الأربعاء، يناير 10، 2007

رحيل الملوك







المشهد الرابع رحيل الملوك


وقف الأفيال كحائط حمايه للحيوانات الضعيفه .. و طال أنتظار الضباع و الذئاب ... و أشتد بهم الجوع ... حاول الأسد مرارا أن يستخدم القرود لكي يمارسوا دورهم المعروف و ينالوا من أحترام الأفيال أمام عامة الغابه ... لكن رفض القرود فقد كان لا زال لحكيمهم بعض التأثير عليهم و لصورة الأفيال العظيمه مهابة خاصة فلم يجروء أحدهم
قرر الذئاب و الضباع في أجتماع سري لم يعرف الملك ميعاده التخلص منه لأنه هو الأخر يهاب الفيل و يحترمه ... قرروا أن يباغتونه ليلا و يقتلونه حتي يخلو لهم المكان فقد كان عينهم من قبل كوزراء و مسئولين عن حماية حدود الغابه ... و بدهائهم الشرير و مكرهم الخطير سيضحكون علي باقي الحيوانات و يعدونهم بمستقبل أفضل و طعام وفير لمن يوافقهم علي قرار طرد الأفيال من الغابه لأنهم يستهلكون الكثير من الحشائش و المياه ... و بعدها سيتم توزيع الطعام بشكل عادل علي كل الحيوانات الصغيره ليشبع الجميع

بدت الفكره مقنعه للجميع و قابله للتنفيذ
خاصة بعد أن أقترح أحد الضباع أن يتولي قرود مختارين نشر هذه المعلومات و الترويج لها ... و بالفعل بدأت الأجتماعات تشمل العديد من القرود ... و تم تحديد ساعة الصفر ... و قتل الأسد غدرا في مشهد مأساوي هو و كل عائلته و هرب أخر أسد شاب مطاردا من الضباع الي غابة بعيده

و تنامي دور القرود المرتشين بشكل مرعب و بدأوا يمجدون الذئاب و الضباع و ينسبون اليهم كل شيء جيد يحدث حتي و لو كان هطول الأمطار أو نمو الحشائش ... و كان العامة لبلاغة القرود يصدقون و يصفقون و يهللون طربا لأنجازات وهميه في الغابة العجيبه
و بدأت مرحلة جديده... مرحلة حكم الضباع و الذئاب

.

.

.

يستكمل


هاني جورج

14 comments:

Anonymous nOisy_AnGeL said...

first: hi:)
second:rabna ma3ak fi emt7anatak
third:yaaaaaaaaaaaaaaaaah!!lesa fi takmla:)

2:09 ص  
Blogger صفصف لادي said...

سياسي محنك ياواد يا هاني
طلعت داهية مسيحة يا واد من تحت مليون تبنة

تعرف ايه عن نشوء الدولة الاموية و ما صاحبها من فسوق؟؟؟؟
اعترف

حبقى امسكك وزارة الخارجية والداخلية و الاقتصاد و التموين و الدفاع المدني و يمكن كام حاجة تانيين
ايه رايك؟؟
ولااقلك حمسكك رئاسة الوزارة احسن
يلا عن محدش حوش
قدهاو قدود
يلا سلام

12:56 م  
Blogger مصرى said...

في السريع كده عشان الإمتحانات حلوة أوي يا هاني
و بجد يعني دور القرود بقى منتشر اليومين دول يا هاني

2:26 م  
Blogger karakib said...

nOisy_AnGeL
منوره المكان ..ما قلتيش رايك فالتكمله يعني .. يا تري عجبتك و لا أيه النظام ؟ ادعي لي الأمتحانات دبح أوي السنه دي


حفصوتشا ام مصطفيتش
تعرف ايه عن نشوء الدولة الاموية و ما صاحبها من فسوق؟؟؟؟
اعترف
ها !! أيه ده أنا باتكلم علي غابه سياسه أيه بس مش فاهم أنا أما عن الوزارات فأنا نفسي فالأعلام أو الثقافه أو تدمجيهم و تمسكيني الاتنين :) ساعتها هاعمل شغل بجد جامد أوي


مصرى
القرود ... مش كلها وحشه .. في منها الكويس .. هي من فصيلة الفقاريات العليا اللي هي الأقرب للأنسان لكن السيئه بتعم يا صاحبي

3:22 م  
Blogger tamer said...

طبعا اعتقد ان الفرود هتخد فى الاخر بمبة

فى انتظار التكملة عم هانى.

تحياتى

9:45 م  
Blogger يا مراكبي said...

ما إتفقناش على كدة خالص .. إنت قلت إنه هايكون جزء واحد بس أخير .. أنا هاتقمص وأمتنع عن التعليق لحد ما تطلع الجزء االلي إنت مخبيه عننا

11:20 م  
Blogger karakib said...

tamer
القرود .. من يلعب بالنار تحرقه يا أستاذ ... لازم تحرقه



يا مراكبي
لقيت أنه القصه لازم تطول و صدقني مش عارف كام جزء كمان ممكن أتكلم فيهم عن أحوال الغابه لكن ما تتقمصش يا سيدي .. عموما في جزئين كمان مكتوبين و جزء في دماغي لو عايز أبعت لك كله عالميل تأمرني و يشرفني أني أسمع رأيك في الغابه العجيبه ... أعتقد أني هاكمل القصه دي شويه كمان ... مش عارف ليه بافكر أحطها في مدونه وحدها كمان ... يمكن تبقي أحسن و أسهل في قرأتها

3:30 ص  
Blogger albida said...

عارف... حسيت أنى بقرأ كليلة ودمنة!! برضه بيدبا كان كاتبها كحكايات تسلية لكن الهدف منها هو بيان الحالة السياسية وانتقاد الملوك

الموقف اللى أنت بتحكيه ده اتكرر ملايين المرات وفى كل مكان تقريبا وكالعادة طبعا القرود هتشوف ايام سودا
:)

manal

7:30 ص  
Blogger smraa alnil said...

كنتم مع برنامج عالم الحيوان السياسي

ونهيب سيادتكم بان تكملة باقي الحلقة

قريب
والان نذيع علي سيادتكم مسلسل
غطيني وصوتي ياما
كانت معكم المذيعه اللي التاريخ مش جاب زيها ولا هيجيب
سمراء النيل

7:49 ص  
Blogger bastokka said...

بالتوفيق و النجاح



شد

حيلك


اوروفوار

12:09 م  
Blogger أجدع واحد في الشارع said...

يا هانى القرود
يا عم ما الانسان قرد

فى الكمله

12:49 م  
Blogger hebaz said...

مش عارفة ليه القرود و الضباع كثيرة و تزداد كثرةفى الغابات العربية
لكن الغابات الأخرى فلا انما يقوموموا بشحن ما عندهم من مخزون من القرود و الضباع حتى ينطلقوا فى الغابات العربية و يبرتعوا براحتهم أصل الغابات العربية خيرها كتير و مشجع للنهب
يلا مستنية التكملة
و سعيدة جدا بمدونتك :)
تحياتى

2:47 م  
Blogger karakib said...

albida
فعلا يا منال من زمان و أنا باحب أقرا كليله و دمنه و تعرفت علي الحكيم أيسوب بعدها عندما كان عمري حوالي 12 عام و أشتريت مجله فلاش الشهريه فقد كانت أحدي المطبوعات التي أعشقها للأستاذ خالد الصفتي الذي كلما سمعت أسمه أبتسم و أتذكر فلاش و سماش فقد كانوا الأقرب الي قلبي و أنا طفل يحاول أن يجعل لنفسه شخصيه مميزه في قرأته



smraa alnil
أنت برضه مصره علي أنها قصه سياسيه :) دي عن الغابه العجيبه مش أي مكان تاني .. عموما الأسقاط مسئوليه المشاهدين

8:01 م  
Blogger karakib said...

bastokka
ما سمعتش رأيك فالقصه يعني .. ربما تكون لم تعجبك .. ممكن تقولي لي كده مش حلوه .. مش هزعل :) بالعكس هحاول أعمل حاجه أحسن


أجدع واحد في الشارع
هو أنا مش فاهم أوي تعليقك .. بس اللي أعرفه عن القرود أنها من فصيلة الفقاريات العليا و هي الأقرب و الأشبه للأنسان في كل المخلوقات الأخري


hebaz
هل القرود كلها سيئه ... أعتقد أنني عندما تكلمت عن القرود صنفتهم من البدايه ليس كل قرد بسييء و لكن كل الضباع وحوش ظالمه .. بلا أستثناءات حتي حكيمهم هو حكيم فالشر فقط

8:05 م  

إرسال تعليق

Links to this post:

إنشاء رابط

<< Home