الاثنين، مايو 22، 2006

بلياتشو مسرح مفتوح


عايش بلياتشو في مسرح مفتوح... خايف من حزنه الضحك يروح
بخطوط ألوان على وشه تبان بيداري الخوف لا رحته تفوح
أنت يا فنان بتداوي جراح؟.... ممنوع عليك إنك ترتاح؟
أصلك بلياتشو مسرح مفتوح
عايش و كأنك الضحك في دمك و أهم حاجة حلاوة الروح
الدمع يحوشك خايف لا وشوشك ألوانها تبهت و تروح
مافيش ألم و زعل و صراخ ... غير الضحك مش مسموح
أصلك بلياتشو مسرح مفتوح
عكس السير ماشي تخبط ... و في روحك بتلملم و تربط
و غيرك يشوفك بتصوت يضحك من شكلك الملووح
.سلامتك يا صاحبي أنا حاسس بيك وحاسس بقلبك المجروح
غير دورك يوم.... و أحكي الهموم
حتشوف ضحكه بجد في كل الكون
و أنسى شوية أنك بلياتشو مسرح مفتوح

Antika

24 comments:

Blogger The Eyewitness said...

غير دورك يوم.... و أحكي الهموم

رائعة...

6:45 م  
Anonymous غير معرف said...

الله عليكى
بجد مش عارف!!!!!!!! مش عارف!!!!!! انتى اكيد عارفة ان فى اوقات الواحد بيقف قصاد حاجات قدامه وبتهرب منه روحه و تروح هناك وهو مش عارف هى فين ولما عقله يحاول يفسر ميلاقيش الكلام جايز يكون هو ده وانا قصاد البلياتشو جايز!!!!!!! بس هو انا حسيت بايه بالظبط وانا بتفرج على بلياتشو الانتيكة..............مش عارف

8:37 م  
Anonymous غير معرف said...

كلمة روحته تقصدى بيها ريحته صح؟ خلى بالك بعد كده

9:07 م  
Blogger change destiny said...

كلام جميل


antika antouk you've been tagged

2:10 ص  
Blogger Rivendell** said...

غير الضحك مش مسموح .... ليه السور نبنيه حوالين روحنا لحد ما ننسى براه في ايه

4:17 ص  
Blogger مأمون المغازي said...

أنتيكا هانم
كل من له فكر هو هذا البلياتشو
كل من يبحث عن ذاته
هو مهرج في دنيا الهرج
والسامع والمشاهد أناني لأنه لم يجرب مرة أن يعزف على همومه مقطوعة السعادة للآخرين
تدوينة جميلة كما اعتدنا
لكن نفسي مرة نجرب نكون مكانه بجد
تحياتي

4:19 ص  
Blogger kalam said...

عايش ومسلم
يفرح يتالم
من اجمل ضحكه
الحزن يفوح

عايش بلياتشو
فى مسرح مفتوح

احزانه كتيره
احلامه عسيره
والضحكه كبيره
فى قلبه المجروح

عايش بلياتشو
فى مسرح مفتوح

الله عليكى يا انتيكه
الله

12:22 م  
Blogger مأمون المغازي said...

يا كلام يابو الكلمات:
تعبيرك أنتيكة
بسرعة كمله
ناقصه تسبيكة
اسهر عليه
كمل لغاه
واستعمل
كلمات البوليتيكا
وشبَّع كلامك
لحن ومزيكة
يلعن أبو الحزن
دندن يا واد
وقف له الفبريكه
طحنا يخرب بيته
خلانا طبخة ويكا
كمل على قد ما تقدر
واشكر أنتيكة
تحياتي للجميع

2:12 م  
Blogger zemos said...

حتى لو دمه سايح... برضه بيضحك

10:30 م  
Blogger karakib said...

The Eyewitness
merci 3al motab3a wel tashgi3:)

dokha
kalamak malyan tasa2olat we 7ira ketir! we fih 7aga mesta7'abeya msh arda awsalaha !

change destiny
mestaneya el post el gedid beta3ek ..

غواص بحر الأمل
sa7 benensah bara fih eih! yarab ne2dar nekasar el sour! we hal bara el sour aman lina ?

مأمون المغازي & kalam
7elw lama kelma aw gomla te2asar fik we te7'alik tebde3 7aga gedida
te7'al2 shi2 gedid:) merci 3ala kalamkom awi

moro
7ata law damoh say7! tefteker?
sa3b awi ya moro el kalam dah ye7zen!

بنوتة
merci ya fandem:)

antika

12:17 ص  
Blogger zordeak said...

رائعة .., بجد الله عليكى .., على فكرة اكتر حاجة ممكن تزعلنى وتخلينى ادمع .., انى اشوف دمعة بلياتشو .., وانتى نجحتى انك توريهالى .., بجد برافو

12:21 ص  
Blogger islam yusuf said...

جميله ....رائعه
انا شايف ان اى انسان فى الدنيا ديه
عباره عن بلياتشو بيرسم صوره حلوه
لحزن مدفون جوا العنين
ماسكاه ايدين مقطعه
مالهاش صوابع او عروق
انسان حزين و الحزن اصل مش صوره

2:39 ص  
Blogger karakib said...

antika ya antika enty 3arfa ra2yy min zaman fel kalam dah :D min sa3et ma konty bet2oly we have a lot of masks fy kol makan mask .. bene2la3 maskatna olayel awy odam nas olayela awy wy sa3at mosh bnla2y 7ad y2balna 3ala shaklena min 3'ir masks ... antika ana 3andy emt7anat 3ashan keda ma edertesh a3mel comment badry ... bas enty 3arfa ra2yy fel she3r dah min zaman :D ...
ana ayem azaker ba2a :D
antouk ...

2:02 م  
Blogger saiko said...

جامدين انتوا بجد اوى اوى اوى اوى

4:34 م  
Blogger حالة طواريء said...

كل واحد فينا مهرج على مسرح هذه الحياة
تحياتي

12:13 ص  
Blogger هوميروس said...

فكرتني باغنية اطمني

12:49 ص  
Blogger أجدع واحد في الشارع said...

كلام جميل بس بوح بس مش لناس لنفسك وهتلقى فى الاخر

4:43 ص  
Blogger arabic man said...

أنا أكثر ما يلفتني في المهرج (( بلياتشو ))إنو بيضحك الناس وهو ممكن يكون حزين جدا
كلام جميل وتحية لك

8:09 ص  
Blogger Unknown said...

مركبة
جاً ومحملة بالمشاعر
التي تتحدث عن تناقضات النفس البشرية رائعة
باحس بارتياح وانا باتصدم
بعد ما اقرا اى عمل أدبى

10:07 ص  
Blogger arabic man said...

بلوغ جميل اسمحلي أعملو لنك من عندي علشان أزورو دائما

1:50 م  
Blogger كمنجاتي said...

جميله يا أنتيكه هى صحيح متأخره شويه بس والله الأمتحانات الله يخرب بيتها
حاجه حلوه إن إحنا نشوف إللى غيرنا مابيشفهوش واللبلياتشو دا دور كل واحد فينا بيلعبه شويه أيام من حياته ربما أخذ حياته كلها وربما تغلب عليه وأسترد وجهه الحقيقى

10:08 م  
Blogger Heba Al_Menshawy said...

رااااااااااائعة يا كراكيب.. رائعة رائعة

9:36 ص  
Blogger أُكتب بالرصاص said...

رائع بالفعل

10:58 ص  
Anonymous غير معرف said...

o que quer dizer Olayel?? Preciso de resposta sobre isso em portugues ou ingles o mais breve possivel...grata thank you. Eliane bastos bydirecthomes@yahoo.com.br

10:20 م  

إرسال تعليق

<< Home