شكر واجب لنهي
الي الجميله جدا نهي محمود الصحفيه بمجله حريتي شكرا بجد يا نهي لانك خلتينا مبسوطين انتيكه و انا لنشرك و تقديمك لنا في مجلتك باسلوب شيك و راقي جدا ... نهي ... ربنا يبسطك زي ما بسطتينا
كنت كل مره باقعد استني عربيه الاهرام عالقهوه الناحيه التانيه لما محمد هشام عبيه يقول لي انه هينشر حاجه من المدونه في جريده الدستور و مره قعدت مستني جنب الراديو اذاعه القاهره الكبري اسمع برنامج صلاح اللي نشر لنا تدوينه
لكن المره دي استنيت عربيه الجمهوريه و كان الاحساس مختلف لانها المره الرابعه اللي بيهتم فيها حد بحاجه من اللي بنكتبه هنا ... بس بجد اول مره نتقدم بالشياكه و الجمال ده يا نهي فعلا شيء رائع و مشجع جدا انك تتكلمي عننا بالطريقه دي
هاني جورج و كارولين كمال
انتيكه و انتوك
posted by karakib at 3:05 م
12 comments:
يا خبر كده برضه
انا استاهل كل الكلام الحلو ده
انا اللي متشكره لاني اتعرفت على اتنين جمال ومفعين بالجمال والافكار الحلوة زيكم كده
تحياتي ليكم والف شكر على الكلام الجميل اللي كتبتوه ده
نهى محمود
كراكيب
يا نهي انت تستاهلي اكتر من كده بكتير صدقيني مش علشان نشرتي لنا الكلام فالمجله لأ من قبل ما الفكره دي تكون موجوده و انا شايف شخصيه جميله جدا قدامي :)
انتوك
Epitaph
كحك بس !! انت هتضحكي عليا بقي فين العيديه و اللحمه ؟؟ ده ما كانش اتفاقنا كحك و بس انا عايز 100 جنيه عيديه و اتنين كيلو لحمه و كحك و يا سلام لو تعزميني في اي حته بقي كده علي مزاجك :)
ايه ده هى عملتها فيكم
انا سبقتكم بعدد عن خليك ذوق
انا لسه عارفة ويا رب الاقى المجلة
الف مبروك
shaimaa
سبقتينا بعدد في مجله حريتي برضه ؟
لو مش لاقياه هو موجود عندي علي فكره
انتوك
مبروك يا هانى انت و كارولين انا اشتريت المجلة طبعا و انبستط جدا لما شفت الموضوع ووريته للعائلة الكريمة كلها:)وكلهم بيقولولك مبروووك
nour
هو ده عشمي فيكي برضه يا نورا يا جميله ... عقبال ما اشوفك انت كمان في كل المجلات و الجرايد ... تحياتي لكل العائله .. الله يبارك فيهم ... عارف انك من الناس الي هتنبسط لي بجد من قلبها :)
انتوك
يا جماعة لو حد جاب سيرتنا بحاجة أبقو بلغونا
لان حريتي لا تأتي عندنا
:)
وبالنسبة للاعداد السابقة
ماحد يعمل اسكانر وينشر البتاتيع دول
أُكتب بالرصاص
هو انت فين ؟
لو حد جاب سيرتنا لازم اقول طبعا :)
و فكره الاسكانر في بالي و ان شاء الله هنعملها
انتوك
Epitaph
الله يبارك فيكي :) انت تاخدي معايده مليون جنيه اصلا بس منين :) معاكيش خمسه جنيه سلف لحد يوم السبت اللي بعد اللي جاي :) علشان المسائل بقيت مزنقه خالص
انتوك
Ana 3aref eni met2a55ar
Bas ana 3ayez a2ool Mabrook ya Hanii
And Mabrouuk Antikaa
Beggad el Blog dih gamda awyy
Karim Momtaz
كريم و لا متأخرلا و لا حاجه ... وجودك هنا يسعدني ... في اي وقت ... البيت بيتتك يا استاذ :)
انتوك
إرسال تعليق
<< Home