السبت، أغسطس 02، 2008

ثقب في رأسي

عندما اخترقت تلك الرصاصة رأسي ... ظلت تدور بسرعة تتناقص تدريجيا في خلايا مخي ... بعد ان هشمت جزء دائري صغير في جمجمتي ... و بدأت تمحو بعض الأحداث الصغيرة الكثيرة ... و لكنها فتحت نافذة لعقلي علي اشياء لم اكن اراها قبل ذلك ... من تلك الفتحة الصغيرة في الجمجمة رأيت العالم
عندما كنت صغيرا ... كنت مندهشا ... دائما مندهش ... و الان لم تعد لدي تلك القدرة علي الدهشة نهائيا فكل الاشياء مسطحة ... كلها تتقابل في نقطة واحدة ... و في تلك النقطة تتفرق كل الأشياء ايضا ... ذلك الثقب الصغير الذي احدثته الطلقه في رأسي
قالوا لي أن الحرب مقدسة ... و أن الموت راحة ... فلم اجد في الحروب الا كل دنس و نجاسة و خسة ... و لغرائب الامور ... التي لم تنجح ايضا في ادهاشي ايضا ... لأن كل الامور اصبحت مسطحة و لأنني لم اعد قادرا علي ممارسة هذا الفعل ... الدهشة ... وجدت أنهم يطلقون علي الخسة ... شجاعة ... و علي الخيانة ... ذكاء ... علي السطحية ... بساطة و عندما اخترقت تلك الرصاصة رأسي لم اصل الي تلك الراحة حتي و هي تدور في رأسي بدفئها و تمحو بعض من ما اردت محوه ... لأنها محت ايضا اشياء لا اود ان امحوها
من هنا تحت التراب ... في قبري الضيق ... اسمع همهمات البشر ... يبحثون عن الحقيقة ... يتباحثون ... يتسائلون ... و لا يعلمون أن المعرفة هي الحزن و أن كثرة المعرفة تميت القلب

33 comments:

Anonymous basma said...

هاني
معك حق ربما المعرفه هى الحزن
ولكن
كثره المعرفة تميت القلب ولا الموضوع حاجه تانيه!!!
يمكن كثرة المعرفه تعلمنا الكثير ... توقف كياننا عن الاندهاش لأي جديد فنفقد بذلك الاحساس به
وإذا توقفنا عن الاحساس توقف عمل القلب
لكن السؤال هل يموت القلب فعلا؟

9:51 م  
Blogger بثينــــــة said...

التوقف عن الرغبة في معرفة المزيد لأن ما عرف بالفعل صادم لقناعاتنا يعد فعل سلبي في ذاته
و التوقف عن الاندهاش ليس مرادف للموت .. أراه .. بعين متفائلة .. حالة ركود ذهني والتقاط أنفاس

12:14 ص  
Blogger بنت القمر said...

لا مش ها ترتاح كتير كم دقيقه وبيقولوا ها تدخل النفق االي لاخرة نور وبعدين الطفوله والذكريات وبعدين ضلمه وفراغ ده مش انا اللي بقول ده اللي ماتوا هما اللي بيقولوا
:)))
وبعدين يجيوا الشيوخ يقولوا حساب وثواب وعقاب ونار وجنه يعني مخك مش ها يفضي ولا يرتاح شغل ولا في وقت للدهشه ولا لمراجعه المصطلحات
شغل
شغل
تموت من هنا ووراك شغل كتير
مستعجل ليه ما انت قاعد شوية:))))))))

3:20 ص  
Blogger appy said...

اولا موضوع المسميات اللى قالبنها عادى عادى هتعمل ايه
دا احنا لو فتحنا فى الموضوع ده مش هنخلص ابدا
اما الباقى اركن مخك على جنب شويه علشان مش الاقيك ماشى فى الشارع بتحدف الناس بالطوب ههههههههه

9:06 ص  
Blogger قلب مصرى said...

لن يتمكن الإنسان من معرفة الحقيقة المطلقة أبداً فى هذه الدنيا.
وربما كان السبب الرئيسى من إرتسام علامات لم نعتدها على وجه الموتى نتاج الاطلاع على هذه المعرفة المطلقة والتى لن نحتملها فيكون مصيرنا قبر تحت التراب.

11:39 ص  
Blogger Islam Attia said...

زمان لما كان حد بتظهر عليه علامات الجنون او التوحد او حتي الاكتئاب كانوا بيقولو عليه " اصله جاله الفكر " وانا الحكمة قتلتني و ماعدتش قادر عليها ومن النهار ده هتخل في النظام بدون اي مشاغبة

1:31 م  
Anonymous Alien Purlo (the lotus flower b4) said...

أنا هنا بس كنت في أجازة طويلة شوية:)
************
نفس السؤال خطر على بالي مرات عديدة من قبل .. الفارق بين أنا الان و أن أكون فلاحة ساذجة تجلس على شاطئ النيل في سعادة دون الاكتراث بالتلوث او اي شئ اخر كان كيلومتر واحد فقط لحظة ولادتي.. و تساءلت أينا في نعيم؟
ثم أيقنت أن المعرفة كي تكون نعمة يجب أن تصحبها الحكمة و أساس الحكمة القناعة ( أن تقنع ان لك مخ غلباوي مش عايز يبطل شغل:) ) و من هذا المنطلق قررت أن أقنع بمخي العزيز .. فحتى اذا توقفت عن الاندهاش فهناك كثير من الاشياء التي استمتع بعملها يوميا و هو سبب كافي للحياة :)

Knowledge: is to know that tomato is a fruit.
Wisedom: is not to put tomato in a fruit salad.
:)))

3:14 م  
Anonymous المهاجر الى الله said...

ادعوك لزيارتى
www.eyuon.blogspot.com
يشرفنى دخولك

5:23 م  
Blogger محمد الكومي said...

بس المعرفة حلوة برضه يا هاني

2:07 م  
Blogger The Alien said...

أنا رأيي إن المعرفة بتفتح أبواب جديدة للدهشة
المعرفة بتيجي من البحث
لكن اللي فاكر إن معاه الحقيقة المطلقة بيبطل يدور ويعرف
دا بقي اللي مش بيمارس الدهشة

الدهشة والتساؤل هما المتعة ف الحياة
تحياتي

3:51 م  
Blogger bastokka طهقانة said...

رصاصة واحدة تعمل كده؟
طيب ما احنا كل يوم بننطخ ستين رصاصة لما بقت جتتنا منخل


اوروفوار

4:39 م  
Anonymous so said...

جميلة يابشمهندس هانى
فيها عمق يدهشنى

والشىء الجميل لازم يذكر

6:25 م  
Blogger sarah la tulipe rose said...

أزال المؤلف هذا التعليق.

7:21 م  
Blogger sarah la tulipe rose said...

والله انت دماغك جامدة..البوست دة تكفير عن بوست رياح الفراق!..كثرة المعرفة تميت القلب؟؟..عمري ما فكرت فيها من ناحية الموت..هي تفقدك الدهشة و تصيبك بالسأم..وتشعرك بسخافة الحياة لتدرك ان الحياة ذاتها و ليست الحروب فقط التي تحتوي علي النجاسة

7:22 م  
Blogger يوميات نائمة في الأرياف said...

يااااااااااااه
عايزة اقولك ان المدونة بتاعتك دي هي اللي خلتني افكر اني في يوم يكون عندي مدونة!
كنت بقلب من سنة كدو ولقيتها وعايزة اقولك اني كنت بقرا كل كلمة فيها بجد احساسك عالي اوي
بس بقالي كتير مفتحتهاش لأسباب مختلفة
ولما عملت المدونة بتاعتي افتكرت بيكيا بتاعتك ودورت عليها تاني
النهاردة انا مقريتش حاجة انا بس كنت بحييك
ربنا يكرمك ويوفقك يارب

2:05 ص  
Blogger محمد على الهنداوى said...

لم اعد قادرا علي ممارسة هذا الفعل ... الدهشة ...

تماما كحالى
غير انى أشتاق شعور الدهشه فعلا..من الرفاهيه الان ان تندهش

جايز تكون المعرفه هى الحزن فعلا..لكن كثرة الحزن تغسل القلب

تحياتى يا صديقى

3:04 م  
Anonymous غير معرف said...

http://wahabisharjah.blogspot.com/

enjoy it

8:51 م  
Blogger karakib said...

basma
طبعا القلب بيموت
لما بيسكت و ما يبقاش قادر يتكلم
يبقي مات

9:47 ص  
Blogger karakib said...

بثينة
الفرق الوحيد بين البالغ و الطفل ان هذا قادر علي فعل الدهشة بكثرة و هذا قادر عليه .. و لكن ليس بكثرة
الفرق الوحيد بين البالغ و الشيخ ان الاخير ليس لديه أي قدرة علي الدهشة و بالتالي يموت ... لأنه فقد الاستمتاع باكتشاف جوهر الاشياء لأن في الاغلب يكون جوهرها دنس

9:49 ص  
Blogger karakib said...

بنت القمر
شغل شغل شغل :)
هههههههههههههه
لا تأمن لمن كان دينه دكانه

9:51 ص  
Blogger karakib said...

appy
هيحصل قريب علي فكرة هههههههههههه

9:52 ص  
Blogger karakib said...

قلب مصرى
لكنني لا افكر بخلفية المطلقات لأني اعرف ان البشر عاجزين عن تفسير المطلق تماما حتي و لو كان بشكل عقلي بحت

9:54 ص  
Blogger karakib said...

islam Attia
تفتكر هو ده الحل ؟؟ ما افتكرش يا اسلام
الطير اللي خرج من القفص و لف لفتين في الكون الواسع مستحيل يستحمل الحياة في المكان الضيق تاني
اهون عليه يموت حر و لا يموت بالشكل المهين ده

9:55 ص  
Blogger karakib said...

Alien Purlo (the lotus flower b4
هههههههههههه
حلوة اوي الفرق ما بين المعرفة و الحكمة اللي انت قلتيهم دول :) دمهم خفيف اوي
الجهل له مميزات علي فكرة ... لكن عيوبه بأنه بيخلي الناس بسهوله تقود الجهله .. بيبقوا زي الاطفال قانعين بسلب حريتهم في مقابل انهم يعيشوا حياتهم في سلام و استقرار نفسي .. بدون تفكير يعني :)

10:05 ص  
Blogger karakib said...

محمد الكومي
حلوة بشكل مطلق ؟؟ و حشة بشكل مطلق ؟؟ في رأيي كل حاجة لها
مميزات
و عيوب
و لا ايه ؟

10:06 ص  
Blogger karakib said...

The Alien
لأ انا لا ادعي اني عندي المعرفة الكاملة يا صديقي العزيز و انت عارف :)
لأ انا باقول ان اللي عرفته سبب لي حالة من التبلد ... فاهمني طبعا

10:07 ص  
Blogger karakib said...

bastokaطهقانه
رصاصة واحدة تقتل
ستين رصاصة ... مش عارف ممكن يعملوا ايه :) !؟

10:10 ص  
Blogger karakib said...

so
يا باشا الجميل يشوف كل حاجة جميلة
مبسوط انها عجبتك
و اتمني دايما

10:10 ص  
Blogger karakib said...

sarah la tulipe rose
هو البوست بتاع رياح الفراق ده كان تكفير اساسا
هههههههههههههههههههه
اعتراف ضمني ههههههههههه
فعلا كثرة المعرفة قد تميت القلب
بس
و نورتيني هناك :)

10:12 ص  
Blogger karakib said...

يوميات نائمة في الأرياف
مدونتي انا كانت سبب في انه حد يبدأ تدوين و الحد ده كمان جاي يقول لي كده
دي حاجه تبسط اوي :) شكرا يا فندم
نورتيني

10:14 ص  
Blogger karakib said...

محمد على الهنداوى
من الرفاهيه الأن ان نندهش
فعلا يا محمد الكلام ده حقيقي جدا
انك تكون لازلت قادرا علي هذا الفعل و لم تتكون بعد لديك طبقة كافية من التبلد تعزلك عن العالم يبقي انت تمام تمام و مرفه كمان

10:15 ص  
Blogger يوميات نائمة في الأرياف said...

طيب انا كدة قريت
لية ساعات بنحس اننا فقدنا القدرة على الحياة؟.
على التنفس..الشهيق والزفير...حركة الايدين...الكلام مع الناس؟
لية فجأة ممكن تحس ان حبل الحياة اتقطع مع انك لسة عايش؟
تقبل مروري

10:43 م  
Blogger karakib said...

يوميات نائمة في الأرياف
لأننا فقدنا القدرة علي الدهشة ...

5:51 م  

إرسال تعليق

Links to this post:

إنشاء رابط

<< Home