الأحد، يناير 14، 2007

أضحك معي" الحكومة تغرم متوفي بـ 20 ألف جنيه لإلقاءه القمامة بالشارع"



أثار ضحكي ما نشره موقع مصراوي عن خبر عنوانه هوالحكومة تغرم متوفي بـ 20 ألف جنيه لإلقاءه القمامة بالشارع أما عن تفاصيل الخبر فكل ما في الموضوع أنه هناك مواطن توفته المنيه عام 1998 أسمه درويش مصطفي يوسف و تم تحرير محضر ضده يوم 17 ديسمبر الماضي بأنه القي قمامه أمام مخزنه و المضحك انه تم التحقيق معه (ركز معايا الله يخليك هو مات 1998 و بيحققوا معاه 2006 و الغريب أنه أدلي بأقواله و لم يحدد لنا الموقع عن كيفية التحقيق معه هل عن طريق أستدعاء روحه بالأستعانه بخبير أم ماذا ) طبعا واضح الكلام وضوح شديد


رغم ذلك فإن مسؤولي فرع السيدة للنظافة مازالوا يصرون علي موقفهم ، بل طلبوا استدعاء المتوفي بتاريخ 21 ديسمبر لاستيفاء المحضر، مهددين بتحويل الأمر إلي النيابة العامة وتوقيع غرامة مالية عليه تتراوح ما بين ألف و20 ألف جنيه.


طبعا كلنا عارفين مكانه ... و انا رأيي هما يروحوا بنفسهم يحققوا معاه في ما حدث






و كم في مصر من مضحكات و لكنها مضحكات كالمبكيات




لا نملك الا الدعاء له بالرحمه

الحق أقول لكم لا حق لحي ... أن ضاعت في الأرض حقوق الأموات .. لا حق لميت أن يهتك عرض الكلمات .. يا طالع الشجره هات لي بقره الحق أقول .. العبث هو المعقول .. فليس البغل حصان و لكن ما ذنب العميان ... لو ظنوا ذيل الفيل ... بدجنتهم ثعبان
نجيب سرور


الصوره الملحقه وجدتها أثناء بحثي عن الصور و لا أعرف من صاحبها و لكني وجدتها معبره عن حاله عامه تثير الضحك

43 comments:

Blogger Captain L.J.Silver said...

mesh 3aref el 7`abr da fakkarny be film "Elly Baly Balak" ...."hageelak fe noomak fe farshetek ...fe bantalonak"..aho el 7ekooma warak warak le7ad el 2abr ...7atta ba3d el 2abr kaman ! : S

9:10 م  
Blogger Carmen said...

احزن انت فى مصر

...

وكمان ايه يعنى

ماهو اصل حكومتنا الرشيدة ماشية بمبدأ مقدرش عال........ يتشطر على ....


يعنى خلاص

كل مشاكل الحكومة اتحلت

وكل الفلوس المنهوبة عند الاحياءرجعت

وماعدش فاضل غير اننا ندور على اللى لينا عند الاموات

بس ده وان دل على شئ فهو يدل على ازهى عصور التقدم اللى احنا عايشينها

والتقدم بقى ماقولكش

دلوقتى بقى التحقيق لازم يكون فيه وسيط روحانى ...اه امال ايه ..


تحيا مصر

9:13 م  
Blogger هانى said...

هيا دى مصر اروح اغير المحطة ياصاحبى عشان زهقت واتخنقت بصراحة

9:48 م  
Blogger يا مراكبي said...

هو إيه اللي طلعه من قبرة وخلاه يرمي الزبالة دي .. ماهو كان نايم في قبره مستريح

عموما كويس إنه مات .. هياخد حكم غيابي بس مش هيعرفوا ينفذوه

يعنى أنا لو مت .. برضه مش هايسيبوني في حالي؟

11:04 م  
Blogger أحمد عيسي said...

انت في مصر ياعزيزي بلد كاتب القرفصاء حيث البيروقراطية كيان كامل مثل معابد الكرنك وفيله وحيث لابد لك من 1000 ورقة لتثبت انك علي قيد الحياة و1000مثلهم لتثبت انك فارقت تلك الحياة
ربما كانت اوراق ذلك المتوفي غير كاملة!!

12:23 ص  
Blogger ساعه الغروب said...

عارف عادل امام فى فيلم طيور الظلام لما جاله واحد فى عزاء والده وقالله ابوك عليه ليا 5 الاف جنيه رد عادل امام برد شافى و وافى وقالله:
روح خدهم منه
خليهم كلهم يروحوا كلهم ياخدوهم منه

سلام يا بلد السلام

شكرا

12:41 ص  
Blogger صفصف لادي said...

يمكن ده كان مقلب من مقالب الكاميرا الخفية؟؟

اصله مش معقولة يا اما تبقى موووصييييييييييباه

مش عارفة اضحك و لا ابكي انا اللي فيا مكفيني

5:41 ص  
Blogger sarah la tulipe rose said...

شر البلية ما يضحك
حكومتنا الظريفة اللطيفة ..و لسه يا ما نشوف
الي خلي الحكومة تجيب الموتي يدلوا باصواتهم للحزب الحاكم الابدي في الانتخابات يخليهم يعملوا اي حاجة
لا ايه بتحقق معاه عشان بيلقي قمامة في الشارع واخد بالك ..اصل الشوارع في منتهي النظافة و ازعجهم اوي القاءه للقمامة الي هما اصلا بيجمعهوها منا بشركة نظافة تعبانة و يبقضوا فاتورتها علي فاتورة الكهرباء و بعدين يرجعوا يرموها بعد خطوتين برضه في الشارع عشان يجي جامعي القمامة يلموها و يقبضوا منا برضه و يرموها بقي عشان الشركة تلمها علي اساس انهم بيزاحموهم..و الدايرة تكمل و الساذج الوحيد هو المواطن المصري
الي عاوز يجمع فعلا مش القمامة لا الحكومة و الي عمل التحقيق مع متوفي لا و كمان قابتين ايام حضوره
عمرك شفت فساد اكتر من كدة!

10:00 ص  
Blogger smraa alnil said...

اولا بقي
الراجل دة لو مش كان مات
انا كنت موتو بايدي
ايه اللي مخليه يرمي الزبالة ويوسخ بلدنا النضيفه
بص انا عن نفسي مش مستغربة لانها حصلت قبل كدة
بس الجديد بقي
ان الحادثة اللي فاات كان قضية قتل مع سبق الاصرار والترصد
وقعدوا فيها سنة ونص تقريبا يحققوا فيها وبعدين طلعوا في بيان ان هما عرفوا القاتل
وبالبحث والتدقيق لاقوه ميت من خمس سنين
مش تقولي زباله وبتاه
مش بعيد يجيبولك واحد ويقولك اهو هو دة الراجل اللي كان ميت من 1998
بس كان عامل فيها مختل عقليا
حسبي الله ونعم الوكيل
انا هطفش شكلي من البلد دي

10:19 ص  
Blogger مصرى said...

كم في مصر من مضحكات

أنا نفسي أفهم إستجوبوه إزاي
حضروا روحه يمكن

3:41 م  
Blogger omas said...


ento 7ate3terdo 3ala el 7okoma, dy mesh ay 7okoma.....dy bet7a2a2 ma3 el mayeteen...!!!

bas a el 7al ,...el mot 7ata mesh mori7?!!!
ya3ny el masry mo3zab men abl ma yetweled we ba3d ma yemot....!!

6:38 م  
Anonymous محمد صابر said...

عارف بتفكرنى بفيلم كان فى تقريبا فؤاد المهندس وحسن مصطفى وشويكار فؤاد المهندس بعد ما أخد حبوب النفاق اللى تقريبا 90% من الشعب واخدها دلوقتى بقى هوالمدير على المدير بتاعه فالمدير علشان ينافقوه وينوبه من الحب جانب عمل احصاءات وشكل لجان وعمل محاضر اتكلفت 50 جنيه علشان يثبت ان المقاول اللى بنى المبنى ده كان حرامى وان فى (شنكل) بتاع شباك متركب بمسمار واحد بس وناقص منه مسمار تمنه تعريفــــــــــــــــة
اتارينا بقى من زمان واحنا بنيجي فى الفاضية ونتصدر
بس سؤال صغير: أيه علاقة الصورة بتاعت الاقصر بالموضوع؟

12:26 ص  
Anonymous محمد صابر said...

عارف بتفكرنى بفيلم كان فى تقريبا فؤاد المهندس وحسن مصطفى وشويكار فؤاد المهندس بعد ما أخد حبوب النفاق اللى تقريبا 90% من الشعب واخدها دلوقتى بقى هوالمدير على المدير بتاعه فالمدير علشان ينافقوه وينوبه من الحب جانب عمل احصاءات وشكل لجان وعمل محاضر اتكلفت 50 جنيه علشان يثبت ان المقاول اللى بنى المبنى ده كان حرامى وان فى (شنكل) بتاع شباك متركب بمسمار واحد بس وناقص منه مسمار تمنه تعريفــــــــــــــــة
اتارينا بقى من زمان واحنا بنيجي فى الفاضية ونتصدر
بس سؤال صغير: أيه علاقة الصورة بتاعت الاقصر بالموضوع؟

12:26 ص  
Blogger karakib said...

Captain L.J.Silver
يا ريت يا هندسه يكونوا صادقين فعلا المره دي و يروحوا عنده علشان يجيبوه .. لازم يروحوا له بما أنه أدلي بأقواله يعني

Carmen
موضوع الوسيط الروحاني ده جميل أوي بس هما جابوا أنهي واحد .. اللي بقي عضو في مجلس الشعب ده ؟ و لا من نجوم الفضائيات الخايبه ؟ ولا عملوا أيه بالظبط


هانى
و لما تغير المحطه مش هاتتخنق ؟ مثلا قناة العراق و لا فلسطين ؟؟ ينفع لبنان ؟؟؟ أقولك حاجه ... أقفل التليفزيون أحسن حاجه .. و برضه ما ينفعش

6:20 ص  
Blogger karakib said...

يا مراكبي
هياخد حكم غيابي كمان :) دي تبقي مش نكته دي تبقي مسخره ... دي تبقي فانتازيا بجد يا تري هما الميتين كمان مش عايزين يسيبوهم في حالهم



أحـمد عـيسي
و بعد ال 1000 ورقه أنت لست علي قيد الحياه أيضا .. أنت في مشكله كده كده أكيد


ساعه الغروب
أنا افتكرت عادل امام في مسرحيه شاهد ما شافش حاجه :) لما قال لهم ما عنديش تليفون قالوا له أدفع و بعد كده أشتكي

6:25 ص  
Blogger karakib said...

حفصوتشا ام مصطفيتش ما بعد حالة الهذيان


أضحكي أضحكي محدش واخد منها حاجه .. مافيش أي حاجه تضايق دول بيهزروا معانا


sarah la tulipe rose

ردا علي سؤالك الأخير عمرك شفت فساد أكتر من كده ... بصراحه شفت زي كده كتير ... مع أصحاب ليا ... و هاشوف أكيد أكيد و كلنا هنشوف أكتر من كده بكتييير و لسه في حاجات كتير تتشاف
المواطن مش ساذج المواطن صامت و هاديء و لا مبالي و متبلد

smraa alnil
تخيلي بقي الراجل اللي قالوا أنه قتل و طلع ميت ده ما كانش ميت ... كانوا هيموتوه ساعتها
يعني ميت ميت كده كده

6:30 ص  
Blogger karakib said...

مصرى
يا بني الحكومه عارفه كل حاجه ايه اللي أستجوبوه أزاي مش محتاجين أصلا يستجوبوه

omas
أنا أعترضت !! أبدا أنا أتعجب بس و لا باعترض و لا حاجه .. قال أعترض قال .. دي حتي تبقي قلة أدب مني لو أعترضت

محمد صابر
الفساد مستشري و متوغل و سمه عامه و بنظره بسيطه في أي مكان ستلاحظ ذلك
الصوره و علاقتها بالبوست شرحتهم وسط الكلام في البوست أنهم بيعبروا عن حال مايل يضحك

6:34 ص  
Blogger Memo said...

هم يضحك و هم يبكي

11:00 ص  
Blogger meho said...

yegame3 kedah men as7aboh el motwfeen,,, elly yebe3 mobil beta3oh kedah ,,, begad rabenah yer7mnah .ta7yeety

11:24 ص  
Anonymous mostafa said...

هذا زمن الأدوار المقلوبة ورؤوس الناس علي جثث الحيوانات ورؤوس الحيوانات علي جثث الناس
فتحسس رأسك
فتحسس راسك

3:32 م  
Blogger Epitaph said...

looooooooool


يا حلاوة يا ولاد

وانا اوافق كابتن سليفر علي اللي قاله
واستشهد باللمبي برضه

ههههههههه

وهدي دي مصر يا عبلة

5:03 م  
Blogger albida said...

ههههههههههه
أفهم من كلامك ده انك بتحاول أو انك تجرؤ تتريق على القانون فى بلادنا!! طبعا يا بنى.. احنا بلد متعرفش ابوها فى موضوع النظافة ده.. حتى لو هتطبقه على الأرواح او حتى العفريت الأزرق
:)

واخدلى بالك انت من 20 الف جنيه غرامة؟!! ده لو كان قتل واحد مكنش دفعوه المبلغ ده

manal

10:00 م  
Blogger سكينة said...

سا الخير عليكم
أيه يا جماعة خبر مضحك ومبكي؟؟ ليه يعني؟؟ فين الحتة المشرقة أن في حد بيشتغل؟؟
ولازم أي عمل يرافقه أخطاء ويعني إيه لو طلع أول تحقيق مع ميت شوية شوية نوصل للأحياء
يلا بينا نشرق أي نعم الدنيا ليل لكن إن شاء الله النهار جاي

10:15 م  
Blogger مصرى said...

أنتوك باشا البلوج إشتغل تاني

11:31 م  
Blogger mano said...

يبقى انت اكيد اكيد فى مصر
لأن ده مش ممكن يحصل فى اى مكان فى العالم
و بعدين الراجل ده كدة كدة مش خسران حاجه
و بعدين مش يمكن دة من الناس اللى بتطلع من القبر
يمكن طلع يرمى الزباله و رجع تانى

11:56 م  
Blogger micheal mohsen said...

hahahahahah
يخرب بيت دة حكومة كوميدية...أنت فكرتني بالمشهد الكوميدي بتاع فيلم أرض النفاق لما كان حسن مصطفي بيحكي لفؤاد المهندس حكاية الشنكل الناقص في الشباك..لو ناسي المشهد دة قولي و حاكتبهولك بالتفصيل

2:43 م  
Anonymous sampateek said...

يمكن عفريته ياجماعة مستغربين كده ليه

ليه عملت كده يا عفريت
يعملوها العفاريت و يقعو فيها السفاريت


ازيك يا هاني؟

6:47 م  
Blogger zaghlol said...

متوفى وهايغرموه 20 الف جندى عشان رمى القمامه فى بلد القمامه لا وبيحققوا مع المرحوم وبيستدعوه للتحقيق للمره التانيه
عجبى عليك يا زمن

وكم ذا بمصر من المضحكات
ولكنه ضحك كالبكاء
تحياتى

7:10 م  
Blogger مصرى said...

ألحق أقول لكم ..

لا حق لحى إن ضاعت ..

فى الأرض حقوق الأموات ..

لاحق لميت إن يهتك ..

عرض الكلمات !

وإذا كان عذاب الموتى

أصبح سلعه ..

أو أحجبه .. أو أيقونه ..

أو إعلانا أو نيشانا ..

فعلى العصر اللعنة ..

والطوفان قريب !

1:23 ص  
Blogger مصرى said...

ده نجيب سرور
معلش نسيت أقول

1:24 ص  
Blogger raspoutine said...

الله ايه المشكله اصل هتقوليلى ميت مش ميت ادفن والدود كله هيدفع يعنى هيدفع
وعدى علينا بكره يا سيد

10:42 ص  
Blogger Abdou Basha said...

يا ريت حد يبلغ الراجل ده الله يرحمه
دي حقوق ناس
:)

3:55 م  
Blogger maf2ou3a said...

el 7kouma bayen betdakhan sanf maghsoush el ayam dee

5:18 م  
Blogger karakib said...

Memo
بس ده يضحك أوي .. اوي اوي

meho
المشكله أنه مافيش صندوق زماله فالمدافن بتاعته لذا هو يقبل التبرعات و أنا هاستلمها بدلا منه


mostafa
لأ راسي موجوده أهيه و راس عاديه صحيح شكلها غريب .. بس عاديه :)

Epitaph
أنا كمان موافق .. هو أول واحد يعرف

الموضوع ده و أنا بقراه بعتهولوه


albida
أنا أتريق أأ حاشا و باشا أنا عارف أنهم بيهزروا معاه


سكينة
مش لازم نضحك ؟؟ صح مش لازم أنا وقعت علي قفايا من الضحك و انا بقراه أصلا

5:54 م  
Blogger karakib said...

مصرى
و حشتنا يا عم .. الأمتحانات طحنا الكل أنا عارف و بالذات أمتحان الشفوي اللي بدأت أعاني منه ربنا معاك
محدش لاقي وقت يفكر في أي حاجه يومين الأمتحانات دول بس أنا كنت قررت أني مش هاوقف المدونه لأي سبب أن كان

mano
اللي جه في دماغي و أنا بانزل البوست صوره كاريكاتوريه لميت يخرج يده من القبر و يرمي بقشرة موز :) حاجه تضحك صحيح هم يضحك


micheal mohsen

شفت بقي علشان تعرف أنهم مش حارمنا من حاجه حتي التهريج التقيل :) عارفه سيناريو الشنكل :) بس اللي باقوله هنا مش فيلم ده أكتر مخن فيلم


sampateek
تمام .. وحشتينا يا هانم :) أنا سبت ردي عندك علي فكره

zaghlol
هما بيتين الشعر دول اللي أنت كتبتهم كنت بادور عليهم و أنا باكتب البوست قولت فالأخر أكتب حاجه شبههم الناس هتعرفهم أكيد أو عالاقل المعني هيوصل
علي فكره هو اللي رمي الزباله أنا شفته


raspoutine
هيدفع اه هيحكموا عليه بغرامه مليون جنيه كمان اللي يعرف يجيبه يروح يجيبه بقي :)

Abdou Basha
ما هو لو الواحد يعرف طريقه .. كان قال له بس أزاي يا عمنا ؟؟ ماينفعش خالص


maf2ou3a
مش يبتدخن لأنها حكومه غير مدخنه نو سموكينج بليز :) لا بس حاجه فعلا تضحك أوي


مصري

شكلك بتحب نجيب سرور زيي يا صاحبي
بس أنا نقيت شوية كلام من عنده و قلت هو ده اللي ينفع هنا :) الأشعار بتاعته حلوه أوي الراجل ده

6:03 م  
Blogger عاشقة الوطن said...

يسيدى أنت مش عارف ان
الحكومة المصريه دلوقتى
بتحاسب حتى الميتين
ومش بعيد كمان يخلوهم
يدفعوا ضرايب على القبر
اللى مدفونين فيه

لأ وكمان هما بس حبوا يعرفوا الميتين ان هما فى عصر بابا أوسنى
منه لله
يعنى بيوروا العين الحمرا
وكمان بيقولوله وراك وراك حتى فى تربتك يابن ستين فى سبعين

ورحم الله الاحياء قبل الأموات

سلام

11:43 ص  
Blogger karakib said...

عاشقة الوطن
برضه بحسبه بسيطه سعادتك يبقي الموت أرخص كتير من الحياه و اللي يبقي يعرف يجيب الفلوس من الميتين يبقي يورينا بقي

8:00 م  
Anonymous koukou el kemil said...

بظبت زي الولد اللي اتهموا التوبيني انه قتله و لقوه عايش 00
lol

9:59 م  
Blogger karakib said...

koukou el kemil
ده في حاجات كتير أوي أوي بالشكل ده بس كلها تضحك :) و تضحك أوي كمان

5:27 م  
Blogger saso said...

مات؟؟ برضة ميمنعش المهم القانون ياخد مجراة
:D
دي مش مضحكات خالص دي مبكيات وبس
الاخ المحترم السيريال كيلر بتاع المعادي.. من ضمن المسخرة انه اتوقف في كمين وسابوة بينما واحدة بتصرخ تقوللهم يمسكوة
طبعا كلها اشاعات مش مضمونة بس برضة مش يضحك انه كل يوم في نفس المنطقة ومحدش مسكه

8:43 م  
Blogger karakib said...

saso
فاكره نكتة الدكتور اللي بيقول لراجل أبنك مات يا أستاذ يقوم الولد يقوم يقول لأ انا مش ميت .. يشخط فيه الأب و يقول له هتفهم أكتر من الدكتور أيااك :) هي كده بالظبط
أماعن السيريال كيلر فأنا مش عارف ليه أنا مش مصدق أصلا أنه في سيريال كيلر من أساسه في مصر و التوربيني ما طلعش شال الجزره :) و لا أي حاجه و الواد بتاع بني مزار اللي قالوا قتل ثلاث عائلات اللي دافع عنه طلعت السادات ده طلع بريء ... يعني محدش فاهم أي حاجه في أي حاجه

5:14 م  
Blogger yasser_auf said...

يا سيدي هي جت علي دي بس ما هما بيجيبوا المتوفين و المهاجرين ينتخبوا جت علي غرامة لمتوفي

و بعدين هو انت مقرائتش خبر ان بعد ما الفنانة سعاد نصر توفيت
الضرائب بعتالها استدعي لدفع مبلغ موش عارف كام علشان الضرائب الي عليها

طب قولي مين في مصر ما يعرفش انها كانت بقالها اكتر من 6 اشهر عيانة و في كوما الي توفاها الله عز و جل

صدق من قال ابتسم فانت في مصر فهي بلد النكت و القفشات و علي رائي حفصة احتمال يكون مقلب من مقالب الكاميرا الخفية للمتوفي بيسلوة في قبرة يعني علشان ما حسيش ن الناس نسيتة لا فية ناس اهم فاكرينة

تحياتي

12:30 م  
Blogger karakib said...

yasser_auf
انا شايف المدونه منوره بقالها فتره و مش عارف أيه السبب أتاريك منورنا بتعليقك يا بشمهندس
عارف أنه فعلا مع الاخبار دي
لازم تطلع مزيكا الكاميرا الخفيه تاتاتارررتاتات تاتاتارتاتاتا
:) حاجه تهلك من الضحك يعني اللي بيحصل ده تحس أن الناس ما بتصحاش من النوم خالص محدش بيفوق

1:15 ص  

إرسال تعليق

Links to this post:

إنشاء رابط

<< Home