الأربعاء، سبتمبر 13، 2006

طوفان الاحزان


مراره تغص في حلقي منك ... اعطيتك الكثير جدا ... كل ما احبه و استشعره اخذته مني ... و الأن اذهب بعيدا و قل انني كنت المخطئه !! هل تتخيل معني ما كنت تفعله ايها الاحمق ؟؟ هل تدرك انني كنت اري قلبي البريء يوضع في رحي مطاحن اللامبالاه و يشوي بعدها علي نيران الكلمات المنمقه الجميله
ليأكله بعدها هذا المسخ ... وحش الحزن الكاسر الذي حاولت دائما ان احميك منه ... ها انت يا فتاي تعطيه هذا الذي كان ينبض باسمك يوما ... ليمضغه قليلا و يبصقه في مياه عفنه أسنه من التيه و الفزع سأضع مكانه حجرا ...و لن يكون حجرا كريما .. لا و الف لا سأضع مكانه حجر اصم لا يعرف المشاعر و لا يبالي بأحد فلم اعد ابالي باي شيء ... و ما الحياه الا رحله بغيضه تشبهك ... يا من كنت حبيبي ... وصرت الان كهشيم حرقته النيران و اخذه الهواء الي الجحيم فلا يجب ان يدخل دخان الحريق الي انفاسي و يلوث نفسي لا يجب ان استنشقه ... ملعون انت يا من قتلت اجمل احساس في لن اسمح لك مره اخري ان تؤلمني كثيرا ما امتصصت دمائي و تركتك تفعل و انا راضيه تحت مسمي الحب ... الحب الذي لم تعرفه يا رخامي النفس
لا تتعجب من هذا الوصف فانت بالفعل رخامي لا قدره لديك علي العطاء ... لا قدره لديك
لست نادمه ابدا علي ما مضي لانني كنت احاول دائما انجاح علاقتنا ... و كنت انت لا تبال بأي شيء ... كنت اعرف معني الحب و لم استشعره معك يوما رغم كل محاولاتي
الأن اقولها لك من كل عقلي و قلبي و نفسي ... من كل كياني ... من كل ذره دماء تسري في شراييني و كل قطره عرق تخرج من مسامي
... لم تعد بطل قصتي يا احمق
antouk

40 comments:

Anonymous rikos said...

sada2ny ana makontesh mohtam bemawadi3 elmodawanat da.....
bas enta bet7'alini astana eltadwina elgedida
((r i k o s))

1:53 م  
Blogger حــلم said...

أنتوك
تتكلم عما تحسه هى
وهذا منتهى الحب قى ظنى

متلخبطة جدا

ضمير الفاعل هنا يحيرنى

لك سلاماتى

5:42 م  
Blogger enS-San said...

howa akid mesh dah asdak bas lela7za 7aseit en l ontha elli gowak heya betshkki ... heya elli betetkalem ...
ro7t be7'yali ma3a l fekra dih

9:06 م  
Blogger مـحـمـد مـفـيـد said...

اعتقد انه بوست يعبرعن الواقع
تحيه لهذا المجهود الرائع

1:22 ص  
Blogger كراكيب نـهـى مـحمود said...

قرات البوست اكثر من مرة لغته الأدبية راقية وجميله
مفعم بمشاعر الجرح الغائر الذي تشعر هي به
تجربة موفقه يا انتوك
يا ترى هوه بيحس بايه لما بيتوجع -!
كراكيب كركوبة

1:38 ص  
Blogger توهة said...

ههو مين اللى كاتب أنتوك ولا انتيكه

ماعلينا

الحب أطراف من المشاعر المهترئه التى تتجمع على أغصان قلب يعشق الكمال وتنشد كلمات تغرق فى عسل الرقه
ويتراشق الصيادون رصاصات القسوه فينقطع االغناء ويدوى صوت العويل وتتفرق الأطراف المهترئه



وقلبى معاك



فانتازيااااااااااااااااااااااااااا

4:05 ص  
Blogger wa3d el3yoon said...

ينهار
والنعمه كرهته
أيه ده أسلوبك رائع
أنا مش بتأثر بالكتابات بسرعه كده

أمتياز

7:14 ص  
Blogger الســـاحر said...

على فكره اسلوبك رائع بجد وتشبيهاتك جميله جدا..انا شايف انك ممكن باسلوبك تحولى اى فكره ضعيفه الى قصه جميله وده باسلوبك الساحر يعنى انت ممكن تحولى التراب الى دهب..ربنا يوفقك..سلام

7:59 ص  
Blogger karakib said...

rikos
انك تكون بتستني التدوينه الجديده ده شيء يسعدني جدا


حــــــلــم
اتكلم انا بلسان فتاه مجروحه من صديقها بالرغم من انني رجل .. ضمير الفاعل هو الاسهل هنا في التغيير يمكنك رؤيتها بمنظور فتاه او منظور رجل لا فارق ابدا فقط حاولي ان تبدلي الضمائر و في النهايه الاثنان انسان يشعر و يجرح

enS-San
ما قلتش يعني لما رحت بخيالك مع الفكره ديه لقيتها صح و لا غلط ؟

مـحـمـد مـفـيـد
شكرا لمتابعتك و تعليقاتك المشجعه دائما ...

كراكيب
انت بقي حاجه تاني كلامك اللي قلتيه ده انا اعتز بيه جدا يا نهي و لما هو بيتوجع بيتهيألي مش بيفرق كتير و لا ايه رأيك ؟ بيتهيألي لو اتوجع هيكتب نفس الكلام بالظبط يا استاذه :)

الكروان يغنى فانتازيا
اللي كاتب الكلام ده انتوك مش انتيكه اول مره احس اني عايز اكتب عن لسان فتاه .. و مبسوط انه عجبك ...

wa3d el3yoon
الاسلوب و ترتيب الكلمات احيانا يشكلون فارق مع الناس و احيانا تري احد الناس يحاجج حجه باطله مع حجه حقيقيه و بسبب الاسلوب البلاغي تكون الحجه الباطله هي الاصح .. فقط بسبب ترتيب الكلمات ...


الســـاحر
ده كلام كبير اوي ده :) بس انا راجل انا انتوك مش انتيكه صحيح البوست يلخبط بس انا حسيت انه تاء التأنيث مع الموضوع ده هتبقي افضل كتير من انه راجل هو اللي يتكلم

---------------------------------
انتوك

8:52 ص  
Blogger توهة said...

كلنا بنمر بالتجربه دى وكلنا بننجرح وبنجرح ده طبيعى بس عارف اللى بيحب صح عمره ما بيكره الدنياولا بيكره الانسان اللى حبه وجرحه بالعكس بيتنيه يحبه بس الحب بالوقت بيتحول لشفقه لان الانسان اللى يلاقى حد يحبه ويكون متكافئ معاه ويجرحه يبقى انسان اعمى ومش شايف وبيتنيه كده علطول .المهم ان لازم الحب يفضل جواما حى وبكره اكيد هيجيله اللى يقدره ويفهمه ووقتها هنعيش الحياه صح
متشكره جدا ياانتوك على موضوعك واحساسك
بس مفيش مانع لو ولد حس الكلام ده وكتبه على لسانه مش هيقوله عليه ضعيف هيقوله عليه شاعر
كركوره

5:32 م  
Blogger sarah la tulipe rose said...

كلام جميل بجد
بس ليه الانقلاب الفظيع في مشاعرها فعلا الظاهر ان اعنف الحب لا بد ان يتحول لاعنف كره

9:30 م  
Blogger tota said...

انتوك

قرأت البوست فى الاول توقعت ان التوقيع سوف يكون لانتيكا
لكن الغريب ان التوقيع كان لك
وصفت بدقة مشاعر الانثى فى تجربة شبه واقعية عن الحب من طرف واحد
الحب الذى تستمد هى قوتها منه لتستمر فى العطاء وعنما تشعر انه لا يعطى شىء لا تجد هى الاخرى ما تعطيه له وعندها تكون النهاية ففاقد الشىء لا يعطيه
اعجبنى احساسك ووصفك الدقيق للمشاعر
تحياتى لك

5:42 م  
Blogger Gbalawy said...

ممممممم
فعلا قدرت تتقمص الدور لدرجه كبيره
برافوا


تحياتى

6:53 م  
Blogger Bassma said...

قلبي رميته و جبت غيره حجر .. داب الحجر و رجعت قلبي رقيق

11:32 م  
Blogger مداح القمر said...

فيه غير كلامك اللى كاتباه كلام تانى بس مش مكتوب...اسلوب هااااااااااااايل..عجبانى اوى جملة هذا المسخ..وحش الحزن الكاسر...بس مافيش حاجه اسمها ح اشيل قلبى احط مكانه حجر...قلبك غالى عليكى ومش ح تلاقى حجر مهما كان كريم يقدر يحل محله الاحسن انك تشيلى قلب اللى جرحك من مكانه وخليه يتحسر على قلبه

5:23 ص  
Blogger Gid-Do - جدو said...

انتوك

انا بمر على كل الناس اقول كل سنة وانتم طيبين بمناسبة شهر رمضان رغم ان فية ناس يمكن لا تحتفل بشهر رمضان ولكن انا لا احتفل فى بيتى بالكريسماس ولكنى بشارك كل اللى اعرفهم فى الكريسماس وحتى زوجتى اتعودت تعمل صنية البطاطس بالفرن مع رز وفراخ وتعطى صنية لكل جار وبيكون سنكس جيفن فى نوفمبر والكريسماس فى ديسمبر من اجمل ايام السنة عندى هنا وكل سنة وانت طيب

6:05 ص  
Blogger karakib said...

الكروان يغنى فانتازيا

كركوره :) كلامك صح اوي علي فكره اوافقك علي كتير اوي منه اما عن كوني شاعر فاقدر اقلك و انا مستريح جدا انا مش شاعر بأي حاجه خالص

sarah la tulipe rose
اللي حب في يوم ما يقدرش يكره دي حقيقه اعتقد انها من ثوابت الكون ... و كما قال ابن رشد رأيي صواب تحتمل الخطأ و رأيك خطأ يحتمل الصواب

tota
مشاعر المرأه و مشاعر الرجل .. لا اري ان هناك اختلاف كبير في حالات الاحساس بالطلم او القهر فالاحساس يصبح احساس انساني يشترك فيه الذكر و الانثي بنفس الشده و المعاني ...

Gbalawy
تقمص الدور يحتاج لمجهود فعلا و اشياء كثيره يا سيدي ... لكن النجاح فيه هو الاحساس بالمشاعر الصادقه هكذا فقط يمكن ترجمه سلوك اي كائن حي الي كلمات حتي و لو كان غير بشري ...

Bassma
القلب لا يستبدل بحجر و الحب لا يتحول الي كراهيه و انما يختفي تدريجيا لكن لا يحل محله ابدا الكره ... ده رأيي

مداح القمر
انا انتوك يا استاذنا انا راجل ابلغ من العمر 23 ربيعا او خريفا لا فارق ابدا غير متزوج و اعول مجموعه من العصافير الاسترالي يصل عددهم احيانا لارقام لا استطيع ان احصيها :)

-------------------------
ياما قابلت اصحاب و ما صاحبتهمش
و كاسات خمور و شراب و مشربتهمش
اندم عاللي سبتهم ؟؟
و لا اللي ما سبتهمش ؟؟
و عجبي
للرائع دائما صلاح جاهين
-----------------------------
انتوك

1:29 م  
Blogger karakib said...

Gid-Do - جدو
ازيك يا جدي العزيز ... انا عارف انه انا لم اهنئك بمناسبه قرب حلول الشهر المبارك ... لكن انا كنت مستني انه ييجي علشان اهنئك يا جدي العزيز ...
لقيتك انت اللي جاي تهنيني و انا المسيحي و انت المسلم ... شعور جميل اوي يا جدي العزيز انك تشاركني و اشاركك المناسبات السعيده ... كل سنه و انت طيب و رمضان كريم و ياسمين بخير و الاسره كلها بصحه و عافيه و انت بتدون و تعلمنا الافكار المستنيره بتاعتك و اسلوب التفكير الاكثر من رائع ...
متشكر ليك جدا يا جدو ...

انتوك
صديق افكارك و ارائك قبل ان يكون صديق مدونتك الجميله جدا

1:33 م  
Blogger karakib said...

حبيت لكن حب من غير حنان
و صحبت لكن صحبه مالهاش أمان
رحت لحكيم و أكتر لقيت بلوتي
إن اللي جوه القلب مش ع اللسان

أكتب لصديقتك التي تحكي و ترسم مشاعرها في أسطر تشع بالغضب، أكتب لها بعد عجزي عن الكتابة فترة طويلة ... أشعر إنها أفضل حال الان بعد أن اتخذت قرار لا يستطيع الكثير اتخاذه
و يقبلوا أن يصيروا خانه تسد فراغ في حياة الآخر

أسلوب الكتابة غريب جذاب مختلف أشجعك على الاختلاف يا أنتوك
:)


antika

2:17 م  
Blogger karakib said...

antika
عزيزتي انتيكه ... غريب اعترافك انني كتبت هذا لصديقتي ...و الاغرب عجزك عن الكتابه الذي لم افهمه حتي الان ...
كان من الضروري ان اعبر عن حاله صديقتي الوجدانيه هذه بسطور تشع غضبا ..
الاختلاف لم يأت بعد ... تعلمين ما هو مخبأ في الارشيف الداخلي للمدونه هذا هو المختلف يا عزيزتي او اعتقد انه هو المختلف فالتدوينه القادمه التي سأنشرها اعتبرها ثوره علي جو هذه المدونه ...
اعتز بصداقتك جدا ... فلمن لا يعلمون الصداقه هي اعلي احساس انساني منزه عن اي غرض ...
اتمني ان اري كتاباتك قريبا ... فانا متأكد من ان من يملك موهبه مثلك من المستحيل ان تجف ...
---------------------
انتوك

2:41 م  
Blogger مجدى سرحان said...

!!!!!!!!!!!!!!!!أنتوك؟
!!!!!!!!!!وبيكيا؟؟؟؟؟؟
دانتو الإسكندرانيه عليكو استعباط
كل ده
وبيكيا
أمال الجمال يبأه اسمه ايه؟
أنا ميهمنيش اذاكنت ولد ولا بنت
اللى يهمنى ان الجمال ده
لأزم اسم صاحبه يتحط عليه
أنا فرحان جدا
انى جيت هنا
ومكسوف من نفسى لإنى مجتش أبل كده
وعلى إيه
آدى المفضله
وادى اوكى
شكر كبيـــــــــــــــــــر جدا
ومحبه
وود

6:03 م  
Blogger ~ Bato0ot ~ said...

im so agreein with "7elm" comment .. fe3lan da monataha el 7ob

7:59 م  
Blogger 13E7 said...

أزال أحد مشرفي المدونة هذا التعليق.

9:22 م  
Blogger 13E7 said...

13E7

one comment for all those posts i missed, amazing work guys, i see u got back 2 ur own high lveal i used 2 know u throught :)
well done

9:24 م  
Blogger LAMIA MAHMOUD said...

حسيته قوي

12:37 ص  
Blogger karakib said...

مجدى سرحان
الحقيقه احنا اول ما عملنا المدونه ما كناش في دماغنا نكتب اسمنا قد ما نعمل شغل حلو يعجب الناس لكن بعد فتره بدأنا نتكلم و نقول اسمنا للناس و برضه ما اتخليناش عن اسامينا الاولي انتيكه و انتوك اسامينا الحقيقيه هي كارولين كمال و هاني جورج ...

~ Bato0ot ~
يعني انت رأيك كده ؟ :) ده منتهي الحب متأكده ؟ يمكن .. مرورك عالمدونه يسعدني جدا

13E7
مدحت ... فينك يا عم من زمان .. قعدت اقلك في كلام جديد صدقني مش وحش عملت فيه مجهود تعالي شوفه ... رأيك مهم دائما و صادق لانه فالفتره اللي ما كنتش عارف اكتب فيها و كررت نفسي شويه كنت بتقول كده في وشي و دي حاجه كانت عاجباني اوي يا استاذ ... بقلك ايه ... جبت معالك الشمسيه ؟؟ و لا مش هنعرف نعيش الجو و لا ايه :) ها ؟ و لا ايه
--------------------------------
ياما الحياه فيها اللي بيشكيها... و اللي بيرضيها ... و اللي يقاسيها ..
ياللي بتسأل عن الحياه .. خدها كده زي ما هي
فيها ابتسامه و فيها اه
فيها قسيه و حنيه ...
الدنيا ريشه في هوا طايره بغير جناحين
احنا النهار ده سوا
و بكره هنكون فين .. فالدنيا فالدنيا
دنيا تدور ما هما تدور ما هي بتدور سواقينا في عطشنا في الامنا ما بتنساش تداوينا ...
----------------------------

و ان كان في قلبه هموم ... هتكون ملامحه في يوم
من نفس ملامحنا
---------------------------
انتوك

12:50 ص  
Anonymous صديق said...

لي ملاحظة أرجو حذفها بعد الاطلاع عليها
هي "مياه عفنة أسنة"
وليست "أثنة" كما هو مكتوب في النص

11:06 ص  
Blogger linda said...

رائعة هي كلماتك والأروع هي جملتك لم تعد بطل قصتي يااحمق

احسدك على مالك من قوة في ترديدها

تحياتي لك

8:27 م  
Blogger karakib said...

LAMIA MAHMOUD
شكرا لكي يا لميا علي تعليقك الجميل فغايه ما ابتغيه ان يشعر الناس بما اكتب ...

صديق
جزيل الشكر لك .. كنت اتمني ان اعرف من انت ... بجد شكرا ... و اعدك انه لن تتكرر مثل هذه الاخطاء مره اخري ..ز لانني من اول الكارهين للاخطاء الاملائيه ... و بجد اتمني اني اعرفك شخصيا ... متشكر جدا علي تعليقك

linda
هل لاحظتي ان كاتب التدوينه رجل ؟؟ ام لا ؟؟
----------------------
انتوك

10:54 م  
Blogger MAKSOFA said...

أجمل مافي البوست هو أن تستطيع المرأن أن تمتلك زمام أمورها وتستطيع أن تتخذ القرار المناسب في الوقت المناسب ، فلا بكاء ولا عويل بعد أكتشافها أنها منحت عواطفها ومشاعرها لمن لايستحق ، بل أستطاعت أن توقف نزيف حبها في الوقت المناسب حتي لاتتدهور حالتها النفسيه بشكل يجعلها أضعف الكائنات
حقيقه بوست رائع

12:54 م  
Blogger الوردة السوداء said...

هايل جدا
كلامك مسنى بجد

7:45 م  
Blogger karakib said...

MAKSOFA
حقيقي انه المرأه نصف المجتمع و لازم تكون حره في رأيها و قويه في قراراتها و ان قررت حاجه تعملها دائما ايا كانت و الا تظل في نظري الاضعف و الغير مؤهله لقياده دفه حياه ...


الوردة السودة
متشكر ليكي .. كنت باتفرج علي مدونتك من شويه ... مرحبا بك في عالم التدوين الجميل .. الحياه جميله
-------------------------------
انتوك

12:33 ص  
Anonymous Ferry said...

اعتقد انك تفهم كثيرا مشاعر المرأه يا انتوك برغم تداخلاتها العميقةو تستطيع ان تصف مشاعرك باسلوب جذاب.الي الامام دائما

5:27 ص  
Blogger karakib said...

Ferry
متشكر جدا لكلامك المشجع :) و الاجمل منه مرورك و تشريفك لمدونتي ...
انتوك

1:42 م  
Blogger أبو أمل said...

انا برضه حسيت ان اللى كاتبة ده انتيكه
بس بوست عالى
وفيه القسوة المداوية
اللى بمشط المشاعر بتشفى كل الجروح
وده عشمى فيكما
وفى ما تكتبون
تحياتى

8:53 ص  
Blogger karakib said...

عزيزي ابو امل ..
اللي كاتب الموضوع ده مش انتيكه
انتوك هو اللي كاتبه .. ترجمه لمشاعر الغير لكن الكاتب هو انتوك ...
-----------------
انتوك

1:35 م  
Blogger رانية said...

أنا جيت المدونة هنا لأنى لقيت تهنئتك برمضان فى مدونتى فحبيت أرد التهنئة


بس أنا لما جيت و بدأت اقرا عرفت انك مسيحى متتصورش قد ايه فى اللحظة دى أنا فرحت بتهنئتك ليا برمضان و كان وقعها عليا عميق جدا

ربنا يديم المحبة بنا

و كل سنة و انت و انتيكة و كل المسيحيين و المسلمين طيبين
و على الخير مجتمعين
و فقلب بعض عايشين

11:50 م  
Blogger karakib said...

رانية
و انت طيبه و بالصحه و السلامه و تدوم المحبه دايما ما بينا يا رب
انتوك

1:35 ص  
Blogger nour said...

اقولك ايه.....ما انت عارف رأيى فى كتاباتك...جامده جداااا

10:00 م  
Blogger karakib said...

nour
وحشاني علي فكره :)
ده حتي البعد جفا :)
انتوك

4:53 ص  

إرسال تعليق

Links to this post:

إنشاء رابط

<< Home