الخميس، أبريل 05، 2007

سكون

بالأمس أغلق شبابيك روحه ... و صمت ... كان يبحث عن شيء ما ... و لم يجده ... و طال الصمت ... و عندما حاول أن يتكلم ثانية وجد كلماته ما هي الا فراغات شفافة أخري تضاف الي مجموع الفراغات السابقة فصمت للأبد
ما فائدة الكلمات ان كانت عاجزة عن التعبير ... و ما فائدة الأفكار ان لم تعبر عنها الكلمات ... خيوط حريرية متشابكة مرتبكة تلتف حول عنق الحقائق لتقيدها و تخنقها ... أي كلمات و أي أفكار هذة تلك التي تفقد تفاعلها فتتحول الي خيوط حريرية معقدة لا سبيل الي النجاة منها ... في أدغال أفريقيا كل يوم يحدث صراع شبيه بالذي يحدث بين الكلمات و الأفكار ... يهبط النسر ليلتقط أحد القرود الصغيرة ويحلق به ... فيحاول القرد أن يلوي عنق النسر لكي يقتله ... و يحاول النسر ان يقتل القرد بمخالبه الحاده و في النهاية ينجح القرد في كسر عنق النسر فيموت سابحا فالفضاء و يموت القرد و هو يهوي و يرتطما بالأرض
و ما الحزن الا داء الخرس الذي يزرعه غيرنا في أطراف حدائقنا ... فينمو و يغزو كل الحديقة و يخنق الزهر كله و يقتله بتتابع هاديء رتيب ممل لا ينتهي ... أعدام علي الطريقة المغولية ... أطالة العذاب حتي أقصي مدة حتي
الموت ... أن يقطع جزء جزء منك بالترتيب و يتم شيه ... و أجبارك علي أن تأكله ... هكذا هو الأعدام المغولي

فزع الحزن الأبكم المريع


40 comments:

Blogger smraa alnil said...

هاني

بجد عجزت كلماتي عن الرد
انت اسلوبك تحفة جدا
بس لو تبعد عن جنينة الحيوانات اللي كل مرة بتقول عليها دي هههههههه
بعيد عن الهزار بقي

انت رائع يا هاني

أعدام علي الطريقة المغولية ... أطالة العذاب حتي أقصي مدة حتي
الموت ... أن يقطع جزء جزء منك بالترتيب و يتم شيه ... و أجبارك علي أن تأكله ... هكذا هو الأعدام المغوليفزع الحزن الأبكم المريع

الجزء دة قتلني بجد
ووجعني وحسسني بحالي
ومش تسالني ازاي

1:35 م  
Blogger قنديل في قلبي said...

قالي إنت ليه حزين
وعمرك آلاف السنين
قلتله الحق والعدل ضايعين
سرقوني بعد حلف اليمين

2:18 م  
Blogger Carol said...

لماذا هناك خيوط حريرية متشابكة مرتبكة تلتف حول عنق الحقائق لتقيدها و تخنقها ؟؟

الكلمات و الأفكار
تأمل يعجبني يثير غضبي الداخلي يجعلني أريد الصراخ فوق اعلى جبل
يجعلني أذهب امام كل الوجوه و أشد انتباههم ليروني كما أنا بأفكاري

الكلمات و الأفكار هو التواصل مع العالم
إذا ضاعت أسلحتك امام العالم فسارع و أوجد سلاح جديد حتى لا تعيش في السكون

nice post ya hano ;)

7:45 م  
Blogger karakib said...

smraa alnil
أنجي الجميلة :) منوراني جنينة الحيوانات دي أنا بحبها لأن الحيوانات صفاتها واضحة و نقية ليس كبني البشر كل صفاتهم غير مطلقة و نسبيتهم مرغبة في نظري
مبسوط أوي أنه عجبك
أبقي أسألي
:)



قنديل في قلبي

ما هو ده حلفوا اليمين ... و لو حلفوا الف يمين ... الوفاء هي أندر صفة بين بني البشر يا عزيزي و ليتها تكون خالصة متي وجدت لذا أهرب الي عالم الحيوان كثيرا



Carol

أهلا أهلا عجبك البوست يعني .. شكرا يا رافعة معنوياتي
ليست أسلحة يا كارول ... هي أدوات للتواصل تفقد معناها بعد فترة و يصبح من الضروري أيجاد غيرها و فالحقيقة لا يوجد غيرها ادوات ... هي الأقوي و بالرغم من ذلك الأضعف
اليست قمة الضعف و الوة متشابهان لأنهم نقيضين في أعلي قممهم ... قليل من الفلسفة يصلح العقل و كثير منها يعمل أحلي دماغ :) كل سنة و أنت طيبة

10:55 م  
Blogger توتة توتة said...

طريقتك جميلة اوي بجد

1:04 ص  
Blogger الوردة السوداء said...

طب انا اقول ايه
انا بجد مش لاقية كلام اقوله

انت رائع

سمراء النيل واخدة كل الكلام اللى انا عايزة اقوله

ماعلينا
موضوعك نفسه هايل
وانت مرتبه حلو جدا
اجبرنى انى ااقراه لحد الاخر

1:17 ص  
Blogger micheal said...

بجد بتبهلرني كل مره يا هاني عن المره اللي قبليها..صورك التشبيهيه جميله جدا و اسلوبك لذيذ...عجبتني اوي جمله

ما فائدة الكلمات ان كانت عاجزة عن التعبير ... و ما فائدة الأفكار ان لم تعبر عنها الكلمات
تحياتي لك

6:48 م  
Blogger karakib said...

توتة توتة
ربنا يخليكي يا توتا ... يا ريت أقدر دايما أكتب حاجات تعجبك


الوردة السوداء
:) وجودك هنا ده شيء يسعدني بجد .. سمراء النيل قالت كلام غلط كله و مش صح ما تصدقيهاش أنا عارفها كويس
أرجو دوام المتابعة .. نورتيني



micheal
أزيك يا مايكل :) منورني مافيش مقابلات تاني قريب و لا ايه
كل سنة و أنت طيب

8:59 م  
Blogger Sampateek said...

ما فائدة الأفكار ان لم تعبر عنها الكلمات ... خيوط حريرية متشابكة مرتبكة تلتف حول عنق الحقائق لتقيدها و تخنقها

اية كم الوجع ده كله
اية اللي حصل و مين اللي مات
و منين جايب القلم الحساس الصادق ده

الى الامام

9:59 م  
Blogger SoRsaRaa said...

يااللا بالمرة عشان تبقى كملت.
وعشان خاطر اللى عملته فينا دا يبقى لازم تنزل بوست يلغى البؤس والنكد اللى عيشتنا فيه.
ومش هتنااازل عنه ابدااا مهمااا يكوووون

11:48 م  
Blogger tota said...

هانى
كل يوم بيغيم الحزن على المكان ممكن ينزف قلب ولا يموت وممكن يموت واحد واتنين والاف ويبقى يوم تانى تظهر شمس جديدة تمسح غيامة الحزن وتنثر رزاز ضوء ينور عتمة ناس كتير
عارف ان الحزن مش ممكن يدوم ولا الظلم بيدوم زى ما الليل عمره ما دام
دى بديهيات الحياه لازم تاخد كل حاجة دورتها لكن مش لازم نغرق احنا فى النصف المظلم نمر بيه لكن ما نفضلش فيه
لازم نعدى علشان كل الايام تعدى
تحياتى

12:36 ص  
Blogger مصرى said...

جميل يا هاني
إنت بتتفوق على نفسك في كل بوست

كل سنة و إنت طيب الأول

أنا إتأخرت في التليق عشان كل مرة أقرى البوست و ماعرفش أعلق تشبيهك للصراع بين الكلام و الفكر عبقري

1:27 ص  
Blogger Epitaph said...

I read it once before

and guess what!!!

I could not comment

I was much swept away by your style

masha Allah... it's developing more and more!! :))

Wtg ya Hani

10:18 ص  
Blogger sarah la tulipe rose said...

البوست دة حزين اوي يا انتوك ليع كدة بس
دة حتي الحياة لنها اخضر بلون شعار الحزب!
مش عارفة الحزن ساعات بيكون شعور صحي ..بما انه مفيش فرح خالص او حتي مخلط يبقي الحزن احسن من انك متشعرش بحاجة خالص
احيانا باحن لحالة حزن معينة بتلاقي فيها شجن كدة ..دي ماسوشية اكيد بس انك تحزن احيانا احسن من انك يصيبك البلادة
تحياتي
و انا اصلا جاية اقول كل سنة و انت طيب ..حزن ايه بس !
كل سنة و انت طيب و بخير و الاسرة بخير ..سيبلي حتة من الفرخة معاك متاكلهاش كلها!

10:31 ص  
Blogger karakib said...

Sampateek
محدش مات ... أو بمعتي أصح محدش عاش لأنه مافيش و لا واحد فالسرادق :)
كلبوزة أنت دايما احساسك عالي


SoRsaRaa
بوست ألغي فيه البوست الكئيب :) يا عزيزتي ليت الأحزان تمر بهذة السرعة
ما كانش حد غلب

1:33 م  
Blogger karakib said...

tota
الجميلة توتا :)
ما هو الأيام كده كده بتعدي حتي لو ما كناش عايزين نعديها ... منير قال الجمله دي في أغنيه .. و كل شيء ينسرق مني .. العمر من الأيام و الضي من النني
المشكلة أنه و هي بتعدي بتاخد معاها حاجات كتير كلها حلوة
هي مش دعوة للتشاؤم بس هي دي الحقيقة
هو أكيد الحياة بتاخد دورتها و أحنا بندور معاها ... بس ملاحظة أنها بتدور في دايرة ؟؟؟ أكيد الليل له نهار بس تفتكري النهارات في نهاياتها ماذا يحدث
مش باقول لك دايرة يا توتا




Epitaph
أنت علي طول رافعة من معنوياتي يا أيبي يعني عندك القدرة علي رؤية الجانب الجيد أيا كان مستخبي
فعلا الأسلوب بيعلا ؟؟ ده لو كده يبقي في حاجة حلوة جديدة تفرح

1:40 م  
Blogger bluestone said...

عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
ده اللى ميتكلمش يا كتر همه
عجبى

هارجع تاني

1:49 م  
Blogger karakib said...

مصرى

و أنت طيب يا يحيي .. يا رب تكون أيامك كلها فرح و سعادة
عيد مبارك و كله سرور و اجمل من الجمال
عايزين نبقي نشوف بعض فالكلية علي فكرة شوف أمتي هاتبقي فاضي علشان نتقابل


sarah la tulipe rose

شوفت أسمك فالدستور الأسبوعي يا سارة :) مبروك يا عم :) لون شعار الحزب أخضر ... هو أنت منهم :) أخضر
ده هو ده الأخضر الوحيد الذي يدعو الي التشاؤم و الأكتئاب مخالفا كل قواعد اللون الجميل
أنه الواحد مايشعرش بحاجة خالص ده يبقي داخل عليحزن عميق جدا ربنا يستر من الأحساس ده لأنه عامل زي اللي بيبقي قاعد قدام قضيب القطر بيبص علي رجليه اللي عدا القطر و شالهم و هو مش حاسس و مش فاهم ايه اللي حصل
لكن بعد خمس دقائق بيدرك ما حدث
ده تفسيري للأنسان الذي لا يشعر بأي شيء مرحليا
قصصي بقيت مقرفة مش كدة :) ؟؟ عموما و أنت طيبة و يا رب دايما بخير أنت والأسرة كلها
و بعدين موضوع أسيب حتة من أي نوع من أنواع اللحوم اللي هاتكون فالبيت النهار ده مش هاقدر أوعدك بأي شيء
النهار دة بالذات مافيش أي وعود بأني ممكن أسيب أكل لأي حد :)

1:50 م  
Blogger karakib said...

bluestone
ينطق أيه بس أكتر من كده
ما أنت عارفه اللي فيها
ده واضح أنها ماشية معاه بالعكس
بينطق .. فيكتر همه
كلها فراغات شفافة و ليست كلمات لأنها لا تعبر عن أي شيء يا بلو و كل سنة و أنت طيبة

1:53 م  
Anonymous غير معرف said...

أزال أحد مشرفي المدونة هذا التعليق.

6:34 م  
Blogger nour said...

هااانى
ايه ده يا بنى انت اللى كنت دايما تقولى متكتبيش بالحزن ده؟؟
مالك
بس بصراحه لو الحزن هيخلينا نقرا حاجات جامدة كده
يبقى حزن جميل
واحشنى اوى و الله العظيييييييييم
و الصورة تححححفه

7:03 م  
Blogger karakib said...

nour
أزيك يا نورا :) وحشاني أكتر صدقيني
أخبارك أيه ؟؟ الحزن ده أحيانا يصبح مش أختيار لكن ضرورة ... و هو أكيد مش اختيار يا نورا
أخر مرة اللي لغي الميعاد كان أنت يبقي لازم نتفق علي ميعاد أنا اللي ألغيه بقي علشان نفضل ماشيين بالدور زي ما احنا :)

7:09 م  
Blogger hosnysoliman said...

العزيز هانى
اولا وقبل اى شىء كل سنة وانت طيب مع امل السعادة والهناء لك..
العزيز هانى مهما دام ظهور الباطل الا انه زاهق فى يوم ما وهذا اليوم قريب
ويجب ان تعلم انه من التاريخ يؤكد ذلك انه مهما طال امد الامبراطوريات فانها لا دوام لها مع تفشى الظلم فيها

11:52 م  
Blogger بنـت ســعد said...

هاني انا عايزاك ضرورى

في موضوع مهم

free_jabha@hotmail.com

add me by that mail

don't forget plz


thx

take care

11:55 م  
Blogger يا مراكبي said...

مش هاتكلم عن جمال الإسلوب لأن ده متوقع منك دايما .. لكن اللي مش متوقع هو المود الحزين ده .. ليه بس كل ده؟

8:28 ص  
Blogger Nada said...

لم أفهم لماذا استعملت وصف الحريرية للخيوط
الصورة معبرة و الكتابة جميلة

Joyeuses Pâques !

تحياتي

11:03 ص  
Blogger الحاج أبو جمال said...

الحاج عمدة عزبة ابو جمال شخصيا مش فاهم انت عاوز تقول ايه
يبقى لامؤاخذه انت مبتفهمش
لان الحاج لو مفهمش حاجة تبقى الحاجة هى اللى مش مفهومه مش هو اللى مش فاهم
فاهم انا عاوز افهمك ايه
شكلك كده مش فاهم

11:24 ص  
Blogger مُزمُز said...

ده انت كمان سوداوي بقى؟

هي شوطة يا ابني وللا إيه؟

11:50 ص  
Blogger cigara... said...

فعلا
الحل
هو
غلق
الشبابيك
و
الصمممممممممممممت

3:47 م  
Blogger أبو الليل said...

الإعدام المغولي؟
إطالة العذاب حتي أقصي مدة حتي
الموت ... أن يقطع جزء جزء منك بالترتيب و يتم شيه ... و أجبارك علي أن تأكله ... هكذا هو الأعدام المغوليفزع الحزن الأبكم المريع

صعوبة الإعدام المغولي هو أنهم لا يضعون الملح أو البهارات على اللحم المشوي
فحين يتذوق المرء لحمه يجده دلعاً,كما أنهم يرفضون تقديم أي نوع من المخللات
ربما كان التتار أكثر رأفة بالمعدومين, فقد كانوا يقدمون لمن سيتم إعدامه طبقاً من صوص الباربيكيو اللذيذ, لدرجة أن كثيرا من العباد كانوا يتعمدون مشاغبتهم و مشاكستهم ليحظوا بحقهم المشروع في تذوق أنفسهم

بعدين فيه ناس لحد دلوقت بتاكل و تهري في نفسها
أحياناً تعذيب الذات يصبح احترافاً و اعتياداً,قد يمارسه البعض حين يتوقف الآخرون عن تعذيبهم و إيلامهم..

على فكرة.. فتحت نفسي عالبيبر ستيك يا هاني
:)

10:02 م  
Blogger مُزمُز said...

طل عام وأنت بخير يا باشمهندس أنتوك

معلش بقى متأخرة قليلا

12:14 م  
Blogger Epitaph said...

Happyyyyyyyyyyyyyy Eaaaaaaaaasterrrrr Haniiiiiii


kol sana wenta tayyb

fein el chocolate beta3ty??????


ana gebtelak wa7da aho :D

8:35 م  
Blogger Christa said...

eih el nakad da kollo ya Hani... yekhreb 3a2lak ... leih keda ya papa??!!! tarikoka masdodonnn masdodonnn masdooooooddddddddd!!!

I think it's just about the center of your life... what is your center?? is it reliable?

You and I need a middle C. Haven't you had enough change in your life? Relationships change. Health changes. The weather changes. But the Yahweh who ruled the earth last night is the same Yahweh who rules it today. Same convictions. Same plan. Same mood. Same love. He never changes.

4:47 م  
Blogger karakib said...

hosnysoliman
و أنت طيب يا أستاذ حسني ... الحزن كمان زي الامبراطوريات الظالمة يزول


بنـت ســعد
شكرا يا بنت سعد :) للثقة الغالية دي


يا مراكبي
أزيك يا بشمهندس و أخبارك أيه .
المود الحزين ده يتبعه أكيد مود جيد
و من فين نعرف اننا مبسوطين لو ما زعلناش :)

8:20 م  
Blogger karakib said...

Nada
لأن أصعب الحزن الذي يهجم مرة واحدة بعد تراكم خبرات قليلة من المفترض فيها أنها ليست خشنة بل حريرية فأهملت لتكون هذة الشبكة المؤلمة
merci Nada moi aussi je t'espere joyeuse vie


الحاج أبو جمال
لا فهمت يا حاج من ساعة ما قريت مدونتك .. ربنا يسترها علينا
أنت تأمر يا عمنا و لو مش فاهم نشيله أساسا


مزمز
يا عم مزمز هي بتبقي تبع المود العام مش بمزاجي صدقني

8:24 م  
Blogger karakib said...

cigara
عزيزتي سيجارة و الي متي نستطيع غلق الأبواب و الشبابيك هكذا
هل هذا حل عادي ؟؟



أبو الليل
عمنا أبو الليل هنا ... و أنا أقول المدونة منورة كدة ليه
صاحب المقولة الشهيرة و التدوينات اللي المدونين بيركعوا ضحك منها بنفسه جاي يزورني يا مرحبا يا مرحبا نورك غطي عالكهربا
بعدين مين قالك أنهم كانوا لا يقدمون صوص البول الحار و نكهة الخراء المميزة (مقتبسة من عندك علي ما أفتكر )
تفتكر تعذيب الذات أحيانا يصبح أعتياد .. أحتمال كبير يا ابو الليل
بالنسبة للبيبر ستيك ممكن أعزمك علي بس مش عالطريقة المغولي يا استاذ :)



مزمز
و انت طييب يا مزمز يا سيدي القلوب عند بعضها و ربنا يديم المحبة و لا متأخر و لا حاجة :) و مصر كلها طيبة يا رب

8:31 م  
Blogger karakib said...

Epitaph
بصي يا ايبي أنت بالذات ما أجيب لكيش شكولاته ده انا أفتح لك مصنعين شيكولاته قدام بعض
و أنت طيبه يا ايبي ... تدوينتك عن فيلم خان حلوة أوي

8:32 م  
Blogger karakib said...

Christa
النكد ده ضرورة في وقتنا هذا يا كريستا ... و من غير الحزن ازاي نعرف أننا فرحانين
كلامك في الجزء التاني من التعليق حقيقي بس صعب أني أنفذه ... كلنا بنحاول ...بس تنفيذه صعب و طبعا مش مبرر أننا نبطل .. لكن أكيد لازم الحزن يصيبنا من وقت للتاني
هي الحياة كدة يوم فوق و يوم تحت
و لو ما كانش في تحت مايبقاش فيه فوق

8:37 م  
Blogger Christa said...

ma3ak 7a2 ya Hany

but just make sure not to give up on your pursuit of H a p p i n e s s!

1:24 م  
Blogger karakib said...

christa
لحياة مش مستاهلة و زي ما صلاح جاهين قال
حاسب علي الأحزان و حاسب لها
حاسب علي رقابيك من حبلها
راح تنتهي و لابد راح تنتهي
مش أنتهت أحزان قبلها
و عجبي

2:07 م  

إرسال تعليق

Links to this post:

إنشاء رابط

<< Home