الجمعة، يونيو 16، 2006

وحدي وسط الاخرين

كان طفلا صغيرا يستيقظ صباحا ليجد امه قد البسته الجوارب و هو نائم.... تحنو عليه بشده ... تحبه جدا تبدو له كاسفنجه تمتص من داخله دائما مشاكله اليوميه الصغيره بلمسه علي جبهته و حضن و قبله .... كان يعاني من مرض جلدي له شكل مفزع مقرف في كفوف يديه و رجليه ... في اماكن التلامس الاهم مع الناس و الاشياء و العالم الخارجي بالكامل
لم يكن يسلم علي احد الا و يظهر امتعاضه و معظم الاطفال من حوله يبتعدون عنه خوفا من العدوي و القليل يكلمونه من بعيد ...كان يتألم بشده من الشقوق في يديه و رجليه ... و داخل روحه ايضا
من نظرات الشفقه و الاشمئزاز من معظم الكبار المحيطين به
كان يحك يديه بشده الصدفيه تؤلمه و ابتعاد الناس عنه كان يجعله يشعر بأنه بداخل غرفه ضيقه مظلمه جدرانها عاليه جدا بلا ابواب يكاد يقتله اليأس و لم يستسلم
لم يكن مرحبا به بين الاطفال في الالعاب الجماعيه ككره القدم ... لذلك لم يكن يفعل اي شيء سوي ان يجلس مع صديقه البدين الوحيد ليتكلم قليلا و يتأمل كثيرا طباع البشر من حوله
لم يكن حزينا .. كان ثائرا جدا ... عاهد نفسه انه لن يسخر من الام الناس ابدا فوحده من لا يعرف الالم يسخر من الام الاخرين
عاهد نفسه انه لن يبتعد عن احد بسبب شكله ابدا حتي لا يصيبه نفس الاذي الذي يلحق به بشكل متكرر يوميا
و مع الوقت .... احب الجميع و احبه الجميع ... لم يعودوا ينظرون الي شقوق يديه الظاهره احب الجميع فقط لانه كان لديه بئر لا متناهي من الحنان و الحب .... انها امي
antouk

28 comments:

Blogger karakib said...

ana msh 3arfa 2a2ool eih 3al post dah....
fih masha3er 3'ariba ....
kol wa7ed gowah ma7'zoun kebiir awi men ayam el tfoula bey2asar we beyshakel sha7'seytna delwa2ty ...

bas lama aret el post dah awel mara waga3ni !!
ma3 enak beythay2ly mawaga3aksh keda wenta betkteboh !!
antika

12:55 ص  
Blogger 13E7 said...

أزال أحد مشرفي المدونة هذا التعليق.

12:21 م  
Blogger 13E7 said...

so nice, im touched ... so nice feelings and amazing way 2 express it, Bro big up for u ;)

13E7
only the dead have seen the end of the war

12:23 م  
Blogger sarah said...

تأثرت كثير مع الموضوع هذا
ربنا يطول عمرها
.
.
مدونة جميلة جدا
:)

3:15 م  
Blogger مأمون المغازي said...

ما زلت أريد أن أعرف
كم عمرك ؟
هذا تعليقي

تحياتي

4:00 م  
Blogger Lasto-adri *Blue* said...

كان يتألم بشده من الشقوق في يديه و رجليه


كانك بتحكى قصة واحدة عايشة معاها بقى لى 21 سنة

بس هى من غير ما تحاول تعدل من نفسها.. ربنا بعت لها اصدقاء حبينها لشخصها.. ومش فارق معاهم اى شئ غير ان قلبها صافى

5:02 م  
Blogger karakib said...

دايه اريد ان اكرر مقوله احد الفلاسفه العظام التي تقول هذه هي الحياه البغيضه التي جئنا فيها دون ارادتنا لنتعذب و نقمع و نري القليل من اهوالها ثم نرحل عنها ايضا دون ارادتنا
انتيكه :
البوست ده مش واجعني لانني منذ كنت طفلا صغيرا تعودت و تألفت مع الالم حتي اصبح كصديق لا يفارقني ابدا و له اشكال متعدده متكرره ... تختلف الاشكال و الالم واحد و مع مرور الوقت اصبح الالم صديقي الدائم الذي لا استطيع التخلص منه ... انت عارفه كده كويس يا انتيكه و فاهمه كلامي
13E7
مدحت صاحبي انا مبسوط اوي انك بتتابع مدونتي فعلا شيء يخليني سعيد انك انت تقرا الكلام ده لاني عارف انك بتفهم كويس و بتقدر و عندك قدره علي التحليل و السخريه من الاوضاع المستفزه و الاشخاص المستفزه دائما تدهشني و زي ما بقلك انت كل ما تيجي تقعد بتنسيني حاجات كتير بتحسسني اننا قاعدين فالمصيف او فالشيراتون رغم اننا بنقعد فالقهوه المعفنه اللي في شبرا اللي مالهاش معالم ديه :) لكن الورد دائما ما ينمو وسط الوحل و التراب ... و هكذا انت

8:29 م  
Blogger karakib said...

ساره : ربنا يخليكي يا ساره و يوفقك في حياتك احلي دعوه لامي تعيشي ربنا يخليكي ... كويس اني قدرت اوصل الاحساس الل كان الطفل الصغير و اللي لسه عايش جوا اعماق اعماقي كان بيحسها في سنين صباه الاولي ... كان طفل غلبان اوي مش فاهم ليه بيحصل فيه كده او الحكمه مما يحدث له
مامون الغازي :
و لو اني لا اؤمن بالارقام في حساب عمر الانسان ... الا ان عمري هو 23 خريف ..
و كما قال الرائع صلاح جاهين
انا شاب لكن عمري الف عام
وحيد لكن بين ضلوعي زحام
خايف لكن خوفي مني انا
اخرس لكن قلبي ملياااان كلام
و عجبي
Lasto-adri *Blue
عزيزتي كل البشر لهم همومهم او بمعني اصح كل يبكي علي ليلاه ... فقط يسخر من الام الناس من لا يعرف الالم ...
الاصحاب ثروه حقيقيه ... رصيد حقيقي لكل انسان في حياته و قديما قال احد الفلاسفه ان كان لك علي مدار عمرك كله 5 اصدقاء حقيقيين فلقد عشت حياه سعيده ... المشكله انه في اصحاب بنفتكرهم اصحاب و هما اقرب الي الاعداء من الاصحاب ... و الحياه مليانه بنماذج من البشر اللي مش بشر يعني ما تعتمديش علي الاصحاب دائما لان الاصحاب ربما يكون صفه الوفاء و الصدق غير متوافره الدنيا فيها حقيقه واحده بس .. و لا يمكن الاعتماد الا علي الاله الواحد فقط اما البشر فلا .. لا تعتمدي علي ذراع البشر
ابويا بيقول ما يحكش ضهرك غير ضفرك
انتوك

8:38 م  
Blogger sabrina said...

i really felt a pain in my heart, every one has his own pain but the good and senstive people who can write in a really tendre shape like you do.

1:35 ص  
Blogger The Eyewitness said...

رائعة...

3:58 م  
Blogger Ayyam said...

أنتوك الطيب والحساس كلامك أحزنى ولكنى فرحت عندما رأيت فيه صلابتك وشجاعتك فى مواجهه هذه الصعاب. أطيب التحيات إلى الام الحنونه فبفضل الله جعلت منك أنتيكاً عظيما مهما كانت الايام. لو سمحت يا أبو الأناتيك أن توصل لها سلامى وكل تقديرى. أتمنى لك الشفاء بإذن الله.

5:38 م  
Blogger كمانجه said...

جميله قوى يا انتوك الحجات دى بتبقى فعلا منفره وجميل قوى إن إحنا نحس بالناس دول والأجمل أن أحنا معبر عن دا بجمال

6:36 م  
Blogger sherif gharib said...

very cool feelings as it becomes soo rare that one still having these feelings to his mom sso that he writes on her these warm words
congratulations

10:42 م  
Anonymous غير معرف said...

antika

11:53 م  
Blogger karakib said...

sabrina
كلامك ده وسام علي صدري .. بجد متشكر
The Eyewitness
شكرا للمتابعه و كلماتك القصيره المشجعه

Ayyam
انا مش لاقي مدونتك ليه مش حاططها فالبروفايل بتاعك ؟
المرض الجلدي خلاص خف بعد 16 سنه لكنه ترك لي اشياء ثمينه جدا فعلا ساعات المرض بيكون نافع للانسان بيعلمه الصبر و الجلد شكرا ليك و لتعليقك الجميل و والدتي اكيد هخليها تقرا التدوينه دي ... حكيت لها اني كتبت عنها لكن ما قلتش انا كتبت ايه علشان اخليها تيجي تقرا ... تحياتي :)
كمانجه
انت الاجمل يا صاحبي
sherif gharib
شكرا لمرورك ... تعليقك جميل لكن المشاعر ديه مش نادره و لا حاجه ...
بس صدقني احنا اللي بننساها اختياريا ... و مشاكل الدنيا بتخنقها مع الوقت بتخنقها اوي يا شريف صدقني بس مش بتموتها ابدا ابدا
------------------------
انتوك

12:23 ص  
Blogger غادة الكاميليا said...

أنا اتأخرت كتير عليك يا أنتوك
بس بجد الكلام دخلني أوي
إنت بجد إنسان جميل

8:49 م  
Blogger Mr-Biboooo said...

حلوة فعلا

و على فكرة انا دايما بحس انه لازم تلاقى الصديق البدين ابو قلب طيب فى حياتنا دايما


اما عن بطل القصة ففعلا زى ما قالت لستو ادرى

بينا كتير حتى لو اختلف شكل المشكلة

8:51 م  
Blogger sasha said...

الصورة مع الكلام معبرة جدا . . . تحس كأنك نتتكلم عليه و قد ايه وحيد و متألم و انه ما لوش ذنب . . . ده ابداع .

10:57 م  
Blogger karakib said...

غادة الكاميليا
شيء جميل جدا انك تمري من هنا و شكرا علي تفاعلك الدائم ...
Mr-Biboooo
الصديق الطيب البدين دائما موجود و هو الاصدق دائما من كل الاصدقاء لانه يقبلك كما انت خصوصا ان كنت لا تستطيع تغيير ما حل بك من مصائب ...
sasha
متشكر لمرورك :) الصوره خدت وقت طويل فالبحث عنها لانني كنت ابحث عن صبي يجلس في مكان مظلم وحيدا ... كويس انها عجبتك كده احس اني لقيت الصوره المناسبه :)
---------------------------
انتوك

6:14 م  
Blogger حــلم said...

بوست صعب جدا

بس سعيدة انى جيت هنا وقريت كلام انتوك كدة

ربنا يخلى والدتك وكل الامهات
ولعلك تدرك اننا بالالم نعى اكثر ونحس ربما اكثر من الاخرين

وهذا مزية وعيب

ولكنه برأيى مزية أكثر

البيكيا هنا حلوة أوى والله من غير فصال

:)

1:56 ص  
Blogger Bassma said...

مؤلم اوي كلامك ..برعت في توصيل المعاناه النفسيه و الحسه علي السواء ..

10:07 م  
Blogger karakib said...

حــــــلــم
انا اللي سعيد انه انت مريتي هنا ...
احلي دعوه لامي ربنا يخليكي
Bassma
لم اكن اقصد الالم و لكن كنت اصف حاله مررت بها ...
وصفي للحاله دي كما كنت اراها تماما ... شكرا لمرورك
انتوك

1:10 م  
Blogger MrMr said...

انتوك البوست حلو اوي اوي
امنا دايما هي اللي عندها الحل السحري لمشكلاتنا
وهي كمان اللي بتخلينا احنا
مش عارفه اقول ايه عنهم بس بجد منغيرهم الحياه ماتتعاش
ربنا يخليهم لينا
و انا بقرا البوست عيطت و لما قريت تعليقك علي
Lasto-adri *Blue
عيطت اكتر
بجد احساسك عالي اوي
ياريت تفضل تحس كده بالناس و ماتجيش اي ظروف تخليك تحب تغير ده

9:35 ص  
Blogger MrMr said...

أزال أحد مشرفي المدونة هذا التعليق.

9:36 ص  
Anonymous غير معرف said...

Super color scheme, I like it! Keep up the good work. Thanks for sharing this wonderful site with us.
»

12:54 ص  
Anonymous غير معرف said...

I find some information here.

2:12 م  
Anonymous yank said...

A fantastic blog. Keep it up.
just visiting my site
Computer Information
Parisj Van Java
Anti Virus Protection
Digital Camera
New Anti Virus
Anti Virus Info an Virus Remover
Brontok Information
Music MP3 Download
thanks.

9:51 ص  
Anonymous غير معرف said...

That's a great story. Waiting for more. Breast implant statistics 2004 blackberry way oldies mp3 What happens when your baby gets eczema management training seminar best rated dishwasher

5:08 م  

إرسال تعليق

Links to this post:

إنشاء رابط

<< Home