دورة مياه
قرأت هذا الخبر صباحا
بدأت محافظة القاهرة في تركيب دورات المياه الذكية في شوارع العاصمة.
تم تركيب أول دورة في شارع الطيران بمدينة نصر في اطار 60 وحدة تنتشر في شوارع القاهرة قبل نهاية هذا العام.
وستفتتح الدورات الجديدة للتشغيل مع احتفالات العاصمة بعيدها القومي في السادس من يوليو القادم.
الدورات الجديدة تماثل أحدث ما توصل اليه العالم في هذا المجال، حسبما ذكرت جريدة الأخبار.
و الدورات تعمل بنظام الكروت الذكية ومقابل خمسين قرشا عند الاستخدام لمرة واحدة وروعي في عملها التطهير الكامل والتجفيف بالهواء وتوفير المناديل الورقية.
و سيتم توفير عدد من الوحدات ببابين أحدهما للرجال والآخر للسيدات.
تم تركيب أول دورة في شارع الطيران بمدينة نصر في اطار 60 وحدة تنتشر في شوارع القاهرة قبل نهاية هذا العام.
وستفتتح الدورات الجديدة للتشغيل مع احتفالات العاصمة بعيدها القومي في السادس من يوليو القادم.
الدورات الجديدة تماثل أحدث ما توصل اليه العالم في هذا المجال، حسبما ذكرت جريدة الأخبار.
و الدورات تعمل بنظام الكروت الذكية ومقابل خمسين قرشا عند الاستخدام لمرة واحدة وروعي في عملها التطهير الكامل والتجفيف بالهواء وتوفير المناديل الورقية.
و سيتم توفير عدد من الوحدات ببابين أحدهما للرجال والآخر للسيدات.
-------
كروت ذكية ... خمسين قرش ... احدث ما توصل اليه العالم في هذا المجال ... 60 وحدة .. تطهير كامل .. تجفيف هواء .. مناديل ورقية
هو في كام واحد في مصر ممكن يدفع نصف جنيه علشان يفك زنقته ؟؟ و ايه التجفيف الكامل بالهواء ده مش فاهم خالص
مناديل ورقية ... اول واحد سيدخل سيأخذها معه ... و يضعها في منزلهم
كروت ذكية زي الميناتل .. يا تري هيبقي اسم الكارت ايه ؟؟ طقطق زي الفل ؟؟ مشيها طقطق محدش واخد باله
اما عن كونهم 60 وحدة فهذا الرقم كبداية فقط علي ما اعتقد
اخيرا ... لن اشم رائحة النشادر التي تمزق رئتاي كلما مررت تحت احد الكباري و لن اري احدهم يفعل فعلته من فوق احد كباري المشاة متجاهلا مرور المشاة من تحت الكوبري محاولة منه ترطيب الجو الحار برش رذاذ المياه في الجو
يا سلام يا ولاد
تحديث ... اتتني بعض التعليقات التي تنتقد التدوينة و تتهمها بالسلبية و الاعتراض لمجرد الاعتراض ... مع كامل احترامي و تقديري لأراء الجميع و لوجهات نظرهم .. فأنا لدي تشبيه لما يحدث ارجو ان يوضح الصورة
يمكنك ان تأتي باسطوانة موسيقية غالية الثمن لموتسارت او تشايكوفسكي و تعطيها لأحد الفقراء الذي يتضور جوعا محاولا ان تعلمه سماع الموسيقي ... و لكن الفقر او قسوة الجوع سيمنعانه بالتأكيد من الاستمتاع بالموسيقي التي تراها انت راقية و تهذب النفس و الروح الخ الخ من كلام حلو كتير متذوق زهقت منه
---------------
-------
------------
--------
posted by karakib at 12:13 م
38 comments:
هههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههه
طب لو نفذ الرصيد الواحد يعمل إيه
بس حلوة تسمية دورات المياه الذكية
لأ بجد ضحكوني
loooooooooooooooooooooooool , is this true?? cant believe , wont believe it even if i see it with my own eyes, ppl will ruin the cabinets and some might even try to turn it into a kiosk and sell pepsi , u r kidding, sa7???
كتر خيرهم والله
كدة كملت خدمات الحكومة
حتى الحمامات بقت ذكية
جرى إيه يا هانى هو إحنا مافيش حاجة بتعجبنا ولا إيه؟
تحياتى
ههههههههههههههه
هههههههههههههه
جزاك الله خير أخى
ضحكتنى كتير
على العموم خير
بس انا لازم اعرف ايه حكايه التجفيف بالهواء دى
اصلى بأحب الطراوه
ويا سلام لو تبقى دوره المياه بحرى
يبقى الواحد قاعد و الهوا بيطس فى جفاه
هانى
بص لواحدة مصريةـ سيدة او شابة او طفله ـ ومحتاجة انها تستعمل الحمام لو فية حاجة زى كدة تهون قوى الخمسين قرش وحتى الجنية فى سبيل انقاذ الموقف
بص لراجل مصرى محترم وبسبب تضخم غدة البروستاتا اللى بيبدء من بعد سن خمسة وتلاتين سنة وتزيد الاعراض ـ تكرار الذهاب الى الحمام ـ كلما تقدمت السن
بردة تهون الخمسين قرش ولا الجنية
الفلوس مش مشكلة لاى اجنبى ـ لكن بالوضع الحالى الخروج الى الشارع فى مصر مغامرة اذا احتجت حمام
انا مع المشروع وياريت ينجح بس المهم ميجيش واحد بلطجى ويستولى على الحمام ويعمل زى ما عملين فى الشوارع كل ما تركن عربيتك يطلع واحد يدفعك حق الركنة ـ
اما اللى بيستخدموا تحت الكبارى وفوقها فبرضة دول حيفضلوا زى ما هما لان الموضوع مش فارق معاهم لانه سلوك بل على العكس العينة دية حتلاقيها فرصة وحيقول بكل بجاحة هو انا لاقى اكل لما ادفع فلوس علشان.....ـ تحياتى
هو فعلا ما فيش حاجة بتعجبنا
!!!!
عارفة إن في حاجات ضرورية و ليها أولويات أكثر بس وحده وحده
.............
إحنا لو سفرنا في الخارج و شفنا الحمامات دي هنقول
woooow
هو ده النظام و لا بلاش
الناس دي اللي بتحترم أدمية الانسان
هو ده التحضر و النظافة
و طبعا تحصل مقارنه سريعة بين بلادنا و بلادهم
===============
وقت كأس العلم من الأشياء ال علقوا عليها هي عدم وجود دورات مياه في الشوارع
يبقى انت أكيد في مصر
لا حلوة حكاية ذكية دي
طب بس مقالوش لو حد غبي هتتعامل هي معاه ازاي
دة فعلا الفاضي يعمل دوةر مياة ذكية
عالم مرفهة بقي و شبعانة تقول ايه
مصرى
أه الذكية طبعا .. و لو كارتك خلص انت المسئول
صفصف لادي
لا مش باهزر
و بعدين انت بتقولي انه الناس هاتعملها كشك
طب ايه رأيك بقي الشركة بتاعة الزبالة الجديدة اول ما نزلت الصناديق الكبيرة الخضرا دي .. عجبت الناس
قوم ايه بتاع الفراخ خدها ... و بتاع البيبس خدها و حط فيها تلج و بيبس و بتاع الطرشي كمان .. حسوا ان شكلها نضيف ما يتحطش فيها زبالة :)
تخيلي بقي الدورات العسل الجديدة دي
Searcher
لا يا باشا في حاجات بتعجبنا اكيد
بس دي مش ممكن تعجبني
لأنه اللي هايستخدمها هو هو الفئة القادرة علي دخول اي فندق او مطعم اة اي مكان علشان تلبي نداء الطبيعة
فاهمني ؟ يعني الغلابة مكانهم جنب الحيطة لسه
يعني مشروع جديد موجه للطبقه الغنيه برضه زي المدن الجديدة و الفنادق و القري السياحية
مافيش حاجة للغلابة يعني و لا ايه
ده كان قصدي من التدوينة
أندلس
لا لا لسه في حاجات مش الكترونية و لسه تقبع في غبائها زي الاتوبيس :) اتوبيس 14 صديقي
mo'men mohamed
تجفيف الهواء ده هيخليني ادفع اول نصف جنيه و انظم رحلة من القهوة في شبرا الي مدينة نصر لزيارة اول دورة مياة و للتجفيف بالهواء
نورتني يا عم مؤمن
Gid-Do - جدو
جدو العزيز
بص يا جدو ... اولا الناس اللي حضرتك بتتكلم عليها دي كتير و لا قليلين
هو اكيد حلو انهم يحلوا المشكلة لمجموعة من الناس لكن تفتكر لحد امتي الاغلبية هتفضل عالحيطة ... طيب م دام في اهتمام بشيء زي ده ليه ما يعملوش حمامات ببلاش ... و نضيفه يجري ايه يعني هي مش هتكلفهم كتير .. و غير كده هترفع مستوي الوعي كتير اوي و ده هيعود بنضافة للبلد و تنمية للسياحة و ممكن يوفر فرص عمل كمان
ما عنديش مشكلة في انهم يعملوا حمامات فايف ستارز و فنادق و مدن
لكن الغلابة مكانهم فين فالبلد دي
Carol
وقت كاس العالم و تعليقهم علي دورات المياه كتبت عنه تدوينه زمان يمكن تفتكريها و يمكن لأ
بالنسبة لأنه مافيش حاجة بتعجبنا فده مش حقيقي
و بالنسبة لوحده وحده و تاتا تاتا
فدي كلمة بقيت باسمعها كتير في كل مكان علي وزن عدم النضج السياسي للشعب المصري
الحمامات دي عددها 60 كلها فايف ستارز
شوفي يا كارول
انا ما انكرش اني كنت معجب بالموضوع ده برا لما سافرت فرنسا
بس سمعت انه في واحد مصري دخل الحمام و واحد خارج علشان ما يدفعش قام الحمام قلب بيه علي ماسورة كبيرة و طلعت هي دي طريقة التنظيف هناك ... و جابوه بعدها بكام يوم من مواسير المجاري غرقان
تفتكري في مصر الناس الغلابة الكتير اللي بتشوفيهم فالشارع هيحسوا بأيه و هما شايفين الحمامات دي ؟ مش قصدي اني ضد المشروع
يا اهلا و سهلا بالمشاريع
بس نفسي اسمع و لو مرة عن مشروع غير الفايف ستارز الكتير اوي دول
شرفتي مكانك .. بالنسبة للتوتر السطحي ايه النظام ؟
صاحب البوابــة
بلاش الاغنية دي الله يخليك يا عمنا
بتنورني بتعليقاتك
sarah la tulipe rose
كان نفسي اسمع يا سارة عن مشروع لتطوير العشوائيات .. عن مشروع بناء مساكن لمعدومي الدخل
عن مشروع ثقافي ... عن حاجة لها معني في عيد القاهرة
عموما الوقت ما فاتش و انا متفائل ان شاء الله هيعملوا حاجة حلوة
ادعي معايا يا سارة
دي خطوة كان لازم تتعمل من زمــــــــــان
مش عارفة ليه باقلق من كلمة "ذكية" قبل اي مشروع بيتعمل
لعل الادارة تكون ذكية كما دورات المياه
سمعاك بتقول حاجة ع العشوائيات .. دي مقصود تبقي موجودة عشان اللي بينام في اوضة فوق السطوح/تحت السلم يحس بالرضا برضه .. كل حاجة محسوبة كويس يا فندم
:P
يا هانى إنت بتتكلم على الخمسين قرش كإنها ثروه إيه العلاقة بين الخمسين قرش و الفنادق اللى بتتكلم عليها هى مصر مافيهاش غير الأغنياء بتوع الخمس نجوم و الفقراء اللى مش لاقيين ياكلوا معظم الشعب المصرى من الطبقه المتوسطه إللى لو إضطروا يدفعوا الخمسين قرش دى مره ولا إتنين فى الإسبوع مش هتعورهم يعنى و بعدين ما هم مش هيفضلوا واقفين طول اليوم جنب دورة المياه و كل نص ساعة يدفعوا نص جنيه و كمان أكيد لو الحمامات دى إتعملت مجانيه مش هتلاقى إهتمام و بعد إسبوع ولا إتنين هتكون خربت ثم إن الناس اللى بتقضيها جنب الحيط ولا تحت الكوبرى دى يا بختها يعنى بيعملوها مجاناً المشكله فى اللى مابيعرفش يعمل زيهم و هو ده اللى مشكلته إتحلت
عقبال الباقيين بقى
تحياتى تانى
fad-fadat nour
طبعا طبعا محسوبة
و كمان مطلوبة
للأسف
Searcher
شوف يا عمنا هارد عليك من كلامك
==================
كمان أكيد لو الحمامات دى إتعملت مجانيه مش هتلاقى إهتمام و بعد إسبوع ولا إتنين هتكون خربت
===================
عارف هتخرب ليه اكيد
طيب و تفتكر الحمامات ام خمسين قرش هتخرب و لا لأ
فكرني كدة بالسي تي ايه ؟؟ راح فين و بكام دلوقتي ؟؟ شوفت بقي شكله عامل ازاي الاتوبيس ابو اتنين جنيه
اللي طلع بعده اتوبيسات كتير باتنين جنيه و المترو بقي بجنيه بعد نصف جنيه
عارف وزارة التضامن الاجتماعي بيعتبروا اللي تحت هخط الفقر مين ؟ اللي بيقبض اقل من مائة و عشرون جنيه
اه و اللهي ... مش عارف بقي اي طبقة متوسطة بنتكلم عليها و مش فارقمعاها نصف جنيه .. ميه و عشرين جنيه ده اشتراك النت اللي بنقعد عليه و لا تليفونك .. و لا يمكن ده تمن مواصلاتك او بنزين عربيتك ؟؟ و لا ايه و لا ايه
يا عزيزي لا توجد طبقة متوسطة في مصر
مش موجودة
و الخمسين قرش فعلا مبلغ بالنسبة لناس كتير .. و كتير اوي كمان
ناس محترمين زيي و زيك
ما يقدروش يرشوا الحيطه و لا يقفوا فالشارع
بيدفعوا ضرايب عالمية و عشرين جنيه اه صدقني ... يعني المفروض يلاقوا مكان يقضوا فيه حاجتم مجاني
ما دام في اعتراف بوجود مشكلة عدم وجود حمامات فالشارع يبقي لازم يبقي في حل حقيقي لكل الناس
المراحيض العامة اللي في كل مكان تتجدد في مقابل انه الشركات الكبيرة تحط عليها اعلانات من برا او حتي من جوا
في مقابل تنشيط السياحة اللي هي اكبر قطاع اقتصادي في مصر علي حد علمي
مين عنده استعداد يشتري كارت بعشرة جنيه يدخله الحمام عشرين مرة ؟؟ انت و انا و ال 4000 او حتي ال 6000 مدون
و الباقي
يا عم سيرشر انا ساكن في شبرا و باشوف ناس بتلف ليل نهار علشان تكسب عشرة جنيه فالاخر
مش من حقهم دول يخشوا الحمام
ما دام اعترفنا بوجود مشكلة فلنوجد لها حل حقيقي
و الناس اللي بتعملها فالشارع مش غلطانين ... لأنهم ما لاقوش مكان تاني
ما ينفعش نلوم عليهم
لأنهم مش شبهك و شبهي ينفع يخشوا ماكدونالد او كنتاكي عالحمام و يمشوا
و حتي القهاوي ساعات اصحابها بيرفضوا
ما شوفتش و انت قاعد عالقهوة واحدة جاية تبيع لك قزازة ريحة ؟ او قلم جاف بلاستيك
تفتكر دي ممكن تدفع نصف جنيه ؟؟ فالحمام ابو تجفيف هوا
تفتكر في كام واحدة من المندوبات دول
المشروع ده جميل جدا
لكن مش بيخدم الناس اللي المفروض بتعاني من المشكلة اساسا
بيخدم الناس اللي عندها القدرة علي دخول اي مكان نضيف بلا نظرات استياء منهم علشان يقضوا حاجتهم
يا رب اكون قدرت اوصل لك وجهة نظري
ههههههههه
بكارت بجد؟
الفكرة دي بجد علي قد ما هي ظاهريا شكلها مبهر و حاجة نضيفة بس فعلا موجهة لمين و حتزيد من التفاوت والحقد فعلا ما بين الطبقات
اي نعم هي ح تحل مشاكل بس في اولها
لكن اراهن ان المشروع ده ح يفشل
يا باهمال
سوء استخدام سرقة تهليب استعباط
و مش بعيد يتقلب كشك
فاكر صناديق الزبالة..كانت تلاجات بيبسي و مياه معدنية بعديها
ههههههه
اموت و اتفرج ع الفضيحة الجديدة
يا خساره لا ياكركيب متقلش
ان مفهاش معطر الجو الي بالضغط ده
ياي دي كده تبقي وحشه قوي
ومش من مستوانا
بلاش هبل والنبي يروحوا ينضفوا الكوبري الي انت بتقول عليه الاول
ولا هما بيجمعوا فلوسه من ال50قرش
فكه الزنقه
يلا كتر خيرهم برده
اهو هتبقي اي تقدم وخلاص
و(بست وشز فور يو)0
Hani;
Please just visit Giddo, he just came out of a big operation...come on Antouk my man hurry up
هي الحمامات كمان بقت ذكيه...يا أهلا بريحه الحبايب
:)
تحياتي لك
elfekra gamda ...heya sa7ee7 mesh hat7el 7aga bs momken tesa3ed
ازيك يابيكيا
ايه اخبارك
حلو موضوع دورات المياه ديه
بس اللى فيه طبع لا يمكن يغيره
تفتكر الدورات ديه ممكن تستمر قد ايه هما يومين وهتلاقيهم زى أعفن دورة مياه عمومية
هو ده الطبيعى جدا واللى احنا اتعودنا عليه من اشعب المصري
صحيح يابيكيا انت مابتدخلش ليه منتدى المدونين العرب
انت مشترك فى المنتدى بس مابتدخلش خالص
عاوزين نشوفك هناك هتنورنا أكيد
مستنينك
ولينك المنتدى اهوه
http://blogs4arab.com/Forums/index.php?
أوعى ماتجيش
عاوزينك تنورنا وتشارك كمان معانا
سلااااااام
هانى
An Egyptian in the UK
صاحب مدونة
وجهة نظر كتب فى نفس الموضوع بعدك اعمل علية لينك لو سمحت لانه كاتب كلام منطقى فية تاييد لوجهة نظرك اللى ناس كتير هجموك عليها ـ وانا منهم ـ تحياتى
هانى
انا بمر المرة دية هنا مش علشان اكتب تعليق
ولكن بمر علشان اقول الف شكر على مرورك
عندى وكتابة كلامتين اسعدونى فى مرضى
دة جميل فوق راسى وابسط شئ لرد جزء بسيط
من هذا الجميل انى اجى لغايه هنا واقول ...شكرا
لذيذ الخبر جدا
:D
فيه دورة مياه عمومية في موقف عبدالمنعم رياض، بس مش ذكية، من أسبوع كده كنت معدي عند الموقف هناك لقيت واحد قاعد بيفاصل مع الراجل اللي واقف على بابها عشان ميدفعلوش
فكرك الكروت حتحل المشكلة؟
:)
يا عم كويس انهم بيعملو حاجة زي دة احسن من مفيش
أضحكتني للغاية بقولك ( بلاش الاغنية دي )
اصلي انا برضه بكرهها
ههههههههه
بحس انها مستفزة جدا
وبتحاول تضحك علينا بشوية موسيقي وشوية صور حلوة وكام مطرب ومطربة نص كم
---------
بالمناسبة بقالك كتير مزرتنيش
ليه كدة ؟؟؟
اولا باشكرك لربط لنك البوست بمدونتك
ثانيا سعيد بان و جهة نظرى التقت بوجهة نظرك
ثالثا باشكر جدو على مجهوده لتدعيم التقاء وجهات النظر
مع تحياتى
شوف عندي شوية تفاؤل كده على الصبح
غريبة مش كده؟
بس انا شايفة انه حاجة إيجابية جدا
لو اتعملت صح
معاك طبعا ان مفيش حاجة بتتعمل صح في بلدنا ومفيش حاجة بتستخدم صح
وطبيعي ان اي اختراع او فكرة جديدة زي دي لازم يتعملها تعديلات تناسب طبيعة الناس
يعني مثلا المناديل الورقية لازم تكون محددة الكمية وتوضع بشكل لا يسمح لشخص واحد استغلالها كلها مثلا ..
هل هناك ضامن لدوام نظافة هذه الدورات .. أم ان من الممكن ان نرى لافتة معطل بعد كام شهر ؟؟
هل سيجعل أحدهم منها مهنته ويقف أمام الباب لينظم الداخلين والخارجين على أمل أن يحصل على ربع جنيه من كل مزنوق .. :))
معرفش ..
بس افتكر انها فكره تستحق التعميم وعلى الأقل التجربة ..
ولو نجحت واتعممت في كل المناطق
اقترح تجريم او توقيع عقوبة على من يقوم بذلك تحت كوبري او في ركن في الشارع..
افتكر الحاجة هتخلي اي حد محتاج مايفكرش في النص جنيه ولا الجنيه .. المهم يكون فيه حل يحترم آدميته وخلاص
Epitaph
كارت و هيرد علي الناس
لقد نفذ رصيدكم برجاء الذهاب بجوار الحائط
نوري
معطر جو
لأ لأ كده كتير كتير
مافيش حاجة عجباكم صحيح
Ayyam
thx ya basha tool 3omrak sa7eb wageb
micheal
ايوا طبعا ذكية و بتحل سودوكو كمان
شكلك مش عاجبك
و لا ايه ؟
كلمه
عالاقل بالنسبة لي
بكل امانة هتساعد اني ضحك كل ما اشوفها
عاشقة الوطن
يا اهلا يا اهلا
نورتيني انا لو تلاحظي بقي لي فترة مش باروح اي حته امتحانات :) سيل من الامتحانات غرقان فيه
Gid-Do - جدو
علم يا جدو و تم التنفيذ :) شكرا لأهتمامك
اما بقي عن موضوع شكرك
يا جدو ده واجب
و حضرتك ابو الواجب كله
و ده مش محتاج اي دليل لأني شفته بنفسي
Abdou Basha
ما هو لازم راجل يقعد برضه علشان الناس ما تخشش ورا بعضها
كل واحد لوحده قصدي طبعا
عمرو غريب
اكيد احسن من مافيش
بس هو كده في ؟؟؟
صاحب البوابــة
في اغنية تانيه كمان علي فكرة
بتاعة ما شربتش من نيلها
مش باسمعها
اصل ابويا قرر انه هيجيب مياه معدنيه بعد كدة
فانا عايز اغنية بتقول
ما شربتش من بيرها بقي
انا جاي لك حالا يا عمنا
اعذرني الامتحانات مبهدلاني
An Egyptian in the UK
العفو يا فندم
شرفتني
و جدو ده جميل جدا
ده حقيقي
bluestone
تفاؤل !!! تفاؤل يا بلوستون
طيب خير :) يا رب دايما يا ايها المتمحكه
و بعدين يجرموا الكلام ده ازاي هيقبضوا علي مين و لا مين بس
موافق طبعا علي التعميم بس لازم يعملوا دورات مجانية كمان
و لافتة معطل اتمني ما اشوفهاش ابدا
يا ريت اتمني
لأنه اكيد هيخدم السياحه و ينشطها
هانى
هو فى الواقع أنا مش على خلاف معاك بس برضه ليه منبصش عل الناحيه الإيجابيه من اللموضوع النص المليان من الكوبايه يعنى
معتقدش إن فيه حد ينكر إن الفكره دى مش هتحل جزء من المشكله و كمان مافيش حد شاف الفكره دى فى أى بلد تانيه إلا و إتمنى إنها تكون فى مصر
وبعدين مفيش طبقه متوسطه إزاى
أنا واثق إن أنا من طبقه متوسطه و إنت فى الحكايات بتاعتك ماحكتلناش عن الفرارى اللى دادى جبهالك و لا الفيلا اللى إشترهالك هديه لما كملت 3 سنين فبالتالى من حقى أعتقد إنك من الطبقه المتوسطه و أكتر من 90% من صحابى بينتموا لنفس الطبقه و الناس اللى بتقول إنهم بيطلع عينيهم عشان يكسبوا عشره جنيه فى اليوم يعنى فى الإسبوع بيكسبوا سبعين جنيه تفتكر مش ممكن يضحوا بنص جنيه منهم ويخلوا المبلغ ده
69.5
جنيه
عشان يفكوا زنقه مش بتيجى على غفله غير مره فى الإسبوع ماهو تانى إحنا مش بنتكلم عن ناس بتقضى حاجتها بالكامل فى الحمام ده
و بعدين إحنا حالنا فى مصر أحسن من أماكن تانيه كتير يعنى كمثال ممكن الميه وعشرين جنيه اللى أنت بتتكلم عليهم دول يقضوا واحد مواصلات لمدة شهر
إنت متخيل أنا هنا فى السعوديه بدفع مواصلات أد إيه فى الشهر؟
كنت بدفع 900
ريال يعنى 1200
جنيه يعنى 10 أضعاف المبلغ ده
فى مصر إحنا إتعلمنا مجاناً و مننكرش الكلام ده
هنا عشان تدخل إبنك مدرسه نص نص هتدفع مش أقل من 15000
جنيه فى السنه
و بصراحه معرفش خط الفقر عندهم بيبتدى بكام بس ما تقليش إن كل الناس معاها فلوس هنا لأن هنا أنا شفت كميه شحاتين مش أقل من اللى شفتهم فى مصر
و مره تانيه أنا مش بحاول أختلف معاك بس أنا بحاول أبص للنص المليان
تحياتى
باسم
Yaret di fekra 3abkareya badal malwa7ed yed7'ol Macdonalds we yetla3 men 3'er lazma, wala yesttar yeshteri 7agga 3ashan yeb2a manzaro kowayess, ya3ni 50 2ersh awfar...
هى فبها ايه ذكى طيب؟؟
قصدهم ذكى زى الحكومه ولا زكى يعنى ؤيحة حلوة ولا زكى قدرة؟؟ابقى فهمنى دى وحياتك.
و موضوع نص جنيه ده على الحوار اللى اتحكى حاجه قليله معنى ذلك ان التويلتات دى مدعومة؟؟؟؟؟؟؟؟؟؟
طب و السعر بالنسبه للأجانب ايه نظامه؟
هى فكرة ف حد ذاتها حلوة بدل المناظر القذرة اللى بنشوفها و الروايح اللى مش زكيه اللى بنشمها بس من سياق الخبر كده استشفيت والله أعلم ان تنفيذ الفكرة مش كويس او طريقة الإعلان عنها تعبانة شويه..يارب ماطلعش غبية ويطلع الغلط عندى مش من عند بتوع التويلتس الذكية..
شكراااااااااااا
Searcher
يا سيدي و لو كنا علي خلاف ده لا يفسد للود قضيه
بس عندي سؤال يا عم باسم
انت بتقول اتعلمنا مجاني
مش مشكلة موضوع مجاني
لكن هو احنا اتعلمنا بجد
rubiba
ماشي ما هي كويسه لناس
و لناس تانيه تخليهم يحسوا بالزنقة اكتر
ما دام في اعتراف بوجود مشكلة
فلنوجد لها حل كامل
Queen eraser
الاختيار الثالث
زكي قدرة طبعا
هي حاجة كويسة طبعا بس مش لكل الناس
و ما تتفائليش اوي كدة
المناظر هتفضل هي هي صدقيني
إرسال تعليق
<< Home