الاثنين، أبريل 23، 2007

فنظر له المحيطين باستنكار


قرر أن يخرج من منفاه الاختياري و عزلته الطويله عن العالم الخارجي بأن يذهب الي المقهي القريب من بيته ليجلس مع بعض أصدقائه .. فقد كانت الحياة تدفعه دفعا نحو الجنون في الشهور القليلة الماضية فأثر أن يهادنها قليلا .. و في طريقه للمقهي قرر أن يتمشي قليلا ... سمع يوما أن المشي لمدة نصف ساعة يوميا يزيل الأكتئاب و في الطريق رأي محل يعرفه جيدا فقد كان يؤجره و بدأ به مشروع .. فشل فشلا ذريعا و حطم كل ما تبقي له من أمال و كان أنهياره سريعا دراميا بعد زيارات متكررة من بعض المسئولين ... فأكد لنفسه أن المحلل النفسي الذي ينصح بالمشي لمدة نصف ساعة لم يقصد هذا الشارع
فغير أتجاهه و للمصادفة وجد في وجهته الأخري حبيبته و بطلة قصة حبه الفاشل تحمل طفلها و قد أصبحت دائرية الشكل من فرط السمنه ... فأبتسم و قال لنفسه الحمد لله أكيد المحلل النفسي كان يقصد التمشية في هذا الشارع ... و لكن سرعان ما زالت الابتسامة عندما أصيب بالبلل أثر مرور سيارة مسرعة فوق حفرة في الاسفلت مملؤة بالماء القذر و أدار ظهره و قال للسائق بصوت عالي يا ابن الكلب ... ثم تذكر حينها أن حبيبته السابقة ستلاحظ وجوده علي بعد أمتار منها هكذا... فالتفت اليها مرة اخري و وجد معها زوجها هذة المرة ... فنظر الي عينيه و تصنع أنه لازال غاضبا من السائق و قال له .. .ده انت اللي ابن كلب ... و لم يستطع أن يسيطر علي انفعالات وجهه المتجهمه أكثر من ذلك فقد أبتسم و اكمل طريقه مؤكدا لنفسه أن المحلل النفسي لم يمش في شوارع القاهرة أبدا و بالرغم من ذلك الا أنه يحب تمرين المشي هذا ... و وصل الي المقهي في النهاية ... شعر بالقولون العصبي يعاود نوباته مرة أخري و أن حركة الغازات تزداد داخل امعائه فألقي التحية علي أصدقائه و جلس ... و وجدهم يستمعون باهتمام شديد و انصات لأحد المسئولين يتحدث حديثا ورديا عن تشجيع صغار المستثمرين و الاهتمام بهم في المذياع ... فلم يتمالك نفسه خاصة أن نوبات قولونه العصبي مؤلمه فأصدر صوتا عاليا اتبعته رائحة .. فنظر له المحيطين باستنكار ... ظهر علي وجهه بعض امارات الارتياح بعد هذة الفعلة فقال لهم ... ايه !!؟ في أيه!؟؟
اشمعني الأخ اللي في الراديو محدش متضايق منه
...
..
.
تحديث : تم أفتتاح دكانة جديدة

32 comments:

Blogger bluestone said...

:)))))))
حمد لله على السلامة :)

بوست مبدع بطريقة خاصة المرة دي ..وبنكهة من السخرية الحادة
اللي خرجت صاحب الكراكيب من عباية الراجل العجوز ... :)

برافو

8:25 م  
Blogger nour said...

:))))))))))
يخرب بيتك
دايما غير متوقع كده
:)))))))))))
مدونتك بتوحشنى و انت اصلا واحشنى اوى يا عم
هافف عليا كده:)))

10:07 م  
Blogger كلبوزة لكن سمباتيك said...

ههههههههههه
جديدة دي
انا اتصدمت بصراحة
بس كويس انه ارتاح
افتح شبابيك البلوج بقى
:))))

تحياتي

2:01 ص  
Anonymous غير معرف said...

ههه
كالعادة ورا كلامك الف حاجة
ولو حللت كل كلمة فى البوست ..مش هنخلص انهارده
كفاية اخر جملة

فعلا..اشمعنى هما محدش بيعترض

تحياتى لك ياهانى
واسفة على الغياب

لولو
ست المرتفعات

5:21 ص  
Blogger Memo said...

لسه مش مصدقه نهايه البوست
انا همشي بقا عشان الريحه قاتله في البولج صراحه

4:18 م  
Blogger ^ H@fSS@^ said...

looooooooooooooooooooooooool

تحفة يا انتوك فعلا معاه حق على الاقل فعله بيولوجي حتمي على راي المسيري نقلا عن اختي زنزانة لكن اللي بيتكلم ده مافيش اي تفسير لفعله غير انه فعل فاضح في الطريق العام يستوجب عليه استدعاء البوليس بس بجد كل يوم بتتحفني بعقلك و باسلوبك

تحياتي يا عزيزي

4:55 م  
Blogger صاحب البوابــة said...

مقال رائع للغاية

اسلوبك الساخر يذكرني بالكاتب المبدع

يوسف ابو المعاطي

تحياتي لك عزيزي


----------------------
صاحب مدونة البوابة
http://elbawaba.blogspot.com

7:25 م  
Blogger šσяšαяαα said...

مممممممم من واقع التحليل النفسى السيكوباتى اللا عقلانى المضروب معاه تقليه ملوخيه بالشهقه بتاعتها اقدر اقول.....
هى سكة اللى يتجنن ومايعقلش بيروحوها ازاى؟؟:))))

وعندك اخر الاخبار وصلحه::

اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

7:40 م  
Blogger sarah la tulipe rose said...

ههههههههههههههههههههههههههههههههههههههههه
جامد دة اوي
هههههه
ادي اخر الي يسمع نصايح المحللين النفسيين الانسان طبيب نفسه
:)و يستحسن يستشير اساتذة الهندسة النووية قسم ذرات

8:08 م  
Blogger karakib said...

bluestone
الله يسلمك يا بلوستون يا جميلة .. يعني خلاص كده اللي هيقرا هيقول شاب و عنده 24 سنه بس .. أخيرا يعني
مبسوط أنها عجبتك علي فكرة و عجبت صاحبها كمان


nour
أزيك يا نورا :) أنت كمان بقي لك فترة مش بتسألي خالص
ما تيجي نبقي ننزل نجيب رواية نهي الجديدة من ميريت الأسبوع الجاي
ايه رأيك


Sampateek
الحقيقه أنا عملت حسابي من قبل ما أكتبه و هويت البلوج و بخرت كمان
ما هو كان لازم يرتاح
و بعدين الريحه كده كده وحشه بيه أو من غيره بسبب الراديو و ما شابهه

11:33 م  
Blogger karakib said...

ست المرتفعات
علياء :) كل سنة و أنت طيبة
طولتي الغيبة المرة دي علي فكرة
ليه كده لعل المانع خير


Memo
لأ الريحه مش بسبب صاحبنا صدقيني دي الريحه دي في كل مكان و انا عملت أستعداداتي و فتحت الشبابيك صدقيني قبل ما انشر البوست صدقيني



أم حزنبل
غيرتي أسمك ليه ؟؟ الفعل البيولوجي الحتمي ده مش فالراديو كمان يا حفصة و لا ايه :) ؟؟

11:36 م  
Blogger karakib said...

صاحب البوابــة
يا خبر أبيض !! يوسف معاطي مرة واحدة يا راجل حد يقول عالنملة جمل
يوسف معاطي ده جبل عالي من الابتسامات نيجي جنبه ايه أحنا
شكرا علي مجاملتك الرقيقه


SoRsaRaa
أنا أشتركت معاكم علي فكرة بشوية حاجات من عندي


sarah la tulipe rose
سارة :) أساتذة الطب النفسي مش هينفع نستشيرهم فالموضوع ده
الموضوع ده فعلا لازم نعمل له لجنة من اساتذة كلية هندسة قسم ذرات فعلا

11:40 م  
Anonymous غير معرف said...

نهاية غير متوقعة تماما للبوست فعلا
كنت متوقع حاجة تتوجه ناحية الحزن أكتر لكن الننهاية كانت ساخرة جدا لكن في مكانها و ماخرجيتش من الجو العام للتدوينة

تحياتي يا أنتوك

11:58 م  
Blogger Layla said...

اففف....بس تعرف معاه حق

كويس ان التليفزيون لا ينقل الروائح...بينقل صوت وصورة بس...هههه

3:41 ص  
Blogger Nouran said...

تصدق كنت خايفة ليعملها ولما عملها اتخضيت بس بوست جميل اوي اوي يا هاني
جاااااااامد

3:29 م  
Blogger david santos said...

أزال أحد مشرفي المدونة هذا التعليق.

9:38 م  
Blogger ساعه الغروب said...

مش عارفه اقولك ايه
ما قدرتش ما اعلقش

بجد انت كل مره بتجرجرنى بكلماتك الرائعه وصورك اللى بتلغى كل و اى فكره مسيطره على العقل وتتربع هى على راسه

بس المره دى بجد صدمتنى

اسلوبك فى تقدم
بس بلاش المفاجات دى

ههههههههههههههه

شكرا ليك على كل حال

:)

11:23 م  
Blogger Blank-Socrate said...

سيدى المشكله ليست فى الوصفه
كان المحلل النفسى يقصد الشارع اذى يسير فيه اشخاص طبيعين يحاولون تهدئه انفسهم
اكيد لك يكن يقصد مصر وخاصه القاهرة
كم اتمنى العودة لقريتى الجميله فى صعيد مصر لكن هيهات

11:11 ص  
Blogger Marwa Friday said...

جميل يا هاني
تمنياتي بالتوفيق دائما

7:01 م  
Blogger karakib said...

مصرى
بشمهندس يحيي :) كنت مستني رأيك فالمكتوب بيقولوا انه أسلوب جديد مع اني مش حاسس أني باكتب بأسلوب جديد و لا حاجة يمكن علشان موضوع فكر جديد ده بيخليني أهرش



واحد زهقان

ما هو الريحه في بطن الشاعر :) و مش هاطلع الا لو هو عايز



Nouran
لازم يعملها ... ما هو كفاية بقي غازات و انتفاخات لازم يعملها

7:42 م  
Blogger karakib said...

ساعه الغروب
كل مرة تيجي هنا ديني فيتامين غالي أوي أسمه التشجيع ... بس بتاعك اسمه تشجيع قوي مركب
شكرا بجد



Blank-Socrate
ياااه أنت عايش في غربة :) يا صاحبي لو رجعتها دلوقتي هتلاقي نفسك برضه غريب
الغربة احساس مش تغيير مكان
اينما كنت انت قادر علي صناعة وطن


مروة جمعة
الأجمل هو تشريفك للمدونه يا مروة
اهلا بيكي

7:45 م  
Anonymous غير معرف said...

هو یا آنتوک آسلوب الكتابة نفسه و الأ حداث مش بعيدة عن أسلوبك هو واحد نقدر نقول تايه في أحداث أو أحزان عدت أو في مواجهة الحياة و أسلوبك جميل جدا في الحالة دي
لكن اللي قصدي أقوله النهاية مختلفة و غير متوقعة و ساخرة و في نفس الوقت في مكانها و جميلة

11:25 م  
Blogger karakib said...

مصرى
عارف يا يحيي اللي انا باتكلم عنه فالتدوينه دي واحد طيب اوي و جدع أوي هو صديق علي فكرة قضي وقت طويل من عمره في أحزان لكن كان بيقدر يسخر منها دائما ... و اول أمبارح مضي عقد حاجة هو بيحبها أوي و أن شاء الله هيكون له شأن فيها
أدعي له لأنه فعلا يستحق .. و فالحقيقة هو لم يفعل اي فعل تتبعه رائحة لكن انا شوفت أنه هو ده فعلا أبلغ رد علي أي واحد بيعمل كده في أي وسيلة أعلامية

3:40 ص  
Blogger •«ρяoιd»•™ said...

ههههههههههههههههه

الله عليك

بجد يعني مبدع بجد

بس هي الصوره دي في انهي محطه

تحياتي

6:34 م  
Blogger yasmina said...

انا اول مرة اتشرف بهذه المدونة
وكنت مندمجة م الموضوع حتى فاجأتني النهاية
فيها شيء من الواقع ليه نسمع تفاهات الراديو هي احسن؟
سخرية حلوة

8:17 م  
Blogger مهندس زراعي said...

بوست جميل ورائع

ربنا يوفقك ويذيدك أبداع

تحياتي القلبيه لك

10:51 م  
Blogger واحدة متفزلكة said...

balak enta de 7agat lezom l ente3ash.. begd 3agbny awe awe l post ma3 eny gdeda fel lela o 7asa eny zay l habla bas eshm3na ana ma2olsh eno 3agbny:)
begd i like it so much
en3eshna kman o kaman ya hany

2:04 ص  
Blogger Gid-Do - جدو said...

هانى

كان على بطل القصة انة يقول للناس اللى على القهوة وبصوت عالى كمان ـ ملعون ابو الدنيا ـ على راى المعلم نونو فى الواد الشقى بتاعة عم محمود السعدنى

6:50 ص  
Blogger karakib said...

•«ρяoιd»•™
نورتني يا فندم الصورة في محطة مترو بشبرا و من يعرفها له جائزة قدرها كوباية قهوة عالقهوة اللي جنبها


yasmina
يا رب ما تكونش أخر مرة .. خطوة عزيزة .. معلش الريحة المرة دي مش و لا بد بس أنا عمال أرش سبراي من بدري


مهندس زراعي
الاجمل و الاروع هو تشريفك لمدونتي المتواضعة يا بشمهندس

2:02 م  
Blogger karakib said...

واحدة متفزلكة
كلنا جداد فالليلة صدقيني :) مبسوط أنها عجبتك يا رب اكون دايما عند حسن ظنك



Gid-Do - جدو
يا جدو بطل القصة دي شباب كتير أوي
لو كل واحد فيهم قال ملعون أبو الدنيا
كان سكان البحر المتوسط من الجهة الاخري اشتكوا من علو الصوت المزعج
و يمكن كانوا يعزلوا كمان
اللي كان موجود أيام عم محمود السعدني كان لسه قادر يشتم
دلوقتي خلاص كل اللي ممكن يتعمل
صوت عالي تتبعه رائحه

2:07 م  
Blogger monasosh said...

مش عارفة ارد غير ب
:)

2:48 م  
Blogger karakib said...

Ma3t
قريت أو شوفت البوست الاخير عندك واضح انك مبسوطة .. يا رب دايما يا ماعت
الحلو يشوف كل حاجة حلوة :)

4:07 م  

إرسال تعليق

<< Home