الأحد، مارس 18، 2007

كيف تصبح بطل قومي في 15 دقيقة


رتب الكلمات التالية و ضعها في مقال طويل ... طويل جدا جدا بحيث يمل القاريء و حاول أن تضع كلمات غير مفهومة أبدا من نوعية (و لا سيما نحن نربأ بما حدث و باديء ذي بدء سندلي بدلونا في أزمة المؤامرات و دلالاتها و التي تحاك و تتجلي فيها الهيمنة في ظل ايديولوجية المهلبية) علي أساس انه الذي يقرأ عندما لا يفهم سيستنتج أنه الذي يكتب بيفهم أكثر منه بالتأكيد و لذا يجب أن يصدقه... ستصبح صحفي و مفكر و محلل (سياسي أو أستراتيجي أوأجتماعي أو اللي نفسك فيه) و ستكون مشهور و بطل قومي يشار له بالبنان (حلوة يشار له بالبنان لسه قاريها النهار ده)



لا سيما - خصوم - المواطنة - الديمقراطية - العولمة - محادثات ثنائية - اتهامات باطلة - مجلس قومي - انتخابات - فلسطين - الاحزاب - باديء ذي بدء - ايديولوجية - استراتيجية - تداول سلمي - الامم المتحدة - ارفعوا ايديكم عن - يدلي بدلوه - فوضي خلاقة - مثقفين - اتفاق الأمة - اعتصام - النقابات - نشجب - مؤامرات تحاك - نربأ - العرقيات - النظام - اعتصام - نفوذ - مهزلة - و قد صرح مصدر مسؤول- أنصار - دلالات - حقوق مدنية - تقرير خطير - دماء الضحايا- هيئات - تعديلات دستورية - السلطة التنفيذية - ايران- الرجعية - بيان الأجهزة المعنية - أزمة الحوار - الجامعة العربية - لن نسكت - حلفاء - الطواريء - اطلاق سراح - الحرية المفاوضات - تتمحور - أستحلفكم الهيمنة - الدعم





دخلنا الحروب بكل ما نملكه من مواهب الخطابة ... بالعنتريات التي ما قتلت ذبابة

"نزار قباني"

42 comments:

Blogger مش فاهم حاجة said...

فعلا الموضوع دة كان شاغلنى
ومجموعة الكلمات دى
معتدقدش انها ممكن تتجمع فى جملة مفهومة
وخالصة كلة نشجب
بجد الكلمة دى بتاغيظنى اوى اوى

7:14 م  
Blogger Epitaph said...

شكرا ع الكلمات
ح ينفعوا عشان امتحان الترجمة من الانجليزية للعربية
ماهو من النوعية دي
لا سيما
يشار اليه بالبنان
الايديلوجية الملوخية المهلبية

و نشجب و ندين و نعترض و نلرفض و الارتقاء بالبتنجان


hehehehehe

by the way...
ممكن طلب حضرتك
ابعد بس البغبغان عشان نعرف نتكلم
:)) عايزة عداد تاكسي زي بتاعك
عاااااااا
انا عايزة من ده يا حوزونبل انا عاوزة من ده
سلفهولي لفة و ح اجيبلك شيكولاتة يا هاني

:))

7:23 م  
Blogger Epitaph said...

ماشاء الله عشان ماتقولش عيني فيه و لا باحسدك عليه

قولي شاريه منين و بكام

احسن جيت اعمل واحد من االطوييييييييييل اوي ده كان شكله نيلة اوي و مسحته
lol

اوعي يكون كان هدية ع البغبغان
؟
:O

7:24 م  
Blogger Bella said...

صراحة ماخليتش في نفسنا حاجة

كل الكلمات المقعرة المنتشرة حصرتهالنا وجبتها لغاية عندنا

مافيش غير اننا نبتدي بقى ونكتب خمس ست صفحات

مش بعيد نفوز كمان بجايزة زي دي

http://news.bbc.co.uk/hi/arabic/middle_east_news/newsid_6452000/6452853.stm

8:06 م  
Blogger Gid-Do - جدو said...

هانى

انت جيت متاخر عمرك كله ما دة ياابنى اللى بيتكتب فى كل الجرايد والمجلات العربية من عهود ما بعد الاستقلال حتى يومنا هذا ـ من يوم ما اتعلمت اقرا الجرايد وادفع قرش صاغ ثمن للجريدة لحد ما بقى تمنها جنية ومفيش غير التباديل والتوافيق لهذة الكلامات ـ تحياتى

11:09 م  
Blogger مصرى said...

أزال المؤلف هذا التعليق.

12:14 ص  
Blogger مصرى said...

و الله يا أنتوك فعلا تلاقي الكلام بيتكرر و هو هو من مش عارف كام سنة و مافيش فايدة كله كلام و كلام

الله يرحمه محمد أبو سويلم قال لك كنا رجالة و وقفنا وقفة رجالة لكن دلوقتي عايشين في كلام و كلام

و هو الكلام المجعلص ده هو اللي مودينا في داهية


آه صحيح قصدك يشار إليه بأنهي بنان عشان الصورة تتضح بس مش قصدي حاجة

12:24 ص  
Blogger Ayyam said...

أحلى حاجه عجبتنى : وقد صرح مصدر مسئول!! قال يعنى يبعرفوا معنى كلمه مسئوليه...

12:37 ص  
Blogger ياسمين said...

أنا جيت اشكرك يا هانى على دعمك ومساندتك لية فى التعليق اللى سبته عندى

بجد شكرا
تحية من قلب مجروح

12:54 ص  
Blogger yasser_auf said...

تفتكر العيب في مين فيهم و لا فينا اننا رضينا بالهم و الهم مرضيش بينا

تحياتي

1:58 ص  
Blogger ert3ashat said...

tsd2 fe3lan klamaka wake3y bega km mrrah el wa7ed 2ara klam zy dh aw sm3o men wa7ed fe el tvwe hoa 3aref eno aslan wla byfham 7aga s bakhod 3ano sor mozifa nategt shwyet klam by2olo we akeed msh 3aref m3nah :D...ana 3amel post 3andy 3n el commentat lw mra tb3tlak comment kda wla kda ya reet tsharekna w 7ata lw ma etb3tlksh moshrktak wesam 3la bloggy

10:51 ص  
Blogger bluestone said...

لا زود عليهم كمان شوية مظاهرات على مسيرات وشوية تحابيش وشعارات من عينة عمر القهر ما غير فكرة .. ويسقط يسقط أي حد . وحتمية الوضع النضالي .. ولازم نقف موقف نضالي .. ونشارك في كل التظاهرات ونساند اخواننا المعتقلين ..
بس فيه مصطلع ايديولوجي مهم جدا لازم الناس تتعلمه اسمه

ســـــــــــــــبوبة

11:08 ص  
Blogger يا مراكبي said...

فعلا .. هذا أقصى ما يمكننا بذله .. فاكر البوست ده؟

http://yamarakby.blogspot.com/2006/09/blog-post_22.html#links

11:38 ص  
Blogger tota said...

كراكيب

هى الحقيقة ان احنا مبدعين فى الكلمات وفى كيفية رصها بجوار بعدها لتبدوا احلى ما تكون المشكلة ماذا واء الكلمات سواء من معنى او افعال
لو تعلمت ان تقرأ الفكرة من الكلمات فلن تهتم بعد ذلك بأى كلمات سواء رنانة او بسيطة المهم يصلك الهدف منها
اما كما قلت اليوم فكلنا نلعب بالكلمات ولا افعال
تحياتى

1:03 م  
Blogger karakib said...

مش فاهم حاجة
نشجب بس اللي تغيظك
ده أنا بقيت أفتح الجرنال و أقرا الديباجات الفخيمة لغويا و أضحك و أتخيل شكل كاتبها و هو يحملق في ما كتبه و لا يدرك ما المقصود بها و يتسائل من كاتب هذا المقال حتي يصل لأسمه في النهاية فيقول ما أبدعني


Epitaph
لأ البغبغان واقف علي كتفي و مش هايمشي علشان ده صاحبي
و تجيبي لي أنا و هو شيكولاته لو سمحتي
العداد ده دوسي عليه هياخدك للسايت شجلي و خدي الكود
الموضوع سهل أوي


Bella
خمس ست صفحات بس
ده الجرنال اليومي اللي هو من 10 الي 30 صفحة بينزل كله كده !! يعني ممكن ننتج أكتر شوية من ست سبع صفحات لأنه الجرنال مليان و البرامج مليانه و المحللين الاستراتيجيين موجودين ممكن نسمعهم و نكتب سبع تمن صفحات و لو عملنا مجهود ممكن نألف كتاب و نبقي مفكرين كبار :) و يمكن يقبضوا علينا كمان و الكتاب يتوزع جامد أوي و محدش يبقي فاهم أي حاجة

1:27 م  
Blogger karakib said...

Gid-Do - جدو
جدو العزيز جدا ... تحياتي ليك و للأسرة كلها ... عارف يا جدو
بيقولوا زماااااااااااان
أيام أول ما أبتدي الفن المكعبر اللي مسمينه تكعيبي أو تجريدي مش عارف الصراحه
واحد قعد يخربش بالألوان في ورق كتير و جاله واحد نصاب قال له نعمل معرض و نقول أنك صاحب مدرسة فنية جديده أسمها التجعيديه المتوازية ... و لما سأله طيب و لو الناس سألوني أيه ده
قال له أسكت شويه و أنفخ في غليونك ثم أنظر لهم بأستعلاء و قل لهم
هل تأملتم يوما في نهر ؟؟ سينبهر الجميع
و فعلا عمل زي ما قال له و باع لوح كتير أوي كلها شخبطة و بقي فنان مشهور جدا ... و في النهاية كان بيتناقش مع صاحبه النصاب و أختلفوا
فسكت شوية و نفخ في غليونه و قال له
هل تأملت يوما في نهر ؟؟ فأنبهر النصاب بصاحبه و أقتنع برأيه السديد
:) شوفت بقي يا جدو

1:32 م  
Blogger karakib said...

مصرى
أي بنان و خلاص ما كلهم ممكن يشار بيهم يا عم يحيي المهم تفضل أشارة و بس :) أصله الكلام المكعبر ده بيخرب الدنيا يا هندسة


Ayyam
مصدر مسؤول :) يا سلااام تحس كده فالكلمة دي أنك في اليوتوبيا
كل واحد مسؤول عن نفسه يا عمنا مافيهاش مسئولين


ياسمين

يا ياسمين ده واجب عليا لا داعي للشكر عليه المهم أنك تكوني بخير .. الدنيا كده موجة طالعة و موجة نازلة و كل ما تنزل أوي يبقي قربت تطلع خلاص بصي لفوق هتلاقي السما لسه منوره صدقيني


yasser_auf
هو الهم عمره ما رضي بحد و اللي بيتنازل في يوم لا يجب أن يتسائل يوما عن أي حق من حقوقه لأنه تخلي عنها من الأول ... شرفتني بالزيارة أتمني دوام المتابعة أنا عارف أنه صعب بس يا ريت


ert3ashat
أنا رديت عليك في مدونتك الجميلة
شرفتني أوي بمجيئك الي مكاني المتواضع ده

1:39 م  
Blogger karakib said...

bluestone
جامدة أوي حتمية الوضع النضالي دي :) ايه ده جديدة عليا دي أهي دي بقي لو خبطت فيها هاحس أنه لازم أخد الوضع ده و يمكن أقف علي أيد و رجل
علي فكرة هي مش لازم تبقي سبوبه لأنه السبوبه بتبقي شغلانه في مصطلح أخر دقيق بيقولوا الصنايعيه نحتايه يعني شغلانه يتهبش منها الفلوس و يجري
هي كده بالظبط يا بلوستون و للأسف الناس بتصدق اكلام ده و الأغرب أنهم بيدوروا عليه أقري القصة اللي في تعليق جدو كتبتها لو سمحتي هي هي بتتكرر كل يوم و كل ساعة اللي بيكدب و يصدق كدبته

يا مراكبي
الكاريكاتير اللي فالبوست ده جامد أوي ... فعلا الظاهرة الحنجورية دي متشعبة و متغلغلة في ثقافتنا بشكل يخض
و الناس بتصدق دايما أنه اللي بيتكلم ده ممكن يعمل حاجة !! غريب أن اللي بيتكلم ده بعد فترة بيصدق نفسه كمان يا بشمهندس


tota
كلامك فكرني بكتاب كنت قريته بيقول أنه تلاتين فالميه بس من اللي أحنا عايزين نقوله بيوصل عن طريق الكلام و الباقي كله بيبقي بلغة الجسد و العيون و هي دي اللي بتكشف الناس بتكدب و لا لأ فعلا ... يعني كتير سألت نفسي ليه دايما مرشحين الحملات الأنتخابية بيفتحوا أيديهم أوي و يهللوا و يهيصوا و يحنجروا و هما بيتكلموا في المؤتمرات و الندوات ما لقيتش الا تفسير واحد أنهم بيقولوا للناس تعالوا تعالوا أنا طمعان أوي و محتاجكم و عايز الم الدنيا كلها ما بين أيديا أنا قاعد بالم أهه أهه و يفتح ذراعيه للهواء و يلمهم تاني
مش عارف تفسيري صح و لا غلط بس لو لاحظتي هتلاقيهم كلهم بيعملوا كده و هنا بيتكلموا

1:49 م  
Blogger مُزمُز said...

هههههههههه

يسقط عملاء الماسونية الذي يزحفون من الباطن ليهدموا القيم المترسخة المتنيلة عبر التاريخ العريق ويحيا الزعيم ليحمي الكرامة والعزة والشرف المهدور على أيدي دعاة التغريب العملاء

3:19 م  
Blogger yamen said...

بكل وضوح- وباعتبار ازمة الحوار- ونظرا لكل الايديولوجات والاستراتيجيات المتاحة في زمن العولمة وبعد التعديلات الدستورية التي لن نسكت عليها وبكل حرية وتداول للسلطة احب اقولك..

عندك حق ياعزيزي

6:08 م  
Blogger karakib said...

مزمز
عزيزي قد جاوز الظالمون المدي و أري رؤوسا قد أينعت و حان وقت قطافها و أن القنابير قد تدعدعت متي شرب السنكفور الثري ... الم تتدلي الثريات حين توالت حتميات الوضع النضالي في أوائل القرن الماضي المنصرم الزاحف نحو الحريات المجتمعية الفردية ... يا سلام بقي لو من عند المالكي بالمكسرات نجيب طبقي مهلبية بعد أكلتين كشري بالتقلية و شوية طشة فالملوخية


yamen
يا سلام .. أكيد انت فاهم و انا مش فاهم يبقي الحل أني أصدقك كلنا وراك يا عمنا ... أحنا وراك وراك وراك
بس أوعي تكون مش شايف لحسن الفيسبا مافيهاش فرامل

11:03 م  
Blogger lastknight said...

صديقى العزيز

لخطأ يرجع لجهلى بالتكنولوجيا الحديثه تم نشر موضوعى الأخير ناقصا الفقره الأخيره فيه
لذا ارجو قبول اعتذارى و اعادة العليق فى ضؤ ماتم استكماله بعد تصحيح الخطأ

1:10 ص  
Blogger الراقص مع الذئاب said...

موضوع اكثر من رائع...ولكن في مغزاه
جميلة مغزاه ديه....
اقصد يعني من الجانب اللي انت تقصده
من حيث كلام الساسة والمفكرين اصحاب رباطات العنق الانيقة وضيوف البرامج الحوارية

اما من جانب استعمال الفاظ اللغة العربية والحفاظ عليها فانا اختلف معك
فالحديث باللغة العربية هو ما نفتقده...ونفشل فيه...
اصبحت في السننا اعوجاجات بسبب اللغات المفتكسة الجديدة
ونكاد نمل إذا قرأنا مقال لا يحتي علي بعض الالفاظ الروشة.....

فالمثقف عندنا هو الناصح الادرجي اللي بيعبر عن كل حاجة بلفظ محدش يفهمه...أو يتبع كل جملة بأفيه مشهور في مجتمع المفتكسين.....


واختم كلامي بالجملة المفتكسة المشهورة التي ليس لها اي معني او مغزي
وهي:
قلبك لو حن هيضيعك

2:11 ص  
Blogger ahmEd_H said...

والله عندك حق
كل واحد حفظ كلمتين يفضل يطنطط بيهم على العالم

احتمال اكون بطل قومى فى القريب انشالله

3:05 ص  
Blogger يارا تنادي said...

موضوع ظريييف جدا

وواقعي تماما

نحخن كعرب نمتلك عددا من المصطلحات الجافة التي يتاجر بها البعض والبعض يرددها كالأعمى دون إعمال عقله في شئ

كلما ابتعدنا عن المعنى الحقيقي للإنسان ابتدعنا عددا من الكلمات الجوفاء لنتوارى خلفها

5:00 ص  
Blogger الأباصيرى said...

عزيزى المواطن

باديء ذي بدء أتقدم بخالص شكرى لشخصكم الكريم لطرح مثل هذة الموضوعات التى تساعد على رقى الفكر العربى ويدل على أيدولوجية منهجية عميقة لايمكن التغاضى عنها فى ظل الوضع الراهن للمتغيرات السياسية العميقة خاصتا فى المنطقة المشتعلة بالصراعات العرقية والمذهبية حيث أنهم لايرضخون لقرارات الأمم المتحدة والخاصة بهذا الشأن وقد تداولنا فى المؤتمر الأخير للجامعة العربية كيفية وضع حجر الأساس لترسيخ مفهوم العولمة من خلال تعديلات منهجية بحتة تتمحور وترتكز على دعائم الحوار السلمى بدلا عن النفوذ العسكرى والمتشعب من الأفكار الثورية المتفجرة فى يومنا هذا

لذا أستحلفك بالله تقول للعالم الهبلة دول
أتلهوا على عينكم
ولو على الكلام المتشفر
فأحنا اللى بدعنا الكوفت

وصباحو أبيض

11:13 ص  
Blogger أبو أمل said...

فكرة حلوة وعلى فكرة هذا الموضوع يستهوينى
وان شاء الله هحاول اعمل موضوع مثير
تابعنى

11:54 ص  
Blogger karakib said...

lastknight
هاروح أبص علي طول أهه :)


الراقص مع الذئاب
يا فندم اكيد في ناس كتيرة محتاجة تتعلم العربي ... كتير أوي بس مش معقول في الوقت اللي 54% أمية في مصر نحط كلمات زي ديه حتي القادرين علي القراءة لا يفهمونها أو معظمهم و بعد كده نقول توعية و كلام كبير ماحدش فاهمه مطلوب أنه الكلام و ثقافة الكلام دي تقل شوية حدتها ... يعني عالأقل يكتبوا بلغة عادية مفهومه للجميع
يحن أزاي القلب بس يا عمنا ؟


ahmEd_H
لأ بلاش موضوع بطل قومي بالطريقة دي يا احمد بلاش الله يخليك مش ناقصة :)


يارا تنادي
ما هو دائما من لا يمتلك معني حقيقي يبحث عن الزخارف اللغوية ... أهه نوع من الهروب من الحقيقة الي الكلمات الرنانه الجوفاء
شرفتيني في مكاني المتواضع ده
الأباصيرى

صباحو أبيض يا باشا ... أحنا مش بس بدعنا الكوفت ده الكوفت ده بقي أحنا شخصيا
عاملين زي اللي ك
بوا الكدبة و صدقوها بعد فترة


أبو أمل
أهلا أهلا يا أبو أمل .. أنا متابعك علي طول علي فكرة ما تعتمدش عالكومنتات حط سايت ميتر عندك هتلاقيني بازورك كتير أوي
في أنتظار موضوعك الجديد

12:47 م  
Blogger micheal said...

هايل هايل بجد يا هاني...ما أنت فاهم اللعبه أهو صح...الموضوع فعلا بقي كله كلام حنجوري في الهوا
و زي ما قال نزار
ان خسرنا الحرب فلا غرابه لاننا ندخلها بكل ما يملكه العربي من مواهب الخطابه...بالعنتريات التي ما قتلت ذبابا...ندخلها بمنطق الطبله و الربابه
تحياتي لك

5:10 م  
Anonymous غير معرف said...

انت راجل بضان خالص

5:23 م  
Anonymous غير معرف said...

أزال أحد مشرفي المدونة هذا التعليق.

5:24 م  
Blogger karakib said...

micheal
فعلا الحنجورية بقيت الصفة السائدة لكل من يطلقون علي أنفسهم مثقفين و محللين ... أهه يا عمنا اللي يعيش ياما يشوف



Anonymous
شكرا ... و دي شهادة اعتز بيها جدا
كل اناء ينضح بما فيه
جزيل الشكر يا أستاذنا

6:04 م  
Blogger توتة توتة said...

انا كمان لقيت نفسي بقول على حاجة كده في الشغل
كويس اوي الموضوع ده هيدعم موقفنا التفاوضي
الناس كلها بصيت و حسوا كأني واحده مثقفة

8:58 م  
Blogger إبراهيم محسن said...

آآآآآآآه أنا فهمت دلوقتي ليه مكنتش بفهم كلامك وكنت بقول انك اكيد فاهم والناس كلها فاهمة وانا الوحيد اللي مش فاهم
:)

هي الحكاية كده بقى؟ ماشي يا عم هاني

كلام جميل وبيتكلم بلسان العصر.. علشان كده احنا شعب كلام

نزار قباني
يا عصور المعلقات قد مللنا
ومن الجسم قد يمل الرداء

يالله واحدة بواحدة يا عمنا

12:15 ص  
Blogger karakib said...

توتة توتة
الألذ بقي لو طلبوا منك تعملي اللي أنت قولتيه ... يا تري هتعملي أيه
ما هو الكلام ده بيودي في داهية :) مشكلة يعني :) لو ما عرفناش نعمل اللي احنا قولناه ده بس تظل هذه الكلمات الحل الوحيد عندما نعجز عن فعل شيء ما ذو قيمة

إبراهيم

يا صاحبي مش انت اللي وحدك مش فاهم ده كلنا مش فاهمين أي حاجة خالص و بنقول كلام كبير كبير كبير بس مش مفهوم خالص يا ريتم تقرا القصة اللي سبتها في ردي علي تعليق العزيز جدو يمكن تفهم معني ما نقول كلنا
نورتني يا ابراهيم :)

12:58 ص  
Blogger دينا فهمي said...

هههههههههه
والله هم يضحك وهم يبكي
معاك حق جدا
أنا بأه مكبرة دماغي من الحوار الفاكس ده كله

2:39 ص  
Blogger karakib said...

دينا فهمي
في رأيي ده أحسن حاجة كل يوم اقول هابطل أقرا جرايد بالليل و الصبح الاقي نفسي متجه لبتاع الجرايد لا أراديا

2:20 م  
Blogger SoRsaRaa said...

الموضوع دا اثار حكه فى انفى ومسح فى نظارتى وتتنيح فى قرنى الاستشعارى
الكلام دا كبير اوى يعنى وعلشان كدا بقى فيه ثقافه بديله وهى ثقافه العنب والسمك والتوك توك وصبح صبح:)

9:44 م  
Blogger karakib said...

SoRsaRaa
الثقافة البديلة هي نوع من المعارضه القوية جدا ... الاستهانة بكل ما هو محترم لأنه المحترم لم يعد يستخدم أستخدامه الطبيعي كمحترم لكن بقي كل من هب و دب من النصابين يستخدمه

7:59 م  
Anonymous لكلمات said...

لو شعرت ان كل المحيطين بك يحبونك فأحترس جيدا من نفسك

3:03 ص  
Blogger صفصف لادي said...

انت رائع يا هاني، كما انت دائما و كما ستظل رائعا و الى الابد

11:50 م  
Blogger karakib said...

حفصوتشا ام مصطفيتش
حفصة
كلامك يصيب بالغرور بجد :)
انت الأروع يا جميلة بحسك الانساني الرقيق
مش عارف أشكرك عالتشجيع ده ازاي

3:01 ص  

إرسال تعليق

Links to this post:

إنشاء رابط

<< Home