الاثنين، نوفمبر 20، 2006

من اوهام الحب ...


رأيتها تقف بعيدا... ذات العيون الملكيه الملائكيه الجميله ...كصوت ناي في اغنيه قصيره ... كزهره بريه بنفسجيه وسط صخور و حراره الجو الشديده ... تشع من وجهها و ابتسامتها و يديها الرقيقتين احساس دافيء لم اعهده من قبل ... تبدو كأميره تائهه في هذا المكان ... يكمن سر جمالها في اناقتها غير المتكلفه... و عذوبه انسياب الكلمات من علي شفتيها الصغيرتين ... تبدو كأيقونه عندما تنظر باعينها لاسفل من الخجل ...جلست معها في هذا المكان الذي احبه ... لم يبدو ككل المرات السابقه التي زرته فيها .. كان يبدو اكثربهاء .. لم نقل اي شيء جديد ... فقط تكلمنا .. تعانقت الكلمات .. كانت متوتره قليلا ...مثلي تماما و لم تفلح كل اساليبي و محاولاتي في اخفاء التوتر و كان واضح علي ايضا ...سقطت مني كل اسلحتي امامها .. لم اعد قادرا علي استخدامها ... ابحرت في عينيها بلا هويه كنت اتمني لو استطيع ان اضع رأسي علي صدرها و ابكي ... و اسألها اين كنت ؟ لما تأخرت في الظهور في عمري كل هذا الوقت ؟؟ و في الرجوع وضعت رجلها من تحتها علي كنبه التاكسي ووضعت يدهاعلي حذائها .. و جلست بشكل مريح ... جعلني انتشي ... تركتها هناك ... هي ركبت في الطريق بيتها و انا وقفت بجانب المترو لاراها اكثر وقت ممكن .. لاملي عيني من وجهها الرقيق ... و عند سماعي صفاره اغلاق الابواب ... نظرت في وجهها و تمتمت لها من بعيد خدي بالك من نفسي ...قصدي نفسك و اغمضت عيني لكي احتفظ بصورتها اكثر وقت ممكن في مخيلتي انها اجمل من الخيال بالفعل لم يوقظني الا هزات التليفون في جيبي ... وضعت يدي في جيبي لاجدها هي .. تقول لي في رساله
الوقت عدي بسرعه_
المكان كان حلو_
شكرا_
لقد كان حلم ... حلم جديد من الاحلام المتكرره التي اصبحت افكر بشكل جدي ان استشير احد الاطباء النفسيين لكي يدلني ان كانت حاله مرضيه ممتعه ام ان هذا يحدث بالفعل !؟؟

52 comments:

Blogger Ya Di Elneela said...

أحلامنا هى حياتنا
و بما أنها حلمك فهى حياتك

5:25 م  
Blogger Epitaph said...

يااااااه

جميلة اوي بجد
و بتبقي احلي احلام و اوقات و ذكرات
و احلي اوهام
هي دي الاهوام اللي بنرجع لها تاني عشان نفتكرها و نتنفس

هي دي الاوهام اللي عاملة زيا بطارية الشحن بالنسبة لي عشان اعيش


عيش حياتك
و استعذب لذة تلك الاوهام
فهي ليست اوهام كما تبدو
هي احلي و اجمل و ارق


بجد
عجبتني اوي التفاصيل اللي في التدوينة دي
جميلة ماشاء الله

11:18 م  
Blogger karakib said...

Ya Di Elneela
احلامنا غير اوهامنا .. الفرق كبير .. كبير اوي .. لو تعلمين ما الفرق ... انه شعره لا يميزها احد ابدا ... يخطيء الجميع في فهمها يخدعه بريق الحياه و الكلمات ... ليس كل ما يلكع ذهبا يا سيدتي ...

Epitaph
التفاصيل من اجمل ما يكون ... اكيد .. مع العلم انه الحياه علمتني ان اقرأ ما بين السطور ... الغير مكتوب ... المحسوس ... هي اوهام علي فكره ... مش حقائق ...


انتوك

12:16 ص  
Blogger Mohamed Mehrez said...

يا عيني يا عيني
ده انا شكلك واقع ع الآخر
ربنا يعينك بقى
:D

1:00 ص  
Blogger karakib said...

Mohamed Mehrez
التدوينه اتكتبت من زمن ... مش اول امبارح يعني زي معظم التدوينات اللي هنا ... كنت واقع صح و وقفت بعدها .. فعلا :)
اسم التدوينه اوهام الحب ... مش احلام الحب و الوهم غير الحلم ...
انتوك

1:04 ص  
Anonymous غير معرف said...

t3rf..mshklty b2a ela7lam we eltkhyolat de...bs sa3at btkon tmoo7 brdo..msh 3la tool mdra..anyway...nice blog

3:41 ص  
Blogger karakib said...

frozen love
لو كانت احلام انا مش شايف انها تبقي فيها اي مشكله ... حاجه تبسطني اوي انك شايف المدونه كويسه ... شكرا و يا رب دايما تفضل شايفها كده
انتوك

8:34 ص  
Blogger shortcut said...

حلو اوي الحلم رومانسي خالص ياريت كل الناس تكون احلامها تحفة اوي كده

10:39 ص  
Blogger karakib said...

shortcut
الحلم لا يكيل بالبتنجان :) طبعا طبعا بس الحلم غير الوهم صدقني :)
مرورك يسعدني
انتوك

10:43 ص  
Anonymous antika said...

hi ya antouk el nass fakra eno 7elm 3ashan enta kateb fe a7'er gomla
لقد كان حلم ... حلم جديد من الاحلام المتكرره
3'ayar el gomla we ektebha
... لقد كان وهم

11:14 ص  
Blogger karakib said...

antika
لقد كان حلم في وقتها ... او رأيته حلما ... لا تتغير النصوص بتغير الازمنه لكن تتغير العناوين فقط ... توضح الافكار و تكشف الحقائق ... فاحلام كثيره في حقيقتها اوهام ... و لكن دائما ما تدرك الحقائق بعد فتره من الزمن ...
انتوك

11:18 ص  
Anonymous غير معرف said...

جميل جدا يا أنتوك
إحساس جميل

1:26 م  
Blogger karakib said...

مصرى
حقيقي الوهم جميل ...
انتوك

3:14 م  
Anonymous غير معرف said...

hi antouk
this is my new blog

antika

4:15 م  
Anonymous hesham said...

أحياناً نتمنى أن نعيش في الحلم إلى الأبد
الأبد
الأبد

ونصحو مصابين بالصدمة
ويا ويلتاه من الصدمه

تحياتي لك

متابع لك

7:20 م  
Blogger karakib said...

Carol
مبروك يا كارول ... انت اول لينك عندي اكيد ... بلوج جديد متاكد انه هيكون من احسن المدونات العربيه


------------------------

hesham
كلامك صحيح ... جميل انك فهمت المقصود من النص ... ارجو دوام المتابعه ..

------------------------
هاني جورج

10:02 م  
Blogger tamer said...

الاحلام دى عالم تانى

وعندما تتحول الى واقع تكون ممتعة اكثر

لكن لامانع من اعيش حلم وان لم اقدر على التحقيق يكفينى الحلم فهو يدفعنى للحياة

بوست جميل

تحياتى

12:40 ص  
Blogger karakib said...

tamer
الحلم ... لا نقدر ان نحقق كل احلامنا ولكننا سنظل نعيش و كلما ذهب حلم .. أتت احلام ... فقط ان تتعلم كيف تحلم هو فن ... اما كيف تنفذ حلمك فهي حرفه ... ان كنت فنان حقيقي ربما تستطيع التمييز بين الحلم و الوهم ...

انتوك

1:31 ص  
Anonymous غير معرف said...

كعادتك يا احلى انتوك
انك مركز اوي في كلماتك
و انك مدقق جدا في معنى كل كلمة و قد ايه هي تفرق عن التانية
فعلا
فيه فرق كبير بين الوهم و الحب
اذا اضفنا ليهم الكهف اللي بتعشش فيه كل الاحلام و الاوهام دي مجتمعة

كان زمان فيه مسلسل الكهف و الوهم و الحب
اعتقد دلوقتي بس فهمت شئ منه

اقسى حاجة في اي علاقة ه يالوهم
و احلى شئ فيها هو الحلم
لما الاتنين بيطلعوا فشنك بتبقي صدمة كبيرة و وقعها على الشخص بيبقى مر
و يمكن عشان كده بينزوي في كهف

معلش سامحني عالهرتلة
تحياتي

7:19 ص  
Blogger karakib said...

Hafsa
بجد بجد بجد شكرا لأنك فهمتي ... من يوم لما اتكلمنا سوا حسيت انه انا باكلم حد بيفهم بجد .. فعلا في كهف بينزوي فيه كل الاحلام و الاوهام فعلا اقسي شيء الوهم ... اسامحك علي ايه بس ده انت خليتيني مبسوط عالصبح :) صحيح حرفه الاحساس مش عند اي حد ... حفصه .. شكرا يا جميل


انتوك

7:35 ص  
Anonymous ferry said...

أزال أحد مشرفي المدونة هذا التعليق.

9:16 ص  
Blogger karakib said...

ferry
شكرا لتعليقك ... اسف اني مظطر اشيله ... بس فعلا كلامك حلو
هاني جورج

3:54 م  
Blogger nour said...

عارف فى الاول قلت ايه ده هو بيحب من ورايا من غير ما يقولى حالا كان هيبقى فى تليفون ارض جو متصوب على حضرتك..بس براءة المرة دى يا معلم:)
الظاهر الناس كلها بقت بتحلم كتير اليومين دول..انا اصلا بقيت منتمية اكثر لعالم الحلم زى عبير بطلة فانتازيا اللى العالم كله بيحسدها على احلامها
جااامد

8:03 م  
Blogger wael elgazawey said...

مدونتك حلوة أوي.. وانا بعمل موضوع صحفي عن المدونات ياريت تنضم للاراء اللي هتكون موجودة
وائل الغزاوي
waelelgazawey@hotmail.com
ارجو الاهتمام وشكرا على اهتمامك بمدونتي واى حد مدون يريد المشاركة يمنكنه اضافتي
موجود يوميا من الساعة 4 إلى الساعة 12 مساءا
وشكرا

6:35 ص  
Blogger مـحـمـد مـفـيـد said...

حبيبي انتوك
هذا ليس حلم لكنه حياه
كلامك جميل اوي اوي اوي
زاسلوبك رائع

1:47 م  
Blogger sarah la tulipe rose said...

بعد كل الانفعالات دي و تقولي حلم!!!ايه الحركات دي؟
لا انا ماينفنيش الكلام اتعملت في مرتين كدة!
بس حلم جميل يمكن عشان هو جميل فكان حلم و لا هو عشان حلم فجميل؟؟؟ البيضة الاول و لا الفرخة؟
الحلم كما هو المفروض هو تفريغ لشحنات داخلية سالبة او موجبة ما لا تقدر عليه في الواقع تفعله في الحلم لتحس انك افضل
استمر في الحلم و لكن لا تنسي ان تحاول تحقيقه
حاول
جمييل يا انتوك

3:17 م  
Blogger karakib said...

wael elgazawey
يسعدني كثيرا ان المدونه عجبتك
انا اضفتك عندي عالمسنجر احب اتكلم معاك قريب ...



مـحـمـد مـفـيـد

ربما كان يوما حياه و لكنه نص قديم سأتبعه بعد ذلك بنصوص اخري ستحكي نهايه القصه التي ليست كبدايتها مختلفه نهائيا ...



انتوك

9:04 م  
Blogger karakib said...

sarah la tulipe rose
لن يتوقف الحلم ابدا فهو من الاحلام الجميله و لكنها هدنه مع النفس و نسيان لأحلام حتي تبدأ احلام اجمل في اراض و مواقع جديده اجمل كثيرا


انتوك

9:07 م  
Blogger karakib said...

nour
اديني انا اللي اتصلت اهه :) علشان انفي الخبر نهائيا و بتاتا :) انت عارفه بقي المواضيع القديمه و الاحلام حتي عندما تفشل لا تنسي ...


انتوك

9:25 م  
Blogger change destiny said...

Reality is wrong . Dreams are for real .

2:59 ص  
Blogger karakib said...

change destiny
تفتكر ؟؟؟ :) بيتيألي كله غلط :)
انتوك

11:53 ص  
Blogger mano said...

انه حلم جميل و قد يتحول الى واقع يوما
و لا تفكر فى طبيب نفسى لأن الأحلام اجمل شىء فى الحياه يبقى اللى ميحلمش هو اللى عايز طبيب نفسى

12:11 م  
Blogger bluestone said...

العزيز انتوك
قريت النص المرة اللي فاتت
بس مرضيتش اعلق
كان لازم اقراه تاني عشان افهمه من زاوية مختلفة

ارى اننا حقا نصنع أوهامنا .. ونعبدها احيانا
نحن من يرفع المسخ الها ثم يعبده ومن ثم يفيق فيهدمه

في منتصف نهار الحلم وفي قلب الطريق غالبا بل دائما لا نعي او نرى بوضوح ان نهاية الطريق سراب .. قادر على تحويل الحلم إلي وهم ..
فالعين مفتتنة بالبريق وفي الجفون غفلة النائم ..
في قلب الحلم نرى ما نتمنى أن نراه وليس الحقيقة
ولكن الفرق بين الحلم والوهم
ان الحلم يظل حلما خياليا هدفه الاول والاخير ان يمنحنا الامل او سعادة في عالم بديل
ولكنه يتحول وهما حينما نبدأ في تصديقه ومعايشته

نص حساس وبسيط ,, به مصداقية عالية
منحته بعد سينمائي

تحياتي
يا صاحب الكراكيب

12:26 م  
Blogger karakib said...

mano
ارجو معاوده القرأه علي انه وهم و ليس حلم و ستعرف ما اقصد ...
شكرا لمرورك
انتوك

12:34 م  
Blogger karakib said...

bluestone

ارى اننا حقا نصنع أوهامنا .. ونعبدها احيانا
نحن من يرفع المسخ الها ثم يعبده ومن ثم يفيق فيهدمه

------------------------

في منتصف نهار الحلم وفي قلب الطريق غالبا بل دائما لا نعي او نرى بوضوح ان نهاية الطريق سراب .. قادر على تحويل الحلم إلي وهم ..
فالعين مفتتنة بالبريق وفي الجفون غفلة النائم

------------------------
شكرا ... كده انت فهمتي انا قصدي ايه .. اخيرا في حد قدر يفهم كويس و يحلل اللي انا عايز اقوله
تعليقاتك تسعدني كثيرا ... ايها الحجر الازرق ... هو الحجر الازرق ده بتاع الحسد ؟ و لا يعني ايه ؟

انتوك

12:38 م  
Blogger bluestone said...

/شكرا ... كده انت فهمتي انا قصدي ايه .. اخيرا في حد قدر يفهم كويس و يحلل اللي انا عايز اقوله
تعليقاتك تسعدني كثيرا/

من فرط سعادتي (وده غير فرط الرمان) يافندم ممكن اعمل لتعليقك بوست مخصوص افتخارا بالكلام الجميل ده

/ايها الحجر الازرق ... هو الحجر الازرق ده بتاع الحسد ؟ و لا يعني ايه /
:) فكرتني بواحد من إياهم في مكان افتراضي ما اتهمني باني متطرفة واصولية والسبب اني اسمي نفسي الحجر الازرق
وده نسبة او فيه علاقة بينه وبين (العظمة الزرقا) :)))
يومها قعدت اضحك تلات ساعات لان العلاقة العجيبة اللي هو فهمها اصلا مكانتش في خيالي

ببساطة الحجر الازرق هو حجر القمر
وهو حجر برج الحوت الذي افخر باني من اتباعه المخلصين ضد التيار
وحجر القمر ويطلق عليه احيانا اللازورد

بس كده

2:11 م  
Blogger karakib said...

bluestone
انت بجد تعليقاتك بتبسطني يا بلوستون بس الاخراني ده رسم بسمه علي وشي كمان :) مش بس بسطني ... الحجر الازرق هو اللازورد ... بصراحه اسمع عنه لكن عمري ما شفته شفت الخرزه الزرقه بتاعه الحسد واضح انك بتتكلمي عن حاجه فالابراج و النجوم و انا مش بافهم فيهم اي حاجه بس انا باحب اتفرج عالاحجار الكريمه دايما ... في سيتي ستارز مثلا بافضل واقف قدام محلات الجواهرجيه الكبار اوي دول اتفرج عالفصوص و الالوان و الاضواء اللي بتنعكس من داخلهم احجار فعلا فيها شيء يشد الواحد انه يقف يتفرج عليها
-------------------
اما بقي بالنسبه للعضمه الزرقا فده نوع من الارهاب الفكري انه حد يتهم حد بالتطرف .. لتتحولي من المناقشه الهادئه او حتي الساخنه او حتي الدفاع عن رأي ... الي الدفاع عن النفس .. اسلوب ضغط نفسي علشان يقنع اللي قدامه ... المتطرف بيشوف كل الناس متطرفين و انه هو المعتدل الوحيد ...
علي رأي ابويا مشكلة الغبي انه مش فاهم انه غبي لأ مقتنع تماما انه اذكي من كل الناس ... و هي دي قمة الغباء
--------------------
عموما انت مشرفاني هنا فالمدونه و شكرا انك عملتي لي لينك عندك ... كمان عايز اقلك انه مدونتك حلوه بجد فيها اراء و افكار جامده ... و مدوناتنا جزء مننا و من ارواحنا و عقولنا علشان كده انا متأكد اني باكلم حد كويس اوي
---------------------
انتوك

3:44 م  
Blogger karakib said...

علي فكره انا كمان برج الحوت ... هما بيوزعوا فين اللازورد بتاعنا ؟؟

3:47 م  
Blogger حنيـــــــن said...

وهم او حلم او حتى حقيقه عشتها

المهم انك كنت سعيد فيها

استمتع بيه

12:30 ص  
Blogger karakib said...

حنيـــــــن
اكيد انا استمتعت كتير ... لكن المتعه عندما تنتهي نود و ان كانت لم تبدا من الاساس خصوصا و ان نقص مننا بعض الاشياء الثمينه فيها
ا

انتوك

12:45 ص  
Blogger ibn_abdel_aziz said...

"خدي بالك من نفسي ...قصدي نفسك "

بكتني العبارة دي

ربنا يكرمك

3:36 ص  
Blogger smraa alnil said...

احيانا مش بيبقي بايدك انك تخلق حلمك وتصنع حياتك
احينا حلمك اللي بيفرض نفسه لانك عايز تهرب من حياتك
مش قادر علي مواجهه الواقع
بدليل انك بعد ما سبتها غمضت عينك عشات تكون معاك اكبر فترة ممكنة
ولما قلتلها خلي بالك من نفسي
اعتقد ان كان المقصود خلي بالك من قلبي
كل واحد فينا جواه حلم بيهرب ليه
والله اعلم متي يتحقق لحقيقة
انت شايف انه وهم او سراب او حلم
لا هو مش كدة
هو اجمل واقع انت عايشه
حاول ان انت تستمتع بكل ثانية معاها وفي حياتك لان تصدق ان هي دي الحقيقة التانية علي الارض بعد ربنا سبحانه وتعالي
حتي لو الموضوع مش موجود وانك كاتب لمجرد الكتابة
يبقي دة الواقع للي انت برضه بتهرب ليه
انا مش عايزة ارغي اكتر من كدة بالرغم ان في كلام كتير ممكن اقوله بس مش مشكلة
ربنا يحقلك حلمك ويصبح واقع ملموس
سلام

9:57 ص  
Blogger bluestone said...

سر ارتباطي بالحجر الازرق كان اولا اللون .. لاننا كائنات حوتية بموجب تصنيف الابراج فاللون الازرق بما انه لون البحر فهو لون بيئتنا الطبيعية ونشعر بارتياح مذهل في اي حاجة لونها أزرق
وبعد قراءات اكتشفت انه الحجر ده يعرف باسم حجر القمر مما جعلني ارتبط بالاسم او يرتبط بي الاسم .. ده لاني كائن ليلي جدا :)
----

مسألة التطرف الفكري او القاء الاحكام على الاخرين كنوع من الترهيب امر معروف ونتعرض له كثيرا
وبعد خبرات وتجربة اصبحت أؤمن بالقول المأثور (لا تجادل الاحمق)

--
اللازورد بتاعنا غالي جدا يا فندن .. بيوزعوه في الاحلام .. بس البدائل كتير
اهم حاجة تبعد عن الخرزة الزرقا لانها
"بلدي قوي يا حسيييين" :))هاهاهاها

1:40 م  
Blogger karakib said...

ibn_abdel_aziz
الله يكرم اصلك يا استاذ ... القصه دي وقعت فعلا في يوم من الايام ... مش من قريب من زمان هي التدوينه قديمه زي ما قلت قبل كده ...
اللي عايز اقوله لك اني ساعتها فعلا كان ممكن اعيط بس من الفرخ ... قمم المشاعر بتتلاقي في الاوقات دي و ممكن يظهر بكاء السعاده لكن طبعا الموضوع كان وهم في وهم و انتهي من فتره طويله
انتوك

2:49 م  
Blogger karakib said...

smraa alnil
هي دي الحقيقه التانيه بعد ربنا فعلا ... ليكي حق كان نفسي تتكلمي و ترغي اكتر ...تحليل الكتابات و المشاعر و الاستماع اليه هوايه عندي ... هوايه غريبه و باحبها جدا جدا
لكن صدقيني ده وهم انا ما غيرتش النص لأنه النصوص لا تتغير بمرور الزمن لكني وضعت له عنوان و سميته اوهام الحب لأن حب انتهي ... لم يكن حب
له مسميات كثيره افضلها و اكثرها احتراما هو الوهم او السراب ...
غمضت عيني لأحتفظ بالصوره اكثر وقت ممكن و لا الوثها بوجوه اخري لا احتاج ان اراها من بعد وجهها ... كان السراب و الوهم و اعتقدته يوما الحلم الجميل ... مرورك يسعدني



انتوك

2:53 م  
Blogger karakib said...

bluestone
علي فكره بقي انا كنت باحل الكلمات المتقاطعه لقيت الكلمه طلعت لازورد النهار ده الصبح ... تخيلي كان كاتب تعريفه حجر شبه كريم ... تخيلي الحجر بتاعنا شبه كريم !!!
لازم نعلنه كريم بقي :)
انا فعلا بارتاح لاللون اللبني و الازرق بدرجاته و لبسي معظمه ازرق بدرجاته فعلا :) بس بيتهيألي كل الناس بتحب درجات الازرق لأنه من اول الكحلي (الكأبه) لحد اللبني (راحه نفسيه) يعبر عن الحالات اللي نعيشها معظم الوقت ...
اما عن انه اسمه حجر القمر فده لازم نعرف ليه هو اسمه كده ؟ اكيد في سبب يمكن كل اللي في برج الحوت زي القمر ( زيك و زيي كده ) و يمكن لأنه فعلا الليل حلو و الايام اللي بسهر فيها (مش باقدر كتير) بتبقي من الايام اللذيذه

اما عن موضوع لا تجادل الاحمق ففي مثل بلدي بيقول لو حاولت تفهم الحمار هيرفصك ... و طبعا طبعا لا تلقي بدررك ...

اما عن اللازورد فأنا متمسك بحقي في اني امتلك حجر منه ... هو بكام يعني .. انا محوش شويه فلوس يعني بتاع 200 جنيه كده يكفوا ولا ايه النظام ؟

اما عن البدائل فأنا لا ارضي بالبدائل و الحلول انا عايز اللازورد بتاعي و مش هتنازل ابدا

اما الخرزه الزرقه و قرن الشطه الدهب و الحاجات دي فهي بتجيب لي عصبي لما باشوف حد لابسها او معلقها مش عارف ليه يمكن لأني من الناس اللي بترفض تلبس سلاسل او انسيالات او الكلم ده و باكره اللي بيعمل كده ... الراجل يلبس ساعه حلوه .. حزام محترم .. انما يلبس سلسله و الحاجات دي المبدأ عندي مرفوض فما بالك انه يربط كمان بالسلسله قرن شطه و لا خرزه زرقا !!
علي رأيك بلدي اوي يا حسيييييييين
مين حسين ده ؟؟ ها ؟



انتوك

3:05 م  
Blogger bluestone said...

شوف يا سيدي ده حجر القمر ده حجر جامد جدا ومهم للغاية
بيتميز بانه يعكس الضوء باكتر من مستوى وشكل مختلف ويعتقد ان ده سر تسميته لانه يشبه القمر في عكسه للضوء بصور مختلفة
موطن الحجر الاصلي سريلانكا

كان من اشهر الاحجار الكريمة قبل مئات السنين لانه بيعتقد انه بيحيط بيه الكثير من الغموض وبعض السحر وفي الهند يحتل الحجر قدسية ومكانة خاصة ويسمى هناك (حجر الاحلام)ويمنح من يرتديه احلاما سعيدة ..أما لدى العرب القدماء فيعتقد انه يمنح الخصوبة للنساء
كما يعزز من جوانب اللاوعي والعواطف لدى البشر لذلك يطلق عليه احيانا حجر العشاق ... المعلومات كتير جدا عن الحجر ده .. ده ملخص بسيط
--------------

الحجر كريم بمن يوصفون به ..

عامة 200 جنيه ممكن يخلوك تتصور جنبه
وتبقى تسلفني اطلع على الصورة :)

--
انا كمان بكره جدا الخرزة الزرقا والشطا والحاجات دي .. يمكن الحاجة الوحيدة اللي ممكن استخدمها هي الجعران الفرعوني

4:12 م  
Blogger karakib said...

bluestone
الحجر كريم بمن يوصفون به .. و هاني كمان غير انه كريم :)
200 جنيه علشان اتصور جنبه !!!
ليييييييييييه ؟
طيب ما دام طلع غالي كده انا مضطر اقولك اني كنت محوش شويه فلوس كمان ..
يعني ممكن نتصور احنا الاتنين جنبه :) مش هاتطلعي عالصوره و لا حاجه :)



انتوك

9:48 ص  
Blogger karakib said...

أزال المؤلف هذا التعليق.

4:08 م  
Blogger karakib said...

أزال المؤلف هذا التعليق.

4:35 م  
Anonymous غير معرف said...

خطيه والله كان الله بالعون ..ولا اقلك لاكان

7:48 ص  
Blogger karakib said...

أنونيموس
أهلا و سهلا بيك و شرفت المدونه
كان الله في عوننا جميعا

9:19 ص  

إرسال تعليق

Links to this post:

إنشاء رابط

<< Home