الخميس، ديسمبر 07، 2006

عودة الأفيال


:المشهد الثاني
بعد أن انتهي الأسد من انهاء ما بدأه ... و انشب اسنانه هو و الضباع و الصقور من بعده ... كل في دوره في جسد الغزاله البديع الجمال ... لم يعد يبق منها الا هيكل عظمي أبيض ... و الجميع يختبأون من هول ما حدث داخل الأعشاب الطويله و يتأملون في مصير الغزاله و مصيرهم المرتقب في أي وقت من بعدها .. كانت الدماء منتشره في كل مكان و علي وجوه الكل ايضا

استمع سكان الأحراش جميعا لصوت دبيب أقدام قوي يأتي من بعيد و يهز المكان كله مع امطار خفيفه منعشه تنظف اثار الدماء معلنه بدء الشتاء

أنها قبيله الأفيال العظيمه تعود ظهر اولهم فرفع الكل اعينه لكي يري وجهه الهاديء .. حجمه مهول ... يتلاعب بخرطومه يمينا و يسارا في سعاده لقد رجع الي أرضه مره أخري .. يقطع قليلا من العشب ... و يأكل ... ينظر الي الملك ... و يصدر صوته العميق الرزين ... فيرتعد الملك متذكرا ما حدث معه في أول الشتاء الماضي عندما حاول ان يتحدي قوته الكبيره

هذا الذي لا يفترس أحد و لا يستطيع حتي الملك أن يقترب منه و يعتدي عليه ...عاد
ترك الفيل العصافير الصغيره تأكل من فوق ظهره و تنظفه ... وخرج الأرانب و الغزلان و كل ضعفاء الغابه ليلهون من حوله ... و هم مطمأنين , مأتنسين به و منه
لا يهابه الضعفاء و ترتعد اوصال الأقوياء متي سمعوا صوت أقدامه و اهتزاز أرض الغابه لمجيئه ... ظهر أسد أخر صغير السن و الخبرة لا يعلم ما هو مقدار القوة السلمية التي يتمتع بها هذا العظيم ... لم يكن احد الافيال ملكا يوما و لكن كانوا دائما الأقوي و الأكثر عدلا
خبرته الطويله في الحياة جعلته معتادا علي اختبارات القوي مع الأسود ... انتظر حتي يقترب منه بخطواته الواثقه ... فهو الملك بالطبع ...و تشتد الأمطار و تصبح اشد عنفا تبرق السماء غضبا و ترعد ... يقفز بشراسه و ينشب مخالبه في أحدي ارجله التي تبدو من القوة و الثبات كجزع شجرة عتيقه جدا لن تتأثر ابدا بمحاولات اقتلاعها عن أرضها... يلطمه بشدة بخرطومه فيلقي به بعيدا بحركه سريعه اندهش الجميع لسرعتها ... لم يتوقع أحد أن يتحرك كل هذا الجبل بهذه الخفه و السرعه... هشم له احد أذرعه ...و تركه يأن بشده... و قال بصوت عالي متحديا غاضبا بعد ان استثاره احد الذين يستخدمون قوتهم في الاعتداءات الغاشمه مره اخري سأكسر ذراعك التي امتدت ظلما لتجرح السلام الذي كان بيننا قبلها

فتملك الخوف علي الأسد الصغير و هرب بعيدا و هو يعرج متألما... بدا المكان و كأنه اوسع و اجمل ... بالتزامن مع بعده ... و مع ظهور قوس قزح معلنا نهاية الأمطار
ليتوال من بعدها ظهور الأفيال الواحد تلو الأخر في مشهد عادل مهيب ... يعم السلام المكان رويدا رويدا و يخرج جميع الحيوانات ليتعايشوا في سعاده و سلام ... و ينتظر الأسد لحظات أن يغفل الفيل لكي يمارس سطوته الظالمه مره أخري

و من بعيد يقف الضباع و الصقور ينتظرون
(يستكمل)
.
.
هاني جورج

40 comments:

Blogger sarah la tulipe rose said...

اخيرا في الاول الواحد مكسوف بعد ما كان ترتيبه ال45 في البوست اللي فات
رموز كثيرة في قصتك ...و مغزي اظن انك تريد ايصاله
انا عن نفسي لا اري في الاسد عدوا او شخصا شلريرا-حاعتبره شخص باعتبار انك كاتب بالرمز- فهذة طبيعة الاسد التي خلقه الله عليها مفترس ..فهو لم يجعل نفسه متوحشا لكنه وجد هكذا فلا نلومنه اذن علي طبيعته التي لم يخترها
الفيل ..حكمة الله تعالي ان خلق الفيل و الاسد معا ليحققا التوازن ..فالمفترس يجد من يوقفه ..مما يجعل الحياة ذاتها قابلة للعيش للضعفاء من امثالنا و امثال الغزال الذي لم يكن ليحظي بلحظة امان و احدة دون وجود الفيل
اما من يستحق الكراهية بحق فهم الضباع...الضباع ملئوا عالمنا حقا عندما يتجسد المكر و الخبث و النفاق و الضعف و الغباء و الشر في صورة فهو يتجسد في صورة الضبع
يضحك ضحكته القميئة التي يداري خلفها نية سوداء و يتحين الفرصة ليبرز دناءته عند اختفاء الاسد و الفيل
هل رأيت عمرك ضبعا في مواجهة مع حيوان اخر ..انه اجبن من ذلك
كم ضبعا حولنا ؟ كثر الضباع بشدة لان الاسود لا تهتم بها اذ ان الضباع تخشاها و كثرت لان الفيل تأخر في المجيء
فالمجد اذن لزمن الضباع
بانتظار التكملة انا حاسة انها حتكون جميلة كالعادة
تحيات كثيرات

8:51 م  
Blogger nour said...

انا بحب اسلوب الاسقاط جدا و خصوصا لما يكتبه واحد متمك من قلمه زيك..بوست رااااائع بجد

9:45 م  
Blogger karakib said...

sarah la tulipe rose
يا ساره انت من اصحاب المكان .. ما تفرقش الأول او ال45 ابدا يفرق معايا أسمع رأيك دائما يا دكتوره ..فعلا الكتابات رمزيه سواء فالمشهد الأول أو الثاني ... لماذا قلتي أننا الضعفاء .. ان يكون الأنسان فيل أو غيره هذا أختيار أما عن الضباع فهي بالفعل أكثر من المعتاد في الغابه التكمله لها موجوده بس مش مستويه أوي لسه :) هخرجها من الفرن بس تستوي مظبوط علشان ما توجعش بطن اللي يقراها


هاني جورج
انتوك

12:16 ص  
Blogger karakib said...

nour
ازيك :) علي فكره أنت هتخليني أصدق نفسي بجد :) اسلوب الرمزيه أنا كمان باحبه أوي ... كان في واحد باقرا له اسمه الحكيم ايسوب بحبه اوي مش فاكر كان فارسي و لا ايه بالظبط
نورتي المدونه


هاني جورج
انتوك

12:18 ص  
Blogger Tamer Nabil Moussa said...

رائع انتوك

بصراحى موضوع اكثر من رائع

فى انتظار الجديد

تحياتى

2:34 م  
Anonymous غير معرف said...

السؤال دلوقتى هو ليه بنقول على الأسد أنه هو اللى ملك الغابة ؟

3:10 م  
Blogger karakib said...

tamer
جزيل الشكر لثنائك الجميل و اتمني دوام المتابعه ..

6:20 م  
Blogger karakib said...

غريب
أولا يا ريت تعرفني بنفسك .. مين حضرتك .. واضح أنك مشمن المدونين .. يبقي أكيد تعرفني بشكل أو بأخر فيا ريت أعرف مين معايا :) لو سمحت

ثانيا
سؤال يطرح نفسه لماذا الملك هو الأسد رغم أنه ليس الأشرس و ليس الأقوي ليس الأذكي و لا الأضخم ... ليس الأجمل و لا الأطول ...
فعلا دي حقائق ... لكن هو الوحيد الأكثر توازنا من بين كل حيوانات الغابه فهو لديه من القوه ما يكفي و الشراسه و الذكاء و الضخامه و كل الصفات ما يكفي ... انه التوازن يا عزيزي ... دائما ما يكون أول الفصل ليس الأذكي ... و ليس الأكثر مراجعه لدروسه ولكنه الأكثر توازنا ... هكذا هي الحياه متي نجحت في توازناتك أصبحت الملك ... و هو ده رأيي ... ربما يكون غلط ... و ربما يكون صح ... في أحد الفقهاء تقريبا أبن رشد والله أعلم قال رأيي صحه تحتمل الخطأ و رأيك خطأ يحتمل الصحه ... فهل تدلي برأيك في ما قلت ؟؟



هاني جورج

6:25 م  
Blogger karakib said...

أه منها الأيام
بتفرحتا ساعات
و بتجرحنا ساعات
و بترمينا لفين ؟
أه منها الايام
دايره مافيش حسابات
اسئله بلا اجابات
و احنا ادينا عايشين
دايره و زي رهان
أو دور بيدور علي كل الناس
تضحك تقسي زي ما ترسي
نصيب مكتوب و خلاص
و اللي في ايدنا نجري و نحلم
جايز تضحك لنا قدام
أه من الظلم يا ناس
قلوب مافيهاش احساس
و الطيب ينداس
أه من الظلم يا ناس
دنيا و بالمقلوب
قاسيه علي المغلوب
توعد و ما توفيش

7:41 م  
Blogger karakib said...

epitaph
علي فكره يا ابيتاف أنا باحب اراقب سلوك الحيوانات أوي الاسود الافيال القرود الغزلان و سيد قشطه :) بس بافشل معظم الوقت أني اقنع حد ييجي معايا معظم الوقت لجنينه الحيوانات المكان هناك ممتع بجد ... الجزء التالت لسه ما استواش ... لما يقعد فالفرن شويه علشان ما يوجعش بطن اللي يقراه ... اتمني ليكي انت كمان التوفيق في امتحاناتك يا رب كل الناس تنجح يا رب


هاني جورج
انتوك

12:15 ص  
Blogger ^ H@fSS@^ said...

هاني
بقالي 3 ايام اقرا البوست و اكون عاوزة اعلق مش عارفة
كلام كتييييييييير
ومش عارفة اكتبه
مليان معاني و تشبيهات كتيرة
يمكن الاسد تنقصه الحكمة او البصيرة

الفيل حسيته الحرفوش الحقاني بتاع الحارة
لو كان الاسد حكيم
كان اخدة تحت جناح الحكم عشان يستفيد من قوته و نفس الوقت يسلم شره
مش عارفة
متلخبطة

ادعي لي ربنا يفتح عليا و اعرف اعبر عن الجوايا
انا اتحسدت يا رجالة

سلام
:(

5:27 م  
Blogger aliaa abdalfatah said...

بوست هايل فعلا ، وأسلوب الاسقاط فعلا من أكتر الأساليب اللي بتسمع مع الناس
وانا نفسي بصراحة في فيل صغير يمسك البلد بتاعتنا دي
شكرا على البوست
وشكرا على مرورك على مدونتي بالمقلوب

12:07 ص  
Blogger karakib said...

حفصوتشا ام مصطفى
مافيش لخبطه و لا حاجه بالعكس كلامك منظم أوي .. الأسقاط مسئوليه المشاهدين ... ممكن تشوفي اللي انت عايزاه ..

12:12 ص  
Blogger karakib said...

aliaa abdalfatah
مروري بمدونتك يشرفني يا فندم ... الفيل الصغير أو أي فيل عموما مش شخص أبدا
و ده رأيي

انتوك

12:14 ص  
Blogger lastknight said...

الرمزيه فى القصه أكتر من رائعه .. لا تطرح فكره فقط لكن أكثر من ذلك .. تدعو لتفكير .. لماذا الشر دائما جميل المظهر كالأسد ..؟ و لماذا المسالم دائما ضحيه رغم رقته و جماله ؟ و لماذا لا يتمتع بالجكال ذاته صاحب العدل و الحكمه الفيل ؟ لكن الحكم للعامه .. الأغلبيه .. يحبون الفيل و يحترموه و يلتفوا حوله لاعبين هانئين بحياتهم .. بينما يجفلون خوفا من الأسد ..
ملحوظه أخرى من وحى رموز القصه .. الفيل الحكيم القوى لا يحقد على الأسد الجميل القوى أيضا ..ولا يتربصه وقد يغفل عنه .. بينما الأسد حقود على العادل الطيب .. ينتظر غفله منه .. ليعاود شروره مره أخرى لكن مع الضعفاء
تهور الوريث العبيط كسر ذراعه و علمه درس
فعلا .. شكرا على القصه الرائعه .. و بانتظار الجزء الثالث

3:48 ص  
Blogger karakib said...

lastknight
رؤيتك في الأسقاط حلوه أوي فعلا قصدت أني أوصل نقطه أنه الكون دايما جميل .. له رونق و روعه لا يزولا حتي في أحلك لحظات الظلم .. لازم تكون هي دي عيون الناس دايما باحثه عن الجمال في أي مكان حتي و لو كان مقلب زباله .. لا يحقد الفيل لأنه ليست لديه أي أطكاع
هكذا دائما الأقوياء ليا واحد صاحبي بقاله 14 سنه بيلعب كمال أجسام .. يدهشني ردود أفعاله دائما ... طوال 6 سنوات هي عمر معرفتي به لم أراه يتعارك الا مره واحده و كان مضطرا .. جري قدامه قهوه في شبرا بحالها لما غضب و أنما غير كده بيتجنب المشاكل و بيسامح في حقه دائما لأنه في رأيي مدرك لمقدار القوه التي يتمتع بها خصوصا و أنه من الأصل طوله و حجمه شكلهم غريب من غير رياضه أصلا هكذا هم الأقوياء لا يحتاجون الي اثبات قوتهم .. لأنهم واثقين منها

انتوك

12:09 م  
Blogger Ahmed Rashwan said...

العزيز هاني
شدني الفيل منذ زمن لكونه من أكثر الحيوانات حساسية وقدرة على التعبير
وفي تدوينتك نرى جانب آخر منه حيث تتآلف القوة مع الحكمة
للأسف لم يعد الكثير من الأفيال في زماننا

3:35 م  
Blogger مُزمُز said...

"... فيرتعد الملك متذكرا ما حدث معه في أول الشتاء الماضي عندما حاول ان يتحدي قوته الكبيره
هذا الذي لا يفترس أحد و لا يستطيع حتي الملك أن يقترب منه و يعتدي عليه"

لو اعتبرنا الفيل ده هو الشعب ذو القوة السياسية

"ظهر أسد أخر صغير السن و الخبرة لا يعلم ما هو مقدار القوة السلمية التي يتمتع بها هذا العظيم"

يبقى الوريث ده هو اللي مكانش عارف قوته الكامنة فاتبهدل
وطبعا لو ده الوريث يبقى هو جيمي

مش كده تبقى متفائل شوية يا أستاذ أنتوك
ولا الشعب ولا الجن الأزرق يقدر على منع الوريث
مفيش حل كده غير إن ييجي صياد يصطاد الأسد ويوديه السيرك
وده تفسيره إن مفيش حل غير التدخل العسكري الأميريكي
بصراحة هيبقى أرحم من اللي احنا فيه ده

5:47 م  
Blogger karakib said...

film69
فعلا الفيل من الحيوانات الحساسه جدا و هو حيوان غريب قبل أن يموت يذهب الي مكان يسمس بمقبرة الأفيال ليموت هناك .. ده غير أنه بيحب قبيلته جدا و بيفضل عايش وسطها طول عمره و أنه مسالم بشك غريب و لا يغضب بسهوله و شأنه شأن كل المسالمين أذا غضب ..
نورت المكان

هاني جورج
انتوك

8:08 م  
Blogger karakib said...

مزمز
انت عايز تحبسنا و لا ايه :) الاسقاط مسئوليه المشاهدين يا عم مزمز .. بس هو الفيل فعلا قوة سلميه لا يعرف قوتها الا الذي حاول ان يتحداها .. سواء كان أسد او نمر او حتي ضبع .. الاسود الصغيره كثيره مثل قليلي الخبرة مش أسد واحد و ده طبعا في الغابه كل الكلام ده ... مش في أي مكان تاني :)
هاني جورج
انتوك

8:11 م  
Blogger smraa alnil said...

البوست دة بيفكرني بفيلم نجيب ريحاني وهو بيسمع للبنت وهي بتقوله وتملك الغيط من الاسد
وزي ما قلتلك قبل كدة خليتني اعيش في الجو لدرجة اني شفت القط بتاعي فيل
ههههههههه
مش للدرجة دي طبعا
بس عيشتني في جو الادغال والحيوانات
وكانت معكم سمراء النيل من برنامج عالم الحيوان
تحياتي

12:57 ص  
Blogger karakib said...

smraa alnil
أنا باحب أعيش في الجو ده أوي ياسمراء نفسي حد يرضي ييجي معايا جنينة الحيوانات بقي !!! طب حد يتبرع و ييجي معايا يفرحني علشان ربنا يفرحه

2:40 ص  
Blogger smraa alnil said...

حديقة الحيوان مرة واحدة
تصدق فكرة واحنا رايحين كدة بحلة المحشي والوابور
ونفرش كابوت العربية علي اي حتة فيكييا جنينة الحيوانات
وتبقي القعدة التمام
بس عايزة اقولك اننا مش هنتفرج علي الفل اللي هناك
لان الفيل اللي هناك مش زي الفيل اللي هنا
الفيل اللي هناك عملين ليه صبغه سودا
وبقاله تقريبا قرن من الزمان
طويل العمر يطول عمره وينصره علي مين يعاديه
هاي هئ

10:35 ص  
Blogger karakib said...

smraa alnil
لأ لأ محشي ايه لأ
أنا أخد بيتزا و باتووون ساليه و شويه كيك و عصير علشان نحلي :) ايه الوايور ده ؟؟ :) بتاع القطر :)الفيل فعلا في جنينه الحيوانات مش عارف عاملين فيه كده ليه !!! ده غير أنهم مسلسلين رجليه ... غريب أوي اللي عاملينه فيه لكن يظل هو هو ... بعيدا عن أعينه الحزينه يظل ضخم قوي قادر علي أخافه الجميع بهدوءه و ذاكرته القويه
الحيوان ده جميل فعلا .. طول عمري باحب أتفرج عليه في جنينه الحيوانات و في التليفزيون و أحب أقرا علنه في واحد أسمه دكتور المخزنجي بيكتب قصص رائعه عن الحيوانات كنت باحب اقرا له دايما
بعجين كابوت العربيه أيه !! انا بياع روبابيكيا يعني عربيتي مافيهاش كابوت أحنا ممكن نقعد جنبها و نشوف رزقنا و أحنا بناكل برضه .. مافيش وقت للعب

1:37 م  
Blogger علي الالفي said...

للاسف الاسود دي ظهرت كتير قوي في الشوارع
و معادش فيه افيال
الناس بقى بستقوى ع الاضعف منها و الاضعف مستني يستقوى ع الاضعف و هكذا
يا رب رحمتك

7:48 م  
Blogger karakib said...

tafaseel
أولا ألف مرحب بيك ..ز ثانيا في أغنيه لمنير بتقول في جمله منها ... طول العمر العسكر عسكر ... بس الناس ... الناس كانت ناس ... ساح يا بداح يا سؤال جراح ... ما الذي كان و ما عادش و راح

هاني جورج
انتوك

9:45 م  
Anonymous غير معرف said...

أنتوك باشا

معلش إتأخرت عليك بس إنت عارف الظروف يا باشا

بجد الموضوع حلو جدا و أسلوب الإسقاط أكتر من رائع بجد الأسلوب الرمزي من أحلى الأساليب في الكتابة موضوع رائع و مستنيين التكملة
ـــــــــــــــــــــــــــ
فاكر المشهد باتاع فتملك الغيظ من الأسد و قال له يا أبله
:D

11:04 م  
Blogger bluestone said...

اكثر ما لفت نظري واعجبني في المشهد بالغ التعبير هو نموذج القيادة اللي قدمه الفيل مقارنة بالاسد
كلاهما نموذج قيادي ناجح إلى حد ما
ولكن الفيل قدم النموذج الكامل والمفتقد لدينا نحن البشر

فالاسد محاط بالسفلة من الحيوانات واسوأهم على الاطلاق او على الاقل اكثرهم قسوة

اما الفيل فاولا هو لا يحصل على قوته من رعاياه فلا يأكل رعاياه ليشبع
ولا يبث الرعب في نفوسهم
واكبر دليل العصافير الصغيرة التي تقف في هدوء فوق ظهره

فالبرغم من انه ليس مفترسا بطبعه ولا عنيف ولم يلجأ لاستعراض قوته ببطش او بعساكر امن مركزي مثلا :) الا انه يحظى بمهابة ناتجة عن احترام وليس خوف


اشك كثيرا في عودة الافيال او على الاقل في صحوتها .. فقد عاشت عقودا من الضغط والقهر حتى باتت تجهل حجمها جيدا
كما انها منشغلة بالكثير الان ورضيت طوعا بالافكار المعلبة التي ورثها لهم اباءهم عن سطوة الاسد وبطشه واحقيته التلقائية في سيادة الغابة كحق مكتسب ومتوارث بحكم الطبيعة.

-زيارة بسيطة لحديقة حيوانات الجيزة لترى الفيل المصري وحاله ستوضح تماما ما اقصد
ايضا بيت الاسد يستحق زيارة وتأمل

اما الحديقة فيجب ان يحيلها احدهم للاستيداع .. بعد ان اصاب الهرم والهوان جميع حيواناتها وباتت عنوانا لما تمر به الحديقة الكبيرة

مش هقدر آجي معاك بقى
لان الحيوانات هناك بتصعب عليا قوي حالها

11:57 م  
Blogger مريم said...

السح الدح امبو ادى الواد لابوه
شيل الواد م الحزب ..ادى الواد لابوه
الواد لسه فى اللفة
عاملين له زيطة ولجنة
اكمنه شبه ابوه ..والسح الدح امبو
اعذرنى ع الابتذال ده بس طقت وانا بقرالك ولو ان كلامك يمشى فى حاجات كتير

2:37 ص  
Blogger karakib said...

مصري
أهلا أهلا ... كل الناس اليومين دول مشغولين حتي اللي ما عندهمش أمتحانات أصحابي اللي مخلصين كليات برضه مشغولين
ربنا يعين الجميع ... مبسوط أنها عجبتك و أن شاء الله قريب هنزل جزء جديد منها

9:26 ص  
Blogger karakib said...

bluestone
كنت مستني أعرف رأيك علي فكره :) أنا لم أقصد أن يكون الفيل قائدا أبدا .. لم يكن أحد الأفيال ملكا أبدا ... ربما يصلح لأن يكون نائبا عن الغابه أو قاضيا فالغابه أنما نموذج للقياده الكامله فلا
نقطه مهابه ناتجه عن أحترام و ليس خوف دي بقي صح أوي ... نموذج الأنسان .. قصدي الحيوان اللي يحظي [احترام الناس و ليس خوفها ده شيء حلو أوي بجد
(((اشك كثيرا في عودة الافيال او على الاقل في صحوتها .. فقد عاشت عقودا من الضغط والقهر حتى باتت تجهل حجمها جيدا
كما انها منشغلة بالكثير الان ورضيت طوعا بالافكار المعلبة التي ورثها لهم اباءهم عن سطوة الاسد وبطشه واحقيته التلقائية في سيادة الغابة كحق مكتسب ومتوارث بحكم الطبيعة))))

نرجع تاني للموروث الثقافي التعليمي الكل حاجه الفاشل الفاسد المتخلف اللي ساعات أحنا نفسنا بنشارك في تعميقه و تذويقه و تنميقه حتي رغم رفضنا له الأفيال نسيت أنها أفيال و لو جبتي لها مرايه علشان تشوف نفسها مش هتصدق و غالبا هتقول المرايه بايظه أكيد
بيت الأسد :) فكرتيني بالراجل اللي ماسك حديده و بيغيظ فالأسد علشان يزأر و هو في محبسه و الناس بتشتغل نفسها و تخاف فعلا ... خايفين من أيه ده جوا قفص و بني أدم بيستفزه و متأكد أنه مش هيقدر يعمل أي حاجه و لا أي حاجه ... بس تقولي لمين بقي !! لناس أدمنت الخوف طول عمرها فأصبحت تستلذه حتي ممن لا يصلح أن نخاف منهم
أما عن الهرم و الهوان فهم لم يصيبوا الحديقه فقط و أنما أصابوا أماكن كثيره جدا علي كده بقي لو كل واحد قال مش رايح مكان أصابه الهرم و الهوان مش عارف ممكن نروح فين ... الا صحيح فين

9:37 ص  
Blogger karakib said...

mariam
عدويه فنان شعبي أصيل و جميل :) و صوته حلو و كلماته الي حد ما غير مبتذله :) زي العنب و القصب و الحاجات دي ... طبعا أنا مقدر حبك الشديد لفنان مشهور زيه
يا سلام أيام الفن الجميل :)... الزمن الجميل:) أيام ما تتعوضش بصحيح
و لا أنت كان قصدك حاجه تانيه بقي و لا ايه ؟؟ ها !!؟ عدويه كويس أنا عارف

9:40 ص  
Blogger يا مراكبي said...

وبعدين؟ إحنا متشوقين جدا وعايزين نعرف بقية القصة .. بقالنا إسبوع مستنيين .. ياللا بقى

10:58 م  
Blogger كلبوزة لكن سمباتيك said...

اولا اسجل تحياتي و شكري و تقديري لدعمك الرقيق المتواصل لي
--
الجميع يختبأون من هول ما حدث داخل الأعشاب الطويله و يتأملون في مصير الغزاله و مصيرهم المرتقب في أي وقت من بعدها

--
-
ربما ينتظرون دورهم في الفوز بأي جزء من الوليمة

كم شعرت بتشابه الاحداث بين عالم الادغال و عالمنا
--
خالص تحياتي

11:19 م  
Blogger karakib said...

يا مراكبي
هو الجزء الثالث قبل الأخير أنتهيت من كتابته .. فكرته كانت في دماغي لكني كنت بحاول أسويه قد ما أقدر و ان شاء الله هانزله قريب أوي يا رب يعجب الناس بقي

12:52 ص  
Blogger karakib said...

سمباتيك لكن كلبوزة
الكلام الكبير اللي انت كاتباه ده أنا مش قده فعلا .. و ما تكتبينه بالفعل جميل و المدونه بحالها حلوه فعلا و مش محتاجه لأي دعم من أي حد
اما عن تشابه العوالم فالأسقاط مسئوليه المشاهدين ... و يا رب يعجبك المشهد الثالث قبل الأخير
انتوك

12:56 ص  
Anonymous غير معرف said...

الأسقاط مسئوليه المشاهدين....

طيب!!!

1:08 ص  
Blogger karakib said...

طبعااااااا
الاسقاط مسئوليه المشاهدين

1:11 ص  
Blogger frozen love said...

waiting the rest..2slobk t7fa 3la fkra...

9:15 م  
Blogger karakib said...

frozen love
الباقي موجود و بافكر أنشره قريب بس لأنه الجزء الرابع و الأخير لسه فكره فمش عايز أنزل التالت الا لما الرابع يستوي أوي

9:20 م  

إرسال تعليق

<< Home