الأحد، أكتوبر 29، 2006

انهيار مجتمع منافق


كنت قد كتبت عن حاله لاحظتها كثيرا في تدوينه سابقه في شهر اغسطس الماضي عن مجموعه من الشباب يجلسون علي المقهي و لا يجدون ما يفعلونه سوي تأمل الفتيات لم اكن ادرك انه من الممكن ان يتطور الامر الي هذا الحد المفجع المفزع
بعد ما قرأت في مدونه علاء و منال التي جمعت كل المدونين الذين تحدثوا عن هذه الكارثه التي حدثت ليومين متتاليين في وسط البلد و في احد الشوارع الاكثر ازدحاما في مصر
بدأت اشعر ان الكبت و الهمجيه وصلا لدرجه مخيفه فكل جيل يحصد ما زرعه من قبله ... اؤمن بهذه العباره بشده و الان جاء وقت حصاد الاشواك ... وقت حصاد موروث ثقافي اجتماعي من الخوف و الكبت و الانعزال و الامراض النفسيه التي انفجرت في هذا المشهد المأساوي الحزين فاسوأ ما يمكن ان تراه هولمشهد يتلذذ فيه الناس بتعريه و هتك عرض انثي و هم يضحكون و سعداء بما يفعلون ... لا ذنب لها الا انها ولدت في مجتمع يعتبرها من قمه رأسها الي اخمص قدميها عوره و لا يحب ان يناديها باسمها الي اخر الممارسات التي تكرس يوما بعد يوم ثقافه ان الانثي هي التابع المطيع
و يفرغ فيها كل ما يشعر به من قمع و قهر و كبت و ظلم عن طريق ايذائها بدنيا او التحرش بها جنسيا بهذا الشكل الفظ هذه الحادثه ليست الاولي بالطبع و لكنها فريده من نوعها لكثره عدد المتحرشين و اسلوبهم المنظم ... هل هذه بدايه انهيار مجتمع اقتات علي النفاق و المظهريه لسنين طويله مجتمع لا يكف عن الاحساس بالدونيه مترجما هذا باننا افضل من الغرب المنحل و هل هناك انحلال اكثر من هذا الذي حدث و يحدث سواء كان علي مستوي فردي او بهذا الشكل
الجماعي الجديد ؟؟؟
انهيار مجتمع تمرس علي العهر الثقافي و الاستنماء الفكري في القاء اللوم علي الغرب و مساويء الغرب ها نحن اصبحنا مبدعين في الانحلال الاخلاقي فلم يحدث في اي دوله علي حد علمي ما يحدث لدينا من حفلات تحرش جماعيه كهذه
انتوك

26 comments:

Blogger عمرو مجدي said...

انهيار مجتمع وانهيار دولة يا هاني

انهيار منظومة الحكم بأكملها

انهيار الأمن الذي هوا من مقومات النهضة الأساسية، وبدلا من القيام بمهماته الحقيقية يتفرغ للتنكيل بالمعارضين السياسيين

وفي نفس الوقت انهيار منظومة الأخلاق والقيم كما قلت، في المجتمع بصفة عامة، النفاق ، والنظرة الدونية للمرأة، وانحطاط الشباب

البطالة، الفقر، الجوع، الطبقية، المحسوبية، التهييج المستمر في الحفلات الماجنة والتلفزيون الساقط التعبان

كل هذا وماذا ننتظر!!؟

1:45 ص  
Blogger مـحـمـد مـفـيـد said...

عزيزي الرائع انتوك باشا
اولا كل سنه وانت طيب وزعلان منك علشان مش عيدت عليا
المهم انا مقدرش علي زعلك
المجتمع بقي في مرحله انعدام فكر وده نتيجه الضغوط المحيطه بنا كلها من قهر وتهمييش واستبداد و..........
انا مش بسبب الاسباب ولكن اراها مبررات لما وصل اليها معظم الشباب ويوجد مجموعه منهم لا تحب ان تهين نفسها وهم كثر

1:15 م  
Blogger Sampateek said...

مع احترامي لكل من كتب في الموضوع الا اني اري ان هذا التصرف لم يكن ظاهرة و لكنه تصرف فردي من شلة من الصيع
و لا يصح ان نصدق كل ما يكتب
خاصة و ان الصور المنشورة لا تثبت شيئا
انا لا اصدق ما قيل
و مازال شعب مصر قادر علي ايقاف مثل هؤلاء الصيع عند حدهم
خالص تحياتي

2:11 م  
Blogger maged stephen said...

أرجو الا تنسى أن التهويل سببه أحد الامراض النفسيةللحصول على التفرد كفى تهويلا وأفضل ان يبدأالانسان بنفسه بدلا من المغالة فى القاء الطوب المتمثل فى الكلام الذى للأسف الشديد ليس له ثمن أو حساب

3:05 م  
Blogger مداح القمر said...

انا لسه سامع الخبر دا امبارح الساعه 3 بالليل اول ما سمعت الخبر دا قولت دى علامات الساعه...انت عارف ظاهرة المخدرات او الحشيش اللى انتشر بين جميع طبقات الشباب المتعلم والمثقف والجاهل
وطبعا انت عارف ظواهر تانيه قبل كدا من افلام واعلام فاسد...وظواهر تانيه كتير هى نتيجتها الطبيعيه...لازم حل ولازم نلحق الشباب قبل ما يزيد عدد ضحايا الحشيش انحطاط الاخلاق...لكن المشكله الاكبر ان فيه نس مصلحتها فى كدا وهما دول اللى لازم يحتاربوا..ربنا يستر....على فكره انا قريت المدونه كلها تقريبا ومعجب جدا بمواضيعك ومعلش ماقدتش اعمل كومينتات على كل المواضيع...سلام

3:15 م  
Blogger karakib said...

عمرو مجدي
المشكله انخ المنحني بتاع الهبوط بقي شديد الانحدار و ده شيء مفزع و مرعب !!

مـحـمـد مـفـيـد
يا صديقي العزيز انا علشان خفت انسي اي حد و انا باقول كل سنه و انت طيب حطيتها عندي فالمدونه لكل الناس .. و عموما يا سيدي حقك عليا ما اقدرش علي زعلك ابدا كل سنه و انت بالف الف الف خير انت و اسرتك و كل من تتمني لهم الخير و اللي وصل اليه الشباب ده مش بايديهم علي راي عمنا احمد فؤاد نجم احنا استلامنا ايامنا سودا اصلا ما لحقناش نسودها

3:25 م  
Blogger karakib said...

كلبوزة لكن سمباتيك
اتمني من كل قلبي تكون اشاعه صدقيني لكن شفتي نواره نجم اللي هي بنت ابوها صحيح لما طلعت في برنامج العاشره مساء مع مني الشاذلي و قالت انه في ناس شافت الكلام ده بالفعل و هي تعرفهم ... مبيتهيأليش انه مبالغه لانه كل الدلائل اللي بنشوفها بعينينا يوميا في الشوارع تؤدي الي هذه النتيجه


maged stephen
عزيزي انا لم اهول و لم و لن افعل و حتي انا مش بانشر خبر جديد لأ ده انا كل اللي باعمله اني باعلق علي احداث قريتها و مش حاسس انه صعب اصدقها و كل اللي اقدر اقوله لك انه لو حصل هتلاقي كل الانثيات اللي حصل معاها كده رافضه تتكلم هكذا اعتدنا ان ندفن رؤوسنا فالرمال ... فاكر فيلم النوم فالعسل و ازاي الناس كانت خايفه و محرجه تتكلم انه عندهم مشكله ... فاكر الراجل التخين اللي لبس وجه التعفف الزائف و قعد يقول اهم حاجه الاحترررررررام هو في ايه بين الست و الراجل غير الاحترررررررررام

3:30 م  
Blogger karakib said...

أزال أحد مشرفي المدونة هذا التعليق.

3:35 م  
Blogger karakib said...

مداح القمر
شكرا لقرأتك المدونه كلها ده شيء يسعدني و يشرفني جدا .. ليك حق يا مداح القمر الحشيش انتشر بشكل غريب جدا هذه الايام و بين كل الطبقات و الفئات فعلا دي حقيقه و ربما يكون تغييب العقل سبب من اسباب هذه الكوارث لكن تفتكر هو السبب الوحيد ؟
اعتقد لأ بس هو اكيد احد الاسباب المهمه جدا
نفسي اللي حصل معاهم كده يروحوا يبلغوا و يتكلموا و يزعقوا باعلي صوت و نفسي حد يأكد هل هذه حادثه علي مستوي جماعي و لا كانت حوادث فرديه تكررت في مكان واحد فالناس اعتبرتها شيء منظم او سلوك عام اسئله كثيره لا توجد لها اجابات يا ريت حد يجاوبنا عليها


انتوك

3:36 م  
Anonymous غير معرف said...

السلام عليكم و رحمة الله و بركاتة

العليق ممتع و جميل
و لكن اسمح لي بهمسة في اذن حضرتك

الصورة اللي حضرتك حاطتتها بتخدش الحياء العام

انا اعرف انها تعبر عن ما تريد ان تقولة و لكن حتي و ان كنا نحارب مظهر و سلوك سئ لا يجب ان ننزل لمستوي من يفعلون مثل هذه السلوكيات

دمت بكل الخير و لاني اعرف ان حضرتك فكرك جميل ما كنت سمحت لنفسي اني اتدخل اصلا ...لانه كل واحد حر بس فكرتك جميلة ...حسارة تضيعها بصورة زي دي


مع خالص تحياتي :)

6:37 م  
Blogger karakib said...

شــــمـس الديـن
شكرا يا سيدي لثقتك الغاليه في المدونه و انها بالطبع لم ولن تنشر البذاءات كل ما في الموضوع ان دي صوره شباب غاضب مرسومه و باين في ملامح وجههم الغضب اما عن ما يفعله بيده فيا ريت حضرتك تركز شويه هتلاقيه مش عامل حاجه معينه بايده ده بيشاور بعلامه يا ويلك لايده من فرط غضبه
متشكر لاحساسك الجميل جدا ده بأنك مسئول عن المدونه مثل الذين يكتبون فيها تماما دي حاجه تخلي الواحد في قمه السعاده انه يحس التفاعل مع مدونته وصل اليها
شكرا جزيلا لك
تحياتي
انتوك

9:06 م  
Blogger sherif gharib said...

واضح ان العمليه ما بيتقتش مجرد حادث فوضوى
الموضوع واضح انه بقى نتيجه حتميه لكل الاوضاع
فقد اصبحنا نسير من انهيار الى انهيار جديد من القيم و الاخلاق
و تكون النتيجه النهائيه لتحليل المسؤلين عن هذا الانهيار
انها حاله عارضه
و لا يسعنا سوى ان ننتظر حاله عارضه اخرى
و يبقى السؤال ماذابعد الان
تحياتى

10:47 م  
Blogger sarah la tulipe rose said...

الانهيار الاخلاقي المرعب و الانحدار السريع اكيد في عوامل كتير السبب فيه اهمها طبعا الدولة و الفساد الي بقي هو الملك فبالتالي خلاص ليه الشعب كمان مايبقاش فاسد بس الصراحة انا مش لاقية السبب انه يحصل بالاعداد دي كان لسه عندي امل في الشباب الي طالع الي مش اقصي طموحاته يجري وراء فريسة الي فعلا يحزن اكثر التعليقات الي سابت القضية نفسها و اخدتها مباراة في السب و اظهار المهارات اللفظية الغير محترمة دايما كدة اي قضية مهمة لازم نتوها و نفضي للخناقات بيننا و بين بعض و ايه الي جاي يشتم في البلد هي ناقصة عمل ايه هو ليها ؟يعني الي انتهز فرصة عشان يصب جام غضبه علي البلد الي قاعد فيها دة مالوش الا تعبير واحد خائن كان يتحين الفرصة انا مش شايفة انه البطالة شفيع للسلوك الهمجي دة و الا اصبح االعذر مفتوح للجميع للقيام بما يريدون بلا اي رادع
ربنا يستر عليكي يا مصر

5:29 ص  
Blogger voice of love said...

استغفر الله العظيم
دى علامات الساعة والله
انهيار قيم وعادات وأخلاق
مفاهيم مغلوطة وشباب منحرف
رقابة غائبة وتربية منعدمة
اللهم احفظنا والمسلمين جميعا

11:15 ص  
Blogger &HEBA& said...

لا حول ولا قوة الا بالله
استغفر الله العظيم
المجتمع على بعضه بكل اللي فيه بقى فيه ايه مش على مشارف الانهيار
البطالة والفقر والفراغ وهيافة الشباب وسطحيتهم دا غير الاعلام اللي يعتبر ليه دور كبير في الموضوع دا فين البرامج الهادفة فين عمرو خالد والقرضاوي وغيرهم من التليفزيون المصري .. كل اللي موجود ايه غير نانسي وروبي واغاني وحفلات هابطة ملهاش اي لزمة او معنى
بس دا ميمنعش انه مينفعش يكون سبب للانحراف مهما كان اللهم عافنا
:(

1:55 م  
Blogger karakib said...

sherif gharib
الله ينور عليك نتيجه حتميه .. هي فعلا نتيجه حتميه و حصاد مر


sarah la tulipe rose
بس انا اول مره اشوف حد بيصب جام غضبه عن طريق التحرش بالفتيات دي حاجه غريبه و ظاهره غير مسبوقه تستحق ان تسجل في موسوعه جينيس ريكورد كأكبر حادثه تحرش حدثت !!

voice of love
للاسف زيي ما ساره قالت في مدونتها الناس بتذاكر غلط ... ساره لا تيوليب روز

&HEBA&
هو كل ده و لسه عالمشارف يا هبه :) امال لما تقلب جد ايه اللي هيحصل ؟ هو اصلا ممكن حاجه تحصل اكتر من كده !!
بيتهيألي ممكن لانه احنا اصبحنا مبدعين في انحدارنا المأساوي

=======================

يا قرص شمس مالهوش قبه سما
يا ورد من غير اصل شب و نما
يا اي معني جميل سمعنا عليه
ليه الخلق عايشه حياه مؤلمه
و عجبي
صلاح جاهين
==========================
انتوك

5:09 م  
Blogger nour said...

انت اصلك مش عارف اللى بيحصل للبنات كل يوم فى الشارع..انا مش مستغربة من اللى حصل ده..انا كل ما امشى فى الشارع اقول الرجالة ماتوا فى الحرب..فمن معاكسات لشتايم لالفاظ بشعة لمد ايد ,اه و الله مد ايد كمان حاجة تقرف..و فى الاخر يقولوا البنات السبب يا سلام طب ما انا وغيرى بنكون نازلين من غير نقطة ميكياج و لابسين محترم جدا و برضه ما بنسلمش حتى المنقبات اللى حبوا يريحوا دماغهم من الارف ده مش بيسلموا..طب ما طبيعى الشباب يكون كده انت مش بتشوف قنوات الاغانى بتعرض ايه دى حتى الاعلانات اللى فيها بذيئة..انا دايما اقول الجملة دى لو فى ايدى ..اعلن تأميم قنوات الاغانى فورا و لتذهب الحرية الشخصية و التحضر و كل هذا العوء للجحيم..لو كانت بهذا الشكل الفاجر

7:18 م  
Blogger m4m said...

شكرا على تشريفك مدونتى وان كنت لم أفهم تعليقك

9:24 م  
Blogger حــلم said...

انتوك
جيت علشان افهم مسالة الموروث الثقافى
تعرف عندك حق
بس مش فى كل حاجة
يعنى دة مش ظاهرة
اكيد دة شىء فردى.. وعابر
نتيجة للكبت والظلم والقهر اللى الناس عايشاه
ونتيجة لتوهان مشترك فيه كل الناس من سنين.. الاهل والمدارس والاعلام
ربما انفجر البعض كما تقول.. لكن الاغلبية محترمة بدليل وجود من دافعوا عن الشرف رغم سعار الهمج

تحياتى لك
ولانتيكة

12:44 ص  
Blogger karakib said...

nour
العزيزه و الغاليه جدا نور
الحقيقه المشكله مش في لبس البنات و كفانا تخديرا و القاء اللوم دائما علي الاطراف الاخري فعلا بدايه حل المشكله الاعتراف بأنه في مشكله الاعتراف بأنه في موروث ثقافي بشع يشبه مقلب الزباله يترجم الفتاه علي انها اجساد تمشي علي الارض كل الهدف منها هو المتعه للاسف هي دي المشكله مجتمع بحاله لازم يغير نظرته



m4m

يا سيدي ده اسمه تداعي حر يعني باسقط احساسي علي ما كتبت في كلمات بافكار مختلفه
اسف انك ما فهمتش القصد من اللي باقوله
انتوك

1:03 ص  
Blogger karakib said...

حــــــلــم
حقيقي انه في كتير محترمين لكن مش الاغلبيه كثيرين من الممكن ان يشاركوا في شيء كهذا و لكن تنقصهم الجرأه التي توفرت في هذا الزحام و العدد الكبير للاسف الموروث الثقافي لازم نعمل فيه زي الاعلان اللي كان بيقول انسف حمامك القديم ...
الاهل والمدارس والاعلام الله ينور عليكي بدايه النهضه و التطور و التنميه هي الاهتمام بالتعليم ... انا رأيي جهاز محو الاميه ده اثبت فشله في القضاء علي الاميه و الجهاز التعليمي يعمق الموروث الثقافي و الكبت و القهر حتي مواضيع الانشاء التعبير في المدارس الطلبه بتحفظ فيها اصطمبات شبه مما لا شك فيه انه ... يعني الابداع و التفكير بيتلغي بكلمتين زي مما لا شك فيه حاجه تقرف و قيود توضععلي عقول الصغار و الكبار تزداد يوما عد يوم
ربنا يستر
انتوك

1:07 ص  
Blogger NewMe said...

مخيف جدا
مرعب جدا
محبط جدا
سيأتي وقت يأكلوون فيه لحم بعض
:(
مصر الثقافة
مصر الحضارة
آخ عليك يا مصر

8:10 م  
Blogger karakib said...

NewMe
و علي قولك اعلق انه حدث يوما في مصر و في بلادنا هذه ان اكل الناس لحوم بعضهم في عصر من العصور ... الشده المستعصميه التي حدثت في ايام المستعصم بالله ... مجاعه ... لذا لم نصل الي الحد الادني بعد و لكن اصبح ميل المنحدر شديدا ... و السرعات اصبحت خرافيه في الهبوط

8:19 م  
Anonymous غير معرف said...

اخي الفاضل انتوك

كنت اخشي ان تسئ الظن بي و لو للحظة و لكن احمد الله ان حدسي كان في محلة و اني فراستي لم تخطئ في انك لن تفهمني خطأ

فعلا مع حضرتك حق و الرسم معبر كدا علي فكرة و بعطي الاحسان انهم شوف ينفجروا من الغضب بعد لحظات :)

سعدك لزيارتي لمدونتك
مع خالص تحياتي :)

11:45 م  
Blogger karakib said...

شــــمـس الديـن
يا باشا المدونه بتاعتك و لازم تبدي رأيك فيها بصراحه و صدقني باكون مبسوط لما الاقي واحد بيقولي الصراحه سواء ان كانت تعجبني ام لا
شكرا لاهتمامك و اعتبر البيت بيتك يا عم شمس
:)
انتوك

2:03 ص  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

12:06 م  

إرسال تعليق

Links to this post:

إنشاء رابط

<< Home