واحد مات والتاني اتحرق
عبارة غرقت مسرح أتحرق
و ناس بتكتب بحبر عالورق
واحد مش عارف ينام جاله أرق
و هو خارج من بيته اتسرق
كان حاطط منديل علي ياقة قميصه
خايف من العرق
لا مبالاة و زعيق و هيصه
و الكل عامل قلق
واحد مات والتاني اتحرق
ايه المشكلة !؟
ايه اللي فرق
زي ما هما لسه ماشيين
بس و هما ماشيين نايمين
نايمين .. ماشيين .. غرقانين
لا مبالاة و زعيق و هيصة
واحد مات والتاني اتحرق
يرد عليك و يقول لك
ايه المشكلة
ايه اللي فرق
ما دام الدخان و الزاد موجود
و الحرمة مستنية و في لقمة مش و لو بالدود
مش مهم أي حاجة و لو ضيقوا الحدود
و لو بنوا فوق السدود سدود
يرد يقول لك و أيه يعني
أيه المشكله
ايه اللي فرق
مات محروق مات مسروق
كله مسيره ياكله الدود
و أهه كله بيتنسي طول ما الدخان
و ناس بتكتب بحبر عالورق
واحد مش عارف ينام جاله أرق
و هو خارج من بيته اتسرق
كان حاطط منديل علي ياقة قميصه
خايف من العرق
لا مبالاة و زعيق و هيصه
و الكل عامل قلق
واحد مات والتاني اتحرق
ايه المشكلة !؟
ايه اللي فرق
زي ما هما لسه ماشيين
بس و هما ماشيين نايمين
نايمين .. ماشيين .. غرقانين
لا مبالاة و زعيق و هيصة
واحد مات والتاني اتحرق
يرد عليك و يقول لك
ايه المشكلة
ايه اللي فرق
ما دام الدخان و الزاد موجود
و الحرمة مستنية و في لقمة مش و لو بالدود
مش مهم أي حاجة و لو ضيقوا الحدود
و لو بنوا فوق السدود سدود
يرد يقول لك و أيه يعني
أيه المشكله
ايه اللي فرق
مات محروق مات مسروق
كله مسيره ياكله الدود
و أهه كله بيتنسي طول ما الدخان
لسه في منه أصناف و الوان
و موجود
.......................................................
...........................................
posted by karakib at 1:38 م
21 comments:
حلوه ياأنتوك..كلام فى السليم. الأمبالاه صعب التخلص منها..سعات بتخيل أنها بقت جزء من التراث
فكرتني تدوينتك برباعية صلاح جاهين
ضريح رخام فيه السعيد اندفن
وحفرة فيها الشريد من غير كفن
مريت عليهم قلت يا للعجب
الاتنين ريحتهم ليها نفس العفن
جميلة أوي
تحياتي
ده بمناسبة عيد العمال؟؟؟
صح بقى في حالة مبالاة غير طبيعية نظام كله من التراب وكله سيعود اليه
بس حلوة الكلمات ديه :)
الدخان
اممممممم
مبدأ ماعلينا
ويكش تولع
الدنيا مذاهب يا صاحبي
جميلة اوييييييييييي بجد
المرة دي بجد جدن
و عجبي !!! بس سيبك انت كل مادا ما بتزيد في تالقك و روعة كتاباتك تحياتي دمت رائعا
Ayyam
فعلا ساعات بنعتبرها جزء من التراث و رأيت لمن يذهب الي أبعد من ذلك في أنه يقعد يطلع نظريات فالموضوع ده
علي فكرة أنت واحشني يا عم أنت بتغيب كتير بقيت
الكونتيسة الحافية
صلاح جاهين ده كنب رباعيات تصلح لأن تكون أقوال مأثورة علي طول
فعلا مالوش حل و كلامه ممتع جدا
Nouran
لأ هو اللي يبقي حاله كده يبقي عنده أعياد برضه :) عيد عمال ايه بس و هما هيعيدوا ازاي و هما عمالين يفصلوا فيهم يا نوران
شادي فايد
الدخان ده بقي أزمة يا عم شادي
مشكلة مالهاش حل يا استاذ
توتة توتة
يا فندم زيارتك و مرورك عليا هي الأجمل بالتأكيد
صفصف لادي
كل يوم بأسم جديد بقي و لا أيه :) هتدوخينا عاكي يا حفصة :) الحقيقة أنا أصلي اليومين دول غير اليومين اللي فاتوا ... حاسس بأحساس كويس كدة و الدنيا باينها رضيت عليا و لا ايه مانيش عارف
ايه الحلاوه دي
انت يا ابني فنان بجد رائع و موهوب و عندك حس ومتجدد
بجد اهنيك على الموهبه دي
تحياشتي
جميل يا هانى
تحياتى
يا هاني
انا ناقصة نكد ع الصبح؟
اسيبه هناك الاقيه هنا؟
حرام عليك
بس حلوة
راندا
Memo
فنان مرة واحدة :) الله يخليكي بس علي فكرة ده مش شعر ده كلام مترتب شبه بعضه لأني ما بعرفش أكتب شعر و لا أفهم في كتابته أصلا و لا عمري قريت أزاي يتكتب يعني خلينا متفقين أني مش شاعر و لا أعرف أزاي أكون شاعر
دي خواطر أو كلام نهاياته شبه بعضيها
carol 2002
الأجمل هو مرورك ... شكرا لتشجيعك
تحياتي :)
راندا
فين زنزانتك !؟ مش لاقيها النهار ده أنت قفلتيها و لا أيه !؟ ليه كده
نكد ايه اللي هناك !؟ هو هنا في نكد فعلا بس البوست الجاي ان شاء الله مش نكدي هاحكي فيه عن عبد الباسط حموده المغني الشعبي و موال سمعته له بالصدفه
يا رب تكوني بخير
كويس قوى وعاجبنى جدا الكلام والمعنى كمان
بس ما عجبنيش حاجة واحدة بس
كلمة حرمة
صحيح ماشية مع الكلام لكن أنا بأكره الكلمة دى قوى قوى
بأحس انهم بيأكدوا من خلالها ان المرأة حاجة حرام
فتبقى حرمة
بجد جميله اوى وحسيت بها جداااااااااااا
جميلة قوي
ياسمين
لأ يا ياسمين أنت عارفاني :) انا مش عدو المرأة خالص لأ لأ
بس هو بما أنه بياكل مش بدود
و مش مهتم بأي حاجة من حواليه و عنده سلبيه و لا مبالاه يبقي لازم يكون بيقول علي الست حرمة
مش هيقول غير كده يعني أنا قصدت أستخدم لهجته هو
حسام مراد
الأجمل هو مرورك و زيارتك يا حسام نورت المدونة
واحد زهقان
الله يخليك بس أنت زهقان من أيه ؟
7elwa awy...
bas katabtaha fe 2ad eh?
good luck
Lamma Helwa
مبسو انها عجبتك
هي مكتوبة في نص ساعة أو أكتر حاجة بسيطة
بس اشمعني الوقت بتاع كتابتها اللي فرق معاك؟
Mosh 3aref, bas I think it would take so long time for me to write one like this.
it is a gift anyway, I wish I could write something with the same quality one day :D
Lamma Helwa
الحقيقة أنا مش باعرف أكتب شعر بالشكل المتعارف عليه هي بتبقي اوقات كلام بييجي في دماغي و باكتبه باحتاج وقت بس مش كتير أني أظبطه شويه علشان يبان شبه الشعر أنما هو لا شعر و لا حاجه هو كلام أخره شبه بعضه
مبسوط بجد أنه عجبك .. عموما أنا ما اتعلمتش اكتب و لا شعر و لا نثر الموضوع هواية و سكة حاجة حسيتها فكتبتها مش أكتر
معبرة جداً جداً
إرسال تعليق
<< Home