الجمعة، يونيو 30، 2006

أأأه يا ركبتي


كنت اقلب في دفاتر يومياتي امس لأقرأ أي شيء مما كتبت منذ فتره ... افضل ذلك في اوقات الوحده ان استمتع و استرجع قصه حياه واحد اعرفه جيدا ...لأعرف اين انا الان ...وجدت ذلك الدفتر اللبني يقع من اسفل الدرج
يا الهي ! انه اول دفتر كتبت فيه يوميات وقت ان شعرت لاول مره باحتياج ان ابوح بمشاكلي لنفسي علي الورق عام 1995 ...كنت قد بحثت عنه كثيرا حتي قاربت ان افقد الامل في اني سأجده وصفتها وصفا دقيقا في اولي صفحاته يدهشني ان يقوم به صبي في سن ال13 ربيعا به طريقه اعتنائها بشعرها و اقدامها و هذا الجينز الازرق الضيق ...حبيبتي الاولي ...لقد علمتيني أن الحب ممتع و مؤلم
فكل فتاه عرفتها علمتني درسا انساه احيانا .. اما انت فقد تركت لي اثرا لكي اتذكر الدرس دائما و ابدا ...فبعدما تركتيني انتفخت ركبتي بلا سبب واضح و ظلت تنتفخ حتي لم اعد قادرا علي ان احرك قدمي اليسري او اقف عليها حتي ...اخذني ابي الي الطبيب وجهه الغريب الابيض المستدير ذو النظاره الطبيه المستديره ايضا محفور في ذاكرتي حتي الان ... فقد جلس ينظر الي متفحصا في وجهي الغض الصغير الحزين و كأنه استكبر ان يحزن صبي في هذا العمر بهذه الشده حتي يتأثر جسده النحيل ظللت علي هذا الحال شهر و نصف الشهر ثم عدت كما كنت خارجيا اما داخليا فقد كان الجرح غائرا ... و حتي الان رغم مرور اكثر من عقد كامل اتذكرك في بدايه كل شتاء ... او عند اي تغيير صغير في الطقس لأن ركبتي تؤلمني مره اخري ...هذه هي ذكراكي ليست في قلبي و انما في ركبتي ...انه الم المحبين الخالد ... أأأه يا ركبتي
انتوك

38 comments:

Anonymous غير معرف said...

والله يا أنتوك انت أصيل

1:40 ص  
Blogger shababik said...

لذيذة يا انتوك

1:45 ص  
Blogger karakib said...

لماذا اراك على كل شيء
كأنك في الأرض كل البشر
كأنك درب بغير انتهاء
و أني خلقت لهذا السفر
إذا كنت اهرب منك ...إليك
فقولي بربك ... أين المفر؟
فاروق جويدة
--------------------------------
يطاردنا الحب الأول مهما حاولت تجاهله و نسيانه فهو نقش داخلك لوحه جميله ممزوجة بأرق المشاعر البريئة و أعذب الكلمات الرقيقة فإذا تجاهلته فترة يقتحمك بالقوة ليرضي كبريائه و غروره فهو يعتز بأنه معلمك الشخصي في دروس فن المشاعر
ترى هل الحب الأول هو الأول.. أم الحب الحقيقي.. حب العمر كله.. هو الأول؟؟

antika tatasa2al :)

2:37 ص  
Blogger karakib said...

يحي
الله يكرم اصلك

shababik
مرورك علي المدونه يسعدني كثيرا ...
انتيكه
انتيكه تتسائل و تجيب في نفس السؤال ..
الحب الحقيقي.. حب العمر كله
فعلا ...
enS-San
فعلا هو زي المانجه المززه ... بس بيبقي حلو .. و زي ما بيقولوا بصله المحب خروف
و مرايه الحب عاميه تخلي الكوسه باميه ...
--------------------
انتوك

4:44 م  
Blogger Gid-Do - جدو said...

كان نفسى اعرف تشخيص الدكتور كان اية ؟

لان دة كان شكل اعراض الحمى الروماتوزمية

8:15 م  
Blogger Mr-Biboooo said...

هههههه

مدورتش عغليها ليه

12:05 ص  
Blogger Nouran said...

يا اول مرة اشوف الحب بيوجع الركب لا انت متميز
حلوة اوووووي والله

4:11 ص  
Blogger karakib said...

Gid-Do - جدو
جدو واضح انك دكتور شاطر علي فكره هي كانت كده فعلا لكنها لم تؤثر الا علي ركبتي علي عكس ما كان متوقع كا المفروض تأثر علي القلب و كده ... لكن الحمدلله لم يحدث اي شيء و مارست رياضات عنيفه بعدها كثيرا و لازلت امارسها و الحمدلله قلبي زي الفل نشكر ربنا عالصحه ...و انه ما اتأثرتش لدرجه كبيره كان مكانها في ركبتي فقط و كأنها رساله من السماء لتقول لي انتبه بعد ذلك و لا تتمسك باي شيء زياده عن المطلوب مكانها في ركبتي بس قلبي لسه محدش جاب اجله ... ربنا يستر يا جدي العزيز
Mr-Biboooo
بحثت عنها في اغاني كاظم الساهر و اشعار نزار قباني ... رأيتها عده مرات في اماكن مختلفه بالصدفه ... حفلات و تجمعات شباب و اشياء مشابهه لكن ابت علي كرامتي ان اتحدث معها ..
تمضي بنا الحياه الي دروب مظلمه احيانا لكي ننيرها نحن بعقولنا عموما الان هي اللا شيء بالنسبه لي
Nouran
ما هي فعلا مكانها تحت اوي اوي حتي لو في المكان المصاب :)
انتوك

1:22 م  
Blogger Adel said...

تعرف يا انتوك ان انت صعبت عليا وسلامة ركبك يا سيدي بس بجد الله يحرق ابو النيلة الاول اللي بيتشعلق في النافوخ ويتبت في اعماق الجمجمة انت عارف ليه لانه حب بلا مقابل لا انت عاجبك جسمها ولا بتحلم تجيب منها بنت امورة زيها لكن كل اللي بتحس بيه وقتها انك بتحبها شروة كدة من غير ما تفاصل ممكن تكون مش حلوة ولا بيضة ولا ملفوفة القوام من الاخر مكن سعادتك في مراحل صباك الاولى تقع في حب كائن بلا ملامح لكن ايه السبب لاندري وايه الهدف لا ندري وايه النهاية لا ندري وفي الاخر نشوف نفسننا بنكبر وبنقول حب عيال واتنسى لكن كل شوية الحب العيل ده يتنطط يا اما على حجرك او على كتافك والاهم انه جاي من قعر نافوخ معاليك تحياتي يا انتوك ياللي صحيت المواجع في

4:53 م  
Blogger كمنجاتي said...

الموضوع دا جميل قوى يا انتوك طبعا مش موضوع ركبتك بس موضوع الحنبن للماضى
عارف ايه احلى حاجه فى الماضى انه ماضى دائما يحمل ذكرى الفرح الذيذه ويحمل ذكرى الألم التى تصبح ايضا لذيذه وذلك ببساطه لأنها مضت

جميل ياأنتوك انا بحس وانا فى البلوج دا انى فى حته قريبه قوى من نفسى

شكرا ليك

7:39 م  
Blogger Dr. Zeus said...

حلوه
وحمدا لله على السلامة يا انتوك
وسلامة ركب كل البلوجرز

2:09 ص  
Blogger change destiny said...

سلامة ركبتك يا اخوية :)

2:22 ص  
Blogger بعدك على بالى said...

لما الشتا يدق البيبان...
لما تنادينى الذكريات..
لما المطر يغسل شوارعنا القديمة والحارات.... ..
إنه الحنين ياعزيزى ، وما أجمله رغم ما قد يسببه لنا من آلام...جميل أن يكون لديك ما تتذكره فقد يمر العمر وهناك من يظل يتنتظر وينتظر، وذاكرته لازالت خاوية..

خالص تحياتى والف مليون سلامه

2:45 ص  
Blogger ADMIN said...

فكرتنى بالذى مضى

3:10 ص  
Blogger سابرينا said...

اية الدفتر الجميل دة
واية الكلأم الجميل دة

12:45 م  
Blogger Unknown said...

حلوة
بس كويس انك أول ما تفتكرها
تحط إيدك على.......
............


يعنى قفاك يعنى
فى ناس حبت ولا طالتش
وانضربت
واتكب عليهم مية ساقعة فى عز طوبة
وبرضة ليهم ذكريات


ع العموم جميلة
زورنى

4:12 م  
Blogger karakib said...

من زماااااااااان
ليست مواجع يا عزيزي انها الام الماضي .. مع الوقت تقل و ربما يوما ما ستنتهي ...
كمانجه
انا فعلا سعيد ان الكلام بتحسه قريب من نفسك ... لو تلاحظ اننا كاتبين في اول البلوج اننا شبه ناس كتير ..

طاغور
الحبيب الاول ليس بالضروره هو
shabaskandrany
الحياه كلها اشياء متشابهه

الحقيقي .. لكنها تكون مشاعر حقيقيه صادقه ... و لكن لا نضج فيها ...
Dr. Zeus
الله يسلمك يا دكتور ... شفت الحب بيكسبكم ازاي :)
change destiny
الله يسلمك يا سيدي :)
بعدك على بالى
الاغنيه اللي انت كتبتها ديه حلوه اوي ... لقيت نفسي عايز اغنيها

sabrina
تعيشي .. انت الاجمل
sarah
اكيد في سن ال13 ممكن الولد يحب ... و يحب بجد مشاعر بريئه و نضيفه و جميله جدا ... بس حب مافيش منه خوف فعلا بييجي فالركب بس و مش في اي مكان تاني الخوف الحقيقي من الحب في سن النضوج مش في سنين المراهقه الاولي

--------------------------
انتوك

4:16 م  
Blogger karakib said...

أبو أمل
الخوف مش من الضرب عالقفا
الخوف من الضرب فالمقتل
لا الركبه هتقتل و لا القفا هيقتل
يمكن يوجع
زي المياه الساقعه تمام
لكن ... في ضربات بتيجي في مقتل
و هو ده اللي يخوف بجد
--------------------------
انتوك

4:19 م  
Anonymous غير معرف said...

أزال أحد مشرفي المدونة هذا التعليق.

4:27 م  
Blogger ... said...

ممكن يكون الحب الاول هو الاخير لو أحسست به وأنت اكبر شوية

يعنى تشوف فيها اكتر من بنطلون جينز

تلمس روحها

ودة لما بيحصل والواحد صغير
مش بيوجع الركب بس

بيوجع كل حاجة
لأنك ممكن تحب بجد بس اللى حواليك بيتريقوا
ويسألوك
بتشتروا البامبرز جملة منين

:)

5:52 م  
Blogger Gbalawy said...

السلام عليكم
بص ياعم مشوار تعب ركبك بدون سبب ده وانك بتشيله للبنوته اللى سابتك بصراحه مش داخل دماغى
راجع زكرياتك كويس وشوف انت كنت وقتها فى الاعداديه افتكر المجموع يمكن تلاقى السبب :)

7:01 م  
Blogger karakib said...

حــــــلــم
و لا كان الحب عمره باختيارنا
ده كان قدرنا و بايدنا ايه ؟
سلمنا قلوبنا دوبنا
و بعيونا انا و انت قلنا الحلم ايه !!
مش بمزاج الواحد الحب بييجي ده بينزل زي البراشوت و انت واقف ولا واخد بالك من اي حاجه و مش حاسس باي حاجه غير انك فرحان و مبتسم دائما ... حاله وجدانيه لا توصف .. تعجز الكلمات عن وصفها فعلا ... بس تتحس
Gbalawy
بص يا استاذي العزيز انا طول ما كنت فالمدرسه كنت شاطر ... صحيح مش الاول لكن كان دائما بيعدوني مع المتفوقين .. في الابتدائيه و الاعداديه و الثانويه العامه الحمدلله كنت متفوق ... شاطر اوي في مواد علمي و ادبي ... كنت باحب الرياضه و التاريخ و الجغرافيا و العربي و الانجليزي و الفرنسي ...
الحمدلله يعني ..ما كانتش الدراسه السبب
الله يمسيها بالخير و يفقها في حياتها دائما كانت السبب مش بس فالركب لأ ده حاجات كتير اوي نظرتي اتغيرت لها بعدها ... ما تستغربش انه كان عندي 13 سنه ... بيحصل صدقني
انتوك

12:32 ص  
Blogger Gbalawy said...

انتوك باشا
مش قصدى انى استهزىء ابداا او استهين باللى حصلك بجد مش من طبعى بس كانت مناغشه على خفيف
على فكره اول بنت فكرت فيها كان عندى 10 سنين كنت فى سنه رابعه ابتدائى بس اتفرقنا لما ابوها ساب العماره ومسك بواب فى عماره تانيه
إهى إهى إهى إهى

2:53 ص  
Blogger MrMr said...

انتوك حبيب قلبي
بجد بجد انت مش قريبي او حد من اصحابي؟
انت قريب اوي اوي
الحمي الروماتزميه دي بجد حاجه غريبه اوي
فكرتني بحاجات كتيييييييييييييير
الف سلامه عليك يا جميل و خلي بالك من نفسك في البرد و تغير الفصول
:)

9:37 ص  
Blogger غادة الكاميليا said...

وأنا عماله أقول إيه اللي يخليك فاكرها في تغير الفصول وكده يعني أتريها طلعت ركبتك
والله دمك عسل

4:53 م  
Blogger abderrahman said...

الحمدلله إنها جت على قد كده

:)

5:35 م  
Blogger m_elsewedy said...

انتوك
ده لو كل واحد حبيبته سابته ركبه توجعه
غالبا كدة نص شباب مصر هايمشى يعرج
الف سلامة على ركبتك
والحمد لله انها جت على قد كدة على رأى عبده
:D

7:39 م  
Blogger manwella said...

بعيدا عن ألام الركبه يا سيد أنتوك فأنا بجد بجد باحسدك على حماسك العام فى الكتابه ومساحاتك الخضرا
وعموما الف سلامه

10:12 م  
Blogger manwella said...

بعيدا عن ألام الركبه يا سيد أنتوك فأنا بجد بجد باحسدك على حماسك العام فى الكتابه ومساحاتك الخضرا
وعموما الف سلامه

10:13 م  
Blogger karakib said...

Gbalawy
عارف انك كنت بتهزر يا باشا :) بس انا كان لازم اقول المعلومه دي ... علشان هي فعلا كانت السبب في اللي حصل
MrMr
حاسس كده انه انت كمان جالك حمي روماتيزميه ... صح ؟؟ جميل تعليقك ..اكتر حاجه تبسطني اني احس اني باكتب كلام قريب .... اقري اول حاجه كتبناها انتيكه و انا سوا تعرفي انك بتقولي لي انت عملت اللي انت عايزه
غادة الكاميليا
شفتي بقي روماتيزم الحب :) جديده مش كده :) ؟؟
Abdou Basha
اكيد الحمدلله ... علي كل حال الحمدلله ال>ي لا يحمد علي مكروه سواه ... دي حقيقه يمكن ده علشان اتعلم بعد كده ...
m_elsewedy
كويس انها جت في ركبتي ... انا اعرف ناس جت في عقلهم و اتزانهم الحمد لله اوي
manwella
علي فكره مدونتك ظريفه اوي ... الحماسه في الكتابه لانه فعلا الكتابه زي ما حد مشهور قال مش فاكر اسمه
الكتابه بديل للانتحار ... مساحه حره اقول فيها رأيي و ازعق باعلي صوتي و اقول للناس انا اهه رأيي اهه من غير اي تجميل و لا تبديل ... و افهم ايه ردود افعال الناس ...ناس جديده ما تعرفنيش اوي ... بجد فعلا شكرا لمن اخترع الانترنت و المدونات و كل اللي احنا بنستخدمه ده فعلا قدم خدمه كبيره اوي للانسانيه كلها
-----------------------------
انتوك

12:00 ص  
Blogger أجدع واحد في الشارع said...

حلوة موووووووووت يا انتوك

4:40 م  
Blogger bo9ali7 said...

lol
بس دير بالك على مذكراتك

5:13 م  
Blogger karakib said...

أبن الشارع
الله يخليك :)

bo9ali7
كويس انها ضحكتك :)
-----------------------
لتصحيح المعلومه لم تكن حمي روماتيزميه و انما حمي سبحيه .... حاجه تانيه غير الحمي الوماتيزيمه هو التشخيص الاول كان فعلا حمي روماتيزميه انما بعد كده طلع حمي سبحيه
انتوك

10:18 م  
Blogger أوزوريس يتحدى ست said...

لا لا لا
أحنا لازم نعيد عليك شروط ......الوظيفيه والتى تحتم عدم اعطاء المنصب إلى المصابين فى روكبهم
على اعموم سيتم مناقشة الموضوع من قبل المجلس الأعلى



ست بك

2:46 ص  
Blogger أوزوريس يتحدى ست said...

لأ لأ لأ
زعلتني بس انتا غلطان لو كنت مذاكر كويس كنت عرفت ان الواحد لما يقابل واحدة يلبس جينز واسع أو شارستون
المهم انا كنت فاكر انك هتنشر خبر انشاء الدولة اللي انتا وزير فيها أو واضح انك فاكرنا بنهزر
عموما الأيام بيننا

أوزوريس

2:55 ص  
Blogger karakib said...

أوزوريس يتحدى ست
اولا انا مبسوط اوي لقبولي وزيرا في دولتكم المصونه ...
و الحقيقه لازم افكر ايه اللي ممكن نعمله كوزاره اعلام و ثقافه ...
يمكن اعمل تليفزيون و راديو محترم
و ده اكيد
ده غير اني عايز اكبر دعم يكون موجود للكتب لازم الكتب تبقي ببلاش تقريبا
اللي يبيع كتاب باكتر من 5 جنيه هاحبسه
القرأه للجميع
بس بجد
ده غير اني هاعمل رحلات ثقافيه ترفيهيه حقيقيه
حاجات كتير سيبوني احلم و اكيد هاترجم الحلم في بوست
انتوك

12:02 ص  
Blogger Polka Dotted said...

salamet rokbetak :D

2:02 م  
Anonymous غير معرف said...

Wonderful and informative web site. I used information from that site its great. Infomercial neurontin Assfucking preggo Toronto shemale classifieds Stop smoking by laser in las vegas Sports games for the nintendo gamecube Discover infiniti in san diego Phd programs information technonomy online allergy air condition filters Coccyxdynia botox

2:20 ص  

إرسال تعليق

<< Home