غضب

يأكلني الغضب و التفكير ... لا اعلم الي متي سنظل في هذه المتاهات السخيفة ما بين اغبياء و جهال يسلكون كالخراف و اندال سفاحين يسلكون كالذئاب و الصبر كالحنظل في جوف العطشان ... حتما يوما ما ستظهر الافيال ... في انتظارها يأكلني الغضب و التفكير و الانتظار و الصبر المر ... اخرين يأكلهم القهر و القمع لفقد ابن او اخ او زوج ... ما كل هذا العبث العدمي !؟

نحن في المقدمة دائما

‎#احنا اول دولة في العالم عندها برلمان من غير دستور
#احنا اول دولة في العالم بتتكلم عن دستور بالاغلبية و رئيس توافقي
#احنا اول دولة في العالم فيها ناس بتتنافس علي منصب رئيس الجمهورية و هما ما يعرفوش صلاحياته ايه اساسا
#احنا اول دولة في العالم نواب برلمانها بيغيروا في القسم بتاع المجلس و هما بيقولوه و يزودوا عليه كلام من عندهم
#احنا اول دولة في العالم المتظاهرين الشرفاء فيها بيروحوا بس ما بينزلوش تاني , روحوا يوم 25 يناير و بعدها روحوا يوم 28 يناير و بعدها روحوا يوم 11 فبراير و عمالين يروحوا من ساعة ما نزلوا و تايهين مش لاقيين البيت تقريبا لحد دلوقتي
#احنا اول دولة في العالم فضل عندها كوتة عمال و فلاحين حتي بعد ثورة و بترفض الكوتة للمرأة و لما حد بيتكلم عن الكوتة كأنه قال كلمة قبيحة
# نحن في المقدمة دائما

رئيس الجمهورية القادم

انا مابعرفش اغني و ربنا كرمني بالغني ... يمكن يكرمني في رئاسة الجمهورية كمان

( سعد الصغير في انترفيو مع العربية حول ترشحه للرئاسة )

بصراحه باحييه علي صراحته لأنه المرشح الوحيد اللي قال حقيقته , بالرغم من انه كلهم زيه , مابيعرفوش يعملوا حاجة و ماشية مع الهبل دوبل و قالوا يجربوا حظهم في دي كمان