السبت، أكتوبر 28، 2006

شكر واجب لنهي


الي الجميله جدا نهي محمود الصحفيه بمجله حريتي شكرا بجد يا نهي لانك خلتينا مبسوطين انتيكه و انا لنشرك و تقديمك لنا في مجلتك باسلوب شيك و راقي جدا ... نهي ... ربنا يبسطك زي ما بسطتينا
كنت كل مره باقعد استني عربيه الاهرام عالقهوه الناحيه التانيه لما محمد هشام عبيه يقول لي انه هينشر حاجه من المدونه في جريده الدستور و مره قعدت مستني جنب الراديو اذاعه القاهره الكبري اسمع برنامج صلاح اللي نشر لنا تدوينه
لكن المره دي استنيت عربيه الجمهوريه و كان الاحساس مختلف لانها المره الرابعه اللي بيهتم فيها حد بحاجه من اللي بنكتبه هنا ... بس بجد اول مره نتقدم بالشياكه و الجمال ده يا نهي فعلا شيء رائع و مشجع جدا انك تتكلمي عننا بالطريقه دي
شكرا بجد بجد يا نهي
هاني جورج و كارولين كمال
انتيكه و انتوك

14 comments:

Blogger كراكيب نـهـى مـحمود said...

يا خبر كده برضه
انا استاهل كل الكلام الحلو ده
انا اللي متشكره لاني اتعرفت على اتنين جمال ومفعين بالجمال والافكار الحلوة زيكم كده
تحياتي ليكم والف شكر على الكلام الجميل اللي كتبتوه ده
نهى محمود
كراكيب

6:32 م  
Blogger karakib said...

يا نهي انت تستاهلي اكتر من كده بكتير صدقيني مش علشان نشرتي لنا الكلام فالمجله لأ من قبل ما الفكره دي تكون موجوده و انا شايف شخصيه جميله جدا قدامي :)
انتوك

2:21 ص  
Blogger Epitaph said...

Congrats for Antika and Antouk!!
folks..you deserve the best masha Allah! and May God bless your friendship with Noha..!! Masha Allah 3aliko

w ela el amam ya romil :D


Antouk...gaybalak ka7k m3aya :)

10:35 م  
Blogger karakib said...

Epitaph
كحك بس !! انت هتضحكي عليا بقي فين العيديه و اللحمه ؟؟ ده ما كانش اتفاقنا كحك و بس انا عايز 100 جنيه عيديه و اتنين كيلو لحمه و كحك و يا سلام لو تعزميني في اي حته بقي كده علي مزاجك :)

11:03 م  
Blogger shaimaa said...

ايه ده هى عملتها فيكم
انا سبقتكم بعدد عن خليك ذوق
انا لسه عارفة ويا رب الاقى المجلة
الف مبروك

2:16 ص  
Blogger karakib said...

shaimaa
سبقتينا بعدد في مجله حريتي برضه ؟
لو مش لاقياه هو موجود عندي علي فكره
انتوك

7:51 ص  
Blogger nour said...

مبروك يا هانى انت و كارولين انا اشتريت المجلة طبعا و انبستط جدا لما شفت الموضوع ووريته للعائلة الكريمة كلها:)وكلهم بيقولولك مبروووك

7:20 م  
Blogger karakib said...

nour
هو ده عشمي فيكي برضه يا نورا يا جميله ... عقبال ما اشوفك انت كمان في كل المجلات و الجرايد ... تحياتي لكل العائله .. الله يبارك فيهم ... عارف انك من الناس الي هتنبسط لي بجد من قلبها :)
انتوك

1:28 ص  
Blogger أُكتب بالرصاص said...

يا جماعة لو حد جاب سيرتنا بحاجة أبقو بلغونا
لان حريتي لا تأتي عندنا

:)
وبالنسبة للاعداد السابقة
ماحد يعمل اسكانر وينشر البتاتيع دول

6:17 ص  
Blogger karakib said...

أُكتب بالرصاص
هو انت فين ؟
لو حد جاب سيرتنا لازم اقول طبعا :)
و فكره الاسكانر في بالي و ان شاء الله هنعملها
انتوك

1:08 م  
Blogger Epitaph said...

احنا نطلع ع الحسين

و خلص

و عيدية 100 جنية????
ده علي اساس انك ح تديني 500 جنيه ؟؟؟عيدية مش كدة

loool

مبروك مرة تانية يا باشا

3:13 م  
Blogger karakib said...

Epitaph
الله يبارك فيكي :) انت تاخدي معايده مليون جنيه اصلا بس منين :) معاكيش خمسه جنيه سلف لحد يوم السبت اللي بعد اللي جاي :) علشان المسائل بقيت مزنقه خالص
انتوك

6:27 م  
Anonymous Karim Momtaz said...

Ana 3aref eni met2a55ar
Bas ana 3ayez a2ool Mabrook ya Hanii

And Mabrouuk Antikaa

Beggad el Blog dih gamda awyy

12:13 ص  
Blogger karakib said...

Karim Momtaz
كريم و لا متأخرلا و لا حاجه ... وجودك هنا يسعدني ... في اي وقت ... البيت بيتتك يا استاذ :)


انتوك

11:55 ص  

إرسال تعليق

Links to this post:

إنشاء رابط

<< Home