولما مثلا اجي اكتب بقالي كذا مكتبتش ده بجد علشان بيبقى المدونين وحشني والبلوج وحشني
ولما باكتب هيييييه انا اوال تعليق بجد علشان ببقى فرحانه اني اول واحده قريت البوست او علقت عليه
ولما بقول ان عندي بلوج بقول علشان ببقى حابه الناس تقراه
مش حسيت اني مدون قفا واضايقت انك بتقول كدا ع الناس اللي بتعمل كدا
بس كدا :)

8:56 ص  
Blogger karakib said...

Basma
بس برضه ميمنعش اننا نقول ده كده مش حقيقي .. فعلا الحقيقي هو اللي بيبقي بس اصل الوضع يفوق الاحتمال :)

12:15 م  
Blogger karakib said...

عباس العبد
عن الاخ المدون اللي ممكن يكون قراها فمش مشكلة :) خليه يقراها يمكن يحس علي دمه و يرحمني شوية من الهبل
خلي الناس تضحك يا رامز

12:17 م  
Blogger karakib said...

محمد الكومي
كلنا في البداية كنا بنبحث عن الانتشار
لكن مش بطريقة الاخوة القفايات
استحاله يكون الانتشار بالطريقة العبيطة دي
ابدا يعني
نورتني

12:19 م  
Blogger karakib said...

Nouran
نوران الجميلة ... في ناس بتعملها بشكل تلقائي و ناس بتعملها لأنها قفا
في فرق كبير اوي ما بين الصدق و ده اللي انت بتتكلمي عليه .. اني اكون بحب الناس فعلا فاقول لهم وحشتوني و اني اكون في اول كل تدوينة باقول للناس بحبكم خالص وحشتوني جدا
الفرق بيتهيألي واضح
و لا ايه رأيك ؟

12:21 م  
Blogger Nouran said...

صح عندك حق احرجتني بكلامك:)

11:09 م  
Blogger bassma said...

انا اكثر حاجه مفرحاني ان تعليقي رقم 65 :))

11:22 م  
Blogger Bella said...

انا جيت اعلق تاني علشان يبقى رقم تعليقي 66 بعد بسمة مباشرة

ههههههههههههه

11:26 م  
Blogger karakib said...

Nouran
يا فندم انا ما اقدرش احرجك
علي فكرة انا فعلا مبسوط انك اتناقشتي معايا في الفكرة و اختلفنا او اتفقنا مش مهم .. المهم انه كل واحد قال رأيه و بصراحة

1:24 ص  
Blogger karakib said...

bassma
:) طيب بس الرد عليه هيبقي في 68 هههههههه
انتو هتشتغلوني بقي و لا ايه :)

1:25 ص  
Blogger karakib said...

Bella
لأ جيتي متأخر اوي .. و احنا داخلين علي 67 !! يعني مش اول و لا تاني
مينفعش كده !! انا زعلان منك
كان المفروض تبقي اول تعليق
ههههههههههه

1:26 ص  
Blogger Bella said...

لا لا

كده ازعل منك قوي خالص جدا

خللى بالك ان جيت قبل كده

يعني لما وصلت للرقم 66 كان لي سابق زيارة وحتى بالامارة رقم 6

يعني حتى الزيارة التانية وحسوبة بالمللي مش اي حاجة

انت بتتكلم مع ناس لو معرفوش ييجوا في التعليق الاولاني بيعملوا تعليقات بارقام موحية مش اي حاجة يعني

راجع التعليقات تاني يااستاذ

كده بقى عليك غرامة

هههههههههههه

1:29 ص  
Blogger karakib said...

Bella
ههههههههههههههه
يخرب عقلك :) بس كدة انت اللي مش واخدة بالك ... اسمك في البوست اساسا علي اساس انك انت اللي جايبه لي جمع قفا الصحيح :) نسيتي و لا ايه

4:04 ص  
Blogger Bella said...

لا مانسيتش طبعا

هههههههههههههههههههههههههههههههههههههههه

وده جمع يتنسى برضه

انت عارف علاقتي بالمعاجم كويسة جدا وعن نفسي ماباصدق الاقي سبب يخليني افتح اي معجم علشان استكشف

فكان اكتشاف جميل صراحة

هههههههههههههه

4:10 ص  
Blogger karakib said...

Bella
هههههههه مش بعيد تلاقي حد منهم بيدور علي جمع لفعل فعلا
بس المعجم العربي سهل في التعامل معاه و كمان القواميس الانجليزي و الفرنسي انمافي لغات حاسس انه معجمها اكيد سبعة متر في اتناشر و بيتفتح بقفل خمش هاقول لك هي ايه
علشان انت عارفه

1:38 م  
Blogger بثينــــــة said...

شفت التدوينة دي دلوقت بس مش عارفة ازاي هربت مني من عشرة ايام كاملة
الظاهر الريدر بيسرب
بس موتني من الضحك يا هاني حرام عليك
ورغم اني قرطاس ومش عارفة الاسقاط علي مين بس بجد فيه كتير كدة وبيفرسوني
تدوينتك دي جت بعد تدوينة عباس العبد بتاعة غطا البيبسي وحاسة انكم حولتولي رصيد ضحك يكفيني حبة حلوين كدة
مش تزعل بأة اني جيت متأخرة
فورجيف مي
:D

6:46 م  
Blogger Hu-man said...

إيه ياعم ..إنت متغاظ منهم ولا إيه ...ههههههههه
بس ياسيدي كل واحد حر في اللي هو يعمله
الإنسان الحقيقي بيفرض نفسه في أي حته ...والإنسان المزيف اللي انت قصدك عليه عايز شهره ...هياخد الشهرة بس مؤقته وهايكتشف ان هو ماأستفادش بأي حاجه ..واخد بالك
الإنترنت عالم إفتراضي وليس عالم الكدابيين
هو بيكون كده بس بالنسبه للكداب فقط لاغير
...
صديقي خليك مرن شويه ..وفعلا ماتبسش من زاويه ضيقه

5:45 ص  
Blogger karakib said...

أزال المؤلف هذا التعليق.

11:29 ص  
Blogger karakib said...

بثينــــــة
يا فندم انت نورتيني
الحقيقة انا لحد دلوقتي لا استخدم ريدرات
ربنا يخلي لنا كل اللي عاملين ريدر في مدوناتهم :) باعتمد عليهم تماما في انهم يكتشفوا لي المدونات الجديده الجيدة
تدوينة عباس العبد بتاعة اقلع ملط فعلا دمها خفيف اوي

11:31 ص  
Blogger karakib said...

Hu-man
متغاظ منهم فعلا :) ههههه اكيد متغاظ
الموضوع مش مرونة و غير مرونة
الموضوع انه لما تروح كل مكان تقول لهم احنا المدونين المصريين و تتكلم باسمهم بيبقي الموضوع دمه تقيل اوي
لأنه ما ينفعش اروح فرنسا مثلا و اتكلم مع الفرنسيين و اقول لهم انا المصريين .. اصل المدونين اشكال و الوان و اتجاهات يعني مش صفة ممكن تكون تعريف بك كشخص
يعني زي بالظبط لما تقول لواحد انا قعيد قهاوي ... او انا مثقف
ما يطلق عليها شغلانة مثقف دي شبيهه تماما بما اقوله
مافيش حاجة اسمها شغلانته مثقف كبير
و لا مدون مشهور
بيتهيألي انت فاهم قصدي

11:35 ص  
Anonymous غير معرف said...

الجدع صاحب المدونة اللى فى اللينك ده كل شوية يروح مدونة .وميقراش فيها ايه حتى مجرد يدخل يقول تحيه معطرة ومش عارف ايه وفى الاخر يستخدم اسلوب دار الايتام (تعالوا زورونا باى باى )
ويحط لينك لمدونته وبيترجى صاحب المدونة اللى بيرد فيها انه مجرد يرد عنده باى حاجة حتى ولو كلمة تثبت الحضور .من منطلق انها مدرسة
اسلوب رخيص ووضيع وحطتله لينك لموضوعك ده يمكن يفهم ولا حتى يعدل من اسلوبه لكن بلا فائده
لينك مدونت
http://kanyatklam.blogspot.com/
حد يعقله يا جدعان لاحسان العملية خربت خالص

3:08 م  
Blogger karakib said...

الاخ غير المعرف
حضرتك كدة بتحطني ما بين مطرقة أني امسح تعليقك و سندان فخ التعرض لشخص بعينه و سبه لأن الهدف من هذا البوست لم يكن اني اشخصن الحديث لهذة الدرجة
شوف انا رحت بصيت علي مدونة الاخ اللي انت وضعت رابط مدونته هنا
ما حسيتش انه قفا و لا حاجة بالعكس هو بيكتب باسلوب لطيف
شخص بيكتب لمزاجه يعني مش بيتمنظر علي الناس زي اللي كنت اقصدهم بالتدوينة دي

6:21 م  
Blogger ana ga3an said...

انا عارف انها تدوينة قديمة
بس وقعت في طريقي بالصدفة
مش قادر اقولك قد اية
بتعكس واقع
وانا اكيد انها تقصد شخص بعينة
الصور اللي حاطتها علي مدونتة
بالظبط اللي انت بتقولة
بدأ من بوكية الورد
حتي التقاطة الصور مع الجميع
حتي عمال النظافة

يا حج دي عالم تشل
سلامي يابو جورج

3:50 م  
Blogger karakib said...

ana ga3an
صدقني يا فندم مش واحد بعينه
دول عدد لا يقل عن عشرة
للاسف بيحاولوا يقدموا نفسهم في ك مكان مش كممثلين عن انفسهم او شة حتي من المدونين
لأ عن مصر كلها مش بس مدونينها لأ ده عنها كلها
خيابة يعني

5:09 م  
Anonymous غير معرف said...

امال قفوات تطلع جمع ايه؟؟؟؟؟؟؟؟

3:59 ص  
Blogger karakib said...

امال قفوات تطلع جمع ايه؟؟؟؟؟؟؟؟

جمع مؤنث سالم :) ههههههههههههه

11:54 م  
Blogger د/اجدع بنوته said...

مبدئيا اتعترت ف مدونة حضرتك بالصدفه

وللاسف ندمانه انى متعترتش فيها م زمان

ومع انى زيك لا احبذ اى لقاء او تجمع

او فهرس للمدونات

الا انى دلوقت لقيتله فايده

ع الاقل كنت هدخل مدونتك بدرى

قريت طبعا البوستات التاليه لده

بس شدنى ده جدا

وبالاحرى مشدنيش ده امبريسد مى يعنى

حاجه جريئه وحاجه بتعبر ع لسانا كلنا

يعنى م الاخر قولت فعلا اللى كلنا

سكتناومقلنهوش بس بعدنا وخلاص

اكيد انت اخدت بالك ان الناس دى

كانوا اصحاب قضيه وبيكتبوا وبيعبروا

الا انهم م وقت مبداوا يعيشوا ف برجهم

الخاص بقى .. وبدا يبقى كل كلامهم

انا روحت .. انا جيت .. وغرق صور

طبعا بدا رصيدهم يقل عند الناس

انت كنت بتقدملى حاجه تفيدنى

فاكيد تستحق الدقايق اللى هدهالك م وقتى

عشت الحلم الحقيقه .. ومغرق الدنيا

صور وامور شخصيه

خلاص هنجيلك ليه ؟؟؟؟؟

وده للاسف اللى هما مش فاهمينه

يعنى دمروا نفسهم م قبل ميبنوا التمثال

اللى حلموا يعملوووه

يعنى شوك الورد جرح اديهم

قبل ماللى حواليهم يلحقوا حتى يشموووه

تحياتى يامستر هانى

ولو تسمحلى اكون م الزوار الدائمين

لمنطقة حضرتك التدوينيه

ورمضان كريم

2:59 ص  
Blogger د/اجدع بنوته said...

اه صح كمان بالمناسبه

مش دى شرقاويه اصيله

واى حد بيديها مش يبقى ليه اصول

شرقاويه وش

مش باكل مش ماشى

انا اخدت بالى ان حد قال عليها دلع

بالعكس دى ماكلتش مروحتش

هى اللى افضل يعنى ودلع عن مش

مش ممشتش .. ف الحالتين

سعيده بزيارتى مدونتك

سلام

3:10 ص  
Blogger د/اجدع بنوته said...

هههههههههههههههههههه

معلش طولت انا

بس كل شويه افتكر حاجه بقى عايزه اقولها

استحمل بقى دى ضريبة الزياره الاولى

انا اخدت بالى ان حضرتك بتعرض لظاهره

تضايق مش اشخاص فعلا

لان انا معاك ف ده .. احنا كلنا بشر

وكلنا عندنا ديفكت

والناس اللى بنشوف منهم الظاهره دى

انا بصراحه بضايق اكتر علشانهم

لان ف اديهم فعلاا يفيدوا غيرهم كتير

بدل الوقت اللى بيضيعوه ف مظاهر

بس لو جيت تفكر تتكلم مع حد بعينه

هيضايق ويفتكر انك حقود ع المجد اللى حققه

فعلشان كده الواحد بيفضل الصمت

سلام بقى

وسورى طولت فعلا

3:17 ص  
Blogger karakib said...

د/اجدع بنوته
يا فندم و لا طولتي و لا حاجة
و شكرا لأهتمامك و اتمني دوام مرورك

1:52 م  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

12:06 م  

إرسال تعليق

Links to this post:

إنشاء رابط

<< Home