صباح الخير
شعور مختلف جديد .. سعيد ... أحساس بكتائب المقاومه التي تسكن داخل كرات دمي تنتفض من جديد ... أستمع الي دبيب أقدامها بداخلي
كنت أعتقد أنها ماتت و لكن هيهات فما دام للعمر بقيه... اذن للأحلام أمتدادات لا نهائيه
تغتسل الروح بسماع الأنغام أنها احدي الصباحات المميزه التي يلسعني فيها البرد و الهواء النظيف المنعش ... استمع الي اغنيه لفيروز و انا ارتشف القهوه ... مش العيد قرب !!؟ سؤال قفز في رأسي ... بقالي كتير اوي ما فرحتش ... استمع الي صوت زقزقه العصافير الصغيره ... تستيقظ في الصباح الباكر و تظل تصرخ لكي تأكلها امها ... ابتسم لأن عصافيري سيتضاعف رقمها مره اخري ... وجدت العصفوره الام تقف فوق البلكونه وحيده منذ ثلاث سنوات تقريبا و هي منهكه من قله المياه و الطعام فأخذتها أطعمتها و زوجتها ... و الان لديها من احفاد الاحفاد ما لا يمكن احصائه ... اتحسس اماكن التئام الجروح في ... ندوب صغيره جدا... لم اعد اشعر بها او اتذكرها الا قليلا تلك الجروح القديمه ... تعطي الخلفيه الموسيقيه لليوم بدايه غير عاديه ... عندي ثقه فيك ... عندي امل فيك
كنت أعتقد أنها ماتت و لكن هيهات فما دام للعمر بقيه... اذن للأحلام أمتدادات لا نهائيه
تغتسل الروح بسماع الأنغام أنها احدي الصباحات المميزه التي يلسعني فيها البرد و الهواء النظيف المنعش ... استمع الي اغنيه لفيروز و انا ارتشف القهوه ... مش العيد قرب !!؟ سؤال قفز في رأسي ... بقالي كتير اوي ما فرحتش ... استمع الي صوت زقزقه العصافير الصغيره ... تستيقظ في الصباح الباكر و تظل تصرخ لكي تأكلها امها ... ابتسم لأن عصافيري سيتضاعف رقمها مره اخري ... وجدت العصفوره الام تقف فوق البلكونه وحيده منذ ثلاث سنوات تقريبا و هي منهكه من قله المياه و الطعام فأخذتها أطعمتها و زوجتها ... و الان لديها من احفاد الاحفاد ما لا يمكن احصائه ... اتحسس اماكن التئام الجروح في ... ندوب صغيره جدا... لم اعد اشعر بها او اتذكرها الا قليلا تلك الجروح القديمه ... تعطي الخلفيه الموسيقيه لليوم بدايه غير عاديه ... عندي ثقه فيك ... عندي امل فيك
اصدقائي ... ما اعظمكم
posted by karakib at 5:01 م
30 comments:
ما أجمل أن تبدأ صباحك بتحسس النتوءات الصغيرة لجروح قديمة، والأجمل أن تكتشف نسيان معظمهارغم الاعتقاد باستحالة فكرة النسيان السخيفة حين كان الجرح مفتوحا عن أخره
فلتحيا كتائب المقاومة، ولنستدعي منها المزيد
فما أقدرنا على قيادة معاركنا الداخلية الصغيرة خاصة مع بداية سنة نجهل مكنون صناديقها الصمّاء وما تحمله لنا من مفاجات
تدوينة رائعة
أحييك على صباحك الحلو
يااااااااااااااه يا هاني
بجد الله عليك
حسستني بيوم جميل
وامل احلي
وبعدين فين العصافير اللي قلتلي عليهم
كل سنة وانت طيب بمناسبة الكريسماس
وعيد القيامة بس دة بي لما يبقي يجي هبقي اقولك كل سنة وانت طيب تاني
DoDo
معاركنا الداخليه الصغيره نحن منتصرين فيها ما دمنا أحياء .. فلتحيا كتائب المقاومه فعلا ... من غيرها كان الواحد ما بقاش موجود ... الجرح حين مفتوحا علي أخره كانوا يحاولون المقاومه و يتعبون و يستريحوا أما عن السنه القادمه فهي أفضل بالتأكيد أنا متفائل بيها لأنه دايما الجاي أحسن لازم يكون أحسن من غير الأمل يبقي الحياه مالهاش معني
كل سنة وانت طيب يا هاني
ميرسي علي التفاؤل اللي اخدتة قبل مانزل الشغل
:)
Epitaph
الأمل موجود عندنا كلنا صدقيني أنا مش عارف أزاي ممكن تخافي من مخلوقات رقيقه زي دي .. أكيد في سبب معين .. عارفه بيقولوا اللي يخاف من العفريت يطلع له ... جربي تمسكي واحده كده و شوفي قد ايه هو طير غلبان و رقيق و جميل بجد سبحان الله اللي خلق شيء صوته حلو و ملبسه لبس حلو كده سبحان الله بجد مخلوقاته بتمجد أسمه بجمالها .. أنا بافتكر العيد بشكل كيس البمب هو ده اللي بيفكرني بالعيد عند جدتي كيس البمب الطويل ده .. أمسكه و أقعد ماشي بيه و كل شويه أرمي واحده كنت مزاج أوي حتي و أنا بافرقع البمب :) كل سنه و أنت طيبه يا أجمل أبيتاف يا رب دايما في سعاده
smraa alnil
و أنت طيبه و يا رب يكون عيد سعيد
العصافير موجوده يا فندم في أي وقت تعالي خديها و العدد اللي أنت عايزاه كمان هديه مني ليكي .. بس كده أنت تأمري غالي و الطلب رخيص
الأمل ده حلو أوي الأبتسامه للحياه ياااه كانت بدأت توحشني أوي
معني الأمل و الحريه و الأنطلاق يوم جديد هايبقي حلو لو عايزينه حلو و سنه جديده هتبقي حلوه لو عايزين نخليها حلوه الأمل مهم أوي أوي أوي
saso
و أنت طيبه و بألف صحه و سلامه يا فندم لا شكر علي واجب ده غير أنه التفائل من ضمن الحاجات اللي لما بنشارك بيها الناس من حوالينا الأحساس بيزيد عندنا و عند اللي حوالينا و يتم تعميقه بعكس التشاؤم و الحزن اللي لو شاركنا بيه الناس بيقل من عندنا و يتوزع عالناس و يقل حتي يختفي
-----------------------
-----------------------
علي فكره يا جماعه شريط لؤي الجديد فيه كام أغنيه حلوين أوي بس لازم يتسمع كذا مره بيفكرني بطريقة سماع كاظم و منير و عمرو دياب لازم الشريط يتسمع كذا مره قبل ما تستطعمه و يعجبك :)
تعرف انا النهارده بابا ادانى العيديه قعدت افكر اعمل بيها ايه
وفى الاخر قررت اشترى عصافير لانى بحبهم جدا جدا
يللا كل سنه وهما طيبين وانت كمان طيب
احب انك تشرفنى
الجروح القديمه التى شفيت تماما تعنى شىء واحد هام .. اننا الآن ننظر للألم فى الماضى بابتسامه .. و كأنه لم يكن .. فقط تعلمنا الدروس .. و دفعنا ثمن ماتعلمناه ندوبا ..أيجابى جدا .. يشبه نهاية استراحة المحاربين .. أعتقدك مستعد الآن للمعركه الجديده .. انطلق
أروى الطويل
طيب بس مش علي طول كده اسألي عن الأسعار و أنفلونزا الطيور ضربت السوق العصفوره الأسترالي بقت ب 4 أو 5 جنيه بالكتير يعني الجوز ب 10 ما تدفعيش أكتر من كده للراجل علشان بيبقوا حراميه شفت مره واحد باع جوز ب 200 جنيه أسترالي ... لو زبرا نفس الأسعار تقريبا أو أرخص نصف جنيه كمان لو باركاديللو يبقي ب 25 جنيه الواحده الجوز ب50 و لو كوكتيل السعر فالنازل و الوحده ب 15 جنيه و يمكن أقل
ده بالنسبه للأسعار
أما المواصفات أختاري العصفور اللي ديله أطول و مش نافش ريشه و شكله مصحصح عمال يتطط مش واقف بيموت و كمان رجليه سليمه يعني و لا مكسوره و لا غيره
و الأكل بتاعهم لازم تجيبيه و تجيبي كالسيوم اللي كل الناس بتنساه فتقوم العصفوره متدوره و واكلها بيضها لنقص الكالسيوم في عضامها
أخيرا و ده رجاء ... لازم يبقواذكر و نتايه علشان ما تعذبيهمش لو ذكرين أو نتايتنين يبقي عذاب كمان حطيهم في مكان واسع قد ما تقدري القفص يبقي كبير
و كل سنه و أنت طيبه :)
lastknight
كل سنه و أنت طيب أنت منورني هنا خطوة عزيزة يا فندم
أستراحه المحاربين مطلوبه لكي يستجمعوا قوتهم و ينهوا المعركه لكن المعركه بتاعتنا مش بتنتهي أبدا
و الندوب ثمن فعلا عادل لما تعلمناه .. شيء يفكر لكن لا يؤلم
شكرا لمرورك
بجد خطوه عزيزه
يا جمال الصباح
على فكرة اللي لقيته ده كان عصفوري اللي طار من القفص
اصلي كنت بفتحله يتفسح في الشقة كل يوم و صادف يوم البنت كانت بتنشر في البلاكونة و سابت باب الغرفة مفتوح فطار
تصور كتير بقعد ابص على الشجرة اللي طار في اتجاهها متصورة انه يرجع
بس انا دلوقتي مطمنة لانك لقيته و جوزته و بقى اب
:)
كل سنة و انت طيب
---
تعالى صوت عندي
Sampateek
هي عصفوره مش عصفور اللي لقيتها :) صحيح ال.. مالوش رجلين عموما أنا مستعد أديكي عصافير قد ما أنت عايزه و ببلاش بشرط أنك تعملي نفس الكلام مع كل الناس لو كتروا عندك
جاي عندك أهه
كل سنه و أنت طيبه
أنتوك
طلعت اوت
بس بجد بتمنى يكون حد طيب لقاه و حن عليه
ميرسي على العرض المغري بس ينفع نخليهم سمك؟
اصل دلوقتي بربي سمك زينه فانتيل
لان مناخ الخليج مينفعش مع العصافير
لما ارجع مصر بقى نفتح محل عصافير و سمك و زروطه
---
بتشرفني دايما
اللة عليك يا هاني و علي كلامك و ألف شكر علي جرعة التفاؤل دة لاننا كلنا محتاجنها في حياتنا و كل عام و أنت بخير و أتمني لك سنة جديدة سعيدة
N.B:
micheal is my other blog ya hany..it differs from the one u visited but both r mine
http://strugglingmichealitoo.blogspot.com/
كل الخير والتفاؤل
والامنيات العذبة لك يا انتوك العزيز
بوست له رائحة خاص سببت لي النشوة
كل سنة و انت طيب
اشكرك على الاحساس الذى كان اقرب لى بالتنفس بعد اختناق او بالاستيقاظ بعد نوم طويييييل
Sampateek
نفسي يبقي عندي حوض سمك و بكده أبقي كملت جنينه الحيوانات كامله :) بس أكيد لو أقترحت الكلام ده فالبيت هيطردوني أنا و كل حيواناتي فمستني شويه و أوعدك لو جبت سمك هدور أزاي أكتره و هفضل وراه أول ما يكتر هتكوني أول واحده أبعت لك منه :) غالي و الطلب رخيص
أنا اللي أتشرفت جدا بزيارة مدونتك اللي صفة النبل تغلب عليها بشده
micheal
التفاؤل و الأمل هم حياتنا ممن غير أي فكره حلوه ليه نعيش لبكره !؟ أكيد لازم نتفائل و ننتظر الجيد في حياتنا :) لازم يا صاحبي .. علي فكره مدونتك الأخره قريت فيها التدوينه الأخيره ليك حق بس الناس محتاجه جرعه تفاؤل يا أستاذ ... فلنقدم البسمه طالما أستطعنا و شرفتني بزيارتك في مدونتي اتمني دوام المرور لأنه يسعدني
كراكيب
المدونه نورت يا نهي كل سنه و أنت طيبه يا رب دايما بخير انت و الأسره و الأصدقاء و كل اللي بتحبيهم يكونوا كويسين
البوست له رائحه الهواء المنعش الممزوج برائحه حبيبات القهوه أنا كنت شامم كده و أنا باكتبه
Desert Rose
أولا منتظر جديدك مش عارف أيه الغيبه الطويله دي كلها لعلك بخير يا رب كل سنه و أنت طيبه
أيه الحكايه بتاعة الخنقه دي أنت خرجتي برا مصر و لا ايه ؟
هاني جورج
روح يا شيخ ما اعظمك انت
ايه ه اللي انت كاتبه ده
حجمتني يا رجل
هاني عزيزي
مهما كنت صاحبة شعور او احساس عالي فلن اشعر به ان كانت الكلمات جوفاء
كلماتك، صورك، سردك
كلهم متكاملون
ينسابوا كموج البحر الذي تخيلتك جالس امامه
صباح الخير
أية الجمال ده
أخيرا في أمل و تفاؤل في عالم المدونات
عيد سعيد يا باشا
شكرا على النصايح الجميله دى وان شاء الله اول ما جيبهم هنزل صورهم على المدونه والف شكر
حفصوتشا ام مصطفيتش
أخجلتيني بجد العظمه لالله يا حفصه ... أيه التعليق المحرج ده ... متشكر عالمجامله الرقيقه دي اللي أنا مش قدها بجد .. كل سنه و انت طيبه
No Fear
الأمل موجود و من غيره محدش هيعيش ممكن نستسلم لليأس شويه .. شويتين .. لكنه يفضل تحت الرماد كما النار لأنه من غيره الحياه تنطفي! نعيش ليه ؟ أن محسيناش أنه بكره ممكن يكون أحسن
كل سنه و انت طيب
أروى الطويل
يا فندم و لا نصايح و لا حاجه دي شويه معلومات .. ما هو كل اللي بيربوا عصافير بيحكوا لبعض اللي هما عارفينه .. تبادل معلومات يعني علشان كله يستفيد من خبرات الأخرين .. عموما لما تجيبيهم و تنزلي صورهم أكيد هشوفهم بس نقي الوان حلوه :) كل سنه و أنت طيبه
HAPPY NEW YEAR
انا المقاومه عندي انكسرت
حتي عيد المسلمين
كل ده استهزا
بيستهزاوا بعيدنا ويدبحوا صدام
مش عارف اعلق بجد اناا مصدوم
Sampateek
اتمني لك سنه سعيده و أفضل من اللي فاتت تتحقق فيها كل أحلامك أن شاء الله
وله نهايه
يعني أيه المقاومه أنكسرت :) بيتهيألك بس هترجع و هترجع أقوي كتير خليك واثق من ده أما عن صدام فأنا شايف أنه أستفزاز أعدامه في هذا الوقت لكن برضه شايف أنه لا بطل و لا حاجه ده كان ظالم و طاغيه و قتل الكثيرين جدا بطرق أبشع
انا اللي بقول صباح الخير
العيد خلص
مش حتنشر بقى؟
اسعدنا بكتابتك
خالص تحياتي
Sampateek
ما هي نزلت يا فندم و أنت بتكتبي التعليق ده
هانى
الله عليك
كل يوم بكتشف فى اسلوبك حاله جديدة
فيروز
بكتبلك و انا بسمعها
ليها ايقاع كده فى روحى
كل سنه و انت بالف خير يا هانى
nour
مش عارف أرد علي كلامك يا نورا .. بتحرجيني بمجاملاتك الرقيقه دي بجد
كل سنه و انت طيبه يا قمر
إرسال تعليق
<< Home