السبت، نوفمبر 18، 2006

ارجوكم لا تقتلوا البطه



اعمق و اغرب العلاقات تلك التي تتصل بين بشري و اي كائن حي اخر كحيوان او غيره ... في طفولتي كنت احب شكل افراخ الطيور جدا ... في احدي المرات وافق ابي و امي ان اشتري بطه صغيره ... كانت تبدو كقطنه ذهبيه هي و اختها التي غادرت الحياه مبكرا جدا ...كنت العب معها معظم ساعات النهار و استمتع لرؤيتها تهز ذيلها و تتهادي اثناء مشيها كباقي طيور البط
كانت تحب العوم و المياه جدا
مع الوقت اصبحنا صديقين حميمين هي تنام في كرتونتها بجانبي و عندما يأتي الصباح اخرجها لالعب معها و كانت تمشي ورائي و تجري احيانا ... طفل صغير و بطه صغيره ... اصدقاء سعداء
لم يكن لي اصدقاء في هذا الوقت من البشر ... لم اكن اعرف كيف يمكن ان يكون لي اصدقاء و كانت صديقتي المقربه بطتي ... كبرت بطتي الجميله و اصبح لونها اسود لامع و احتفظت بنفس صفاتها
و لكن صوتها تغير ... اصبحت انثي ناضجه جميله ... و بالفعل بحثت لها عن زوج ... و لكن في احدي الايام التي لن انساها ابدا ما حييت عدت الي البيت لاجدها مذبوحه و بجانبها ملوخيه
لن انسي هذا اليوم !! فقد اعتبرتها جنازه لبطتي العزيزه حفل تأبين وجلست انظر في وجوه من يأكلونها
مجرمووون
كيف تجرأتم علي ذبح صديقتي ... و تأكلونها امامي بعد ذلك
ارجوكم لا تقتلوا البطه
اما عن الحمام ... فلن اتحدث ... فله معي شان اخر ربما ساتحدث عنه في تدوينه اخري فهو رمز للسلام و مثله مثل البط تماما يمكنني ان الاعبه و لكن ان انشب اسناني بين هذا المخلوق الوديع فلم و لن استطيع ان افعل ابدا !!

28 comments:

Anonymous غير معرف said...

السلام عليكم
أية اللي فكرك بالبطة دلوقتي معلش هي دي سنة لحياة
ربنا يرزقك ببط أقصد أصدقاء أحسن

9:00 ص  
Anonymous Ferry said...

ya 3am eih 7kayet el bat m3ak.ya salam 3aleih ma3a el molokheya.3aref ahyanan ykon el saheb el wafi el wahid howa el hayawan bas khali balak lahsan el bat elyomen dol 3ando anfluenza.

9:14 ص  
Blogger مـحـمـد مـفـيـد said...

ياعم انت زعلان اوي كده ليه دي كانت جنبها ملوخيه
هتعزمني بقه والا ايه؟

12:02 م  
Anonymous nousha said...

ma3lesh
kolena laha

2:33 م  
Blogger karakib said...

No Fear
الحمدلله علي نعمه الاصدقاء البشؤيين لكن انا كنت باتكلم عن حاجه تانيه ...

Ferry
ماشي التريقه ... هي بقت كده :) هو مين معايا ؟؟؟

مـحـمـد مـفـيـد

معقوله !! انت كمان موافق عاللي حصل ده :) ماشي ماشي البط فعلا لحد دلوقت مش باحب اكله


nousha
بس هي ما ماتتش موته طبيعيه ده كان في قاتل !!!
اقصد قتله و كانوا يستمتعون بأكلها كمان !!!


انتوك

3:35 م  
Anonymous غير معرف said...

لأ مش ممكن مش معقول دي جريمة
مش لازم نسكت
لازم نستصدر قرار من مجلس الأمن يحرم أكل البط

;)

بس إس : انا مابحبش آكل البط

7:12 م  
Anonymous غير معرف said...

هو يمكن اللي مجربش يفتكرة نوع من الترف العاطفي او الدلع

بس بجد مش هيفهم المشاعر دي - اللي لا هي ترف ولا دلع ولا اي حاجة لكنها من صميم انسانيةاي انسان - الا اللي جربها

احنا مرة كانت والدتي - رحمها الله - جابت لاخي كتاكيت فراخ ...و كنا بنب نلعب معاهم اوي اوي اوي ( و مرة عيوا و ماما وديتهم لدكتور بيطري علشان يعالجهم ) ...لحد ما فعلا ارتبطنا بيهم جدا و جاء اليوم اللي كبروا اوي ولا زم يتدبحوا فيه ...الصراحة انا مقدرتش اكلهم ... بس لان الواحد شافهم و هم حاجة صغيرة و بعدين كبروا ...التعلق علي فكرة صعب اوي

يالا ...

معلش بقي , دا حال الدنيا

مع خالص تحياتي :)

10:08 م  
Blogger karakib said...

مصرى
صديقي انت صديقي علشان بتحافظ علي حياة طيور البط الجميله ... البط علي فكره له مميزات كتير منها انه لا يجرؤ اي حيوان مهما بلغت شراسته ان يهاجم قطيع البط لانه لا يهرب بل يهاجم كله من يهاجم احدهم و بغض النظر عن الخسائر بين صفوفه الا انه لازم يعمل كده رغم انه من الطيور الاليفه يعني
ده غير انه مقاوم للامراض و جيناته تعدل نفسها بالوراثه و لا يورث ابنائه الامراض ... تخيل بقي البط ده قد ايه ربنا حط فيه مميزات .. سبحان الله

انتوك

1:12 ص  
Blogger karakib said...

شــــمـس الديـن
الله ينور عليك .. ما يفهمهاش الا اللي عاشها و اختبرها بنفسه ... شيء متحرك لطيف كائن حي كان صديقك يوما ما لكنك تقتله و تأكله ... انا عارف انه حلال ... لكن انا ما اقدرش اعمل كده .. نفسيا الموضوع مش مقبول بالنسبه ليا

انتوك

1:14 ص  
Blogger كراكيب نـهـى مـحمود said...

انتوك انا سمعت منك الحكاية دي قبل كده
وافتكرتك اول يوم رمضان وانا بفطر واحدة من اصدقاءك وبقيت احس بالذنب بسببك وبسبب مشاعرك ناحية البطة بتاعتك
تحياتي للبوست الجميل ده
وليك

4:10 ص  
Blogger karakib said...

كراكيب
نهي :) ازيك منوره المدونه كلها ... طيب و برضه كلتيها ؟؟؟
ي نهي ارجوكم لا تقتلوا البطه فهي صديقتي
عموما براحتكم بكره ييجي ناس تاكل طيور انت بتحبيها مثلا لو مربيه عصافير كناريا او استرالي ممكن تدبحيهم و تاكليهم ؟؟ مع انهم مش هيلعبوا معاكي زي البط و لا هيعملوا تواصل من نوع غريب الا انك برضه مش هتقدري تدبحيهم

هاني جورج

8:40 ص  
Anonymous غير معرف said...

طيب على فكرة بقى

انا حاسة انك افتكرت البطة عشان كنت بتاكل بط قريب

على العموم ربنا يرحمها....
وكمان انت اللى غلطان انك سيبتها لوحدها من غير حراسة

4:20 م  
Blogger karakib said...

dandana87
انا لا اكل البط ابدا و لو علي رقبتي !! انا انا اكل بط !! استحاله
من ناحيه اني سبتها من غير حراسه فالمثل بيقول لا يأتي الغدر الا من مكمن الثقه ... فهكذا هي الحياه .. مش بايدي ما كنتش متخيل انه ممكن يحصل كده كنت فاكرها خلاص بقت احد اعضاء العائله مش بطه :)
انتوك

4:34 م  
Blogger مـحـمـد مـفـيـد said...

اوعي تزعل يا مان

10:19 م  
Blogger karakib said...

مـحـمـد مـفـيـد
ازعل من ايه بس .. ده كفايه وجودك هنا منورني يبقي ما ينعش ازعل ابدا ده غير انها تدوينه توضع تحت بند هياس :)
هاني جورج

11:47 م  
Blogger Epitaph said...

la2 la2
I have ornithophobia..thsi post made me shiver (fear of all kinds of birds)

حرام عليك يعني

انا تعبت كدة

:(

بطة يا انتوك بطة و مدبوحة كمان

11:14 م  
Blogger karakib said...

Epitaph
حد يخاف من الطيور !! بالذمه ده كلام ده انا مش باحب حاجه قد الطيور و الحيوانات الاليفه :)
انتوك

12:12 ص  
Anonymous غير معرف said...

فكرتني كان عندي كلب صغير من نوع جريفون وكنا مرتبطين بيه جدا
وكنت اوقات كتير بقعدد اكلمه
وللاسف حصلت له حادثة مؤسفة وخبطه تاكسي .. ومن يومها انا لا يمكن اركب مع سواق ملتحي عربيته بيجو ابدا
وافتكر كنت في الشغل في يوم وبحكي لهم عليه وقلت (الله يرحمه) وطبعا قوبلت بعاصفة من الاستهجان
و50 ألف نظرية فلسفية عقائدية مفهمتش منهم حاجة .. بس في النهاية كنت بحس انه بيفهم وعنده احساس وحزنت بجد على فراقه

انما طيور ... لااااااااااااااا
انا بخاف اصلا منها
بالذات البط.. يمكن صوته مش موسيقي
معرفش بس طول عمري بخاف من الطيور

3:43 ص  
Blogger karakib said...

bluestone
ما يعرفش الاحساس ده فعلا اللي جربه زيك كده ... و اي حد تاني يستهين بيه و يقول ده دلع ... البط صوته عالي اه و شكله يمكن مش حلو ... لكن مين قال انه علشان طير يتعاشر لازم يكون شكله حلو ... و الطيور في حد يخاف منها ؟؟ تخافي من عصفوره ؟؟ يمامه او حمامه ؟؟ دول بيبقوا غلابه اوي و هما اللي بيخافوا مننا

انتوك

8:37 ص  
Blogger مُزمُز said...

أي نعم البطة لما تكون متحمرة وجنبها ملوخية تقيلة ومعاهم رز بالشعرية أو محشي ورق عنب مع طبق سلطة خضرا باللمون بس مفيهاش بصل
أي نعم هي حاجة تجنن وبصراحة جعت لما افتكرتها


بس برضه الحدوتة أثرت فيا جدا وخصوصا اللحظة الصادمة حين اكتشافك للجريمة

كان زمان وانا عندي سبع سنين عندي أربع كتاكيت صغننين جدا قعدوا معايا اسبوعين بس وبعدين في يوم ما خرجت أشمسهم قدام باب الشقة وبعد نص ساعة خرجت لقيت دم مكانهم بصيتله بصدمة وذهول شديدين طبعا
واكتشفت ان القطة اللعينة بتاعتنا أكلتهم وفضلت أكرهها جدا وكل ما أشوفها أبقى عايز أموتها
وبرغم ان اخواتي جابولي غيرهم ساعتها الا اني فضلت محزون عليهم جدا ومش قابل فيهم أي عوض
ولحد النهاردة عينيا بتدمع لما افتكرهم

الغريب بقى ان القطة دي ماتت بعدها بتلات سنين في حادثة عربية وصعبت عليا جدا وعيطت عليها بشدة

ما علينا المهم أتمنى لو زرت مدونتي بعد النيولوك البديع اللي عملتهولها

طبعا لو قريت أصداء السيرة الذاتية هتعرف اني تعبت فيها جدا

4:55 ص  
Blogger karakib said...

يعني القاتل و المقتول صعبوا عليك ... يا صاحبي القطه ما عندهاش هقل علشان تكيز ان كان المفروض تاكل هذا الكائن اللطيف ام لا ... اما نحن فنأكل كل شيء و الاكثر اننا المخلوقات الوحيده التي تقوم بحملات اباده لبعضها البعض بصفه دوريه متكرره !!
انتوك

6:11 ص  
Blogger saso said...

هاقوللك حاجة تضحك
ماليش في تربية الكتاكيت انا قطط بس دايما
المهم بابا كان عاوز يعلمني احب كل الكائنات..جاب كتاكيت كتير اربعة وعشرين كتكوت كان فيهم واحد متشرد جدا وبيضربهم كلهم المهم هوا الوحيد اللي عاش
عاااااادي
جبنا اتناشر كتكوت تانيين ماتوا برضة وهوا بقي يضربهم علشان هوا اكبر منهم وبرضة هوا الوحيد اللي عاش
عاااادي
باتعلم التصوير انا واخويا فيلم اربعة وعشرين صورة باطبعهم لقيت صوري كلها عليها ضوء ومش واضحة او اسودت وصورة الكتكوت بس-بعد مابقي ديك ملو هدومة-هيا اللي طالعة
طبعا ماما كانت مش طايقاة..في يوم طار ونزل الشارع من الدور التالت لقيتة واقف غلي السلم ولا خايف ولا زعلان كان فاكر نفسة كلب وطول النهار بيعمل صوت ومش بيسكت خالص وطلعتة تاني ماما ساكتة خاااالص
ماحسيتش بقي بالغدر تاني يوم ارجع القي البيت ساكت وهادي وبابا عاوزني اتغدي معاه برة وقاللي الخبر الفظيع وانا كنت باكل فراخ
بس بعد كام سنة ابتديت اكل فراخ عادي وكل ما اشوف صورتة افتكرة اضحك
عارف بابا علشان الكتكوت فقري وكل ما نجيبله اخوات يموتوا
كان مسمية وحيد
:)) يااة فكرتني بيه كنت نسيتة

4:32 م  
Blogger karakib said...

saso
وجالك قلب تاكلي فراخ بعد كده :) مش عارف ليه انا لحد دلوقتي رافض المبدأ !! يمكن لأن كان سني صغير اوي ساعتها
انتوك

9:00 م  
Blogger saso said...

لا يا انتوك
ده انا اخدت دروس دين واني ماحرمش علي نفسي ماحللة الله
واخدت يمكن اربع سنين لحد ما اتعودت اكلها واقنع نفسي ان الفراخ غير الديوك
:)

12:38 ص  
Blogger karakib said...

saso
انا ما قلتش اني باحرمها اكيد ... هي حلال .. اكيد حلال .. لكن انا مش عايز اكلها رغبه مني ما هي الضفادع حلال ... في ناس ممكت تاكلها و ناس لأ و الصراصير مافيش اي حاجه تمنع انها تتاكل من الناحيه الدينيه انما مش هاكلها تعددت الاسباب و هافضل مش هاكل البط :)
انتوك

12:43 ص  
Blogger كركوبة said...

ربنا يسامحك يا هانى
شوف انت فكرتنى ب ماما
كانت بتربي يمامة ف البيت طليقة اوعى تفتكر انها كانت ف قفص
البيت كان بيتها
وف يوم طارت اليمامة زى مبطير كل يوم واخويا ينزل يجيبها من تحت اى عربية راكنة
المهم
ف يوم طارت قدام عين ماما
وإذا بالقطة تقفز عليها ناهشة ف لحمها
ماما مصدقتش وعيطت ولبست اسود وحزنت حزن
استغربتله الحقيقة
وقولتها لو كنت انا اللى مت مكنتيش عملتى كده
ببساطة شديدة قالتلى هى ضنايا ...انتى ضنايا؟

جئت من أين لا أعلم ولكنى أتيت
hehehehehehehehehehehehehehe

1:04 م  
Blogger كركوبة said...

انا اسفة جدا يا هانى
انت علقت على شخصيتك من تاريخ ميلادك
بس انا مضطرة اشيل البوست واحطة ف بلوج تانى
هستأذنك بزيارة تانية وتكتب الكومنت
انا اسفه بس مضطرة اغير مكانه

9:52 م  
Blogger karakib said...

صدقيني أجمل العلاقات التي يكونها البشر مع أي كيان غير بشري
شيء لا يفهمه أو يعلمه أو يشعر به الا من أختبره فقط

3:03 م  

إرسال تعليق

Links to this post:

إنشاء رابط

<< Home