حقوق الخرفان
أرجوك لا تبتسم انها ليست دعابة... قررت أستراليا منذ فترة عدم تصدير الماشيه الي مصر لأننا نعاملها بأسلوب حسب وصفهم "مروع" نعامل الخراف بأسلوب وحشي
علقت الحكومة الاسترالية تصدير الحيوانات الحية لمصر عقب عرض التلفزيون الاسترالي شريط فيديو لما وصفته انيملز استراليا "بمعاملة وحشية" للماشية والخراف في فبراير من العام الماضي
فكرة عبثيه علي خلفيه الخبر
أستيقظ عماد مبكرا فسمع أصوات مأمأه من حوله .. مااااء مااااء ... فتعجب من ذلك ...و أذ به يجد أحد جيرانه يقف في شرفة منزله مدعيا أنه خروف استرالي تسيء زوجته معاملته و يطلب الرجوع الي أستراليا مرة أخري ... و لكنه يفاجأ بصوت مأمأة من شرفة أخري ..واحدا أخر أصابه الهوس و أدعي أنه خروف ... و يطلب أن يعامله مديره في العمل بشكل حضاري و يكف عن سبه
يشك عماد قليلا في أنه لا زال يحلم فيقرر أن يخوض المغامرة فينزل الي الشارع ... ليجد الكل يمأمأ
و ألصوت يرتفع
ماااااااااااأ ماااااااأ
و يجلس علي المقهي فقد قرر عدم الذهاب الي عمله ...يطلب قهوته فأذ به يجد القهوة لا تقدم الا عصير برسيم و قد غيرت أسمها الي الزريبه
يشك عماد قليلا في أنه لا زال يحلم فيقرر أن يخوض المغامرة فينزل الي الشارع ... ليجد الكل يمأمأ
و ألصوت يرتفع
ماااااااااااأ ماااااااأ
و يجلس علي المقهي فقد قرر عدم الذهاب الي عمله ...يطلب قهوته فأذ به يجد القهوة لا تقدم الا عصير برسيم و قد غيرت أسمها الي الزريبه
فيقرر عماد أن يبدأ فالمأمأه هو الأخر
فيذهب الي بيته و ينظر فالمرآه و يقول لنفسه بعد ان يرفع حاجبا لأعلي
أنت مش عارف أنت بتكلم مين
ماااااااااااأ مااااااااااااااأ
ماااااااااااأ مااااااااااااااأ
posted by karakib at 3:04 م
35 comments:
النهاردة الشعب كله بيمأمأ علشان يتساوى بالخرفان الإسترالية .. بكرة كله ينهق علشان يتساوى بالحمير اللي في أفريقيا .. ولسة
أنتوك أنا إما قريت الخبر ده من ييجي شهر كده قعدت أضحك ضحك هيستير
كنت عايز أبعت لأستراليا أقول لهم شوفوا البني أدمين عندنا بيتعاملو إزاي
إحنا نعمل بعد كده الحملة القومية لمأمأة
يا مراكبي
شيء فعلا حلو أوي أنه بلد تحمي حتي خرافها من البهدله خارج حدود وطنها حتي و هي رايحه تتدبح !! شيء غريب كمان
مصرى
و علي قولك يا عم يحيي
نعمل حمله للمأمأه يمكن حاجات كتير تتصلح علي غرار حملة أه أه بتاعه عادل أمام في فيلم النوم فالعسل
الصحيفة: المصري العصري
الخبر: الخرفان المصرية تخرج في مظاهرات حاشدة وتطالب بالمساواة في الحقوق بينها وبين المواطن المصري بعد أن انتشرت ظاهرة تشبه المواطنين المصريين بالخرفان
وقال أحد الخرفان المنظمين للمظاهرة "إذا كان المصريين هيمأمأوا فاحنا بقة عايزين نصوت
ولم يتسن الاتصال بمسؤولين في الحكومة المصرية للتعقيب
دية عالم فاضية و رايقة أخر روقان...بدل كدة ما يتكلموا عن الانسان اللي بياخد عندنا بالجزمة و يقول كمان و لا يتكلموا أحسن عن حقوق الانسان اللي بتنتهك كل يوم في فلسطين و العراق و دارفور و أفغانستان و غيرة و غيرة
تحياتي لك
ماااااااااااااءءءءءء
مااااااااء
:)
الناس دول مش حيربيهم الا لو استضفناهم اسبوع عندنا ! عشان يبقي يفكروا في الخرفان تاني
احنا شعب سادي بنعذب الخرفان و بعدين بييجوا ناس بقي يعذبونا بس مش خرفان ..عجول و احيانا فئات اخري!!
قال خرفان قال
كراكيب
هو مين عذب الخرفان ؟ محدش قالى
فى كليب كده منتشر غريبة ما شوفتوش عند الحج جرجس
طيب الداخلية ليها يد فى الموضوع
طيب فين لجنة حقوق الخرفان
طيب ليه المجتمع صامت كده
يمكن لما يحسوا ان مصر تحولت لبلد الخرفان الرئيس يتنحى عن الحكم حفاظا على كرامته
او يستمر لانه لاقى نفسه كمان بيقول ماء فمعدتش تفرق كتير
تحياتى
الكونتيسة الحافية
و تحدث متحدث رسمي بأسم حقوق الخرفان و قال فالمقال كلام كتير سلسال و لما تعب مال و سكت و الصمت قال ماااء
أهلا بيكي في مدونتي .. نورتينا يا كونتيسه لكني لا أنتمي لطبقه البرجوازيين خالص .. انا بلوريتاري متقوقع قوقع :) شرفتينا
micheal mohsen
و من قال أننا نتكلم عن حقوق أنسان في فلسطين أو العراق يا ررراجل ده أنا سمعت كده (تبع الثقافه السمعيه ) أنه في جمعيه في مصر باين مقرها فالمقطم بترعي حقوق الكلاب ... الحيره بقي الناس اللي سمعهم عماد كانوا بيقولوا هاو هاو و لا مااااااااااء
sarah la tulipe rose
و مين قال لك أننا لا نستضيفهم
انزلي أي مكان سياحي هتلاقي واحد ملموم عليه الف بيقولوا له جيف مي وان دولار أجيب سنكوتش طعميه بالبتنجان علشان انا جعان جعان
مع الاعتار لصاحب مدونة أنا جعان
tota
لأ لأ الموضوع مالوش دعوة باللي بيقولوا عم الحاج جرجس صاحب المدونه الشهيره الجميله
لأ لأ مالوش دعوة خالص
و بعدين هو يعني الخرفان الاستراليه رقيقه و متستحملش الكلام ده خالص
دول متربيين عالغالي
حشيش أخضر مورور و جميييل
نجيبهم هنا نبهدلهم
عزيزتي لا وجه للشبه
فماذا يضير الشاه سلخها بعد ذبحها
هكذا قال الحكيم أيسوب
في واحد في مصر شبه الحكيم ايسوب و لكنه عصري جدا جدا
الأديب الجميل دكتور محمد المخزنجي الراجل ده ليه شوية كتابات مش عارف ازاي لام أكتشف هذه الدرر من زمان
الراجل جامد أوي أوي أوي أوي
نورتي المدونه يا توتا يا قمر
طب فين مكان التقدم بطلب التحول لماااء قصدي لخروف
طب التحيز وصل كمان أنهم يدافعون عن الخراف والنعاج يا عالم محدش قال إيه جرى ليها
looooooooooooooool
eih dah!!! 7ata el khirfan ba2a laha 7o2oo2?? tayeb 7elow, min bokra 7a7awil nafsi na3ga ostorali ymkin australia tidini el ginsyah wi ahager belad barah, hhhhhhhhhhhhhhh
bas el khabar dah leh bo3d tani, dah ma3nah in as3ar el khirfan 7atighla fi masr , ana nasi7ti, elnas lazim tishtri elkhirfan min delwa2ti, ah, how dah elma2soud min el khabar wallahi begad.
yalla salam
أحب أبشرك يا هانى ان فيه عروض جميلة جدا نازلة فى كارفور على الفرو الكاجوال و الحوافر برباط و بدون
و كمان طلاء القرون
oroon polish
جميع الألوان و عصير البرسيم باللبن
اللتر معاه لتر هدية
و طبعا...البشر يمتنعون
هذا الشعب وصل لدرجه تجعله ليس فقط يمأ مأ أنما يهوهو أيضا لم يعد أحدا يسمع احد ولم تعد الناس تبتسم كلاماضى -الماضى القريب اللى من خمس سنوات مثلا-بجد كفايه كده حرااااااااااااام
معقول ده ؟
طب يعنى ممكن مثلا البت استراليا توز البت امريكا انهم يحاربونا عشان بندبح خرفان في العيد مثلا ؟ على اسا ان ده تصرف وحشي للغاية ؟
عقلي يا عالم
بس بجد اللى عجبنى تعليقك بعد الخبر
رائع
خبر عاجل
امن الدولة يعتقل احد المواطنين لحمله احد استمارات طلب التحول الى خروف
خلو بالكم
معرفش ليه افتكرت مشهد شوفته فى وسط البلد من يومين...ضابط شرطة ماسك ولد من اللى بيسرحوا بشرابات ولا طرح...ونازل فيه ضرب وشتيمة...والبضاعة بتاعه الولد متبهدله فى الارض...المشهد خلانى ابكى...من القهر...والولد عمال ينضرب..ويحلف بالعظيم ..للباشا...انه معملش معرفش ايه..مسمعتش كل الحوار...بس القهر غلبنى..وبكيت
اهو الولد ده لو كان خروف....مكانش...الباشا...عمل فيه كده
............
على فكرة...انا بتابع مدونتك من مدة..بس انا فيا طبع...اتابع فى صمت مدة..وبعدين اخد خطوة الرد
المرتفعات...دى من مرتفعات ويذرينج...الرواية....تعرفها
عرفت مدونتك منين...وهل يخفى القمر...مدونتك على قوائم المفضلة للكثيرين ياعزيزى
مدونتى
واحنا نيجى جنبك فين....المشكلة انى كل ماحط رد هنا...بحط رابط مدونتى..ومش بيظهر
انا مدونتى مش على بلوج سبوت...:)
تحياتى
ست المرتفعات
سكينة
عزيزتي مافيش أمل للتحول ألي ماااء ابدا الأمل مفقود مفقود ... لأنه ده مش سهل أبدا
اللي جري ليها أنهم صوروا جزار بدل ما يوقع العجل علي جانبه باين دربه بسكينه في رجله و هو صاحي قام وقع هو ده من ضمن الفيلم اللي اتعرض علي ما أفتكر و الله أعلم لأني ما شوفتوش بصراحه بس قريت عنه من كام شهر
التقدم فعلا بيصل لحقوق للحيوانات
شيء يغيظ مش كده :)
حفصوتشا ام مصطفيتش
يا حفصه يا قمر الخرفان هتغلي هتغلي بالخبر ده من غيره أصله مافيش أي حاجه بترخص ابدا يا حفصوتشا أبدا أبدا
ما ينفعش نبقي نعاج يا حفصه :) ماينفعش خالص مش عارف دي حاجه تضحك و لا تبكي فعلا
eskandrany
هو فعلا بعد الخبر ده لازم نقول كلام زي ده و نضحك .. ما هو الفكره العبثيه اللي جات لي دي لازم كلنا نكملها سوا
و لا ايه ؟؟ ماااااء
wa3d-el3yoon
الناس لا تبتسم :) و تبتسم ليه .. ده حتي الضحك من غير سبب يبقي قلة أدب ... لأ لأ مافيش ضحك
امنعوا الضحك (علي طريقة محمد صبحي فالمسرحيه) أمنعوا الضحك
لأ يا أستا>ي لازم نضحك و هنضحك يعني هنضحك و لو غصبنا علي نفسنا الضحك
لازم الحياه أمل فعلا
فؤاده
ايه السيره اللي ترعب دي بقي !! أنا بخاف
ربنا يجعل كلامنا مؤدب و لطيف و ظريف و جميل و رايق
مااااء مااااااااء
ست المرتفعات
يا هلا يا هلا يا هلا نورتيني بجد
المشهد اللي انتي شفتيه ده بيتكرر كل شوية و كل دقيقه يعني حاجه مألوفه أنه الناس البياعين السريحه دي تتبهدل و يا ريت من الظباط بس لأ ده كمان من أصحاب المحلات و الماره و غيرهم غيرهم كتييير
يعني كله بيضربه علي قفاه لأنه بس فكر يبيع حاجه هامشيه بسيطه توكله لقمه حلال ... ده واحد بيتحدي كل ظروف القهر و البؤس و الاهمال و الاهانه
الناس دي أبطال ... لكنهم كمعظم الابطال الحقيقيين في دنيانا الدنيه لا يظهرون في منتصف الكادر أو بمعني أصح لا يظهرون نهائيا في اي كادر ..ز يحاربون من أجل لقمة عيش غير مغموسه بالمال الحرام .. ولدوا في الدنيا ليجدوا أنفسهم وحيدين بلا مأوي و لا أهل و لا أي شيء ... هما دول ديل السمكه اللي اتكلم عنه عبد الرحمن ابو زهره مع عمرو واكد (الاتنين فنانين مالهمش حل و الفيلم مالوش حل برضه واسمه ديل السمكه و سقط فالسينما فالوقت اللي نجح فيه افلام لا داعي اني افتكر اسمائها)
ديل السمكه اللي السمكه من غيره ما تمشيش لكن محدش بيهتم بيه أبدا و دايما بيترمي لما السمكه تتاكل و هو مش موجود فالمقدمه و لا أحد يهتم به
مش باقولك ابطال و خوارق فوق الطبيعي لكن محدش شايفهم و لا عارفهم و حقوقهم مهدوره و نفوسهم مقهوره
و ينظر الجميع اليهم نظره دونيه بشكل يقتلهم فاليوم الف الف مره أكثر من قفا الظابط او صاحب المحل اللي بيفرش قدامه
تلاقيهم عينهم مكسوره و باصين فالأرض دايما ... شيء مؤسف و حزين
مش كده ؟
-------------------------
الروايه اللي بتتكلمي عنها ما اعرفهاش يا ريت تقولي لي ممكن الاقيها فين و الاهم بكام :) علي فكره كلامك عن مدونتي مخليني مش عارف ارد .. ربنا يخليكي بجد كلامك بسطني أوي التشجيع فيتامين فعلا للروح و الامل شكرا ليكي يا ست المرتفعات
-----------------------------
لو سمحتي سيبي لي لينك مدونتك كرد هنا علشان احب اقراها و اتفاعل مع افكارك .. لو تكرمتي يعني هاكون مبسوط لو شفتها
اولا تعليقك على الخبر موتنى من الضحك
ثانيا : مهو اصل احنا لو مجبناش حقنا بأدينا محدش حيدافع عننا
ده للي بيقولوا يدافعو عن الموطن المصري اولى
ويتبقا سؤال :
هو ايه الي بيحصل للخرفان في مصر ..؟
بنعامل الخرفان وحش ازاي يعني مش بنعمل لهم باديكير و منيكير و مش بنسشورلهم فروتهم؟
التناقد الغربي في العطف على الحيوان و العصف بالانسان
شئ مقزز
--
بعيدا عن البوست
ازيك عامل اية؟
مش برده ماااااااء؟
18goosebumps
شرفتينا الاول
أنا شايف انه المشكله مع الخرفان مش معانا
أحنا كل حاجه زي الفل زي الفل زي الفل
و لا انت شايفه حاجه تاني !!؟ شكلك كده من بتوع المشاغبات و من القله المندسه :) الخرفان كانت عايزه جاكوزي محدش جابلها جاكوزي و كانت جعانه طلبت سوشي قاموا جابولها سوشي فراخ و هي بتحب السوشي سمك ... الموضوع مش ممكن خالص ... طب تصدقي بأيه كانوا بيوكلوهم فول الصبح !! شفتي الظلم
و لا كان ممكن ما يتغدوش خالص ..و الطوابير الطوابير فكل مكان لأ لأ مالكيش حق خالص تتريقي عالخرفان
Sampateek
يا عزيزتي التناقض ده وصل لمصر واللهي أنا سامع أنه في جمعيه لرعاية الكلاب الضاله في مصر !! كلاب ضاله
و ده علي اساس انه اطفال الشوارع و المتسولين و اللي بلا مأوي كل دول اتحلت مشاكلهم فاتدورنا نحل مشاكل الكلاب
كلاب كلاب كلااااااب
هي مرحله مقبوله من الانسانيه الاهتمام بباقي المخلوقات .. شيء جميل بس ده لما يكون البني ادمين مستريحين أساسا
قال ايه بنعاملهم وحش
طيب ييجوا يشوفوني و اأن راكب مترو شبرا و لا أتوبيس 14 كده و لا يتفرجوا عليا و أنا باعدي الشارع بلااااش
كل ده بلاش خالص أي حاجه ييجوا يدوني سندوتش حلاوه بالقشطه يا سمباتيك :)
أنا كويس الحمدلله
الحاله المعنويه في أعلي معدلاتها الايجابيه جدا جدا نشكر ربنا يا رب تكوني أنت كمان كويسه
شكرا لسؤالك يا جميل
------------------------------
الموضوع ده من زمان من وقت لما اتسرب شريط غير انسانى لمعاملة الماشية بطريقة بشعة فى مصر
انا مش بهزر
lo0ol :D la la maho bardo 7aram ne3mel el kherfan keda :D
fakrtoni b e3lan lurpark .. n7no nodlel abqarona :D:D:D el e3lan ely bymrg7o el ba2ra feeh da :Y
بنى أدم مع وقف التنفيذ
واضح أنك شوفت الشريط .. ما تعرفش ممكن أجيبه من فين .. أنا مش لاقيه عاليوتيوب خالص و فعلا نفسي أشوفه
شرفتني بالزياره
~ Bato0ot
أعلان بيقولوا فيه نحن ندلل أبقارنا .. قشطه يعني في ناس بتعامل البقر كويس اهه بس يعني ايه ندللها بياخدوها بالحضن كل يوم الصبح و لا ايه النظام بالظبط :) ضحكتيني
سكر
ده لينك مدونتى
www.wuthering.jeeran.com
ولو كنت بتتسأل كالاخرين عن سر تسمية المدونة
ممكن تزور اول بوست
ده لينكه
http://wuthering.jeeran.com/archive/2006/9/91586.html
تحياتى
ست المرتفعات
لولو
هانى
انا معرفش لية استراليا عملت كدة ـ اكيد فية سبب ـ ولا تنسى ان الدين الاسلامى يمنع الاساءة للحيوان ـ وانا متاكدان الدين المسيحى فية من النصوص ـ التى لا اعلمهاـ ما يمنع الاساءة للحيوان ـ ومثال للرحمة بالحيوان فى الاسلام ان امرأة ادخلها الله عز وجل النار لانها حبست قطة حتى ماتت ـ وان رجل ادخلة الله الجنة لانة نزل الى بئر وسقى كلب ـ الموضوع ان احنا نزعت الرحمة من قلوبنا تجاة الانسان والحيوان وتجاة انفسنا ـ تحياتى
دق موضوع مهم بجد موضوع الخرفان ده ولايق على الوضع الاجتماعى بتاع المصرى اليوم وهوا ان المجتمع المصرى دلوقتى بقى منقشى لشقين الاول ديابه والتانى خرررررررررفان
وشوف بقى لما مجتمع خرفان بيحكمه ديب كبير اوى وسنانه وقعت ايه اللى ممكن يحصل للمجتع ده
طبعا هتتلم عليه بقيت الديابه ويحاولو ينهشو فى لحم الخرفان
وهتبقى مجزره واحنا اللى هندفع التمن ااقصدى الخرفان اللى هتدفع التمن
شكرا وتحياتى ليك على الموضوع الضانى ده
ايمن فاروق
كل دولة بتحكم بمعايرها الخاصة
وتحكم فيما يخصها
استراليا تطبق قواعدها على الخرفان الاسترالي أما البشر المصري فليذهب إلى الجحيم أو إلى أحضان حكومته والامران سيان
فبينما استراليا تحتج على معاملة الخرفان السيئة خارج استراليا
يقتل المصريون على الحدود
ويضربون في ليبيا أثناء مباراة
ويسحلون ويعذبون في السودان في خناقة
وفي الداخل طبعا حدث ولا حرج
ست المرتفعات
شكرا لأاتاحتك لي الفرصه اني أقرا مدونتك اللطيفه الحالمه فعلا مدونه محترمه و لذيذه
Gid-Do - جدو
جدو ... أزيك يا دكتور يا جميل :) علي فكره في وواحد هنا فالمدونه بيقول أنه شاف الفيلم ... طلبت منه يدلني عليه
أنا قريت قبل كده انه لأنهم صوروا جزار بدل ما يربط العجل و يقلبه ضربه بسكينه في رجله و هو صاحي قام وقع علي جنبه و دبحه ... مش عارف الكلام ده صح و لا لأ بس علي ما أتذكر ده بيقولوا جزء من الفيلم
أكيد الدين الأسلامي و المسيحي بيحترموا كل المخلوقات اللي ربنا خلقها و أكيد أتباع الأديان كثيرا ما لا يمثلون دياناتهم بشكل حقيقي
raspoutine
عزيزي .. عندما يصبح الأنسان خروف ده بيبقي بأختياره ... مش غصب عنه
لأنه الأنسان أنسان ... و لو أتحول لديب برضه بيبقي أختيار ... خلقنا الله بشر ... لكن أختياراتنا هي اللي بتودينا في داهية دايما للأسف
bluestone
كلامك فعلا حقيقي يا بلوستون
علي فكرة البوست الجديد
مستوحي من ردك فالموضوع السابق عليا
شكرا يا بلوستون بجد
أنا مبسوط أني أعرف واحده زيك
حلو اوووووووووووووووووي جميل تصورك للموضوع والحقيقه ان المصريين مابقوش يفرقوا عن الخرفان كتتير
وشوشني
لأ كده غلط
المصريين بني أدمين
و الخرفان خرفان
السلام وعليكم.. ادخلوا وشوفوا الراجل ده .. انا اصلي وانا اقرا في قصته والله كنت بعيط.. شوفو شوفو htpp://h0e.blogspot.com/
إرسال تعليق
<< Home