الأحد، مارس 25، 2007

لا تقل تعديلات دستورية أرجوك


قال العالم النحوي الكبير، ابو الفتح عثمان المعروف (بأبن جني) 392هـ "وإذا ما عرفنا ان اللغة ليست هي مجرد رموز تدل على مداليل معينة، بل هي المخزون الذهني للثقافة ومستودع خبرة الجماعة، فكل مفردة من مفردات اللغة مشحونة بشحنة دلالية معقدة ومتعددة الجوانب،وهي امكانية كامنة بالقوة، واشمل من النظام اللغوي للغة نفسها،ان اللغة بيت الوجود، وفي بيتها يسكن الانسان
ما معني هذة المقدمة لأبن جني ... و ما الداعي لذكرها و أنا بصدد التحدث عن التعديلات الدستورية !؟
كنت أشاهد أحدي البرامج المسرحية الحوارية عن التعديلات الدستورية علي القناة الأولي في التليفزيون المصري
و في كل فاصل يطل علي شعار جذاب مصمم بعناية مكتوب عليه ... تحديث الدستور
و مفردة كلمة التحديث في المخزون الذهني لثقافتنا و مستودع خبرة الشعب المصري مشحونة بشحنة دلالية تدل بشكل مباشر أنه شيء أفضل
مثلا نقول سيارة حديثة ... ملابس جديدة ... تكنولوجيا حديثة و هو شيء يدعو الي البهجة في ثقافتنا اليومية
مما يعد تأثير ضمني مستتر علي رأي هؤلاء الذين سيذهبون للأستفتاء أن سلمنا أن هناك من سيترك عمله أو حتي يوم أجازته ليذهب الي أحدي الصناديق و يدلي برأيه ... ليس تكاسلا أو تخاذلا و أنما أيثارا للسلامة
كثير ما تتطالعنا الصحف بتعبيرات مماثلة مثل تحريك الأسعار .. أي زيادتها و يمكنك أن تستنتج ما الهدف المقصود بأستخدام لفظ بديل مشحون بدلالات أخري
تعديل الدستور ... و هي لفظة أخري غير سليمة أبدا
فتعديل الدستور شيء و تبديل الدستور شيء أخر و الذي يحدث هو تبديل للدستور
حيث شملت التعديلات المطلوبة شكل الدولة ومقوماتها الأساسية – والسلطة التشريعية – والسلطة التنفيذية والسلطة القضائية – ومجلس الشورى
الأمر الذى يستوجب تشكيل جمعية تأسيسية تعكس فى تشكيلها - كل ألوان الطيف السياسى للشعب المصرى كله بكل تياراته وأطيافه وإنتمآته السياسية والفكرية – فضلا عن العلماء المختصين والخبراء .وهو ما لم يحدث
كل ما نمتلك الأن هو أن نجلس امام شاشات التليفزيونات لنتابع ما يحدث

و طبعا التعديلات الدستورية خطوة علي طريق المستقبل في أسفل الشاشة دائما



ملحوظة أخيرة
بمناسبة التبديلات الدستورية في مسابقة في مدونة
القهوة العالية عن ما معني كلمة الدستور
و الجوائز قيمة جدا

14 comments:

Blogger sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

2:20 ص  
Blogger يا مراكبي said...

نسميها تجليات دستورية .. تمشي كده؟

أنا مستعد أقعد وأتفرج على الموضوع ده في التليفزيون .. بس هييجي على قناة الأفلام ولا مزيكا؟

أعذرني مش قادر أتكلم جد علشان ضغطي ما يعلاش أكتر من كده

10:39 ص  
Blogger ert3ashat said...

تحديث..تعديل مش جيه على الكلمه

4:38 م  
Blogger david santos said...

Hello!
Thank,s for you work and have a good weekend

7:12 م  
Blogger مش فاهم حاجة said...

ممكن نسميها اعتقال شعب
ممكن نسمية قانون العزبة الجديد
ممكن قوانين انهيار شعب عمرة الاف السنين
كلها مسميات بس النتيجة واحدة
ربنا معاكى يا مصر

8:07 م  
Blogger عاشقة الوطن said...

ايه اللى احنا فيه ده
ايه الحياة مالها اتقلبت كده هى اصلا مقلوبة جاهزة ومش ناقصة قلبة اكتر من كده

تعديلات او تعديات دستورية
كل ده من حقنا
بس فين بقي حقنا
راح وضاع

حسبي الله ونعم الوكيل

9:34 م  
Blogger bluestone said...

اقترح ان نطلق عليها اسم
التهريجات الدستورية ...

ولا بلاش كلمة دستور دي اصلا
اللي بيحصل بعيد تماما عن اي شرعية او دستورية

نسميه تقنين البلطجة
مشروعية القهر
قوننة قلة الادب

وكما قال شاعر مندثر
سمعني بالأنون .. وقسم وادي لكل واحد حتة

بس احنا طبعا مالناش في الحتة دي ولا للاسف في اي حتة غيرها

11:16 م  
Blogger micheal said...

تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
بخصوص الدستور فكل اللي أقدر أقوله:
دستووووووور يا سيادي...سامحوووووووووه
و ربنا يكفينا كلنا شر الاسياد
تحياتي لك

12:27 ص  
Blogger karakib said...

sosa
و عليكم السلام و رحمة الله و بركاته
أهلا بيكي و بعت لك ايميل علشان أعرف أيه موضوع بحثك بالتفصيل
شكرا


يا مراكبي
عذرك يا بشمهندس أصله أنا كمان ضغطي علي بيقولك 1508 ساعة للتعريف بالتجليات الدستورية في القناة الأولي
كويس أنه الدش شغال


ert3ashat
و الله ليكي حق ما جاتش عالكلمة أبدا

david santos
thx for ur visit

12:36 م  
Blogger karakib said...

مش فاهم حاجة
ربنا معاكي يا مصر ... فعلا مدش بقي فاهم حاجةن حزينة يا بلادي


عاشقة الوطن
تعديات تجليات تحديث تجديد كله محصل بعضه


bluestone


وكما قال شاعر مندثر
سمعني بالأنون .. وقسم وادي لكل واحد حتة

و يا تري الشاعر ده أيامه كان في برطمان برضه و لا ايه النظام ؟
علي فكرة تدوينتك عن التجديدات أو التبديلات الدستورية حلوة أوي



micheal

لأ لأ أسياد أيه يا عم مايكل انت روحت في سكة تانية خالص
لو هاقدر أجي اللقاء ده هابقي أبعت لك يا باشا و شكرا لأهتمامك

12:41 م  
Blogger karakib said...

قالوا زمان دنيا دنية غرورة
و قولنا و اللي تغره يخسر مصيره
قالوا الشيطان قادر و له الف صوره
قلنا ما يقدر عاللي خيره لغيره
ايه معني دنيتنا و غاية حياتنا
اذا بعنا فطرتنا البريئة الرقيقة
و أزاي نبص لروحنا جوا مراياتنا
أذا احنا عشنا هربانين من الحقيقة
و مين نكون أن بعنا يومنا و ماضينا
و ليه نعيش اذا كانش بكره يراضينا
و ازاي ننام من غير ما نحلم ببكره
و بكره ده منين ييجي الا بايدينا

1:14 م  
Blogger ألِف said...

و مثل كلمة "التحديث" كلمة "التطوير" التي اصطلح ضمنا على أن معناها هو "التحسين"، في حين أن "التطور" هو تغير الطَّور، أي الحال.

8:55 م  
Blogger karakib said...

ألِف
الأمثلة كتير أوي أوي أوي و الكلام الفضفاض الرنان بقي زي المخدرات
بيبدل الواقع بخيال بس لحد امتي الخيال ده هيفضل موجود

7:57 م  
Anonymous kokoluk said...

karakib karkaba

1:40 ص  

إرسال تعليق

Links to this post:

إنشاء رابط

<< Home