ملاحظات هامشية
عندما اقرأ في مانشيتات الصحف أن حماس تتفاوض مع اسرائيل ادرك أن اسم فلسطين يتأكل ... لم يعد أحد يذكره في المفاوضات و حلت محله اسماء اخري
------
------
عندما أري احد الوزراء او المسئولين السابقين ... ينضم الي المعارضة ... أو احد قيادات المعارضة تقبل منصب رسمي بالتعيين أتأكد أن الافيال تتصارع و العشب يتحطم
----
----
عندما اقرأ كل هذة الصحف التي تندد و تشجب الدول الغربية لأي فعل كان و كل هذا التأييد الشعبي للشجب و الادانة و اري بعدها الطوابير امام السفارات اتأكد أننا ظاهرة صوتية
------
------
عندما اقابل شاب .. يسمونه قيادي عربي يتحدث طوال الوقت بلغات اجنبية و يفتعل انه نسي معني بعض الكلمات السهله بالعربية ... اتأكد ان اللغة و الهوية اشياء مرتبطة ببعضها البعض ارتباط وثيق هل سألت نفسك ... واي وي دونت رايت انجليش ان ارابيك لترز ؟
-------
-------
عندما يعتمد احدهم في النقاش علي أنه اكبر سنا و أكثر خبرة في الحياة اتبين ضعف حجته مباشرة
-----
-----
عندما اشاهد مباريات الرجبي اتأكد أن تلك اللعبة فكرتها تعتمد بشكل اساسي علي الفوز عندما تحتل أرض اوسع من خصمك و اتسائل من الذي اخترعها
---------
---------
posted by karakib at 9:33 م
32 comments:
اتفق معك في اننا مبنعملش حاجة غير بنشجب و نندد و نهززأ و كل واحد عايز يهاجر من البلد
اومال مين اللي مفروض ينهض بيها؟؟؟
بالنسبة للقيادي العربي هذا يذكرني ببوست كانت سبهللة صاحبة مدونة سبهللة كاتباه عن واحدة
لحظة اجيب لحضرتك البوست " إيه الست دية؟"
http://sabahlalah.blogspot.com/2008/07/blog-post_10.html
بيكوز نو بادي جوننا اندرستاند
............
الاكبر سناً و خبرة مش دايماً بتبقي حجتة ضعيفة
من حكم اللي شافة من الناس
اسئل مجرب ( يعني عندة خبرة) ولا تسأل طبيب( يعني عندة علم )
ههههههههههههههههههههههههه
اني وايز الخبرة في اي مجال افضل بكثير من الدراسة فية
يعني لو دكتور مثلا وحاصل علي ماستر في حاجات بالهبل و دكتوراة في حاجات و مبيعملش بيها
مش عمرة هيكون زي واحد بيتعامل مع حالات كتير
و بيفهم المريض اللي قدامة
لخبرة بتفرق برضو
بس متكونش هيا دية الحُجة الوحيدة
........
الرجبي دية القدم لاامريكية؟؟
عامتاً مبتفرجش عليا :D
...........
دمت سالم
سلامٌ عليك
أزال المؤلف هذا التعليق.
ازيك يا هاني
و عندما نرى الباطل صوته عاليا جليا و يحظى بالتعاطف ندرك اننا نتلقى الباطل على انه ليس باطلا و عان الحق بات غريبا و ذلك لان العقول اختلت
عندما تري كل ده تكتشف أنك الوطن محتاج لكام كلية طب مخصوص للطب النفسي ..
لأن كله عنده انفصام وكله محتاج دكتور
صباحك جميل ورائع علي رأى واحد صاحبي عايش بره الوطن العربى
على فكرة انت قوى الملاحظة
نعكشة
اللي المفروض ينهض بيها
يعني ايه مفهوم نهضة اساسا من الواضح انه التعريفات كانت مختلفة لكنها الأن متضادة
و ان قلنا متضادة يبقي كلام لطيف هي في الحقيقة متناحرة
محمد الكومي
العقول اختلت ... دي حقيقة
و النفوس مرضت و علت دي حقيقة
بس العلاج فين ؟ لازم يكون في علاج
Basma
اتفرجي علي فيلم اسف علي الازعاج بتاع احمد حلمي
و انت بتتفرجي شوفي الناس قاعدة زهقانة ازاي
مع انه الفيلم بيعمل حاجة مهمه جدا و هي رفع الوصم عن المريض النفسي
كل الناس عندها مشاكل نفسية لكن بتعمل نفسها زي الفل و كويسة
المجتمع علمهم انه مفيش حاجة اسمها مريض نفسي او مرض نفسي .. علمهم انه في حاجة اسمها مجانين
شوفي الفيلم هيعجبك اوي لو حطيتي في دماغك انك مش داخله تضحكي و بس
الراجل الطيب
علي فكرة انا نفسي اعرف انت مين ؟؟ انت مين بقي ؟
مش المهم الاسم المهم الفعل... رأي براجماتيكي ندل
2_ البولوتيكيا فن بلا اخلاق
لك ان نختار الفن او الاخلاق
3_ الصحف حاجه والبشر حاجه تانيه
4_ تف عليه
5_ تف عليه
6_ واحد بيحاول يوصل مش عن طريق الخط المستقيم.. والمواجهه الحرة لكن عن طريق قطم الاجزاء سياسه النفس الطويل قد تؤتي ثماره او لا
سلام
ازيك يا هاني عامل ايه
و الله كلامك قلب عليا المواجع فعلا و معك حق في كل اللي قلته
انا بقيت اكبر دماغي من كل دول لاني عارفة ديتها
يالا هنقول ايه
يخرب بيتك
واحشنى جدا
صح يا هاني
احنا أحسن ناس تشجب وتندد وتجعجع وتألف أغاين وتقعد تنبد وفي الاخر الفعل صفر وكله بيقول بلا مصلحتي
تحياتي
التوسع و الاستيلاء معنى صهيوني صنعوه و صدروه لباقي العالم
تحياتي العامرة لقلمك الناضج
بنت القمر
---
مش مهم الاسم المهم الفعل
طبعا رأي براجماتيكي حقير و ندل
لأن الاسم ... الحدود ... اللغة ... اشياء تشكل هوية
---
البولوتيكا مش فن ... دي انعدام اخلاق و بس
---
ما هو الصحف شبه البشر اللي بيكتبوها من برا حاجة و من جوا حاجة
و اللي جوا لازم يبان مهما كنا فنانين في اننا نخبيه
---
ريقي عادة بينشف من كتر الكلام مع الناس دي فمش بيبقي في مساحة للتفافة
هههههههههه
---
سياسة النفس الطويل
بيعجبني في تعليقاتك انها بتدي بعد وضح و اعمق للمكتوب
شــــمـس الديـن
ما هو تكبير او تصغير الدماغ مش حل يا جارتي العزيزة
عمره ما كان حل
nour
انت كمان وحشاني كتير :) عايز اشوفك
علي فكرة باشوف الاستاذ الطاووس في وسط البلد كتير اوي
bastokka طهقانة
مش صهيوني و لا حاجة
الصهيونيه دي احنا بنديها انتصارات كثيرة ليست من حقها
عندما أقرأ أي نص جديد لك ..أشكر أول من اخترع المدونات ..وأجد نفسي متفق مع رؤيتك في معظم إن لم يكن كل ما تكتب ..لذلك معظم الأحيان أكتفي بالقراءة و عدم التعليق ..هذه المرة أردت أن أقول لك :
سانك يو فري ماتش
و ميرسي بوكو..و بوكوب ..و بو علي كمان .
شفت فيلم نأسف علي الإزعاج يا هاني
الفيلم رائع بالفعل
لكن للأسف لم أقصد هذا النوع من المرض النفسي... فالمرض في الفيلم كان مسببا
وفي تعليقي كنت أقصد نماذج أخري تتقمص أشكالا ليست لها ولا تلاحظ... وكذلك لا يلاحظ الناس من حولهم مدي مرضية الوضع وهذه هي المشكلة الأكبر لأنهم يتحكمون في مصير وطن
حـنــّا السكران
كلام كبير بجد و كله فيتامينات تشجيعيه متشكر لك
Basma
فهمت قصدك
النوع التاني من المرض اللي بتتكلمي عنه يقع الجزء الاكبر منه علي المجتمع و ليس الشخص
جميلة مدونتك
و ملاحظاتك رائعة
أنا بذلت مجهود رهيب علشان أقرأ البوست ده بسبب الضباب اللي جاي من البوست اللي فات .. هههه
دي مش ملاحظات هامشية يا راجل .. دي ملاحظات بديهية أساسية صريحة .. بس إحنا اللي بنغلوش عليها وبنقول إنها هامشية علشان نضحك على نفسنا ونعمل مش واخدين بالنا
زي النعامة يعني
S H A H
الجميل يشوف كل حاجة جميلة
يا مراكبي
حلو موضوع الضباب ده ههههههه وصف أخر للفعل ابو ريحة وحشة :))
هو بصراحة انا قلت انها هامشية بشكل مقصود
الناس ما بتحبش تسمع او تقرا الا الحاجات المستخبية و الوشوشه
للاسف يا بشمهندس يوم بعد يوم باكتشف انها حقيقة
عندما أرى قانون السلطة هو السائد
والكوسة عايمة ومغرقانا
اذن احنا بخيييييييييييير
انت عارف ، لما أكون على المسنجر و الاقي حد بيكتب عربي بحروف انجليش بتنرفز أوي و أطلب منه انة يكتبها بالعربي أو يتكلم ( سترايت انجليش ) لاني لما باجي أقراها بحس اني بفك شفرة .. بس حكاية الانجليش بالعربي دي حلوه و دمها خفيف أوي .. من هنا و رايح هكتب لاي حد يعمل كدة انجليش بحروف عربي و نشوف مين فينا هيفهم التاني :)
زهرة اللوتس (الفضائية .. فاكرني؟)
تخيل لما ده كله هامشي..ومن علي الهامش
أمال المتن هيبقي عامل ازاي
تدوينة وجعت قلبي
Desert cat
خير :)) أه خير :)) ممكن
غير معرف
طبعا فاكرك .. رحتي فين :)) مش باشوفك ليه ؟
alexandmellia
سلامة القلب
طعم المر في قلبي فضل يمرر فيه و لاعمر قدر يغير حبك من جواه ... اقر انا المذكور اعلاه :))
إرسال تعليق
<< Home