هلوسات
مهما كانت جميلة ... حافظ علي مسافة بينك و بينها ... فالأقتراب الشديد يجعلك تري الندوب الصغيرة في وجهها جروح قاتلة
---------------------------
الاستمرار في حب من طرف واحد هو معبد من الأوهام ينهار علي صاحبه و يقتله في النهاية
----------------------------
الذكاء هو أدراك معني الغباء 
----------------------------
لا يمكنك أن تعرف أحدا جيدا مهما عاشرته ... يجب أن تدوس علي أطراف اصابعه لكي تعرف من هو
----------------------------
قليل من الفلسفة يصلح العقل ... كثير من الفلسفة يؤدي الي الجنون
----------------------------
أعظم مكاسب الأعداء هي نتيجة لأخطائنا نحن فلكل نتيجة سبب يسبقها و يؤدي اليها حتما
----------------------------
في هذا العالم الغريب المليء بالمتناقضات لا أحد يمتلك الحقيقه المطلقه فكلنا في سعي محموم اليها
في هذا العالم الغريب المليء بالمتناقضات لا أحد يمتلك الحقيقه المطلقه فكلنا في سعي محموم اليها
----------------------------
قمه النجاح هي الاقرب من قمه الفشل 000 قمه القوه اقرب للضعف فهؤلاء الاناس الذين يسكنون القمم يشعرون انها بارده لانهم لا يعلمون حقيقه احاسيسهم فهي خليط من التناقض و التماثل في نفس المكان
----------------------------
الأحلام هي المخدر المفضل للفقراء
----------------------------
قمة الأنفعال الأنساني النقي لا تظهر الا في ثوان قليلة من الزمن محظوظ من يتصادف وجوده في مكانها ليلتقطها
فتعيش صورتها في أعينه لنهاية العمر
فتعيش صورتها في أعينه لنهاية العمر
----------------------------
العضو الوحيد الغير قادر علي الكذب هو العيون أما الدمع فهو ثمرة العيون التي تنضج في شدة الحزن أو الفرح
تحديث: شكر خاص للأستاذ أحمد شقير لنشره تدوينتي هذة في مدونته الجميلة و للمحررة روضه عبد الحميد لنشرها تحقيق عن مدونتي
posted by karakib at 1:42 م
40 comments:
قليل من الفلسفة يصلح العقل ... كثير من الفلسفة يؤدي الي الجنون
يادى النيلة
بس مش مهم
جميل البوست
Post of the day
:)
هانى
بجد باحترم افكارك
شفت الفلسفة جميلة يا هاني ...و الاجمل هو العقل لما يعرف ينتقي ويوظف
:)
العضو الوحيد الغير قادر علي الكذب هو العيون أما الدمع فهو ثمرة العيون التي تنضج في شدة الحزن أو الفرح
ليست كل العيون صادقه
ولا كل الدموع كاذبه
ايه حكاية بوستاتك الجامده يا عم هاني
ايه الفلسفات المتفلسفة دي يا عم:)
مبروك يا انتوك
جميل فعلا البوست دة..خصوصا اول حكمة ..القرب الزايد بيظهر المستخبي و احيانا بيكون مش حلو
فهؤلاء الاناس الذين يسكنون القمم يشعرون انها بارده لانهم لا يعلمون حقيقه احاسيسهم فهي خليط من التناقض و التماثل في نفس المكان
yeah ... very true...I liked all the quotes... but this one most...
when we r on the summet ... we live some really complicated emotions! and sometimes... we miss the feeling of victory ... while lost in other contradictory feelings!
أجمل هلوسات قريتها في حياتي
بجد بتبهرني كل مره عن التانيه
تحياتي لك و تمنياتي بالتوفيق
حزنبل
المهم أنه البوست عجبك شكلك متضايق يا عم حزنبل
مع أنه مافيش أي حاجة تضايق خالص
يا راجل فكها فكها ما هي طول عمرها كده
Ahmed Shokeir
أستاذ أحمد شقير ... مش عارف أشكرك أزاي لوقوع أختيارك علي تدوينتي دي
لما كنت قاعد بجهز فيها كنت حاسس أنها مش هاتعجب حد خالص .. الحمدلله طلع أحساسي غلط :) بجد متشكر
فالمرة اللي قابلتك فيها فعلا كنت مبسوط أني أشوف حد مثقف و مستنير زيك ده
حــلم
شكرا يا حلم يا رب دايما اكون عند حسن ظنك بيا
carol 2002
طبعا ليست كل العيون صادقة و ليست كل الدموع كاذبة لكن ده الشيء الشاذ اللي بيثبت القاعدة ... الأمور و الصفات المطلقة مش من طبائع البشر
لكل قاعدة شواذ تثبت القاعدة و لا تنفيها و لا ايه رأيك ؟
توتة توتة
يا توتة الحلو يشوف كل حاجة حلوة
مش البوست هو اللي حلو لأ اللي بيقروه هما الأحلي
sarah la tulipe rose
سارة :) الله يبارك فيكي علي فكرة الكلمتين دول بعد ما كتبتهم جه واحد صاحبي قال لي مثل شعبي بيقول نفس الكلام بالظبط بس أكيد مش هاينفع أقوله هنا
بس فعلا هو هو نفس الكلام
Christa
هابقي أحكي لك الكلمتين دول أتكتبوا امتي .. اتكتبوا في أيام كانت صعبه أوي يا كريستا بس فعلا من وسط الضلمة الكتير بنلاقي نقطة نور ... عينينا بتروح لها غصب عنا
micheal
عم مايكل ... عندنا هنا :) منورني يا باشا الهلوسات دي هلوسات بس زي ما كنت باقول من شوية الحلو يشوف كل حاجة حلوه يعني أكيد اللي بيقروه أحلي بكتير علشان يشوفوه حلو
هانی بجد حسيت بيهم كلهم قبل كده يعني و أنا بقراهم كل واحدة وديتني لموقف عيشته قبل كده و هي دي الفلسفة
هلوسة ؟؟؟؟
دي هلوسة ؟؟؟؟؟
أمال العقل يبقى ايه على كده بقى ؟
حلوة جداااااااااا
غلبت أنيس منصور
عن جد
كراكيب
اذا كنت ترى ان ما تكتب من الهلاوس فاراه من الافكار ودائما تفصل شعر رقيقة بين منتهى كل شىء كما تفصل هذه الشعرة الهلاوس عن الحقائق
تلك الشعرة بقدر رقتها تفصل عالمين مختلفين عن بعضهم واعنى فى كل النقائض هى دائمة الفيصل
تحياتى
الأحلام هي المخدر المفضل للفقراء
الأحلام هي المخدر المفضل أيضا للمقهورين
بديعة جدا كلماتك
تحياتي
مصرى
دي هلوسة يا صاحبي احنا فين بس و الفلسفة فين
شغف
طبعا هلوسة :) بعدين أنيس منصور مرة واحدة :) دي مجاملة كبيرة أوي ليا
عن جد متشكر
tota
توتا .. أديكي بتقولي شعرة رقيقة .. يعني سهل أوي تنقطع
التفكير بين النقائض أحيانا الوصول اليها يصبح كالمشي علي حبل في سيرك كبير لم نتدرب جيدا بعد علي كل ادواته و مرونته ... أختلال التوازن وارد و لو كانت اللعبة خطيرة كالفلسفة فاللعبه هنا هي الترابيز من يقع من فوقه تنكسر رقبته و يموت لذا فهي هلاوس و لا شيء غير الهلاوس فبين سطور الفلسفة يسكن الجنون و العقل و بينهم تلك الشعرة التي أحذر من الوصول اليها دائما
قنديل في قلبي
ليس الفقر دائما فقر مادي .. و أنما هو الأخر أنواع كثيرة ... من لا يمتلك عائلة فهو فقير من لا يحب فهو فقير من ليس لديه علي الاقل صديقين حميمين فهو فقير ... و يصبح الحلم بديلا لواقعه
و الحلم له طريقين لا ثالث لهما
اما الوهم أو الطموح
و الطموح جموح أو مغامرة محسوبة جيدا حتي لا تتحول الي وهم يخدر صاحبه حتي يموت من الاوفر دوز :) تعليقك نور المدونة
لا يمكنك أن تعرف أحدا جيدا مهما عاشرته ... يجب أن تدوس علي أطراف اصابعه لكي تعرف من هو
aywa fe3lan law dost 3ala regleh we shatam yab2a ma3reftosh
شووووور
كل ما تبقى كلوز اكتر ريحة النفس تيجي في وش اللي قدامك
تقدر تقرب بس اغسل سنانك الاول
باي فور ناو
تستاهل تكون بوست اوف ذا داي فعلا
صدق شوقير
تحياتي ليك يا نجم
bastokka طهقانة
مش بس كده يا طهقانه ... في واحد يقول لي و لا يهمك عدي .. و واحد يقول لي يا عم خد بالك مش كده ... و واحد تاني يقول لي أنت أعمي !! مش تفتح
و في واحد يقوم يقول لي يا ابن و ابن و كلام مكانه مش هنا ... مهما ابتسم في وشي و قعدت معاه
طول ما أنا ما دستش علي رجله لسه يبقي ما اعرفوش
خضرة بنوتة بابي هسين
دي العائلة كلها عندي :) يا هلا يا هلا ربنا يستر عليا .. ما تأمريش بأي حاجة سعادتك ؟؟ أنا فالخدمة يا فندم
Sampateek
سماتيييييييييييييييييك :) أنت مدونتك تستاهل أصلا تبقي مدونة اليوم و كل يوم
احد شقير من الناس المحترمة جدا و الموهوبة بالفعل قابلته مرة و قعدنا نتكلم و يومها لقيت أنه كتابته شبهه ما حسيتش اني قابلت شخص مختلف
مهما كانت جميلة ... حافظ علي مسافة بينك و بينها ... فالأقتراب الشديد يجعلك تري الندوب الصغيرة في وجهها جروح قاتلة
ديما الرؤيه من بعيد بتكون اوضح
بوست جميل
فيه مساحه من التأمل
تحياتي يافندم
تعجبنى هلوستك
www.mads.jeeran.com
مهما كانت جميلة ... حافظ علي مسافة بينك و بينها ... فالأقتراب الشديد يجعلك تري الندوب الصغيرة في وجهها جروح قاتلة
بس انت مجنون...حلو قوي
رأيي زي مصري
خصوصا خليك علي بعد مسافة منها احسن كل ما تقرب هتشوف حاجات مش عاوز تشوفها
وحشتنى قلت امسي
صدقني...
مجموعه من اروع الحكم اللتي قرأتها في حياتي...
احيييييك بشده على التوبيك ده
جميل أوي يا باشمهندس هاني
متفق معاك جداااااااااااا طبعا في الجزء الثامن ال>ي يتكلم عن الحقيقة المطلقة
ومتفق معاك برضه في حكاية الأحلام مخدر الفقراء بس هي مخدر للبشر كلهم يعني
ولكن بقى مختلف معاك جدااااااااااااااااااااااااا جدا جدا وزعلت كمان من حكاية كثير من الفلسفة تؤدي للجنون
لو فكرت تاني هتلاقي الكلام ده مش مظبوط وللأسف هو هكذا يطابق نظرة العوام جدا للفلسفة حيث أنهم يرونها مؤديا للجنون فالكفر فالنار بالطبع ويرون الفلاسفة مجانين أو زنادقة
مع أن الحقيقة هذا الكلام يتناقض مع الفقرة التي قلتها أنت عن الحقيقة المطلقة
لماذا؟
لو اعتبرنا أن مبدأ عدم تملك الحقيقة المطلقة هذا مبدأ أساسيا قبل الحكم على أي فكرة ما أو فلسفة ما
فالبتالي يكون الحكم على فلسفة معينة أو فيلسوف ما بالجنون لكونه صاحب آراء مختلفة هو نوع من الدوجماتية والتي تخالف بطبيعة الحال المبدأ الذي ذكرته أنت وبالتالي يكون في النهاية هذا الرأي في الفلسفة هو للأسف نفس رأي الدينيين المتشددين ورجال الدين المتحكمين الطامحين في تغييب العقول لذلك يصورون الفلسفة للعوام منذ القدم على أنها ضرب من الجنون حتى يتوقف الناس عن التفكير في ما يسمونه هم الثوابت والأصليات والمسلمات والبديهيات السلفية الموروثة لكي لا تهتز سلطتهم الروحية على المجتمعات
أيضا أنا أرى إلى جانب ذلك أن عكس ما قلته هو الصحيح فإن قليلا من الفلسفة يصبح نوعا من السفه المؤدي حتما للجنون الناتج عن الحيرة والجهل بينما التعمق أكثر هو المؤدي في الغالب إلى الوصول لنتائج مرضية للعقل ومريحة للوح حتى لو كانت مختلفة
معلش بقى طولت عليك
بس استحملني بقى مبعرفش أفوت حاجة زي كده من غير ما أرغي
تحياتي
:))))))
دخلت مدونتك قبل كده بس اول مره اعلق
لان البوست ده عجبنى جدا
متفق مع كل اللى فيه تقريبا
بس مهما كانت جميله لا تقترب الا لو كنت بتحبها
لو بتحبها مش هتشوف الندوب مهما كانت كبيره وواضحه
تحياتى ليك
محض روح
فعلا الحفاظ علي مساحة الحرية مهمة جدا حتي بيننا و بين أقرب الأقرباء لنا
تحياتي لك
mads
جزيل الشكر يا رب دايما كراكيبي و هلاوسي تعجبك
~ Bato0ot ~
اه انا كتبت كدة فعلا ... يا تري وصلت لك أي حاجة ؟
zenzana
أنت وحشتيني أكتر يا راندا :) أكيد أنا مجنون مش عمال أكركب و أهلوس اهه :) المسافة تحترم الحرية الشخصية و تجعل الرؤيه أفضل بكثير
ert3ashat
حكم مرة واحدة :) لأ لأ دي كلها هلوسات صدقني هلوسات لا أكثر
مزمز
يا عم مزمز كثير من الفلسفة يؤدي الي الجنون لأن مذاهب الفلسفة تتصارع و وجودك في عمق هذة البحور يجعلك تلاطم أمواجها لتنجو بعقلك
لكن مين قال انه الجنون مش لذيذ أحيانا يصبح الجنون شيء هام جدا
يمكن أكون كدة وضحت وجهة نظري في موضوع الفلسفة و يمكن غلط برضه فرأيي صواب يحتمل الخطأ و رأيك انت بيعجبني :)
أما عن مخدر الفقراء فالفقراء في قصدي بمفهوم أوسع و أشمل من الفقر المادي فقط .. في انواع من الفقر أصعبها هو فقر الأحساس
و بعدين انت ولا طولت و لا حاجة انت خليت البوست غني بتعليقك .. و نورت المدونة بجد
محمد الهنداوى
يا فندم المكان مكانك تشرفني بزيارتك في أي وقت
مبسوط انه التدوينة عجبتك و أستفزتك تقول رأيك فيها ارجو تكرار الزيارة دائما
هانى احييك جميله كلها الاقوال..ولكن الحب من طرف واحد وكثيرا اذا كانت قناعة المحب اصيله لعلمه بعدم شعور او الامل فى المحبوب ولكن لها لذه خاصه واظن ان المعبد ممكن ان ينهدم عليه فى حالة حدوث المستحيل وذلك من هول المفاجأة..وكذلك موضوع جنون الفلسفة سبق وقلت راى..اما عدا ذلك فكله جميل
في هذا العالم الغريب المليء بالمتناقضات لا أحد يمتلك الحقيقه المطلقه فكلنا في سعي محموم اليها
ولكنها موجوده
أختارت الجز ء ده حاسس انه شامل
عل تلك الهلوسات هي دوائنا الوحيد في ذلك العلام الغريب عنا
البعيد كل البعد عن نفوسنا
بالمرة اشكر لك المرور على مدونتي
أولا تحياتي ليك على البوست الجميل ده
ثانيا مبروك على النشر والتصييت
تستاهل وأكتر
hosnysoliman
أستاذ حسني
منورني ... رأيك فالموضوع السابق كان يهمني أسمعه عالمسنجر و يا ريت اللي اتفقنا عليه يتم
Saikoman
باشا :) بص بقي مش هاينفع تقعد تتهرب
فين البوست اللي بعده ؟؟؟ مش ناوي تنزل و لا ايه ؟؟ مش هاينفع كده
بطل بخل
الباب المفتوح
أولا أنا اتشرفت بزيارة مدونتك و زيارتك لمدونتي .. خطوة عزيزة
أحنا بنحس بغربة فعلا كتير و لذلك بنحاول ببعض الكلمات و مشاركتها مع الأخرين قتل هذا الاحساس
يا مراكبي
شوفت الزمامير اللي اتضربت هناك :) استاهل :) ربنا يخليك يا بشمهندس
و يديم المحبة دايما
جميلة اوي يا هاني :)
Nouran
يااااااااااااااااااااه
حمدالله عالسلامة يا نوران عاش من شافك
يا رب تكوني خلصتي امتحاناتك علي خير
رائع
اختيار لهذه الكلمات رائع
حكم جميلة للغاية
تحياتي
صاحب البوابــة
الأروع هو تشريفك لمدونتي يا عزيزي
شرفتني و أرجو دوام الزيارة
اتفق معك فى ما تقول اهنئك عليه ولكن اختلف معك فى هذه النقاط
في هذا العالم الغريب المليء بالمتناقضات لا أحد يمتلك الحقيقه المطلقه فكلنا في سعي محموم اليها
قمه النجاح هي الاقرب من قمه الفشل 000 قمه القوه اقرب للضعف فهؤلاء الاناس الذين يسكنون القمم يشعرون انها بارده لانهم لا يعلمون حقيقه احاسيسهم فهي خليط من التناقض و التماثل في نفس المكان
العضو الوحيد الغير قادر علي الكذب هو العيون أما الدمع فهو ثمرة العيون التي تنضج في شدة الحزن أو الفرح
أحمد
يا احمد فالاختلاف غني بشرط قبول الاخر المختلف
مبسوط انك مختلف معايا في رأيي بس أنت كتبت اللي انا قايله ايه وجه اعتراضك بقي ؟
إرسال تعليق
<< Home