انتشار المدونات المشتركة

في شيء جديد فالمدونات ... يمكن مش جديد اوي بس بدأ ينتشر بشكل ملحوظ ... كل مجموعة من المدونين الاصدقاء بيفتحوا مدونة جديدة و الشغل اللي فيها يستحق الاشادة بحق ... لأنه عمل جماعي جيد فعلا

و هو ما نفتقده في اشياء عديدة

في مدونات بالشكل ده بدأت من فترة زي سطور من روايات لم تكتب او كيس فشار كمثال

و في منهم للاسف ما توقف زي علي قد لحافك رغم محتواه الرائع

و في قصص و محاولات زي القصة اللي بدأت تتكتب و اتنين بيكتبوها في مدوناتهم التي لم يكن لها عنوان

و في حاجات بدأت قريب زي مراجيح

او الحوار عليكوا حق او اللعبة

أو تماحيك اللي باتشرف اني باكتب فيها كل شهر مرة وسط مجموعة رائعة من المدونين

يا تري كل من دون ... كان عارف انه في يوم من الايام هيكون مشارك في مدونة مشتركة زي دي ؟؟ بالنسبه لي لأ

بس من الواضح انه المجتمع اللي كان في يوم من الايام يطلق عليه افتراضي ... لم يعد افتراضي

و انه كل من شارك في صنعه لديه الكثير ليقدمه

يا تري ايه التطور الجاي اللي ممكن يحدث ... يا خبر النهار ده بفلوس