اقصر تدوينة ... مع ليلي
لما تلاقي واحدة طولها اكتر من 175 سنتيمتر و مثقفة و جميلة و دكتوراه و غنية و عندها ذكاء اجتماعي
و كل الاشياء الحلوة دي اجتمعت فيها
تأكد تماما انه محدش هيتجوزها
تفتكر ليه !؟
مع ليلي
و كل الاشياء الحلوة دي اجتمعت فيها
تأكد تماما انه محدش هيتجوزها
تفتكر ليه !؟
مع ليلي
posted by karakib at 1:34 م
66 comments:
عشان طويله و مثقّفه و معاها دكتوراه
باقى "عيوبها" يمكن التغاضى عنها و الحياه تعاون بردو و مفيش حد كامل :)))
عشان الحلو مايكملش
:)
عشان هي مش هترضي بأي حد .. و "أي حد" دي لاتعني أنه شخص أي كلام أو دون المستوي المتوسط .. لكن هي فعلاً مش هترضي بأي حد .. دة بجانب أن شئ خفي جواها حتي لو انكرته بيدفعها دفع لاختيار رجل متميز عنها ولو في حاجة واحدة .
يا حرااام :(
هى دى المشكله ..
مفيش راجل عنده ثقه كافيه فى نفسه كى يتقدّم لمثل هؤلاء الفتيات و يكون الحل الأسهل هو الافتراض المسبق أنّها هى اللىّ مش هترضى بأى حد ..
و نظل ندور فى هذه الحلقه المرفه للأبد
طيب أنا أفهم أن من لا يجد فى نفسه التكافؤ مع هذه البنت لن يتقدّم لها لكن من يكافئونها أو حتى يتفوّقون عليها ماذا يمنعهم من الارتباط بها و ما الذى يدفعهم للبحث عن فتاه أقل فى كل شئ منهم !!
عشان طويلة قوي
الرجالة المصريين قصيرين ح تلاقي مين يطولها دي؟
:)
عشان طيزها مربعة
أزال المؤلف هذا التعليق.
يمكن يكون السبب إن قعد يدور على سبب يشوف بيه العيوب لغاية ما ماقدرش يشوف المميزات
أو ممكن يكون خايف يرتبط بواحدة مافيهاش غلطة
لما تلاقي واحدة طولها اكتر من 175 سنتيمتر و مثقفة و جميلة و دكتوراه و غنية و عندها ذكاء اجتماعي
و كل الاشياء الحلوة دي اجتمعت فيها
تأكد تماما انه محدش هيتجوزها
تفتكر ليه !؟
مين قال أصلا إن محدش هيتجوزها
أنا بقول إن ربنا بيوفق وبيختار لكل إنسان ( كل إنسان بلا أي استثناءات ) .
اممممممممممممم
محدش هيتجوزها لان مفيش راجل مصرى هيتقبل ان مراته ممكن تكون احسن منه و لو فى اى حاجة بسيطة....و اللى مكافىء ليها او زيها هيبقى عايز واحدة تحسسه بانه حاجة رهيبة و وااااااااااااو محصلش ، و اللى زى دى مش بسهولة يقدر يحس معاها بكدة
اللى زى دى عايزة واحد مخه متفتح شوية عشان يتقبلها ، و يتقبل ان ليها عقل زيه بيفكر ، و الشخص ده نادر قوى فى مجتمعنا
عشان كدة هى هتفضل كتييير مستنية لحد ماربنا يكرمها و تلاقيه
او ماتلاقيهوش خالص :)
أزال المؤلف هذا التعليق.
زمان الوصل
باقي عيوبها :) هههه كلها مقبوله يمكن امها نكدية او ابوها راجل مش متفاهم
اجندا حمرا +Heart Beat
ليه بقي ما يكملش !؟ هو عيب لو واحد اقل منها في حاجة او اتنين اتجوزها ؟
غير معرف
هو ده بقي يا باشا
ايه الشيء الخفي ده
عايزين نعرف ايه ام الشيء الخفي اللي بيحرك الناس كلها و هما مش دريانين ده
زمان الوصل
لأن من يكافئونها مش عايزين واحدة راسها براسهم في كل حاجة
علي ما اعتقد يعني
جبهة التهييس الشعبية
و لو لقينا واحد طايلها يا نوارة تفتكري هو هيرضي ؟؟
غير معرف
ماما عبيطة و لا ايه ؟؟
يَحيى المِصري
او يمكن مش هيقدر يحس انه راجل لو اتجوز واحده راسها براسه ...
أبو أسامة - مدونة كباية شاي
اللهم قوي ايمانك
Shams Elkharif
متفق معاك في كل حرف من ما قلت
كلام حقيقي جدا
الشتيمة بالأم بتوجع أكتر يا كراكيب، مش كدا و الا إيه؟ طبعا، الست موطن الشرف.
زيك زي ال مش عاجبك دا تمام. ما فيش أي فرق.
العادات والتقاليد يا باشا هي احدي "امهات" هذا الشىء الخفي
المشكلة انكم مصممين تماما أن الراجل هو اللي بن ستين كلب والست يا عيني يا حرام هي اللي مظلومة ومحضوم حق اللي جابوا ميتين أهاليها .
@زمان الوصل
بيقدم مين قال مش بيتقدم .. بس المشكلة في الغالب مش بتكون عندها هي .. بتكون عند أهلها اللي مش مقتنعين غير بمواصفات زوج محددة لبنتهم السوبر
صدقوني يا اعزائي فيه تواطؤ من الجميع .. المشكلة مش عند الراجل بن ستين الكلب بس
بالنسبة لسماتها الجسدية: جميلة و طويلة..انا مش شايفة ان في عائق..في رجالة كتير طوال بردو فوق ال 180 سم
بالنسبة لشخصيتها: اعتقد ان الراجل السوي مش هيكش من واحدة زي دي..بالعكس دي ذكية و مثقفة...هي بس عايزة واحد مختلف و يفدر يستوعبها و يبصلها على انها انسانة بغض النظر عن الالقاب( دكتورة) او الغني و الفقر
عندي اعتراض على "كل الاشياء الحلوة اجتمعت فيها"..علشان فيها تجاهل للطباع و بعض السمات الاخرى...مثلا هل هي متواضعة ولا حاسة بنفسها اوي؟ هل هي متفائلة و لا شخصية متشائمة؟ هل هي ودودة ام منفرة؟ قوية و صامدة ولا ضعيفة؟...الخ
علشان يا هنوش ناس كتير عندها مركبات نقص... تتربع من المنظر وتنسي أن في الداخل إنسان ... بشر حقيقي
وأقولك سبب أقوي
علشان تتجوز الأنسه دي عاوزه رجل ناضج ومتعلم وبيفهم .. ومخه كبير يعرف يحتويها... ودول الحقيقة موجودين كتير وبأقابلهم ... لكن بيكونوا أتحجزوا علي زمة واحده تانيه من زمان
:(
... نصيب
===
هانى
===
أمّا قلت "عيوبها" فى ردّى الأوّل كانت تريقه على نظرة المجتمع لبعض الصفات اللىّ مفروض تكون مميّزه بشكل إيجابى فى البنت بس المجتمع بيعتبرها عيوب لأنّها بترفع من شأن البنت .. يعنى هى الثقافه و الدكتوراه و الطول عيوب عشان تبقى باقى صفات البنت عيوب؟ :)
================
الزميل الغير معرّف
================
مبدئيا ممكن نتكلّم من غير ولاد الستين و السبعين كمان !! صح معاك حق فيه بنات بتكون عاوزه ترتبط بشخص سوبر بس البنت اللىّ بيتكلّم عنها "هانى" و فيه زيّها كتير ممكن تكون ثقافتهم خلّتهم يتخطّوا هذه المرحله .. بافترض كده يعنى .. و بعدين لو فضل الراجل يقول الست مش هتقبلنى لأنّى أقلّ و فضلت الست تقول لازم أتجوّز أحسن واحد فى الدنيا هنفضل نلف فى حلقه مفرغه للأبد كما قلت فى تعليقى التانى .. و "سونه" أجدع ناس :)
هاني
========
انا معترضه علي توصيفك للافضل
في ناس اقصر احسن من الاطول:)))
وفي ناس مش دكاترة ضافرهم برقبه الدكاتره
وفي ناس مميزة جدا تعرفهم لما تعرف عشرتهم
---------
والا معني كده ان الجواز للاسواء:((
الفي لعبه الحب والجواز مش دايما الراجل بيكون احسن
في ستات ضفرهم برقبه اجوازهم
طبعا الراجل مش بيتقبل ده بسهوله
ممكن ياخد واحدة متميزة لمجرد انه يقتنيها وبعد كده
ممكن يقمعها... يبطها ..يرخم علي امها
مش مقياس ابدا!!
انا زعلانه:))
عمرو غربية
لك حق طبعا و شكرا انك نبهتني علي حاجة باعملها و انا مش واخد بالي
بس تفتكر الحل اني كنت اقول له بابا عبيط مثلا !؟
غير معرف
لو سمحت اقرا التدوينتين السابقتين اللي مشارك فيهم مع ليلي
هما مش قصيرين .. و لا طوال بس موضح فيهم اللي انت بتقوله تماما
هتلاقيهم علي نفس المدونة هنا
Moon-baby
يا ماري انا حاولت احط كل الصفات اللي بتكشش الرجالة من البنات
ده كان قصدي
كونها متفائلة متشائمة طيبة شريرة حاجات ما بتكشش الرجالة زي اللي ذكرته
اكيد مش هينفع افصل وصف بني ادمه للنهايه
Basma
و لو كانوا موجودين فعلا .. و هما اكيد موجودين ..ز تفتكري هيعوزوا واحدة راسها براسهم و يمكن اطول ؟؟
زمان الوصل
اكيد لو اتكلمنا من وجهة نظر المجتمع هاتكون عيوب
و لو اتكلمنا بشكل محايد هاتكون مميزات
--------
مين سونة اجدع ناس دي ؟
لا ماهو لو لقيت حد طايلها ماديا مش ح تلاقيه طايلها معنويا
ازاي بقى يتجوز واحدة نبيهة ولقطة؟ لازم هو يبقى بالنسبة لها يبقى لقطة اللقط ويفضل زهقان منها ويشتكي ويحسسها انه يوم المنى بالنسبة لها يوم ما اتجوزها وكل ما تتكلم يتريق على عبطها وغباوتها وامه تقول له انت خسارة فيها
امال يبقى راجل ازاي بقى؟
بنت القمر
مش قصدي ازعلك :) كان قصدي اجمع شوية مميزات بتكون في البنات المجتمع بيعتبرها عيوب
اكيد في ستات رقبتها برقبة الف مليون راجل طبعا
و بالنسبة للنظرية النسبية بتاعة ناس اقصر احسن من الاطول
و ناس معهاش دكتوراه كلامهم يتعمل منه تلاتين الف دكتوراه
و ناس متميزة بتبان من العشرة
موافقك تماما و بشدة
-------
شفتي اديكي قلتي يرخم علي امها مش علي ابوها و عمرو غربية قال لي احنا بنشتم بالأم لأنها بتوجع اكتر
اجنا رجالة و بنات و ستات
طبعا ممكن يرخم علي عائلتها كلها لو حس انها احسن منه
اكيد ده بيحصل كتير اوي قدامي
جبهة التهييس الشعبية
في اغنيه شعبيه بتضحكني اوي بتفكرني بكلامك
يا تري اللي عملها كان قاصد و لا متأثر بالموروث الثقافي بتاعه
اغنية
افرحي يا عروسه
انا العريس
زقططي يا عروسه انا العريس
انا العريس
-----------
اما عن انه يعايرها بعبطها كل شوية فده يرجع للتدوينة الاولي بتاعة الستات مالهمش في السواقة
لأنه شهريار و هي شهرزاد
هي اذكي منه ساعات و لو ده حصل لازم تظهر اقل القليل من ذكائها دايما و تستخدمه في الحفاظ علي حياتها ختي لا يأتي مسرور السياف
مسرور السياف انه يقوم يضربها لأنها خالفت اوامره
و تحافظ علي حياتها .. يعني حياتها الزوجية لأنه بحصولها علي لقب مطلقة المجتمع كله بيبص لها بصات غريبة
قدامي نموذج حي للموضوع ده شفته بعينيا
الحل يا هاني إن لما حد يشتمك بالأم، تحس زي لما يشتمك بالأب، زي لما يشتمك انت. لما نبطل نحس إن الست هي مركز شرف الرجل، هنستغرب احنا ليه كنا شايلينها على الرف زي الحاجات ال خايفين تتكسر، فالست هتنزل من على الرف و تعيش في الدنيا.
انا عارفة القصد من جمع الصفات دي كلها في انثى
انا بس حبيت اوضح ان الانسان الي هيرتبط بيها و يرفضها لمجرد مجموعة الصفات دي و التعليم يبقى انسان سطحي...علشان هي في الاخر انسان مشاعر واحاسيس مش مفهوم (conecpt)
و الصفات دي تعتبر مميزات للراجل السوي الواثق من نفسه..و عيوب للراجل المكلكع اللي رجولته بتتخدش لمجرد ان واحدة مثقفة و ذكية الخ...
في بقى حالة عكس كدة تماما..و ده من واقع شخصي ...في رجالة تحب ان ترتبط بزوجة فيها الصفات دي اوي...و يبقوا مبسوطين انهم "امتلكوا" كيان زي كدة...امتلكوه و بقى تبعهم خلاص..الشيء دي بيخليهم يبردوا :) بس حياتها هتبقى سودا لو رضيت ان تصبح ممتلكات شخص يشعر بالنقص و يتشفى
عمرو غربية
موافقك تماما .. بس تعالي نتكلم بصراحة لو حد شتمني بالأم اكيد اكيد هتضايق اكتر من لو سمعت شتيمة بالأب
دي حقيقة كلنا لازم نقرها او معظمنا حتي
تفتكر ممكن نعمل ايه علشان نخفف من حدة ده في الجيل اللي بننتمي اليه و نلغيه تماما من الاجيال القادمة !!؟
Moon-baby
طيب ما هي طبعا مشاعر و احاسيس و في اشياء اخري بتؤثر علي ده
الواحد بيتصرف بشكل كامل
يعني كل مهنه و مستوي اجتماعي بيطبع علي اللي بينتمي له نوع تصرفات و اسلوب للتعبير عن احاسيسه
و حتي سلوك معين
يعني كله بيأثر علي كله يا ماري مش حاجة بعيد عن حاجة
الخوف من شخصية المثقفه وفهم الاخر لهاانها فاهمه حقوقها كويس بس بينسى انها عارفه ايه اللى عليها
~*§¦§ Appy §¦§*~
ما هو الخوف من حقوقها مش من ما عليها لأن الكل فاهم ما عليه و لو مش فاهم حقوقه يبقي عليه اكتر من المفروض
ليه هتتضايق أكتر لما حد يشتمك بالأم؟ فيه سبب بعينه؟
باسأل علشان غالبا دا له علاقة بليلى.
عمرو غربية
ما اعرفش بس هي اكيد بتجرح اكتر و تضايق
يمكن لأننا اتربينا علي كده
يمكن لأن الأم لها معزة خاصه عندي
ما اعرفش بس احب اسمع تحليلك لده
أنا أعرف وحدة ذي ما إنت بتقول كدة (مش بالظبط يعني ) و اتجوزت واحد فوق ال-١٨٥ سم .... الطيور على اشكالها تقع يعني
makine
علشان ما فيش فرق بين ال "مع ليلى"، و ال مش عاجبه ليلى. فيه فرق طبعا في الشكل. دول مع "حقوق المرأة"، و دول شايفين الموضوع هيافة، لكن في الآخر، كله شايف إن الستات حاجة خاصة، مش زي بقية البني آدمين، و المفروض تبقى لها معاملة مختلفة، لأن لها طبيعة خاصة غير العادي.
كل الفضفضة مفيدة طبعا بشكل من الأشكال، لكن قليل جدا من ال قريته في كلنا ليلى السنة دي فيه طرح جديد. الباقي كله عارف إن وضع الستات المفروض يتحسن، بس ما قريتش حد متخيل بالتفصيل التحسن دا شكله إزاي.
ليه؟ علشان كلنا لسة بنتهزق لما نتشتم بالأم، مش علشان بنتشتم، لكن علشان بالأم. علشان الست مستودع شرفنا.
أنا تقريبا جيت متأخر , مش عارفة أقول ايه بعد كل اللى قولتوه .
لكن فى رأييى الشتيمة بالأم بتوجع أكتر -( و لو أن أنا فى الحالتين بتضايق لأنى اتشتمت و خلاص , مش بركز فى اللى تقال)- لأن احنا أصلا معظم شتايمنا تخص الأم أو الست , و حتى اللى بتخص الراجل بتستخدم فى العادى كهزار ما بينهم وما بين بعض . يعنى لا تحتمل نفس القدر من معانى الاهانة .
سلام
غير معرف
طبعا الطيور علي اشكالها تقع
موافقك تماما
لكن اجتماع تلات صفات من دول في اي واحدة مش بيقللوا من فرص انها تلاقي زوج ؟؟ و لا رأيك ايه ؟
عمرو غربية
كلامك بالنسبة لموضوع مستودع الشرف حقيقي
بس عن وضع حلول لليلي بيتهيألي في التدوينتين السابقتين اتكلمت عن الاسطورة و الرمزية و تأثيرهم في المجتمع بتاعي في معاملة الانثي بشكل عام و قلت المفروض انه يتم كتابة قصص شعبي جديد ما يعتبرش الست شهرزاد و قلت حاجات تانيه و عرفت بعد كده من الجروب انه ده بيحصل فعليا و انه في امسيات حكي في بيت السحيمي بتعمل ده
ما اعرفش ان كان ده كافي او لأ بس كانت هي دي مشاركتي ما اعرفش ان كنت شفتها
-----------
ليه بقي انت ما كتبتش تصورك عن ده يا عمرو ؟؟ اعتقد انه هيكون مفيد خصوصا انه مدونتك معروفه
سارة نجاتى
طيب ما هو ده معناه اننا فعلا بنعتبر انه الراجل عنده شرف و الست لأ
ممكن نعمل ايه علشان نعالج الفكرة دي بقي ؟؟ يعني ايه تصوراتك لحل هذة المشكلة ؟؟
فعلا. نبقى واعيين و احنا بنقرا تراثنا لأخطاءه في نظرته للست. دا جزء من الحل. علشان نعرف الحل، ضروري نبقى عارفين إجابة لسؤال إنت سمعته النهار دا: "ليلى هتبقى مبسوطة لما..."
أنا عندي تعارض في المصالح و ما أقدرش أساهم في كلنا ليلى. ليلى مرشحة في مسابقة فضلى المدونات السنة دي، و أنا عضو هيئة التحكيم.
عمرو غربية
لما تخلص المسابقة السنة دي هاتفضل عضو هيئة تحكيم فيها ؟؟ لو كان بعد انتهائها ينفع تكتب تصورك عن حل يبقي شيء جميل حتي و لو كان بعيد عن الحملة تماما
نهارك جميل يا عمرو
لانه مهما عمل بيكون حاسس بنقص
مبدئيا أنا ملاحظة أن عندما يتم طرح أى مشكلة سواء فى التليفزيون أو الصحافة , تتطلع ناس تقول فين الحلول؟ , و ده لا دور اعلاميين و لا مدونيين و لا حتى مواطن عادى , لأنه مش كلنا عندنا الخلفية عن كل شىء تأهلنا لايجاد حلول له, أمال الشعوب بتنتخب ناس منها ليه ؟ , لكن التعبير عن معاناة الشخص من شىء أو أخذه بعين النقد ده شىء كلنا نقدر نعبر عنه . - ده بالنسبة للأمور العامة-
أما بالنسبة لمشكلات المصريات بشكل خاص , فأنا قلت قبل كده, حاجة من الاتنين , يا يتم تحرر المجتمع ككل و تتحرر ليلى معاه , أو ربنا يكرم حكومتنا و تتبنى الموضوع بجدية شديدة زى ما هى متبنية منع المظاهرات و الاضرابات , و فى وجهة نظرى المتشائمة أى حلول تانية أن ساعدت حالة أو اتنين مش ح تساعد التالتة .
تحياتى
يمكن لأن أصلا مفيش حاجة في الحياة كاملة
سنة الحياة هي النقص والسبب طبعا ان الكمال لله وحدة والجمال الكامل موجود في الجنة
وبعدين يعني هي متبقاش واحدة حلوة غير لو كانت طويلة كدة؟
مالهم القصيرين يعني؟
سارة نجاتي عاوزة الناس يسلموا مخهم للسياسيين. واجبنا يا سارة إن يبقى عندنا خلفية.
عندك حق فعلا إن تحرر الستات مرتبط بتحرر المجتمع، علشان كدا قضية المرأة جزء من السياسة ككل. دي ملاحظة ما ظهرتش على حد علمي في ليلى. بس إنت مثل على إن الناس يقدروا يشوفوا الحل لوحدهم، و من غير السياسيين أو غصبا عنهم كمان: تحرر المجتمع من تحرر المرأة، و تحرر المرأة من تحرر المجتمع.
أما الحكومة، فمش بتتبنى حاجة كدا علشان هي طيبة، فسيبك من دي.
بقى بذمتك يا عمرو أنا لو عاوزة الناس تسلم محها للسياسين كنت عملت مدونة أصلا , كنت استثمرت الوقت ده فى الكوافير . ههههههه
عشان كده قلت "شعوب" لأنهم انتخبوا احنا م انتخبناش حد, لكن اسمحلى أنا معنديش خلفية ازاى نوصل ميه للمنطقة الصحراوية الشاسعة فى مصر . و صباح زوجة عم سعيد حارس العمارة عندنا معندهاش فكرة ازاى تحرر ليلى , لكن ممكن تعترض على شىء ما و هكذا .
هانى اولا ازيك ومفتقداك كتير
ليلى هنا وضعها ملفت وهى مثقفة وطويلة ودكتورة وغنية وذكية مذيج من الصفات الجميلة نادرا ما تجتمع فى شخص واحد
ده طبعا مش عيب ليلى انها كده ومش هقول ضعف فى شخصية ادم انه بيشوف دى حاجات اقوى من قدراته هو ولا برده عيب مجتمع احنا افراده واحنا اللى وضعنا قوانينه وعاداته واحنا برده اللى عايزنها تستمر لان التغيير مش صعب قوى كده
التغيير مش صعب لكن الرغبة فى التغيير هى اللى صعبة لازم دى تتوجد الاول وبعدها صدقنى كل حاجة هتكون سهلة انا مع عمرو غربية ان تحرر المجتمع والمرأة مرتبطين ببعض ومرتبطين برغبة الطرفين فى التغيير وقصدى ادم وليلى لان ليلى فى حالة رفض ادم للتغيير كأنها داخلة حرب
ارجع تانى لسؤالك تفتكر ليه محدش هيتجوزها جزء منه هى كمان سبب لان النضج الثقافى والعلمى والعقلى بيخليها تبص لادم بمنظور مختلف وده بيصعب الامر اكتر ليلى جزء كبير قوى من مشكلتهاومحتاجة هى كمان تعرف تشارك فى حله
Desert cat
ممكن بس مهم نعرف سبب احساسه ده
سارة نجاتى
مختلف معاكي قليلا في موضوع عرض المشكلة فقط
يعني مهم اوي ان كل واحد يحاول يقوم بدور تنويري علي قده و في النهايه يكون قادر علي تعديل نفسه هو قبل الناس .. ده رأيي يعني
موافقك انه جزء من تحرير المرأة تحرير المجتمع بكامله لكن علشان ده يحصل لازم نرجع للجزء مش للكل ... المشكلة جزء من المشاكل لازم تتحل كجزء و طبعا باقي المشاكل تتحل معاها بشكل متوازي لكن يجب تجزئة المشاكل و افتراض حلول لها قد تكون صحيحة او لا و ده بيبان من الحوار و بعدها تنفيذ ده بشكل متوازي
يعني اكيد لكل شيء اشياء تؤثر فيه
لكن الجزء يتم معالجته كجزء بدون دمجه مع باقي المشاكل
يوميات نائمة في الأرياف
انا عن نفسي افضل اتجوز واحدة في طولي او اقصر انما النصيب بقي لو كان غير كده يبقي عادي :)
عمرو غربية
الحكومة عمرها ما هتغير في طريقة تفكير الناس لأن ده دور ناس تانيين في المجتمع مش دور الحكومة ابدا ... ده رأيي
سارة نجاتى
كلامك في التعليق التاني ردا علي عمرو وضح كلامك في التعليق الاول
كل واحد عنده رأي و تصور ما لحل المشكلة حتي ولو كان بسيط لازم يقوله حتي لوكان مش خبير في ري الاراضي الصحراويه او من الحقوقيين
tota
تووووووووووووووووووووتا
انت كمان واحشاني اوي علي فكرة
هاشوفك في المؤتمر اللي بيقولوا عليه ده و لا ايه النظام ؟؟ انا حتي ما اعرفش امتي هيكون .. الاسبوع ده تقريبا
-----------
ولا برده عيب مجتمع احنا افراده واحنا اللى وضعنا قوانينه وعاداته واحنا برده اللى عايزنها تستمر لان التغيير مش صعب قوى كده
----------
انت قلتي كده
موافقك تماما في الجزئية دي احنا اللي عملنا العيب و احنا اللي نغيره
احنا اللي عملنا العادات و احنا اللي نغيرها
--------
التغيير مش صعب لكن الرغبة فى التغيير هى اللى صعبة لازم دى تتوجد الاول وبعدها صدقنى كل حاجة هتكون سهلة انا مع عمرو غربية ان تحرر المجتمع والمرأة مرتبطين ببعض ومرتبطين برغبة الطرفين فى التغيير وقصدى ادم وليلى لان ليلى فى حالة رفض ادم للتغيير كأنها داخلة حرب
----------
ده برضه كلامك
ازاي بقي نحفز الناس انهم يكون عندهم رغبة في التغيير
انا شايف انه تجزيء المشكلة بيسهل حلها ... يعني صعب الواحد يلاقي حل سحري لكل المشكلة مرة واحدة
لازم الليلات يكون في حل لهم
و هكذا الذكور يكون لهم حل موازي
لا طبعا مش عيب و انا شايفه ان اي اتنين بيرتبطوا ببعض لازم يكملوا بعض مايكونوش نسخه طبق الأصل عشان الملل و كده يعني
اجندا حمرا +Heart Beat
انا ماقلتش اني شايفها عيب
كل اللي حاولت اقوله انه المميزات ساعات بتعتبر عيوب في البنات عند الناس
درأ للغيرة و مشاكلها الرجاله دايما بيفضلوا الأقل منهم طولا و جاذبية و مكانة اٍجتماعيه .ز ربنا معاها بس أنا ممكن أنقذها من العنوسه برضو هههههه
عمرو
هتتجوزها شفقة :)) هههه
إرسال تعليق
<< Home